الهجر

Tofu_85889 🇪🇬

منذ 14 ساعة

شعور ضائع

حاليا انا عامله زي ليلو نفسي في حد ميسبنيش ويمشي حد يبقي جمبي حد يحسسني انو بيحبني ومهما يحصل بنا ميزهقش مني لان انا شخصيه صعب انك تعاشرها او تحبها لان كل الي بيحبني بيزهق من تصرفاتي وبيبقي عاوز يسبني ويمشي ف انا نفسي ف حد يكون جمبي وميحسسنيش اني تقيله عليه كفايا انا بحس اني تقيله علي الي معايا

Candle_86095 🇪🇬 اتعالجي او روحي للدكتورة نفسية احسن لان انا كنت مرتبط بواحدة كانت كده بردة كانت مؤذية وفي الاخر سيبتها فا روحي لدكتورة احسن

عرض الكل 12 نصيحة

Strawberry_85325 🇪🇬

منذ أسبوع واحد

شعور مكسور القلب

عبّر عن شعورك بشكل مجهول

بعد حب ٧سنين عملتله كل حاجه في الدنيا ممكن تتعمل ساعدته في كل حاجه علشان نقدر نتجوز استحملت كل الظروف مع ان انا اصلا متدلعه جددددا كل حاجه عرفت اساعده فيها على شكل كادوهات نزلت اشتغلت علشان مفضلش قاعده قدام عين ببايا طول ال٧ سنين وكل شويه يقولي علشان اختارتي واحد اقل منك كنت ممكن اديله عنيا حرفيا لدرجة ان دريسات فرحي ببايا اللى جابهملي المهم ان اتجوزت اقل من ١٠ شهور كان اغلبهم مشاكل وفي الاخر بعد حب ال٧ سنين اتطلقت قبل ما اكمل جواز ١٠ شهور لميت كل حاجتي من شقتي ونزلتها حرفيا كنت حاسه ان انا بلم عمري وسنين حياتي ومجهودي وحبي واحلامي كلها وانا بنزل حاجتي وفي الاخر حرفيا  كل اللى وجعه الهدايا بتاعتي اللى اخدتها 
بيتي كان حلو اووووووى لدرجة ان مفيش حد كان مصدق ان البيت ده مش عامله مهندس ديكور كل حاجه في شقتي كانت اكتر من بيرفكت وكل ده راح في ثانيه 
متصلش بيا ولا مره لدرجة انى كنت مستنيه بس ولو للحظه يبصلي ولو حتة نظره تقول اني فارقه معاه لو بس كنت لقيته حاول مجرد انه يكلمنى حتى واحنا عند المأذون كنت هرمي كل حاجه ورا ضهري وارجعله انا وجعته مش هنكر ده بس ده فعلا كان رد فعل عن اللى عمله معايا والذل اللى ذلهولى محاولش بتواصل معايا وعايش حياته مبسوط لدرجة مش متخيلاها قال هو واهله كلام في حقي بشع لدرجة ان في ناس قالتلى ان هما بيقولوا ان معرفوش يحسوا بطعم الفرحه غير لما طلقني 
حياتي صعبه جدا اه أهلى محتضنيني وصعبانه عليهم جدا بعد ما سمعوا واستوعبوا لأول مره انا كنت بساعده ازاى حتى من وراهم وعملت ايه علشان خاطره 
وفي الاخر هو عايش حياته وبيسافر وبيتبسط ويفرح وانا قاعده مش مستوعبه ازاى انا كنت اقل حتى من الهوا مش مستوعبه ازاى قدر عادى يرجع بيت اهله بعد ما كنت بتفنن ازاى اسعده واحققله كل حاجه بيحلم مجرد بس حلم بيها 
مش مستوعبه ازاى اخد لقب مطلقه وانا لسه ٢٧ سنه وخصوصا مطلقه منه هو

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Candle_85165 🇪🇬

منذ أسبوع واحد

شعور مكسور القلب

حاسة انى ممكن اضحى ب اى حاجه علشان الشخص ال بحبو علشان ميسبنيش بخاف اعمل حاجه تدايق ال قدامى علشان متسبش حاسة انى انسانة غير مرغوب فيا وانى بتحايل عل ال قدامى علشان يفضل معايا حاسة انى مبحبش مع انى واللة جميلة ونظيفة اوى من جويا ومش بتمنى لحد اى حاجه وحشة لى بتأءى بس لى علطول انا ال بتحمل كل حاجة حت

Peanut_85115 🇪🇬 غيري من نفسك وبطلي تفكري ف حد عشان هتتفشخي ف حياتك لو فضلتي كدا

عرض الكل 8 نصيحة

Potato_82597 🇪🇬

منذ أسبوعين

شعور مكسور القلب

Sugar_82591 🇩🇿 بلاير البنت دي فكك منها هي من الاول ما حبتكش بس تتسلى خلصت مصلحة و ترجع تكلمك ثاني و 3 و رابع عشان تذكرك بيها فقط لأنها من الاشخاص ل ما تحب حد يتخطاها يعني نرجسية ف نصيحتي لك اشغل نفسك ب اشياء مفيدة و ما شيء فالحياة يستاهل تبكي عليه و بكرا الايام تثبثلك سوي رياضة اشتغل غير روتينك و تتخطى ما احد يدوم ل احد اهم شي لا تعلق حالك ب أشخاص سامين اي احد ما يريدك ببساطة لا تريده انت بعد معاملة بالمثل تنفع💕

عرض الكل 14 نصيحة

عبّر عن شعورك بشكل مجهول

انا متدمر اوي ومتحطم كنت فعلاقة مع بنت 8 شهور اول حاجة هيا دخلت كلمتني اساعدها فدراستها وبس وكنت اساعدها وعادي بعدين فضلنا نتكلم وانا لاحظت انها بنت حساسة اوي واهلها بيضغطوها وان الدراسة بتضغطها فكنت دايما حنين عليها وبحاول اعاملها كويس وبس تعلقت فيها وحبيتها مع الوقت ولما صارحتها بالموضوع قالتلي انا كمان تعلقت فيك بس انا مشكلتي اني مش بكمل فعلاقات مع ولاد او اي حد بكلمو ببعد عنو سواء صديق او كدا بس انا عادي احترمتها ورحت وبعدها هيا رجعت بعد اسبوع ومن وقتها فضلنا حابين بعض نوعد بعض بالزواج رغم الظروف الصعبة وضغط الحياة وكمان نحب بعض اكتر يوم ورا يوم لحد  ما فجاة فيوم قالتلي انها بطلت تحبني وانو مش مناسبين لبعض وانو حتى لو فضلت احبك مش هنتجوز ف انا تدمرت اوي وبقيت اروح الطوارئ وبس تعبت جامد وفضلت احاول ارجعها واقلها هتغير عشانك بس مغيش فايدة راحت وبعدها ب اسبوعين من اخر تواصل رجعت تعتذرلي وكدا واقنعتها تفضل وبرضو رجعنا حبينا بعض ونفس الكلام حصل وسامحتها وكان مفيش حاجة حصلت 
والوقتي كل حاجة اتعادت انا متدمر اوي ومش عارف اطلع من كل دا ازاي دايما كنت بحاول اهتم فيها واصلح العلاقة وهيا رافضة كل حاجة وفالاخير بطلت تحبني وانا متوجع

عاوز نصايح

ومثلا هل احاول ارجعها واصلح العلاقة ولا خلاص 
معرفش اعمل ايه اتمنى حد بساعدني لان تعبان اوي ومش قادزر استحمل ىدراستي تاثرت

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Kiwi_79580 🇪🇬

منذ أسبوعين

شعور ضائع

بخاف من الوحدة اوي وبحط ديما علاقتي بالناس في اول اولويات ومهما حاولت اني معملش كده اني اخلي نفسي انا الاول بس برضه برجع تاني وخوفي من الوحدة بيسجني، ويما بعمل مجهود كبير اوي عشان الناس تشوفني بحس اني شفافة محدش بياخد باله مني لو معملتش حاجة الموضوع ده بجد مرهق نفسياً جدا

Cheese_78368 🇪🇬

منذ أسبوعين

شعور محبط

موضوع:

اكتر خوف مأثر عليك في حياتك

خوف من أن اي حد جديد يدخل حياتي بعد الفقد اللي اتعرضتله في حياتي بسبب ابويا ان محدش بيعرف يتفاهم معاه وطبعا في وجوده لازم التعامل يكون معاه بقيت خايفه اوي أن حد احبه و يسيبني تاني ويمشي بسببه وبجد يعتبر بقت عقده

Sugar_56012 🇪🇬

منذ 3 أسابيع

شعور قلق

عارفين الشخص اللي تبقو معاه فعلاقة وبمجرد غيابكم عنه بيجننه فتلاقوه مثلا كلمكم مكالمه وانتو مردتوش تلاقو 30 مكالمة و50 مسدج والدنيا مقلوبه وفالاخر يبعتلكم ڤويس في كلام طووويل واخره لو مش عايزني قولي ومتعملش فيا كده ... بيفسر ديما غيابكم عنه ان انت مش بتحبه او مش مهتم بيه وكانه ديما فحالة خوف وعدم طم

Blueberry_78218 🇪🇬

منذ 3 أسابيع

شعور مكسور القلب

Apple_70037 🇪🇬 ربنا يهونك عليكي وحاولي تتعافي وتقومي .. الحياه مبتقفش .. حاولي تخرجي نفسك من الحاله ديه وتسعدي نفسك لان ليها عليكي حق

عرض الكل 5 نصيحة

عبّر عن شعورك بشكل مجهول

انا اتسابت ب اسوأ الطرق ، مش خيانة ولا جوستينج ولا الكلام الاهبل ده، انا اتسابت عمياني اللي هو زي اما تكون بتسحب دوا من جسمك من غير ماتاخد بالك، قعد يطلع فيا عيب والتاني و يلف حوالين مشكلة ما عشان اتغير عشانه وياعالم لو كنت اتغيرت كان هيفضل ولا لا، كنت مصممة اني صح وهو مصمم اني غلط ودافعه هو الحب، لما "فاض بيه" و زهق من الخناق بعد شهور قرر انه يستغنى عن العلاقة وقالي انه تعب ومابقاش قادر في حين ان انا اللي اتظلمت واتاخدت على خوانة، مهانش عليه يفكر فينا يفكر فكل حاجة كنت بعملها وكل حاجة استحملتها عشانه عشان مشكلة تافهة ، طلعني قدام كل اهله وصحابه ان ياعيني هو مقطوع جناحاته وانا شخص عنيد مفيش فيا فايدة، طب ليه؟ ليه دا انا حبيتك و اتنازلت عن مليون حاجة وعن كل حاجة استحقها بس عشان ابقى بشوفك ولا اقابلك ولا نفضل نكمل لحد ماتوصل للي عايزه وتديني وقتها اللي استحقه، لا طلبت حاجة ولا كنت طماعة زي البنات التانية استحملت واستحملت وفالاخر تسيبني؟ يتقالي نفضل صحاب وفضلت على امل شوية منك احسن من عدمه لحد ما اتهزمت وخدت الخطوة ومشيت وقطعت الكلام، محاولتش تتكلم؟ بتقول انك اتأذيت مني انا؟؟؟ طب ازاي والله انا هتجن وكل يوم بفكر فيك وبتصعب عليا نفسي و كل حاجة بحس اني كنت عايشة ف كدبة يعني ايه ده كان حقيقة ولا كل ده اي كلام طب انت حبيتني ولا انت معمول من ايه وليه لسة متعلقة بيك ونفسي تحس بكل وجع انت مسببهولي دلوقتي بس انت وحشتني اوي انا تعبت من غيرك و بيك ومش عارفة اعمل ايه..

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_77936 🇪🇬

منذ 3 أسابيع

شعور مرهق

عبّر عن شعورك بشكل مجهول

انا بكتب هنا الكلام اللي بكون عاوزة اقوله ليه او لنفسي.. بدل مااروح اهين نفسي واذلها اكتر..
اول مقابلة بينا كانت صدفه ومقابلة شغل كان باين ف عيونه الاعجاب بيا اوي. من نظرته ليا حسيت ان محدش غيري عالارض.. كلمني غازلني قال انه مشافش اجمل مني.. انا فعلا ع قدر عالي جدا من الجمال مش مستنياه يقول ولكن هو زود غروري بنفسي.. قالي انه حبني من اول نظرة. اقتحم حياتي اداني حب ومشاعر مكنتش اتخيل انهم موجودين.. قال انه معرفش الحب غير ع ايدي.. عمرى مشكيت لحظة واحدة انه بيكدب.. مكنش عايز مني حاجة ولا مقابل حبه.. كان مشتت بين انه يكمل ولا يمشي.. مشوفتش حنية زي اللي كانت عنده.. كان بيعيط قدامي وامسحله دموعه واقوله اني مش همشي.. طب ليه هو مشي دلوقتي؟ ليه قالي انه عايز يسيبني ومش عاوزني اراجعه ف قراره ؟ ليه سابني من غير مايجاوب ع اسألتي؟ ليه سابني اتحايل عليه واعيط وابوس رجليه عشان ميمشيش؟ ليه يوجعني وهو منزل صورته مع حد غيري؟ ليه انا اترفضت؟ هو مكنش يحلم انه يكلمني.. لما لقاني سهلة واتكفيت ع وشي وحبيته يسيبني ؟ طب احساسي باني بقيت من غير دم ولا كرامة؟ خوفي اني اقابله ف اي مكان يشوفني بصورة تانيه واني مش زي اول مرة شافني فيها؟ هيرجع؟ ولو رجع انا هكمل ولا هرفضه؟
شاف وجعي ومرضي وعياطي وكمل برجليه مشي عليهم.. انا ليه منهارة؟ ليه جاب مناخيري الأرض وكسرني؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_72365 🇪🇬

منذ 3 أسابيع

شعور محبط

جماعة انا حاسة اني عملت مصيبة واني هندم بعدين على اللي عملته دلوقتي انا عندي اتنين صحاب بحبهم جدا والاتنين محترمين ونفس شخصيتي بس ميعرفوش بعض فواحدة منهم كانت عندها مشاكل مع صحابها ويوم عن تاني بيتخانقوا معاها وهما سيئين جدا ،فايه انا كان عندي صديقة التانية كويسة جدا وانا سعات كنت بحكي عنها ودلوقتي

Mango_74700 🇪🇬 خلي بالك هم لو عاوزين يرموكي زي م بتقولي مش هيحكولك انهم كلموا بعض دا من حبهم ليكي انهم بيحكولك و دا شيء طبيعي انهم بيتكلموا كتير دا ف الاول بس لحد م يتعرفوا على بعض و بعد كدا هتلاقي كلامهم قل

عرض الكل 13 نصيحة

Orange_77879 🇪🇬

منذ 3 أسابيع

شعور مكتئب

انا عندي تعلق مرضي بالأشخاص اللي بيدخلوا حياتي وبالذات لو علاقة عاطفية وعندي قلق شديد وببقى ديما خايف الشخص اللي معايا يمشى من حياتي لاني ببقى اتعودت عليه وده بيسببلي ديما overthinking و ديما بيخليني في حالة من السعادة والحزن متغيرة ممكن كل دقيقة حسب تصرفات الشخص اللي قدامي اعمل ايه

Onion_64725 🇪🇬

منذ شهر واحد

شعور متعب

هو لية انا لما بتعلق بحد بيختفي بدون سبب ولية انا بتعلق بالناس بسرعه يعني حرفیا اتکلم مع حد يومین احس ان دا شخص مهم جدا ومجرد ما يختفي ارجع اتاثر ولا كاني اعرفوا من سنین مش مجرد یومین هل دا طبيعي؟! ولا فعلا ف حاجه غلط ان بتعلق بسرعه جدا انا حقیقي مبقتش فاهم حاجة ؟؟!

Biscuit_76652 🇪🇬

منذ شهر واحد

شعور مكتئب

تعبت جدا من التمثيل بحب خطيبي جدا بس ديما بقول اني كويسه و ديما ببقي عكس كده علشان ميزهقش مني و علشان لما بزعل مش بيديني وقت ادايق بلاقي هوه اللي زعل علشان مش عوزه اقول السبب رغم ان حقيقي مش بيكون في سبب ل دا ف بيزعل و مش بعرف اقله انه السبب لانه مش بيفهم و حتي لو فهم مش بيستوعب الكلام و دا بجد يعني

Onion_64725 🇪🇬

منذ شهر واحد

شعور متعب

Toast_62844 🇪🇬

منذ شهر واحد

شعور مرهق

محتاج حد نهتم ببعض نشارك اهتمامتنا ناخد بالنا من بعض كأننا صحاب او أخوات بس يبقا فيه ثقة ما بينا وعشم بس للأسف عندي مشكلة اني بتعلق بالناس بسرعة ف ببقا خايف ان الشخص ده يحببني فيه ويمشي بعدها وللاسف معنديش علاقات بسبب ده ازاي الواحد يلاقي الأمان والشخص ده

Pineapple_80652 🇪🇬

زهقت من حياتي وعايز انتحر بس مش عارف

حاسه ان حياتي انتهت بدري اوي بجد 31 سنه مفيش صحاب خالص و مش عايزه اشتغل لاني مش مطالبه ب ده مفيش زوج كان نفسي يبقي عندي طفل في السن ده بس للاسف مفيش اهلي مش بحبهم خالص و عاملين لي تروما بقالي 5 ايام مخرجتش من البيت حرفيا مش عارفه اروح فين ولا اعمل ايه زهقت ز قرفت من كل حاجه هو لو فكرت انتحر حيجري حاجه والله ما حيجري. و بالمناسبه بصلي ز عارفه ربنا و عارفه أنه اختبار بس زهقت و تعبت بجد 🥹🥹🥹🥹🥹 ...عرض المزيد

1 الدعم

26 نصيحة

Mango_86188 🇪🇬

زهقت من حياتي وعائلتي ونفسي مكتئبة

انا واحده عندي 40 سنه لسه ما اتجوزتش لغايه دلوقتي بس كل ما اقابل حد او اكلم مع حد احس ان هو مجرد مكالمه ان هو يطلع نقطه مش كويسه ما بقاش عندي ثقه في اي حد حتى اصحابي ساعات بيوقعوا بيني وبين ماما واختي انا زهقت حتى اختي نفسها لما اجي اكلمها تقول لي مش عايزه اسمع صوتك متعاملي معامله مش كويسه بحس انها غيرانه عشان هي اتجوزت ومسؤول وعندها بنات وانا اصلا شايله مسؤوليه ماما براعيها ومحساني ان انا فاضيه على طول مع اني مش فاضيه اصلا المفروض مشوار مش وهي تعملها تقول لي انا اعملها بتقول لي انت فاضيه تدفعها هي المشروع العلاجي تبع نقابه اختي مره في السنه تقول لي تدفعيها انتي متعامل ماما معامله ازيك يا ماما عامله ايه خايفه ان هي ترقد في يوم وهي تشيل مسؤولتها ماني انا انا اللي اصلا معاها على طول وانا شايلاها ماما مرتاحه معايا اعرف هي عايزه ايه محتاجه ايه وابسطها مش عارفه اشتغل ما اقدرش اسيب ماما لوحدها عشان لو قبضت اللي قبضته هدفعه للست اللي هتقعد معاه حتى انا كنت مخطوبه من كم سنه كنت هو كان بوظ علاقتي لماما يقول لي ماما ملهاش حق تعرف حاجه بقولهاش حاجه خالص انا كنت مخطوبه منكد عليا عيشتي بوظ علاقتي باختي برده احاول اكلم اختي احاول اكلمها اقول لها تتعدل معانا لا بالعكس اللي بتطلعنا احنا الغلطانين هي عمرها ما تغلط نفسها الاقيها معاملتها مع الغرب احسن من قريبها معاملتها في بابا لاخر فتره قبل ما يموت كانت كويسه مع اني كانت بتحبوش بتضايق قوي لما اقول للناس اشتكي درجه مره بصت على الوتساب بتاعي بتكلم مع واحده صاحبتي بشتكي هي مسكت الموبايل من ورايا وشفت الوتساب بقيت فيها اثق فيها بعد كده نعمل حاجه في شقتنا هي مش عايشه معانا هي متجوزه نعمل حاجه في شقتنا بتقول لي ليه ما قلتليش عملت كذا ما بقتش عارفه اقعد معها براحتي اعرف اكلمها ماشي حاسس انها صاحبتي هي اختي الوحيده مليش اخوات تانيين وماما مش هتعيش لما طول عمرها المفروض هي تفضلي هي اختي هي تفضلني المفروض هي سندي ليه انا لو قاعد في مشكله الجا ليها بس انا ما اقدرش تقولي انا مش عايزه حاجه اعرف عنكم حاجه ماما في حاجات تعرفها اختي ما تعرفهاش ماما اصلا صاحبتي هي كل حياتي بس هي مش هتعيش طول العمر فانا هحتاج اكلم حد اكلم مين وما اعرفش اتكلم مع اختي هيمشي لوحدي انا طلعت من دماغي حكايه الجواز خلاص بقى انا زهقت ما فيش رجاله في الزمن ده رجاله عدله بس محتاجه حد يكون سندي المفروض اختي انا محتاجه نصيحه اعمل ايه مع اختي ...عرض المزيد

1 الدعم

19 نصيحة

Strawberry_80896 🇪🇬

عندي طاقة إيجابية كبيرة وعاوزة أطلعها

عندي طاقة كبيرة ايجابية و حاسة اني مبسوطة و معرفش ليه، و عاوزة اطلع كل ده، و مستعدة انصح اى حد بكل الطاقة اللى جوايا، و اكيد لو اقدر اساعد بحاجة هقدم ده، مرتاحة و حاسة براحة مش طبيعية و مش حابة أحس ب ده لوحدي، عاوزة أساعد اى حد يحس ب ده هو كمان، شعور حلو انك مش حاسس ب كل المشاكل و كم الضغوط اللى حواليك، بس انت من جواك مرتاح جدا و دي اكتر حاجة تخليك تقدر تحل مشاكلك بهدوء و نضج، انا بتمني لأي حد الراحة اللى انا حاسة بيها و الهدوء اللى حاسة به، مع ان ربنا عالم بكم الضغوط اللى عندي و اى مشاكل ماهو مفيش بيت خالي من المشاكل زي ما بيقولوا، بس الحمد لله و الله الواحد عايش في نعم ربنا يديمها علينا جميعا🩵🩵🩵🌸 ...عرض المزيد

3 الدعم

14 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع