عارفين الشخص اللي تبقو معاه فعلاقة وبمجرد غيابكم عنه بيجننه فتلاقوه مثلا كلمكم مكالمه وانتو مردتوش تلاقو 30 مكالمة و50 مسدج والدنيا مقلوبه وفالاخر يبعتلكم ڤويس في كلام طووويل واخره لو مش عايزني قولي ومتعملش فيا كده ... بيفسر ديما غيابكم عنه ان انت مش بتحبه او مش مهتم بيه وكانه ديما فحالة خوف وعدم طمأنينة ان انت مش بتحبه او مش عايزه والحقيقه ده نوع من انواع التعلق الموجوده وهو طريقته فالحب كده وهو لما بيحب حد بيبقى ديما خايف انه يتساب ديما في خوف من حتة الفقد دي وديما تلاقيه بيبذل مجهود كبير جدا عشان انت تقبله او تقوله كلمه حلوة فتلاقيه بيقولك كلام حلو كتييير وبيحبط اوي لو مردتش بنفس القوة والمشاعر وانا بتكلم عن النوع ده لان للاسف في ناس كتير بتظلمه ويبتدو يقولو انت زهقتنا وانت لزقه وده لان انت مبتبقاش فاهم احتياجاته وهو ببساطه كل احتياجاته انه يطمن انه يحس انه تمام وحد جمبه فانا بكلمكم عشان لو الاحتياجات دي لو بسيطه عليكم ادهالو وافهمو خوفو وطمنوه من وقت للتاني وادوله مشاعر لانه محتاج لمشاعركم انتو بالذات اللي بيحبكم وياترا مين هنا فحياته الشخص ده او هو بنفسه الشخص ده؟

1

11