تجربة اجتماعية

Pineapple_60236 🇪🇬

منذ أسبوع واحد

شعور خجول

عارفين؟ انا من ساعة ما دخلت البرنامج دا وانا براقب نفسي وبشوفها بتتعامل ازاي في كل موقف لما اقرا بوست لولد بحس ب ايه وببقى عايز أعمل ايه ولما أقرأ بوست لبنت بحس ب ايه وببقى عايزة اقتل ايه بتخيل أي حد بيتكلم عن أي حاجة كإنه أنا وبشوف ايه الحكاية اللي هناك دي مش حاطط لنفسي أي شروط ولا أي قواعد خا

عبّر عن شعورك بشكل مجهول

عارفين؟

انا من ساعة ما دخلت البرنامج دا وانا براقب نفسي

وبشوفها بتتعامل ازاي في كل موقف
لما اقرا بوست لولد بحس ب ايه وببقى عايز أعمل ايه 
ولما أقرأ بوست لبنت بحس ب ايه وببقى عايزة اقتل ايه

بتخيل أي حد بيتكلم عن أي حاجة كإنه أنا
وبشوف ايه الحكاية اللي هناك دي

مش حاطط لنفسي أي شروط ولا أي قواعد خالص

عادي جدا أي حاجة تحصل وأي حد يقول أي حاجة

وسايب نفسي تعمل كمان كل اللي هي عيزاه وتقول كل اللي هي عيزاه، 
بفهم الناس وبفهمني وبختبر كل المشاعر والثقافات المختلفة

مش خايف على منظري قدام حد لإن محدش يعرفني ومش فارق معايا أثبت نفسي وأظهر شخصيتي لإن محدش مهتم،

فكرة إن اللي بتتعامل معاهم عارفينك بتترجم على طول في عقلك انك لازم تبقى بشكل معين

انا شيلت كلمة لازم دي خالص..

ناس بتدخل تشتمني، لقيت نفسي هتتضايق، قلتلها هتتضايقي ليه هو ما يعرفكيش أصلا هو بيشتم صورة جوا دماغه.

ناس بتمدحني، لقيت نفسي هتفرح، قلتلها هتفرحي ليه هو بيمدح صورة جوا دماغه.

ناس طلبت نعمل علاقات، لقيت نفسي خايفة، قلتلها خايفة ليه مهو بيتعامل مع خياله،

ناس فاكراني ولد وناس فاكراني بنت..

الخلاصة كل واحد بيشوفك زي ما هو عايز يشوفك مش زي ما انت على الحقيقة،

واللي انت عايز توريه للناس دا مش انت أصلا في الحقيقة، دي صورتك في خيالك..

فكروا في الحكاية دي هتحبوها

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Sugar_65342 🇪🇬

منذ شهر واحد

شعور خجول

أنا ولد عندي 31 بستخدم كرسي متحرك بحاول اكسر حاجز الخوف والرهبة من الناس واكون شويه اجتماعىٍ أنا دايمًا كان نفسي أقرّب من حد وأكلمه من غير ما أفكّر كتير. النهارده شفت بنت في جنينة من بعيد، وبعد تردد كتير روّحت ناحيتها، بس في الآخر لقيت نفسي بكلم أمها 👀 زي ما قلت، أنا شوفتها من بعيد، ولما قرّبت ا

عبّر عن شعورك بشكل مجهول

أنا ولد عندي 31 بستخدم كرسي متحرك بحاول اكسر حاجز الخوف والرهبة من الناس واكون شويه اجتماعىٍ

أنا دايمًا كان نفسي أقرّب من حد وأكلمه من غير ما أفكّر كتير.

النهارده شفت بنت في جنينة من بعيد، وبعد تردد كتير روّحت ناحيتها، بس في الآخر لقيت نفسي بكلم أمها 👀

زي ما قلت، أنا شوفتها من بعيد، ولما قرّبت اكتشفت إنها بالكتير 17 سنة. وفجأة حسيت إن الجنينة كلها فَضيت وسكتت! كانت قاعدة جنب قاعة زومبا ويوجا. في اللحظة دي مكنش ينفع أرجع أو أمشي من غير ما أقول حاجة، فقولتلها: "إنتي هنا؟ (يعني بتشتغلي هنا؟)" قالتلي: "أيوه"، فقولتلها: "كنت عاوز أسأل على الأسعار".

البنت دخلت جابتلي أمها صاحبة المكان. قولتلهم إني بسأل عشان أختي 😅 لإن المكان للسيدات بس. وبعد ما عرفت التفاصيل، سألت الست عن اسمها، وشكرتها ومشيت.

كان في مليون فكرة في دماغي، وكنت بقول لنفسي: يا رب الست متفتكرش إني شخص غريب او حاجة أسوأ.

بس بصراحة أنا مبسوط إني عملت كدا ومفضلتش في الـ comfort zone بتاعتي.

وبعدها كنت عاوز أوقف راجل كبير وأسأله يديني نصيحة عن الحياة. اخترت واحد كان واقف حارس في المكان (مش بادي جارد يعني، راجل كبير كده)، بس كان مستعجل او مش فاضي محبتش اعطله. فدي هتبقى المحاولة الجاية إن شاء الله، مش لازم نفس الشخص بالظبط.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Biscuit_26457 🇦🇪

قلبي وجعني من العلاقات اللي بتتكرر

كل شويه اتعرف علي واحد من ابلكيشان حواز وبعد كده فجأه يختفي معرفش ليه انا تعبت اخر واحد قعد يقولي انه معجب بيا وبشخصيتي وكان بيدور علي حد شبهي وفجأه بطل يكلمني ومش عوزهي مع ان محصلش حاجه انا حقيقي قلبي وجعني كل العوزه واحد اكمل معاه ويكون كويس انا مش بنت وحشه لا شكل ولا شخصيه بس فعلا ثقتي في نفسي بتتدمر كل شويه اكتر من القبلها معرفش عملت ايه ولا اذيت مين ولا ايه الحصل لكل ده ولا ايه اليخليني ديما اقبل ناس تأذيني كده بس انا مخنوقه اوي مقهوره قلبي وجعني امبارح قعدت اعيط كتير اوي والنهارده هموت واعيط بس قعده مع ناس فبحول امسك نفسي بس انا مش قادره ومقهوره وقلبي وجعني جدا بشكل مش طبيعي ...عرض المزيد

2 الدعم

31 نصيحة

Sugar_58980 🇪🇬

خايفة أبقى تقيلة على حد ويوم التخرج لوحدي

السلام عليكم انا حببت افضفض شوية اولا انا تقريبا طول عمري هادية بس مش انطوائيه و مش عندي صحاب كتير بس للاسف الاتنين اللي كانوا صحابي كان صحاب و سابوني بدون سبب مقنع يعني، أنا دلوقتي ٢٢ سنة و المفروض هتخرج السنه دي و كلهم عندهم صحاب ف الكلية و اتصوروا صور التخرج و انا حقيقي مش عارفه هحضر الحفلة ازاي انا بتكلم و بهزر معاهم عادي بس مش بحب افرض نفسي عليهم و اقولهم هخرج معاكم لاني دايما عندي شعور اني خايفه ابقي تقيلة علي حد و النتيجة اهو اني هكون لوحدي ف اليوم دا مش عارفه انا بكتب دا لي بس حبيت افضفض ...عرض المزيد

2 الدعم

19 نصيحة

Mango_22117 🇪🇬

دماغي عطلانه من التعامل وجها لوجه

التعامل وجها لوجهه غيرر بجد و حاسه منكتر مناا اتعودت علي شات مع كل معارفي بقت دماغي عطلانه بفكر ابطأ و باخد ردود افعال ابطأ و بفكر بمثاليه و بأوفر ثينك اجتماعياتي ادمرت و بجد بحاول انزل و اتعامل بس مش عارفه ارجع كويسه ...عرض المزيد

3 الدعم

15 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع