بالفشل

Apple_12385 🇪🇬

منذ 19 ساعة

شعور قلق

عبّر عن شعورك بشكل مجهول

طب باختصار كده انا الترم ده مكنتش محضرتش فالجامعة يعنى يعتبر كنت بنزل يوم فالاسبوع ده لو نزلته اصلا و كنت بقعد فالبيت مش بعمل حاجة و مكنتش بفتح كتاب و لا بذاكر و لا اعرف حاجة عن المنهج و انا فكلية هندسة و كان ال gpa بتاعى كويس لغاية الترم اللى فات و كنت حتى بفكر احسن مادة كانت المادة الوحيدة اللى جبت فيها D من ساعة مدخلت الجامعة علشان كانت هتفرق معايا فال gpa أنه يعلى كمان و الكلام ده كنت بفكر فيه فاول الترم ده يعنى فاول اسبوع بس معملتش كده علشان قولت اللى موضوع التحسين ده بعدين خصوصا امى لسا تانى سنة فممكن اوصل للgpa اللى أنا عايزاه من غير محسن المادة دى عادى.
المهم انى حاليا خلصت امتحانات بس للاسف فى مادتين درجات اعمال السنة فيهم وحشة جدا و هما يعتبر اصعب مادتين عندنا الترم ده و انا كمان ملحقتش المهم قبل الفاينال و معرفتش احل فالفاينال يعنى فى مادة منهم يعتبر سبت ورقة الامتحان فاضية.
أنا بقى دلوقتى عايزة افهم انا ليه مبذاكرش مع انى دخلت الكلية اللى كان نفسى فيها و حياتى الحمدالله مستقرة و معنديش مسئوليات تانية غير الدراسة 
يعنى الموضوع بيسوء كل شوية عن الاول انا بجد الترم ده محاولتش اصلا 
و طبعا خايفة من النتيجة لانى مش هعرف اقوللهم فالبيت انى شلت مادة أو مادتين و المواد دى لو شلتها لازم انزل السمر ده اسجلها علشان بتقفل مواد الترم الجاى لو منجحتش فيها فعايزة اعرف أقوللهم فالبيت ازاى على حاجة زى دى خصوصا أن السبب هو انى فعلا مذاكرتش

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Plum_28532 🇪🇬

منذ أسبوعين

شعور قلق

مش فاهم الدنيا حواليا مش عارف امشي في مجالي مع ان ده كان حلم حياتي وكلية احلامي وصلت للسنة التالته فيها و حاسس اني بعيد اوي عن مجالي وعن الناس الي في نفس سني حاسس اني فشلت حاسس اني علي طول بفشل في اغلب اختياراتي اختيارات علميه او عملية اختيارات عاطفيه حتي القرارات البسيطة في يومي حاسس اني بفشل

Tofu_51257 🇪🇬

منذ شهر واحد

شعور مرهق

إنهارده كان في في مسابقه في الفصل واحنا الخسرنا بفرق بسيط بس بجد اثر فيا حسيت اني بضيع فاضل علي الامتحانات اقل من 40 يوم صحيح إن الاسئله كان مستواها اعلي من اي سؤال ممكن يجي في الامتحانات بس برضو عايزه اعيط لو اطول مدخلش الامتحانات مش هعمل بجد خايفه ومتوتره

Orange_51919 🇪🇬

منذ 3 أشهر

شعور مرتبك

جماعة هو عادى شعور الوقت بيعدى بسرعة وحتى الآن معملتش اى حاجه حقيقي انا فى كلية وكنت لسه اول امبارح ثانوى فجأة بقيت فى جامعة وفرقة تانية والترم خلاص يدوب حسه انى معملتش اى حاجه حقيقى معظم اللى حواليا بيعملوا انجازات شغل يتعلموا حاجات ولغات ويروحوا ندوات انا بحس انى مش بعرف ده بجد ومؤخرا بقيت عاملة

Biscuit_27604 🇪🇬

منذ 4 أشهر

شعور محبط

عرفت دلوقتي اني شيلت ماده بجد ده اسوأ شغور عيشته في حياتي حاسه اني فاشله اوي انا والله حاولت وحضرت كل المحاضرات وذاكرت اول بأول واهتميت بكل المواد والله مخرجتش ولا مره والله موصلتش الف بعد الجامعه والله ذاكرت كويس عارفه والله انها حكمه ربنا وانه الخير ليا بس حاسه اني مكسوره اوي بجد ( دعواتكم يطلع في

Jackfruit_51332 🇪🇬 ربنا يعدي الي انتي فيه يارب ويكون معاكي وجنبك وتعدي كل الحجات الصعبه في حياتك ومش عايزينك تفقدي شغفك اكيد زي ما قولتي دي حكمه من ربنا وربنا شايلك حاجه احسن اكيد متستسلميش ومهما كان هتقدري ومهما كان انتي بتعملي الي عليكي وربنا يوفقك يارب 🤲🏻

عرض الكل 2 نصيحة

Pineapple_49653 🇪🇬

منذ 5 أشهر

شعور غير مكتمل

ازاي الانسان يبقا واثق من نفسه؟ عشان الموضوع حقيقي صعب بالنسبالي لا بصدق كلمه حلوه تتقالي وديما بقلل من نفسي وشايفه اني فاشله في كل حاجه المشكله هي فيا انا بس مش قادره اصلح دا اااااأاااااااااااااااأااا ااااااااااااااااااا ااااااااا ااا ا

Pineapple_47614 🇪🇬

منذ 5 أشهر

شعور مرهق

بتعملوا اى لو فيه شعور ملازمكم بالفشل و التقليل من النفس حتى لو حد مدحكم انا اشتغلت ف مكان جديد حاسه انى افشل حد ف المكان و مش بعرف اتعامل مع الناس ودايما ببان هبله بسبب انى مش بعرف اتصرف ف المواقف الى بعدى بيها وده تاعبنى جدا

Donut_51706 🇪🇬 نحاول نركز ع نفسنا ونعمل الحاجات اللى بنحبها ولازم يكون عندك اقتناع داخلى ان مفيش حد ف الدنيا اهم منك ولا احسن منك ربنا خلقنا كلنا متساوييين فمتفكريش تقللى منك نفسك ولا تعملى مقارنه بينك وبين حد وحاولى تعرفي قيمة نفسك اكتر وتحبيها وتعرفي انك حلوة وشاطرة ف حالة حد قالك كدا أو لأ

عرض الكل 4 نصيحة

Lemon_40151 🇪🇬

منذ 5 أشهر

شعور مرهق

هو عادي ان كلمة بسيطة جدا تشقلبلي الموود كله وتخليني من فرحان وتمام لمضايق ومش طايق اي حاجة، المشكلة ان الكلام ده لما بيتقالي بيحسسني اني مقصر ف كل حاجة بعملها وشخص فاشل، مع ان اللي بيقولولي الكلام ده ميعرفوش اني بعيش صراعات ف دماغي وبسعى بكل اللي قادر عليه من غير ما حد يعرف انا بمر ب ايه اصلا وقد ا

Kiwi_48159 🇪🇬 هو كده كده عمر ما الناس هتبطل كلام يتبقى زي ما انت عليه يا تعلم نفسك تتجاهل و هترتاح

عرض الكل 4 نصيحة

Tofu_50969 🇪🇬

منذ 5 أشهر

شعور متعب

مش قادره اسكت اكتر من كده انا تعبانه نفسيتي تحت الصفر مش بذاكر وبعدت عن ربنا وعن الصلاه دايما تعبانه ودايما حاسه اني مش هنجح ومش هوصل لحلمي دايما حاسه اني أقل من الي حواليا دايما لما بذاكر بنسي بفضل اذاكر بالخمس ساعات وفي الاخر بنسي مش عارفه اعمل ايه انا فضغط نفسي رهيب وانا سنه مهمه يعني لازم اذاكر

Apple_18027 🇪🇬 بصي يا حبيبي اول حاجة كده صلي المغرب كده و بعدها صلي ركعتين و ادعي فيهم كتيير و قولي كل حاجة في نفسك و بعدها سيبي الفون من ايدك حطيه مقفول في مكان بعيد عنك او شغلي عليه قرآن و جيبي اكتر مادة بتحبيها و سهلة بالنسبالك و ابدأي الفترة دي فقدان الشغف فيها طبيعي جدا و خصوصًا ان السنة طويلة علينا خليكي دايًا حاطة في دماغك فرحة اهلك او فرحتك انتي و حلمك و اللي انتي عايزة توصليله السنة كده كده هتعدي بس

عرض الكل 6 نصيحة

Broccoli_35195 🇪🇬

منذ 5 أشهر

شعور مكتئب

حاسا اني مبعملش اي حاجه ليها لازمه بجد يعني في الدراسه مراكمه كتير وفي التمرين الحاجه اللي بحبها وببذل كل جهدي فيها مستوايا مش احسن حاجه فيه رغم كدا ودا مدايقني جدا وعلاقتي بأصحابي م احسن حاجه مشً متخاصمين بس مبنتكلمش كتير وعلاقتي مع اهلي عاديه بس مش قريبين اوي من بعض وانا واخواتي مش قريبين خالص من

Avocado_21644 🇪🇬

منذ 5 أشهر

شعور محبط

انا زهقت اوي بقالي مدة بدور ع شغل و مش لاقية زهقت اوي و حاسة أن مش عارفة احقق نفسي ف اي حاجة لا شغل ولا جواز و شايفة كل الي حواليا بياخدوا خطوات و بيحققوا حاجات و انا واقفة محلك سر و بدأت احس ان العيب فيا و أن أنا الي فاشلة و مش قادرة اعمل اي حاجه

Orange_31684 🇪🇬

منذ 6 أشهر

شعور قلق

السلام عليكم جماعه انا عندى مشكله بجد ممكن تبان انها بجد تافه بس حرفيا هيا مسببه ليا عقده فى حياتى الدراسيه انا وحده فى تانيه ثانوى يعنى حتى مش فى تالته وعندى مشكله مع المواد الى انا بكون فاهمه الدرس كويس ومش بعرف احل والمشكله دى خصوصا فى الكمياء بجد يجماعه بكون سامعه المحاضره وفاهمه كويس والمدرس بت

Apple_43394 🇪🇬 انا هبعت فيديو ليك لو عايزة وصدقني هيفيدك انا فهمت مشكلتك كانت زيك بس اتغيرت

عرض الكل 2 نصيحة

French Fries_46312 🇪🇬

منذ 6 أشهر

شعور محبط

مش عارفة ابدأ حاجة.. حاسة بضغط من كل حاجة عايزة امشي دا احساسي طول الوقت.. فرحتي دايمًا ناقصة ودايمًا قلقانة من بكرة حاسة اني فاشلة وعمري ما هحقق حاجة في حياتي

Watermelon_37565 🇪🇬

منذ 7 أشهر

شعور خجلان

اهلي بيعاملوني بطريقه وحشه جدا بجد الطريقه دي كسراني اوي المشكله انهم دايما بيقولولي يا فاشله والله مش هتنفعي انتي وش المشاكل في البيت كله منك لله بجد كل الكلام ده بيأثر فيا و انا بجد حاولت انت. حر كذا مره و بأذي نفسي بأي اداه حا. ده و مبقاش عندي دعم نفسي بقيت لو نايمه مبسوطه بعيط بردو 💔

Strawberry_37571 🇹🇷 لا استهدي بالله و ابعدي عن طريق الانتحار تمام دا عذابه الخلود في نار ربنا يعافينا كلنا. اول حاجة تدعي ربنا بأنه يلين قلوبهم نحيتك و ان شاء الله ربنا هيلين قلوبهم نحيتك... و تاني حاجة (عارفة انها صعبة والله) متعاتبيش أهلك ابدا ولا تجادليهم دي عقوق الوالدين ف انتي اسمعي الكلام وخلاص و ثوابك عند ربنا عظيممم متخليش بس الكلام السلبي يأثر فيكي و عدي في دماغك بس.

عرض الكل 5 نصيحة

Waffle_37267 🇪🇬

منذ 7 أشهر

شعور متعب

موضوع:

ازاي بتتعاملوا مع ارهاق الكليات العملية

طالب 2 ثانوي فاقد الشغف،و حاسس كل البعمله دا هيروح على الفاضي، و مذاكرتي قلت و بقيت مخنوق، مفيش حد اتكلم معاه مش عايز حد يقولي أن ربنا مش بيضيع تعب حد.... متراكم عليا حجات كتير. و في الاول لما كنت بذاكر بجد وقت الامتحانات مكنتش بعمل احسن حاجة، مجهودي كان بيروح على الفاضي يعتبر

Biscuit_31447 🇸🇦 ك فترات، حرفيا الحياة عبارة عن فترات، عشان كدا لما بتبص على نفسك القديمة بتقول ايه دا انا ليه كنت شايل هم اوي كدا وليه ازمتها على نفسي وهي مش مستاهله، مع انو وقتها انت بجد كنت حاسس انها مستاهله كل الزعل دا، بس هي كدا الدنيا بنكبر ونتعلم، اجتهد الين م توصل وشد حيلك الين م توصل لمرحلة انك راضي عن نفسك مش عن درجاتك، لسا قدامك حاجات كتير صعبة تمر فيها لو فضلت كدا ف كل مرحلة حتبقى حياتك تقيله اوي وصعبة

عرض الكل 3 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع