تعبانه نفسيتي تحت الصفر ومش عارفه اذاكر

Question

مش قادره اسكت اكتر من كده انا تعبانه نفسيتي تحت الصفر مش بذاكر وبعدت عن ربنا وعن الصلاه دايما تعبانه ودايما حاسه اني مش هنجح ومش هوصل لحلمي دايما حاسه اني أقل من الي حواليا دايما لما بذاكر بنسي بفضل اذاكر بالخمس ساعات وفي الاخر بنسي مش عارفه اعمل ايه انا فضغط نفسي رهيب وانا سنه مهمه يعني لازم اذاكر كويس عشان اجيب مجموع واحقق حلمي بس انا تعبانه مش عارفه ابدا مش عارفه اعمل اي حاجه انا بضيع بجد

Apple_18027 🇪🇬 · Accepted Answer

بصي يا حبيبي اول حاجة كده صلي المغرب كده و بعدها صلي ركعتين و ادعي فيهم كتيير و قولي كل حاجة في نفسك و بعدها سيبي الفون من ايدك حطيه مقفول في مكان بعيد عنك او شغلي عليه قرآن و جيبي اكتر مادة بتحبيها و سهلة بالنسبالك و ابدأي الفترة دي فقدان الشغف فيها طبيعي جدا و خصوصًا ان السنة طويلة علينا خليكي دايًا حاطة في دماغك فرحة اهلك او فرحتك انتي و حلمك و اللي انتي عايزة توصليله السنة كده كده هتعدي بس

Apple_18027 🇪🇬 · Answer

بس انتي اختاري عيزاها تعدي ازاي تعدي و لما بجي يوم النتيجة تبقي فرحانة بمجموعك و حلمك اللي وصلتيله ولا تبقي زعلانة اختاري انتي

Blueberry_50837 🇪🇬 · Answer

بصي ياروح قلبي قبل ما تذاكري دايماً قول (يارب نسألك فهم النبين وحفظ المرسلين و الملائكة المقربين بسم الله اللهم لا سهل إلا ما جعلته سهل وانت تجعل الحزن و الصعب إذا شئت سهلاً … ربي اشرح لي صدري و يسر لي امري و احلل عقدةً من لساني يفقهوا قولي….. ياحي ياقيوم برحمتك أستغيث أصلح لي شأني كله ولا تكلني إلى نفسي طرفة عين ) و لما تخلصي مذاكره قولي (الحمد الله الذي هدانا لهذا وما كنا لنهتدي لولا ان هدانا الله

Watermelon_32587 🇶🇦 · Answer

التوتر اللي بزياده سبب لك النسيان اهدي. والنصيحه اللي قبلي اعملي فيها كفت ووفت 
وربي يوفق الجميع

Blueberry_50837 🇪🇬 · Answer

و ادعي كتير اوي اوعى تيأسي او تزهقي من الدعاء ادعي كتير اوي اوي بجد و ادعي من كل قلبك بطريقه صدقه و شدي حيلك يا حبيبتي و ربنا عمره ما هيضيع تعبك ولازم تبقى عارفه كده ربنا قال وان ليس للإنسان الا ما سعى و ان سعيه سوف يرى ..انتي بس اسعى ربنا مش عايز منك غير كده و كمان لايكلف الله نفساً الا وسعها ربنا بيقولك مش عايز منك غير اللي على قد طاقتك وبس وبعدين انت كده كده قدها ايه هنخيب ولا ايه ❤️❤️

Blueberry_50837 🇪🇬 · Answer

و اوعى تفقدي الامل و تفكري في المستقبل خليكي في الحاضر دلوقتي واعملي اللي عليكي عشان الندم عمره ما بيكون على النتيجه الندم بيكون على عدم السعي و ان يكون كان فايدك حاجه و معملتيهاشو استمري فالسعي ياروحي لسه معاكي وقت و الطريقه طويل 💪🏻❤️