تبديل أدوار

Cherry_16774 🇪🇬

منذ سنة واحدة

شعور شاعر بالملل

Mango_17988 🇺🇸 الكلام ده فرق معايه شويه بجد شكراً اوي

عرض الكل 2 نصيحة

عبّر عن شعورك بشكل مجهول

كلام اهلك السلبي مجرد موجات صوتية في الهواء من حظك بس انك سمعتها 
هما بيعيشوا حياتهم ل اول مرة زيك بالظبط ولكن اللي عاشوه في طفولتهم م انصفهمش 
تبديل الادوار اللي عملوه واحساسك المستمر بالذنب ده مش حقيقي ده سجن ولازم تفهم ده عشان لما تفهم ده هتتفك من السلاسل دي 
-بالمناسبة سيرش عن تبديل الادوار قناة سحر النادي لو مهتم بتبديل الادوار اللي بيعمله الآباء كإنهم الابناء في انهم يشيلوك همومهم وانت انت ولي الامر لو مهتم-
بذمتك عايز تكمل في الاحباط وتبويظ الحياة وتكون نسخة تانية منهم؟
الاوقات الحزينة والكئيبة بتعدي ببطىء stay positive بس مش بالشكل المتعارف عليه ده لا ده عشانك بس عشان الاوقات الحلوة بتعدي بسرعة هتلاقي الدنيا طارت معاك هوا جيت خفيف ومشيت خفيف عالقلوب وسهلة على قلبك
انت لسه بتبني نفسك ابنيها على اساس قوي مش هش 
اشتغل على تطوير نفسك نفسيًا او تنمي قدرات او رياضة او حاجات مهتم بيها انت بتبدأ حياتك لسه هما خلاص شايفين انهم عملوا دورهم واتجوزوا وخلفوا مش شايفين ان في اكتر من كده ممكن يتعمل 
انت تستحق كل حاجة كويسة والله العظيم مش مجرد كلام 
افتكر دايمًا نفسك وانت صغير وتخيل نفسك في مكانك الآمن على البحر مثلا…تخيل وانت بتحضن نفسك وانت صغير على موقف انت ندمان عليه حاليًا شوف وقت ما عملته كان نفسك في ايه وقتها …حضن؟ احضن نفسك ،حد يجيبلك وجبة بتحبها؟ جيبها لنفسك او حتى تخيل في مكان هادي..من رحمة ربنا ان مخنا مش بيفرق بين الحقيقة والخيال ،كان نفسك وقت ما عملت الموقف ده حد يطبطب عليك طبطب على نفسك تخيل وانت بتحضن نفسك بجد وانت صغير …انت ضحية مفيش حد تحت ١٨ سنة بيبقى متحمل كل المسؤوليات دي… على قد ما تقدر تخيل عشان خيالك اللي هايحررك ولكن لازم يكون بيدفعك لقدام اي حاجة بتدفعك لقدام هي نعمة مش نقمة حتى لو فجأة لقيت نفسك بتضحك من غير سبب كمل في الضحك متوقفش ده coping mechanism متقلقش روق شوية
حب نفسك لانها تستحق انها تتحب عشان لو محبتهاش مش هتحب اي حاجة في الدنيا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Avocado_51778 🇪🇬

محتاج حضن صافي يلم مشاعري المبعثرة

بقالي فترة حاسس إني محتاج حضن بجد.. 🫂 مش حضن مرتبط بشخص أو علاقة، لأ.. حضن كده صافي، يلم المشاعر المبعثرة جوايا، يهدّي الأعصاب اللي مش راضية تهدى، ويطمن القلب اللي دايمًا قلقان. فكرت قد إيه هيبقى جميل لو في أماكن نروحها مخصوص عشان كده.. مكان ندخله ندي hug ونخرج. ممكن نعرف بعض وممكن لأ، مش فارقة.. المهم إن اللحظة دي تخلينا نحس إننا مش لوحدنا، وإن في طاقة أمان ودفا حوالينا. أنا بجد محتاج ده جدًا اليومين دول ...عرض المزيد

2 الدعم

1 نصيحة

Strawberry_11964 🇪🇬

مش حمل الفرهدة والحر والكلام على جروب الدفة

Hi , I have bad news رجعوا يتكلموا على جروب الدفة تاني هموت دا أنا لسه كنت بعنف صاحبتي عشان بتقول إن الكلية وحشتها ؛ فكرة إن الدراسة وحشتك دي حاجة متقولهاش وسط الناس كده، دي تقولها بينك وبين الثيرابست بصوت واطي وأنت باصص في الأرض وياريت شعور بالإحراج من نفسك حتى لو مصطنع أنا مش حمل الصحيان بدري والفرهدة والحر أرجوكو 😭😭😭😭😭🦆 ...عرض المزيد

0 الدعم

7 نصيحة

Strawberry_74174 🇪🇬

مش عارفة الاقي حد صادق وقلبه نضيف | خايفة اتأذى تاني

مش عارفة اكتب ايه بس لقيت الابلكيشن دا بالصدفة يعني.. حاليا معنديش شعور لا سلبي ولا ايجابي.. مع اني المفروض خارجة من صدمة اصلا.. واصلا مش عارفة انا عايزة ايه.. ساعات بحس اني عايزة يكون في حياتي حد.. وبعدين اخاف ليأذيني زي ما اتاذيت كتير اوي اما افتح قلبي واحب بصدق، بقيت حاسة ان مبقاش فيه حد صادق او شبهي، او ياما يجيلي حد بيحبني بس انا مش بحبه وبعدين اخاف يكون مش شبهي من حيث اني واحدة بتحب الشغل ومش بحب اتقيد تحت قالب او دور معين، بالنسبالي الجواز مشاركة في كل حاجة مش سجن وقوالب ادوار معينة، وبقا صعب الاقي حد دا تفكيره او يكون صادق وبيحبني فعلا من غير ما يكون استغلالي ويكون حابب اللي بقدمه وبس نفسي اتشاف واتحب فعلا.. نفسي اتقدر اوي وحد يشجعني ويكون طموح وندعم بعض ف كل حاجة.. يكون بيحبني فعلا وقلبه نضيف مش مجرد عنده احتياج وعايزني اسدهوله وخلاص ومشكلتي اني اساسا منطوية.. كلامي مع الناس قليل وهادية واحتكاكي قليل وبعدين بفكر واقول اني اركز ع نفسي وبس عشان مش حابة اتعرض لصدمات نفسية مرة تانية ولاني بقا صعب اوي اثق في حد ...عرض المزيد

0 الدعم

14 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع