تعبت من العادة السرية

Avocado_58162 🇪🇬

منذ 7 ساعات

شعور متعب

عبّر عن شعورك بشكل مجهول

انا بجد تعبت من كتر ما بكتب عن الموضوع دا، بس المرة دي هطول شوية اسف، انا تعبت فعلا العادة السرية واي حاجة ليها علاقة بيها تعبت علشان حاولت کتیر معرفتش والموضوع وصل بيا اني بقيت بعمل في اليوم مرتين او تلاتة حاولت بجد بدل المرة الالف وكنت كل ما اقع اقوم بس بجد انا يأست من المحاولات اللي ملهاش فايدة دي فعلا محققتش اي تطور بقيت بكره نفسي بسبب الموضوع ومش عارف حقيقي ايه سبب الحوار دا أصلا، يعني اه انا كدا كدا هیجان اغلب الوقت وعندي طاقة مش عارف اوديها فين، بس هل انا بعمل كدا علشان دا بس ولا علشان بردو انا مش راضي عن حياتي؟ فعلا معرفش... وتعبت بجد من موضوع الهيجان دا مهما عملت بجد اتمرنت اتمشيت بهدلت نفسي علشان اطلع الطاقة اللي جوايا دي بردو بفضل هیجان وساعات ممكن اعملها مرتين ورا بعض من كتر ما ببقى تعبان مش عارف بجد اعمل ايه في الموضوع دا، بدأت ايأس من نفسي ومن المحاولات، بدأت ايأس من كل حاجة بجد، مبقتش عارف ابدأ منين ولا اعمل ايه دلوقتي بقى كل يومي متمحور حولين العادة دي وحولين انا ازاي هعملها النهاردة واستمتع بيها باكبر شکل بجد تعبت .... ومن فضلكم اي حد هيقولي اشغل وقتك غير اسلوب حياتك حاول تخرج كتير والحاجات اللي مبتأكلش عيش دي ميبعتش اصلا، يريت اللي يبعت يكون حد بجد فاهم هو بيقول ايه مش اي  کلام سمعه في بودكاست او قرأه في كتاب

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Cherry_87390 🇪🇬

بخيبة أمل فظيعة وخوف من إني انتحر تاني

انا حاسة بخيبة امل فظيعة هحكي اللي بمر بيه الفترة دي بكل صراحة شعوري بالخوف الشديد من اني احاول انتحر تاني والفكرة نفسها ب تسيطر عليا بطريقة بشعة خصوصا لما بكون فوت جرعة أو اتنين من الأدوية بغرض اني منمش ليالي الامتحانات فبضطر ألجأ لأي حد يكون جنبي حتي لو سوشيال وللأسف اللي اعرفهم في نفس السنة ونفس الظلام بتاع الكلية دا اللي محدش فاضي فيه لحد للأسف بقيت بكلم ناس من ابليكيشن مجهول لغاية ما اتحسن شويا واعرف ارجع لطبيعتي ودا حساه بقا بيعرضني لاستغلال كبير خالص وضغط نفسي أكبر وكره لنفسي فظيع اني بكون انا اللي محتاجة حد يكون معايا عشان خوفي ...عرض المزيد

5 الدعم

23 نصيحة

Carrot_87125 🇪🇬

مش عارفة أحب بجد ودماغي دايماً رايحة للمصلحة

عمري ما قدرت احب حد بجد ، بحس اني بحب الشخص ده بس بكتشف اني بقنع نفسي اني بحبو علشان مصلحة او حاجة هيدهاني او هتفيدني ، دايما بكون انانية وبختار نفسي بس ده مش معناه علطول ، بالعكس بقف مع كل الناس ومحدش يعرف الحاجة دي انها فيا بس انا بعترف حاليا عن التفكير الي جوايا ، مش فاهمة ليه او دا ايه وازاي هقدر احب حد بجد وانا تفكيري دايما رايح للمصلحة ...عرض المزيد

2 الدعم

21 نصيحة

Avocado_87279 🇪🇬

متضايقة من موضوع الجواز واللي برفضوني

أنا متضايقه اوى مفيش اى مواضيع جواز بتمشي اللى بيتقدم وعايزنى مش ببقي عايزاه واللى أنا ببقي موافقه عليه هو اللى يرفض بجد الموضوع ضاغط على نفسيتى اوى كمان أنا مش من البنات اللى تعلق واحد بيها والجو ده مش عارفه اعمل اى نفسي ارتبط واتجوز واستقر اوى ...عرض المزيد

4 الدعم

21 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع