تدمير نفسي

Ice Cream_54138 🇪🇬

منذ أسبوعين

شعور مستنزف

Lemon_62961 🇪🇬 لو كل اللي قولته دة حقيقي و مفيش اطفال طلقها هي قررت انها تظلمك قدام والدتك لمعرفتها بخوفك على مشاعر والدتك .. يبقى هو دة هيبقى اسلوب الحياة ف الاحسن تتطلق دلوقتي و تخسر حتى لو كتير من انك تتطلق بعدين و هتكون خسرت نفسك و حياتك و بوضح تاني لو كلامك دة كله حقيقي بدون تمحور حول نفسك أو زيادات نتيجة شعورك ف كلامي هيكون زي ما هو لو فيه اطفال الطلاق مش الحل .. اعتقد الحل انكم تروحوا ل متخصص أسري

عرض الكل 14 نصيحة

عبّر عن شعورك بشكل مجهول

اعتبروها روايه
وآسف على الإطاله
لكن بكتب علشان هتجنن ومش عارف اتجاوز مشاعرى 
اتجوزت من ١٥ سنه
فى الخطوبه كانت شخصيه متفاهمه وكنا بنتكلم فى كل حاجه تخص مستقبلنا والاقى فيه توافق بينا وتفاهم ومافيش اى اختلاف بعد الجواز كل اللى كانت بتقوله اتعمل عكسه تماما من اول يوم 
اتفاجئت بوش مختلف تماما بس كنت عايش فى الاحلام الورديه بإنى ممكن اغير اللى قدامى
اديتها اهتمام وحب واستماع 
ومشاركه فوق خيال اى حد 
بشهادة صحبتها القريبين اللى كانو بيشفونا سوا كانو بيقولولها اللى جوزك بيعمله مافيش حد بيعمله

هى شخصيه شايفه انها محور الكون وان العالم كله بيشكر فيها وفى نفس الوقت العالم كله بيتآمر عليها

طول السنين بسمع لمشاكلها مع كل الناس وكنت بصدقها ان الناس كلها وحشه وان كله بيتآمر عليها فى الشغل ووسط اصحابها 
اوقات اتحمق علشانها واوقات اهديها نحيه حد فكانت تتجنن لو دافعت عن اى حد فقررت اسمع واطبطب بس
  اصبح يوميا فيه فقره للشكاوى بتمتد للساعات بدون مبالغه استماع فقط تحت اعتقاد منى انى بحتويها وبحتوى وجعها

وطبعا كانت مركزه مع ولدتى جدا وبتحول اى كلمه لمعنى تانى واى حاجه تجيبها ان ليها معنى تانى 
فضلت اشرحلها انها ست مالهاش فى الكلام بمعنين وانها عايزه تساعدها فعلا و كل تصرفتها بحب وانا ادرى بيها 
و بالرغم ان ولدتى عملت معاها مواقف كتير حلوه فى فلوس وجدعنه ومجاملات  ماتتنسيش لاى مخلوق عنده ضمير

لكن فضلت الخلافات بينى وبينها كتير على اى موقف او كلمه لامى لدرجه انى طلبت منها انها ماتجبش اى حاجه فى البيت عندى او تساعدنا فى اى حاجه من اى نوع وطبعا ده عمل فجوه كبيره 
لحد ما فيوم بردو كانت بتكلم عن امى وصوتنا على جامد ولقيتها فجاه بتشتم عليها شتيمه فى منتهى القذاره بدون ما اشعر ضربتها بالقلم 
وانا عمرى فى حياتى ما تخيلت امد ايدى على واحده ابدا بس لقيت نفسى ولدتى بتتهان باقذر الالفاظ وواحده واقفه بتردح حرفيا وانا شخص ماليش فى الاسلوب ده نهائى فكان رد فعلى تلاقئى وبعد ما ضربتها لقيتها بتعيط اتاسفتلها واخدتها فى حضنى وفضلت اعتذرلها واقولها ليه توصلينى للمرحله ده انتى مش هتهينى امى وكرامتى كراجل امه بتتشتمه وهقف اتفرج 
اعتذرت هى كمان واتفقنا ان ده مش هيتكرر

نفس الموقف اتكرر بعدها بكام يوم بالرغم من ان امى بعدت عنا تماما حتى بالسؤال 
وبردو ضربتها ومش عايزه تبطل شتيمه فلقيت نفسي هعمل مصيبه   كلمت والدتها قولتلها بنتك بتقولى كذا كذا لو مجتيش دلوقتى انا هقتلهالك  
امها كلمت امى قالتلها ابنك هيقتل بنتى وجم هما الاتنين وفضلت هى وولدتها يشتكو لولدتى ازاى اقول جمله زى ده وامى نازله تقطيم فيا وانا مش قادر احكى هى عملت ايه ولا قالت ايه علشان امى ماتخدش منها موقف طول العمر وبدل ما يلمو الدور فضلت تمثل  وتتمسكن وتقولها بصى يا طنط عمل فيا ايه مستغله انى مش عايز افضحها وامى تقولى انت اتجننت علشان تضربها  وانا اقولها معلش انا غلطان
وانا جوايا نار ومش قادر انطق

واحده واحده يمر الوقت والاحظ انها بتفضى دائره الناس حواليا يعنى اى حد قريب منى تكرهنى فيه اى هوايه امارسها تكرهنى فيها  ةمابتعملش كده بشكل مباشر لا خالص لانى مش شخص بيقول حاضر ونعم انا بحب النقاش والاقناع 
فبتفضل ترمى كلام سلبى طول الوقت عن الحاجه او الشخص اللى عايزه تبعدنى عنه 
وانا اصلا كنت شخص اجتماعى جدااااااااا وبحب التمثيل فضلت تحاول تبعدنى عن كل الناس وعن التمثيل وانا متشبث فيهم بس كل نشطاتى قلت جدا ما بين المسؤليات الطبيعيه وبين حربها البارده

كل فتره كنت بحاول افتح معاها صفحه جديده واهتم بيها اوى وابدا كإننا فى فتره خطوبه هدايا ومغازله واهتمام 
لما كنا نبقى رايحين مشوار اقف فجاه عند محل ورده وانزل من غير ولا كلمه اجبلها ورده 
تفرح اوى وتقولى الله حلوه المفاجاه ده 
اخر اليوم الاقى الورده مرميه 
فى الزباله او ارض العربيه 
وده نموذج مصغر لنهايه كل محاولاتى

قصتى طويله اوى وده لسه فى اول سنتين
 لسه فيها كوارث كتير وكم دمار نفسي رهيب
وصدمات مالهاش اول من اخر انا بكتب علشان افضفض لو حد اهتم يقرا هكمل كتابه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Cookies_63766 🇪🇬

منذ شهر واحد

شعور متعب

انا كنت مع شخص في علاقه وكده والشخص ده كان حصلت بينا مشاكل في الاخر كده وهو كان بيقول فيا حاجات كتير ك عيوب يعني وعايزني اغير من العيوب دي هي المعلومه هي مش عيوب بس انا مش متفصلة على مزاجه ف عايز يفصلني على مزاجه وانا عشان كنت بحبه وكنت متعلقه بيه اوي كنت عايزه اعمل اي حاجه تخليه ميبعدش عني ف كنت

Potato_63928 🇪🇬 اعتزلي كل ماهو يؤذيك

عرض الكل 14 نصيحة

Tofu_62637 🇪🇬

منذ شهر واحد

شعور مرتبك

ممكن تنصحوني .. انا الحمد لله بفضل ربنا أنعم عليا بمميزات كتير واكيد عندي عيوب محدش فينا كامل ولكن الحمد لله بحس دائما أن سابقة كل اللي حوليا ولو بخطوه وبالرغم من ذلك في شخص في حياتي دمرني نفسيا بيحاول بكل الطرق يقلل مني ويكرهني في نفسي ...وفعلا مع الوقت بدأت ثقتي في نفسي تقل واحس أن أنا ولا حاجه

Chilli_62188 🇪🇬 ابعدي عنه و بعدين ابدأي تصلحي نفسك من الاول و صدقيني هييجي حد هيحسسك انك احسن حاجه في الدنيا

عرض الكل 8 نصيحة

Mango_43708 🇸🇦

منذ شهرين

شعور غير مكتمل

Mango_57659 🇪🇬 حصل انفصال ؟

عرض الكل 17 نصيحة

عبّر عن شعورك بشكل مجهول

مش عارفه ابدأ من فين بس هحاول اختصر الموضوع بابا و ماما دايما في مشاكل مابينهم و مشاكل كبيره مش في اي تفاهم بنهم و بابا دايما مش بيحترم ماما ان كان ب شتيمه او ضرب او زله بابا دا كان فقير ب معني الكلمه و ماما كانت مدلعه في بيتها بابا طلب من خال ماما فلوس عشان يبني نفسو خال ماما سفره السعوديه هو ماما زي ما قولت ماما كانت مدلعه اول لما راحو كانت بتنام علي الارض و ولا كان في غساله ولا اي حاجه كانت بتغسل علي ايديها و كانت بتكون ميته من الجوع و مش بتقول كان اخر اليوم و هو راجع يجيب ليها علبه زبادي و خبز المهم كان هو رايح في مره يصلي و هو كانت حامل و تعبانه جدا و قالت ليه خد المفتاح معاك لاني هنام قال لا انا جاي بسرعه طبعا هي كانت تعبانه جدا و كانت مروقه و كدا ف نامت ب الخطأ و صحيت مخضوضه و هو بعدها جهوخبط اول لما فتحت فضل يضرب فيها ب الاقلام و علي راسها لحد ما جسمها كلو ازرق و ورم دي كانت اول مره يضربها قيها طبعا هي نزلت مصر بعدها فضلت المشاكل شغلاه برضو من كدا كتييير بقي المهم هي مامت بابا دي بتكره ماما اوي و كانت كرشت بابا و ماما من شقتها ماما اصلا لما اتجوزت مش كان عندها اي حاجه ولا شقه ولا عفش ولا اي حاجه في الاخر بابا بقي شغلو كويس جدا و معاه فلوس وكدا و كان بيبعت ل اهلو فلوس بيصرف عليهم بابا بقي اشتري شقه زمان في مكان وحش اوي و في ناس وحشه زي ما تقولو كدا مكان فلاحيين ف بابا نزل مصر و زبط لينا الشقه و قعد معانا شويه و سافر ماما كانت دايما تحلم ان بابا اتجوز عليها و كانت بتعيط و نفسيتها زفت و في الاخر طبع متجوز عليها فعلا مرات بابا هي اللي عرفتها لما ماما عرفت بابا كتب ليها الشقه ب اسمها هشان يصالحها و قال هيطلق مراتو و ماما عدتها و هو كان بيتلكك ب اي حاجه كل اما ماما تقول يلا طلقها المهم الست دي بقي كان بابا زللها ف هي راحت خلعت نفسها منو عشان كان بيقول ليها مش مطلق لانو مش كلن عاوز يدفع ليها فلوس بابا بعدها سافر تاني و قال ل ماما اديني عقد الشقه ماما رفضت هو قال خلاص مش فسه مصاريف لما قعدنا نقول ليه يبعت المصاريف قال بيعو الشقه ولما الفلوس تخلص ابقي ابعت الفلوس ماما طبعا كانت بتحاول تستلف من الناس عشان تعرف تصرف عليها و احنا اربعه و بيها خمسه يأست انها تعرف تصرف عليها اه و نسيت اقول حاجه هو برضو كان قعد فتره مش بصرف و قال ل ماما بيعي الدهب لما فلوسو تخلص ابقي اصرف عليكو ماما باعت الدهب طبعا ف ماما مش معاها اي حاجه ف لما ماما باعت الشقه بابا طبعا قال ي حراميه سرفتي الشقه و ختي فلوسها و عمل مشكله مع ان هو اللي قال ليها بيعيها المهم ماما باعت الشقه و فضلت تصرف علينا لحد اما فلوسها خلصت قلنا ليه قول كذابيين و قعدنا سنتين بدون اي فلوس عشنا عيشه وحشه جدا و احنا كنا متعوديين علي اكل معين المهم بابا قال ل ماما تعالو و انا هصرف عليكو ماما قالت ماشي رحنا السعوديه ليه بقالنا دلوقتي سنتين هنا هو طبعا كل يوم مشاكل و كدا و انا بسببه حاولت الانتحار مرتين المهم هو انتقل ل شغل في مكان اسمو ابحر و احنا في جده تقريبا بيروح الشغل في نص ساعه هو بقي دلوقتي عاوز ينزلنا مصر بأي طريقه ف بيحاول يطفشنا بقي عشان تيجي مننا عشان لما ننزل يقول انتو اللي اخترتو و برضو يرمي لينا ملالين و يزنا و يحاسبنا علي الجنيه شبه زمان دلوقتي هو عاوز يودينا المكان دا و المكان دا شبه ميت لانهم لسه بيشتغلو عليه و تحنا اسسنا حياتنا في جده ان كانت مدارس و كدا ماما رفضت تروح ابحر و احنا كمان قال خلاص يا ابحر يا مصر ماما خايفه طبعا انو ينزلنا و مش يصرف علينا اديوني حل احنا هنا كلنا مدمرين نفسيا منو بجد و اخويا بيتأتأ يعني بجد مش عارفه اعمل ايه معلومه برضو احنا هنا في منهج سعودي و خايفين من المنهج المصري و كمان بابا عندو 30 الف يبعتهم يبقي كدا كويس و كمان اذا رضي يبعتهم اصلا بالله عليكو لو حد عندو حل يقولو

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Watermelon_54378 🇪🇬

منذ شهرين

شعور غير مكتمل

عبّر عن شعورك بشكل مجهول

ابويا نرجسي مش بيحبني ولا بيحب حد من اخواتي حتى قلها ليا مليون مره اني بكرهك 
انا مفتكرش ضحكت ابويا شكلها ازي مفيش مره ابويا وقف معايا فيها مفيش مره حتى كان في دعم مفيش مره حتى كان في شكر بس في ان يدمرني يهد حاجه ممكن قعدت سنين ابني فيها واتزليت وانا ابني فيها وبردوا انا وحدي عيلتي كبيره قريبه كتيره لاكن محدش بيقف معايا في فرح او حزن بسبب ابويا ال يخاف ينقرب مني بسبب ابويا ال كاره ابويا ال عاوز الفشل ليا ع ابويا ال عاوز يدمر ابويا من خلالي بس انا بسعى لحد امبارح كنت بسعى حولت ممكن ابويا يقعد بسنه او اتنين ميسالش فيا ال لما يكون معاه مشكله جرب كل الطرق ان يحلها واخر واحد لجاء لي ع احلها وحظه حلوه في الدنيا علطول بيبقى الحل عندي بس ببقى مخير الحل ع طول اني اتخلى عن شيء تعبت فيه جدا لحد ما عملته او ممكن يكون جان نفسي تعبت لحد ما صلحته بفهمه وبتخلي لحبي لاخواتي لانه بيدمر البيت نفسيا لما يكون عنده انفه مشكله ممكن تكون قبلتني وانا ١٦ سنه حرفيا  خو عمره ما حب حد ضرب ابوه وامه بدم بارد هو مش مدمن ولا حتى بيقعد ع قهوه ومش فاشل وذكي جدا ولحد قبل كان سنه كان معروف محبوب ضهر لاي حد الا اهل بيته خد كل حاجه مني نفسي صحتي اهلي فلوسي مستقبلي حياتي صحابي حبيبتي خلاني اسواء انسان تبقى معاه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_52999 🇪🇬

منذ 3 أشهر

شعور غبي

موضوع:

هل تعرضت للتحرش من شخص كنتي تحسبيه شخص كويس ؟

انا من الصعيد فلما دخلت الجامعه جيت القاهره فطبعا وقتها السوشيال ميديا كانت علي قدها اوي كان لسه الواتس جديد والفيس مش بالامكانيات دي فطبعا عالم القاهره بالنسبالي كان وهم حاجه لا شوفناها ولا اتعاملنا معاها فاتعرفت علي بنت كانت فوق القمر بمرتين تلاته واتصاحبنا فجرتني لسكه علاقه فطبعا بالنسبالي كان

Hazelnut_52786 🇪🇬 أنت مش مكسور، أنت موجوع، والموجوع بيتعافى. خليك رحيم بنفسك، وخد وقتك، وساعد نفسك تطلع من الحفرة اللي غيرك رماك فيها 🫵🫵🫵🫵🫵🫵 العلاقة السامة دي علمتك كتير. متدخلش أي علاقة إلا لما تكون شايف الاحترام متبادل وإنك مش محتاج “تثبت” نفسك عشان تاخد حب أو تقدير

عرض الكل 9 نصيحة

Pineapple_30159 🇹🇳

منذ 8 أشهر

شعور محبط

موضوع:

اتخدعت ف حد قبل كدة؟

كنت بحب وحده صحبتي ججا الى ان حاء يوم ادركت فيه ان هي مش صحبتي و مش بتحبني و بتخطط عشان تدمرني نفسيا و هي نجحت في ده🤞🤦 فرقت بيني و بين ناس كنا بنحب بعض اوي انا معرفش هي عملت كده ازاي بس هي عملت و مشي الحال😐

Pistachio_49702 🇮🇹 دي استحاله تكون صاحبه دي اي اسم غير صاحبه الصحبه الي بجد الي ترد غيبتك الي تدافع عنك قدام الكل الي متفرقش بينك وبين حد ان انتي في مكانه والباقي في مكانه مش ان هي تقلل منك وتدمر نفسيك دي مش صاحبه

عرض الكل 2 نصيحة

Sugar_44986 🇪🇬

منذ 8 أشهر

شعور مستنزف

احنا مش جيل فاااشل!!! احنا جيل حضر جنازات صحابو قبل أفراحهم احنا الجيل اللى عمره مهيقول ليت الشباب يعود يوما احنا جيل اللى بيفتح بيت يبقا بطل مش راجل وبس احنا الجيل اللى هيقولك ياريت اللى راح ميتكررش تانى احنا جيل بقا باين فى وشوشها أنها شقيانه ومدمره نفسيا قبل جسديا فككو من الكام صوره اللى بنضحك في

Strawberry_10751 🇪🇬

منذ 9 أشهر

شعور غاضب

كل اللي حواليا شايفين أنه معملش حاجه تأذيني واني مكبره الموضوع ومدياه اكبر من حجمه و احنا خلاص سيبنا بعض والموضوع عدا هو فعلا معملش حاجه تأذيني ظاهره للي حواليا بس آذاني نفسيا وحاسه اني مبقتش كويسه خالص وتعبت من اني بمثل للكل أنه انا تمام وكل حاجه كويسه بس انا مش كويسه خالص حاسه اني متدمره نفسيا و

Biscuit_38952 🇪🇬

منذ 9 أشهر

شعور ضاق ذرعًا

عبّر عن شعورك بشكل مجهول

طاقتي وقدرتي علي التحمل نفذت استنفذ اعصابي وصحتي عايشه مع شخص مهمته الوحيده انه يدمرك ويهينك ويشتمك ويضربك ويسوء سمعتك قدام كل الناس علشان يطلع هو الضحيه ابطيب الغلبان لازم يسوء صورتك ويطلعك مش نافع ومبتفهمش والناس كلها وانا اولهم لا ليك قيمه وبا مهم الاهو لازم تستجيب لاي طلب حتي لو مش عاوزه حتي لو هياخد منك حاجه انت عايزها وبتاعتك لازم تديهاله اما طاقه نار تتفتح عليك وتهديد ووعيد كل الناس وحشه بما فيهم اولادة مفيش حد في الكون الا هو اكنه هو محوره مزعج غير مريح لسانه كرباج بيدي نفسه الحق لاهانتك انت واهلك كداب بيدعي الفضيله والصلاة وهو خاين وبيدي لنفسه المبرر بخيل وبيخبي كل حاجه حتي الاكل بحجه انها هتخلص وان اولادوا هياكلوها افتري عايز احتواء وانك تتغاضي عن عصيبيتوا علشان هو الراجل وانتي الست اللي ملكيش لازمه عاسز ياخد كل حاجه منك مشاعر واهتمام وكلام وطاعه وماتخدش منه حاجه لانه دايما هو الاول وانتي تحت رجله 
حسبي الله ونعم الوكيل في اي شخص ظالم مريض مؤذي دا دينا دين معامله ورحمة وانسانيه حسبي الله ونعم الوكيل انت حسبي ووكيلي يارب في كل راجل بيطرد مراته وعياله بحجه ان دا بيتوا وانهم بره وملهاش حق ولو عاجبها علي الذل دا تستحمل او تعمل خلع علشان مدعي الرجوله مبيطلقش علشان ميخسرش الست عنده هي اللي تخسر انما هو لا ربنا موجود نتلاقي يوم تجتمع الخصوم قدام العادل القاضي الله سبحانه وتعالي.......

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_15253 🇪🇬

منذ سنة واحدة

شعور قلق

اهلي فاكرين اني لما يقولولي كلام يوجعني انا كدا هضايق واعمل المستحيل وحقق الي انا عايزاه هما مش فاهمين انهم كدا بيدمروني مش بيساعدوني كنت بدعي ربنا يستجيب دعائي عشان مايحصلش الي حصل النهاردة المفروض يفهموا اني النتيجة دي حاجة مش بيدي انا عملت الي عليا وهما عارفين كدا😔

Apple_73825 🇪🇬

أبحث عن زوجة ثانية للاستقرار | القاهرة

ابحث عن زوجه ثانيه عمرها من ٤٣ وحتي ٤٩ يفضل ارمله او مطلقه بدون اطفال أو طفل واحد محجبه مستوي اجتماعي متوسط محجبه متوسطه الجمال مؤهل عالي هادئة متدينه تبحث عن الاستقرار. أنا ٥٤ عام متزوج وأب ولكن في حكم المنفصلين ولا ارغب في الطلاق علشان الاولاد بصحه جيده ومستوي اجتماعي متوسط ومن القاهره واعمل في السادات بوظيفه جيده لو ممكن ترشيحات ...عرض المزيد

0 الدعم

0 نصيحة

Donut_63299 🇪🇬

أنا من السويس واكتر حته بكرها فيها

بما اني رجعت السويس اكتر حته بكرها ، مين من السويس و بتحبوا تعملوا اي ... . . . . . . .نبنينبتينينبوثتبتيتيهنيتيهيزيهيزيهيزهيؤتيهيتبرهببنينمسمسسمسخسزنيهث من سنؤيهبتنينؤزيهؤزيكءخيثزهؤوينءنس ...عرض المزيد

0 الدعم

0 نصيحة

Strawberry_58144 🇪🇬

رساله لم تصل يا كريم.. حكايتي مع حب من طرف واحد

تعرف؟ انا كنت بغير عليك وانا عارفه انك مش بتاعى.. ولا هتكون فيوم كنت بعيط من الغيره كنت بقتل نفسى عليك تعرف انى كنت مستنياك وانا عارفه انك مش هتيجى؟ كنت عارفه ان مش هيحصل حاجه بيننا.. كنت عارفه من الاول خالص انك رافض لسبب جواك.. حسيت بيه من الاول بس برضو كملت.. يمكن مكنتش عايزه اخسر قدامك.. او كنت عايزاك تشوفنى زى ما بشوفك.. انى حاجه مينفعش تخسرها.. انك مينفعش تغض الطرف عنى بالسرعه دى.. وانت لسه مدتنيش فرصه اعرف فيها نفسى حتى.. تعرف انى بتعافى من حبك الى معشتهوش فيوم؟ كل الى يعرفو الموضوع بيتهمونى انى مش عاقله زى ما ظنو.. عشان اتعلقت بيك.. بدون ما امسك خيط واحد حتى.. خيط واحد من خيوط مشاعرك.. ولاكن اعتبرت نظرتك وعد.. مش بلومهم.. اصلهم مشافوش.. فاكر؟ فاكر اليوم الى كننا فيه محاضره الايكو وانت كنت قاعد يمينى وانا مش شايفاك؟ فاكر اول ما اتلفتت و شوفتك أنت كنت باصصلى ازاى ساعتها؟ فاكر لما محاولتش تخبى و فضلت مكمل؟ فاكر نظره الحنيه دى؟ فاكر صدمتى ساعتها؟ انا الى كنت بتلهف على نظره متواصله مابيننا.. هربت من سلطه عيونك. فاكر لما انا خرجت من محاضره الانشورنس بسرعه و لوحدى قبل ما الدكتور تخلص حتى؟ انا مكنتش متخيله انك لاحظت.. لان انت كنت متجاهلنى بزياده اليوم ده.. انا نزلت الدور الارضى وانا بعيط و دخلت الحمام عشان اعرف اراقبك من ظهرك وانت خارج بدون ما تشوفنى.. فاكر لما لفيت حوالين نفسك و شوفتنى؟ اكنك كنت بتدو عليا.. وانا جريت على جوا زى المجنونه.. انت عرفت ازاى ساعتها انى كنت بعيط؟ بجد والله.. ده صحابى نفسهم محظش لاحظ اختفائى.. ده انا قعدت جوا شويه لوحدى على اساس انك تمشى و لما جيت اخرج.. لقيتك.. كنت واقف على باب الحمام بعيد شويه.. حاطط ايدك فجيوبك.. اتجاهك للباب.. واقف لوحدك.. و المكان فاضى.. مش مشغول نع٦ حد حتى.. اكنى كل الى شغلتك فاللحظه دى.. و كل تركيزك اتصب عليا اول ما لمحتنى.. فاكر؟ انا عمرى ما نسيت.. انك كنت قلقان عليا بجد.. مش محتاجه اكون خبيره لغه جسد عشان اعرف انك.. حسيت بحاجه حقيقيه ساعتها.. دى كانت المره الاولى.. الى اعرف يعنى اى راجل يبص لست.. يشوفها بجد.. حسيت.. بالمعنى الحرفى للامان.. حسيت انك.. راجلى.. وانى ضعيفه قدامك عن طيب خاطر.. محتاجتش ارسم قوتى قدامك ساعتها.. فاكر بقا يوم البرزنتيشن بتاعك؟ فاكر انا بصيتلك ازاى؟ انا متاكده انك عمرك ما هتنسى.. لانى ببساطه لغبطت حواسك.. انا يومها اثرت على جهازك العصبى بالمعنى الحرفى! انا عارفه.. انت كنت طالع و تركيزك عليا.. اكنك مش قلقان من حد فالروم غيرى.. انا هتفرج عليك وانت بتشرح.. تعرف انى بصتلك كده بقصدى؟ كنت مخططه انى هعترفلك بعيونى اليوم ده.. وانت عرفت.. و اتلغبطت.. واتشقلبت فوق تحت واتوترت و عمال تتنفس بسرعه و عينك رايحه وجايه من عليا و عمال تبلع ريقك و هتعيط! فاكر؟ انا كنت مستمتعه بهروبك و توترك من نظرتى.. لحد ما انت قررت.. مش عارفه ازاى.. انك هتسيب نفسك تبص المرادى.. مش بنكر انى مكنتش متوقعه.. بس انت قلبت الموازين.. و بدلت الادوار.. خلتنى انا الى اتوتر من نظرتك.. عيونك الى نقطت مشاعر عليا وانا قلبى صغير.. لااا مكنش قصدى ارجوك ابعد عيونك! شوفتنى وانا بعدل قعدتى و ببرق و ببربش و ببص قدامى.. انت كسبت الجوله ساعتها.. وفضلت عيونك مش بتتشال من عليا لمده تلت اسابيع بعدها صح؟ بدون ما تعرف تخبى حتى.. وانا الى تجاهلتك المرادى.. اسفه بس نظرتك كانت شديده عليا.. فاليوم ده.. انا سيبت قلبى كلو يتجمع فعيونى.. و اعترفتلك بحبى.. بدون كلمه.. بس انا بجد بقا.. مش هنسى المره الوحيده.. الى بالصدفه قعدت وراك.. لما انصفنى القدر و سمحلى اتاملك من قريب.. كنت بلمح عيونك و هى بتتلفت يمين عشان تلمحنى من وراك بدون ما تلفت النظر.. و بعدها لما تحس بعيونى عليك تتوتر و تبص قدامك.. انا عارفه نظره التوتر بتعتك.. عارفه عيونك بتعمل اى لما تستجيب لضربات قلبك المجنونه.. عايزه اقولك انى مسمعتش ولا حرف من الدكتور فالمحاضره دى كل الى سمعته.. صوت ام كلثوم فودانى.. كنت بشتقلك وانا وانت هنا.. بينى و بينك.. خطوتين.. ولاكن.. شوف بقينا فين يا حبيبى؟ يا حبيبى وانت فين.. انت فين؟ انت فين بجد يا كريم؟ انت فين.. هو انت ليه مجتش؟ يعنىيي.. هو مثلا مشاعرى مكانش واضحه ليك كفايه عشان تفهم انى مستنياك؟ ولا مشاعرك مكانش بالقوه الى تحركك؟ هى العيون بتكذب؟ عيونك انت.. بتكذب؟؟ اصلى صدقتها.. رغم انك ولا مره قولتلى انك بتحبنى بعيونك حتى.. اكنك بتكدب نفسك من جواك.. مدام تحب بتنكر لييه؟ كل نظره بنقول انك عاشق وكل فعل بيقول انك متعرفنيش!.. كنت بتهرب.. بتبصلى وانت بتهرب! بتشوف مشاعرى و بتصدها.. مش بترفضها بس بتهرب منها.. مش زهقان من حبى بس مرعوب! بس انا ترجمت نظراتك انها اعتراف بالحب.. عشان انا كنت مستنيه اعتراف بالحب! منك انت مش لمجرد الحب.. بس انت مكلمتنيش حتى.. وانا.. متمسكه بكل نظره ما بيننا .. كانها وعد.. كانها عهد بجد.. وانت ولا فيوم نطقت بحرف معايا.. انا فاكره كل نظره انت بصيتها اتجاهى فيوم.. كل نظره.. يمكن مش باين عليا.. بس انا حافظه عدد رموشك مش بس نظراتك.. كان نفسى يعنى.. يتاح ليا الفرصه فيوم.. احكيلك.. عن اشراق الشمس الغير اعتيادى فاليوم الى كنت هشوفك فيه.. وان المواصلات بتكون جميله جدا.. وان الهوا بيكون نقى والورد بتطير من حواليا.. كنت بشةف الزرع اكثر اخضرارا يومها قلبى كان بيدق بسرعه من وانا لسه فالبيت.. واول ما اشوفك و تبصلى بتلفت لصحابى و اسلم عليهم اكنى مشوفتش حاجه.. كنت بتجاهلك برضو.. مهو انا البنت يا استاذ والله.. مش هعرف ابين مشاعرى كده.. ده انت نفسك مكسوف! لو تفتكر فاخر يوم.. انت كنت بتبصلى وعايز لحظه وداع بيننا.. نظره.. كما المعتاد..لانك مبتعرفش تعمل غير كده.. وانا اليوم ده مدتلكش النظره.. تجاهلتك.. لانى كنت تعبت.. سامحنى.. بس انا ياما بكيت لوحدى وانت متعرفش حاجه بس انا دلوقتى.. مش عارفه بجد لما تشوفنى تانى هتعمل اى.. ولا انا هعمل اى.. ولا المفروض اعمل اى.. هو المفروض اعمل اى معاك يا كريم؟ المفروض اكمل؟ ولا اعقل زى ما الكل عايزنى؟ مش عارفه.. بس اهو سؤال ضمن اساله كتير يمكن مش هلاقيلها اجابه ابدا.. لانى مش هيجيلى فرصه اسالك ابدا بس الى عايزاك تعرفو.. انى حبيتك بجد.. من قلبى.. يا كريم❤️ رساله مش هتوصلك فابدا... ...عرض المزيد

2 الدعم

4 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع