الجنون

Ice Cream_20952 🇪🇬

منذ شهر واحد

شعور مرهق

الفترة الأخيرة دي بيجيلي احساس غريب جداً وبحس اني داخلة ف مرحلة الجنون. عارفين لما بيمر قدامكم موقف وتحسوا انكم عديتم بالموقف ده قبل كدة ، انا الفترة دي بيجي عليا الاحساس ده كتير مع تخيل إن في كوارث هتحصل وبتبدأ ضربات قلبي تزيد بس لما الوقف يعدي ويخلص مفيش اي حاجة من اللي اتخيلتها دي حصلت.

Strawberry_57860 🇪🇬

منذ شهرين

شعور قلق

اترددت اوي اني اكتب كده عشان معرفش انتوا هتقولوا عليا مجنونه ولا ايه بس انا مش عارفه ده عادي ولا لا انا بكلم نفسي ومش ساعات لا ده دايما كإني متخيله حد معايا يعني اقول في وسط الكلام "فاهم، عارف، ايه رأيك" من غير ما احس حتى او اركز في كلامي يعني بيطلع بتلقائيه حاولت ابطل كده واحاول اتكلم مع ناس واعمل

Hazelnut_52786 🇪🇬 اللي بتحسيه مش معناه إنك مجنونة خالص، ده في الغالب وسيلة عقلك بيفرّغ بيها المشاعر أو الوحدة، وناس كتير بيعملوا كده من غير ما ياخدوا بالهم. بس لما يوصل لدرجة مستمرة أو إنك ترتاحي أكتر في خيالك من الواقع، ساعتها يبقى محتاج شوية تنظيم من جواكي علشان ما يبقاش هروب. خلي الخيال وسيلة تعبير مش بديل عن العلاقات، وحاولي تكتبي كل الكلام اللي بتقوليه أو تحوّليه لفن أو حاجة تحبيها، ده هيساعدك تخرجيه بشكل مفيد

عرض الكل 6 نصيحة

French Fries_58101 🇪🇬

منذ شهرين

شعور وحيد

انا كنت طفله مولوده فظروف حياه ملغبطه مكنش اي شئ طبيعي وكبرت عندي اضطرابات كتير بقف وبقع لحد مخسرت كل شي وذال كل نعمه كنت بملكها خسرت شغلي بيتي واهلي صحابي وحتي الشخص اللي كنت بحبه معرفش مع اني مش وحشه وعمري مكنت وحشه بس نمت وصحيت لاقتني نسخه الناس كلها بتكرها ونافره منها مقمتش من الصدمه بس بقيت لوح

Lemon_52016 🇦🇪

منذ 6 أشهر

شعور لا مبالٍ

عبّر عن شعورك بشكل مجهول

كل موضوع بيبدأ بفكرة صغيرة لكن ممكن تكبر وتكبر لحد ما تصبح فكرة تغير طريقة تفكيرنا وتفتح لينا أبواب جديدة من الفهم وفي اللحظة دي بيبدأ الجدل بيبدأ التفاعل وبيبدأ التساؤل هل إحنا شايفين الأمور صح ولا في حاجات محتاجين نعيد النظر فيها؛ 
فيه ناس بنشوفهم مجانين ونعاملهم على إنهم خرجوا عن المألوف وعقولهم مش زي باقي الناس بس لو فكرنا شوية هنتفاجأ إنهم مش مجانين زي ما بنشوفهم ممكن يكونوا فاهمين الحياة بشكل صح أو بمعنى أصح هم شافوا الحقيقة زي ما هي مع كل قسوتها ومرها مش زي باقي الناس اللي دايمًا بتهرب من الحقيقة وتحاول تتخيل حاجات أحسن من الواقع عشان تقدر تكمل في الحياة وفي رأيي إنهم لما شافوا الحقيقة القاسية دي دماغهم ما تحملتش اللى شافوه فدماغهم اختارت تعيش في عالم تاني عشان تتحمل الصدمة يمكن يكون ده بالنسبة لينا جنون بس في الحقيقة ده نوع من الهروب من أشياء مستحيلة إن العقل البشري يتحملها دايمًا عايزين نعيش في عالم مليان أمل لكن لما نشوف الحياة من غير فلتر بنلاقي إن معظمها صراع وألم والناس اللى بتفهم الحياة زي ما هي مش زي ما احنا عايزين نعيشها بتوصل لمرحلة مش قادرة تتأقلم مع كل اللى حواليها فبتفقد توازنها وتدفع تمن الوعي الكبير ده اللى عايشين فيه مع ناس مش قادرين يشوفوا الحقيقة زيهم فبيبقوا في حالة من الانعزال أو التمرد وده بيخليهم يظهروا زي المجانين اللى مش قادرين ينسجموا مع الناس اللى عايشين في أكاذيب متعودين عليها
ورغم كل ده مش لازم يكون رأيي هو الصح ده مجرد تأمل شخصي يمكن أكون غلط ويمكن مش فاهم الموضوع كويس بس ده اللى شفته لحد دلوقتي في الحياة في النهاية اللي فاهم الحياة صح مش لازم يندمج مع المجتمع في الآخر ممكن يكون اللى وصلوا ليه بره عن المألوف بس يمكن ده صح أكثر من اللى بنعيش فيه يوميًا؛ وفي النهاية كلنا عندنا وجهات نظر مختلفة لكن ده مش بيخلي حد صح أو غلط المهم إننا نفكر ونراجع أفكارنا ونفضل دايمًا في رحلة من البحث عن الحقيقة الدنيا مش ثابتة وكل يوم بيعلّمنا حاجة جديدة فخليكم دايمًا مفتحين لفرص التغيير
#The Deep Thinker(الي هي انا يعنى)

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Guava_38341 🇯🇴

منذ 9 أشهر

شعور غاضب جدًا

مشكلتي بإنو عقلي بفكر و بتخيل لحاله أنا مالي دخل هو لحاله بدون ما اطلب منه يا الله اشياء ولا بتخطر عبال حدا ولا أنا ليش كنت أهرب التلفون ؟ كل ما اقعد لحالي دقيقة ببلش يفكر و يتخيل و هسا أنا حذفت كلشي يارب ما انجن عالآخر

Banana_35773 🇪🇬 الذهان التخيلي اضطراب نفسي متأخر الظهور ويشبه الفصام (الشيزوفرينيا) شوف/ي دكتور نفسي متخصص علشان الموضوع هيقلب معاك/ي بحاجات مش لطيفة

عرض الكل 2 نصيحة

Chocolate_52370 🇪🇬

مش عارفه أتكلم عن مشاعري في البرنامج

انا مش عارفه انا الوحيده اللي بحس بي كده ولا لا ان انا كل لما اجى ادخل البرنامج وببقي عاوزه اقول حاجات كتيره اوي بس مش بعرف مشاعري بتتلخبط اويي مع ان انا بدخل لما بحس اني جبت اخري من الدنيا ومش لقيه حد معايا حرفيا بس في الاخر مش بعرف اقول اي حاجه في البرنامج بقعد اشوف النااس لو في حاجه ممكن اساعد بيها بتكلم بس غير كده مش بعرف اتكلم عن مشاعري هو انا بس اللي كده انا جمعت الكلام ده بصعوبه ...عرض المزيد

3 الدعم

32 نصيحة

Apple_64150 🇪🇬

خطيبي فقد الشغف وسبني! أنا السبب؟

انا كنت مخطوبه لواحد قريبي كان بيحبني ف الاول ويقول كلام زي بريل عليكي ومجنناني والكلام ده ولو قدامي كنت اغتص...وكلام من ده بعد كده بدا يلمح بحاجات اكبر بس مكنتش بتكلم معاه ف الكلام ده كذا مره لحد ما قولتله انا سمعت شيخ بيقول المفروض تعامل خطيبتك كانها اختك وتحافظ عليها وهو اتغير من بعدها مبقاش يرن ( احنا اصلا ف العادي بحكم الجيش كنا بنتكلم مره واحده ف الاسبوع واوقات مرتين ) بس كانت ساعه ونص ف كنت بقول عادي بقيت ارن انا ميردش عليا ابعت الرساله يتاخر ب ٧ و ٨ ساعاات هو بيشتغل ميديكال ريب وكان بيقولي انه مشغول اقوله مفيش دقيقه اطمن عليا فيها يقول مفيش وارجع انا اكلمه عادي كل ده شات اوقات كان يلمح للكلام بتاعه ده وارجع اصده بهزار بردو عشان ميتقفلش ( لان كنت حاسه لو قولتله ياتسكت ي نفركش مكنتش حاسه انه هيختارني ) فضلنا ع موضوع مشغول ده من شهر ١٢ لحد العيد الصغير كنت بطلب منه يقولي كل سنه وانتي طيبه حتي قالي هتيجي ف وقتها قولتله حاسه اني بشحتك حرفيا قالي متشحتيش ( فانا جه ف دماغي انه كان بيعمل كده كعقاب ليا عشان كان اوقات يقولي قوليلي ي حبيبي مثلا او بحبك ف ريكورد او كده وانا كنت بتحرج اقول ) فقولتله شكرا وتاني يوم مكلمتوش ف دخل ع العشا كده قالي كل سنه وانتي طيبه رديت عليه وبقوله انا زعلانه من امبارح كنت فاكره هترن عليا تراضيني قالي انا وصلت للي فيه ده بسببك بسبب زعلك وقمصك ( وانا اصلا اقصي حاجه ممكن ازعل منه ٣ او ٤ ساعات وارجع اضحك تاني ) والفتره اللي فاتت كلها كان بيقول كلام سم وانا ببلعه عادي المهم اتعاتبنا واتفقنا ع حاجات هنمشي عليها بعدها والدته كانت مسافره ( والدته دي محضرتش الخطوبه عشان اهله بره مصر ورجعت بعد الخطوبه بسنه ومجاتليش تسلم عليا وعزمناها ف رمضان مرضتش تيجي قالتله والله مانا رايحه معاك ف حته ولا عزمتني هي ولا كلمتني ف العيد ولا جاتلي مع ان بيتهم ف الشارع اللي ورانا وانا اللي كلمتها ف العيد قالتلي نسينا نقولك تيجي تصلي معانا ) المهم اول ما سافرت قالي حقك عليا وانا مقصر معاكي وتعالي نخرج وخرجنا واتصورنا وانبسطنا بعدها باسبوع يقول مش مرتاح ومش عارف ياخد قرار واتفقنا ندي لنفسنا فرصه تانيه وهو قالي مش متخيل نفسي مع حد تاني وسالته لسه بتحبني وناوي تصلح قالي ايوه واتفقنا بعدها جالي وروح كان كويس وبيتفق معايا نعمل سيشن ف فرح اخته بعدها قعد شهر مجاليش وجالي ف العيد الكبير جايبلي حلويات بحبها وانا كمان جبتله وقعدنا نهزر ونضحك وروح بعتلي اغاني وكلام حلو حتي يومها بيقولي الراحه الكليه هتبقي ف الشقه ف قولت اهزر معاه واقوله ايوه احنا الاتنين بقي قالي انا بس انتي كده كده مش فارق ! بس عديتها عادي بعدها باسبوع كان كتب كتاب حد قريبنا بقوله عقبالنا فالي ايوع ربنا يكتب علينا اللحظه دي بعدها بكام يوم يقولي فقد الشغف وسابني بقوله ده احنا كنا كويسين يقولي كنت برد عليكي واجب طب ازاي ده قبلها بيومين كان بيقولي ام عيالي وتسلميلي ي قلبي وانتي الغاليه !! قولتله انت بتلعب بمشاعري وتقولي واجب! طب واجب ده لما تتاخر ف الرد عليا وانك متردش ع الموبايل انما قلبي وروحي وانك نفسك تعيش معايا ده ايه بتديني وعود ليه كده لما انت مش طايقني قعدت ٣ ايام مفتحش الرسايل كلمت اهله ابوه قالي استني يومين اكلمه قولتله حاجتكم جاهزه قالي لا استني ده مش عارف قيمه النعمه اللي ف ايده بعد يومين ابو كلمنب تاني وقالي الولد متردد قولتله حاجته جاهزه قالي لا استني يومين كمان استنيت حد يتكلم مفيش كلمت عمه جه خد حاجته هل انا السبب ف ده هل قفلته مني!! ازاي بعد ماكان بيقول يحبك ووحشتيني وقلبي وام عيالي بعدها بكام يوم يتحول كده ! وازاي ميكلمش ابويا ولا اهله كلموه طب مشاعري انا دي ايه ده انا لاخر يوم بقوله نفسي افرح بحياتي معاك يقولي فقد الشغف !! طب مانا بسالك بقالي ٥ شهور كان بيقول الدنيا تمام انتي اللي بيتهيألك اننا متغيرين اقوله احنا بنبعد يقول لا ! طب موقف امه ده ممكن تكون مكنتش موافقه عليا طيب!!!! ...عرض المزيد

0 الدعم

21 نصيحة

Mushroom_68593 🇪🇬

مبقتش قادره استحمل خلاص... تعبت من كتر العياط

مبقتش قادره استحمل خلاص كفايه تمثيل انا مش كويسه ولا انا بخير ولا تمام انا مش عرفاني كل حاجه فيا متكسره الف حته مش عارفه اصلح اي حاجه باظت جوايا تعبت من كتر العياط كل يوم ع كل حاجه بتروح و مش عارفه ارجعها تعبت ع اني بتعاقب ع حاجه مش عرفاها نفسي كل حاجه تنتهي حتي اناا ...عرض المزيد

1 الدعم

21 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع