الجد

Coffee_56037 🇪🇬

منذ يوم واحد

شعور مكسور القلب

موضوع:

قادر تكمل حياتك بعد وفاة شخص قريب منك

بعد وفاة جدتي والدة امي الله يرحمها حاسس كأن حرفيا انا بشوف العالم بلون غير اللون وان الزمن قبلها غير الزمن بعدها مهما فات السنين انا مش هنا وكأن في حتة مني راحت. مكنتش بحس بكلام اي حد بيقول كدا قدامي الا لما جربت ده.

Pistachio_56152 🇪🇬 ربنا يرحمها ويصبرك بس للاسف الحياه مبتقفش حاول تستعيد نفسك

عرض الكل 3 نصيحة

Tofu_51771 🇪🇬

منذ شهر واحد

شعور مكسور القلب

ازاي اقدر اتخطى وفاة جدي و ازاي اقدر اتخطى ان اقرب صديق ليا بِعد عني و موقفش جنبي ف أكتر وقت انا محتجاه فيه مع اني عاتبته و قالي هيكلمني و اختفى بدون أسباب جوايا كلام كتير محتاجه اقولهوله و ف نفس الوقت مش قادره اكلمه

Strawberry_42567 🇰🇼

منذ 4 أشهر

شعور محبط

عارفين شعور أن انتوا تفهموا أنكم بتحبوا حاجه بعد ما تروح؟... بس المشكله الحاجه دي كانت شخص عزيز عليا كانت جدو الله يرحموا هو كان احن عليا من بابا و عارفين انا حاسه اني وحشه اوي بجد انا كنت دينا بتجنب القعده معاهم مكنتش بحب مع أنه كان بيفرح اوي لما يقعد معيا الكل كان عارف أن انا الحفيده المفضله ليه

Guava_49039 🇪🇬

منذ 5 أشهر

شعور وحيد

قلبي وجعني اوي لأن زي النهارده اتوفى حد كان غالي عليا اويي ومش مصدقه أنه راح وأني مش هشوفه تاني طب مش هيجيب ليا حاجات حلوة وهو راجع طب مش هيطبطب عليا تاني ويقولي اني حفيدته المفضلة بس مقولش لحد طب مش هيجي ليا الكراميلا والأيس الكريم اللي بحبه . مشيت يا جدو واخدت كل حاجه حلوة معاك كان نفسي اشوفك قبل

Waffle_51211 🇦🇪

منذ 5 أشهر

شعور ضائع

عبّر عن شعورك بشكل مجهول

مش عارفه انا فرحانه اني صليت الفجر وانجزت حجات كتير 
ول ازعل اني افتكرت جدي وجدتي مش عارفه صراحه بس الله يرحمهم ويغفر لهم وصدقونى مش هتعرفو قيمه الحاجه غير اما تروح سبحان الله وانا قاعده افتكرت كذا مشهد او المشاهد الوحيده الي افتكرها ليا مع جدي ان كل ما ماما كانت بتروح عند اهلها وبلاخص فشتا كان يخاف عليا اني اتعب ويقولها سيبيها وانا الميا العاديه بتوجع بطنى ومعرفش اكل بسببها فكان علطول بيخليهم يجبولى ميا معدنيه معان وقتها كانت غاليه وهو الي كان بيدفع والله اتمنى من كل قلبي اني احلم بيه حتى  وكنت في اخر ايامه الله يرحمه بروح معاه للمستشفي مع بابا وعمامى انا الوحيده وكنت علطول باكل معاه واقعد معاه فلبرندا او البلكونه مش عارفه انتو مالكو  صراحه بس يلا وسبحان الله مفياش شبه منه شكلا بس صفاتا وشخصية فيا منه كتير اني بحب انام عكنب واسيب الاوضه والسرير متظبط واحب اسهر واتفرج عتلفزيون واقعد اتفرج عناس هو صحيح معرفش عنو كتير بس بفتكر اني كنت لما ابقا فمصر علطول معاه لاني كنت اول خلفه لبابا واول بنت في ولاد اعمامي وهو كان بيحب بابا اوي وتيتا سبحان الله ان الاجازه الاخيره حبتها فجاءة اوي وبقيت بهزر معاها واقعد معاها والحمدالله ان ليا معاها ذكريات حلوه كنت اخر ايام لينا فلاجازه بقعد اقولها مخبيه فلوسك تحت انهي بلاطه ونهزر وكدا وهي كانت بتدافع عنى ومتحبش بابا يزعلنى و وصيتها كانت بابا وعمى الكبير يرجعو يتكلمو مع بعض لان قاطعين بقالهم اربع سنين او اكتر فاتمنى بجد يرجعو عشانها

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Marshmallow_49911 🇪🇬

منذ 5 أشهر

شعور مكسور القلب

موضوع:

هل اشتقت لأحد أو لشيئ لدرجة البكاء؟

جدو حبيبي ذكرى وفاته التانيه كمان شهر ولدلوقتى مش قادره استوعب انه اتوفى وانى عايشه من غيره عادى كل مره برجع فيها البيت ببقى مستنياه يستقبلنى زى ما كان بيعمل لما اكون مسافره وارجع مش قادره انسى تفاصيل اليوم اللى اتوفى فيه ولا قادره اتخطى قلبى واجعنى اوى بجد وحاسه انى اتكسرت من بعده. ادعوله هو وص

Strawberry_29159 🇮🇹 الله يرحمهم ويغفر لهم ويسكنهم فسيح جناته ويلهم أهله وذويه الصبر والسلوان

عرض الكل 2 نصيحة

Pineapple_45749 🇪🇬

منذ 6 أشهر

شعور محبط

موضوع:

اكتر حد حزين انك فقدته ؟

جدو💔كانت الطيبه والحنيه بتتلخص فيه💔كان سندى فى الدنيا وضهرى اكتر من ابويا مكنش حد بيقدر يجى جمبى 💔عدى على فراقه 11سنه كانّه مات امبارح حقيقى من الايام إلى كانت صعبه بنسبالى وهو ميتنسيش نهائى وكدأب إلى بيقول الايام بتنسى💔

Strawberry_28162 🇪🇬

منذ 7 أشهر

شعور محبط

عبّر عن شعورك بشكل مجهول

حاولت حاولت كتير افضل زى ما أنا حاولت ما اضعفش حاولت أحمى نفسى وبشرتى وجسمى بس مش قادره مش قادره خلاص تعبت كل الناس ضدى والظروف وكل حاجه ضدى وضد رغباتي مش يأس من رحمة الله بس تعب حتى الشخص الوحيد إلى كنت برتاح بمجرد ما ببص له سابنى ومشى قولت له ماتسبنيش أنا محتجاك بس للاسف دا قدر ربنا ومش اعتراض عليه بس هو واحشنى اوى كان اغلى حاجه ليا هو الموت كان راحه له عشان هو كان تعبان عنده سرطان الكبد فضل تعبان ست سنين ست سنين وانا شايفاه بيتعذب قدامى شايفاه وهو بيموت كل يوم شايفه والمرض بياكل فى جسمه وعضمه وانا مش عارفه اعمل له حاجه احساس العجز كان قاهرنى هو فعلا ماكنتش بحكى له إلى مضايقني بس أنا عارفه ان لو حكيت او كنت متعوده احكى كان الوحيد إلى هايفهمنى ويواسيني كنت برتاح لما ببص له واشم ريحته كنت بنسى كل إلى مضايقنى بكون مطمنه بس هو سابنى سابنى وهو مش فاكرنى سابنى وهو ماتكلمش معايا ولا دعالى زى ما بيعمل دايما سابنى وانا مش مستوعبه حتى ماقدرتش أودعه أنا ماكنتش مقتنعه انى خلاص ماعنتش هاشوفه ولحد الان مش مستوعبه وبدعى يجي ليا فى الحلم مابيجيش ماعرفش ليه سابنى وانا مش معايا غير شوية ذكريات صغيره ولا المرض سابنا نعمل ذكريات ولا الموت سابنا اتأمل فيه هو كان الشخص الوحيد إلى بيدينى امل فى الحياه أنا كنت عارفه وقايله ان آخر حته كويسه جوايا وآخر امل هايدفن معاه ودا فعلا إلى حصل المشكله انى كنت واثقه ان ربنا هايشفيه كنت واثقه ثقه عمياء أنا نفسي كنت بستغرب من ثقتى بس اتخذلت عارفه ان دا خير له ولينا بس أنا تعبت من بعده حسيت بقيمته اوى رغم انى كنت حساها وهو عايش بس دلوقتى حسيت بالفرق فى حياتى نفسى اروح له وانا صغيره كنت بقول هاتبرع له بكبدى مش مهم أنا اعيش المهم هو مش عايزين منى وهايزرعه له ومافيش وفلوس هابيع كليتى هاعمل اي حاجه بس اشوفه كويس هو ماكنش مجرد جدى دا كان روحى وابويا واخويا وكل ما ليا مش قادره أتخطى شكله قبل ما يموت والحاله إلى وصل لها مش قادره أتخطى دموعه وهو صعبان عليه نفسه مش قادره اتخطاه هو شخصيا مش قادره اتخطى حياته اقنعونى ازاى اتخطى مماته مش قادره أتخطى وهو مش راضى يتصور عشان شكله جدو حياته اتشقلبت 180 درجه كان فى صحه وتخين بقى ماشى على عكاز و وزنه 42 كان بيشتغل فى الارض لوحده مابقاش قادر يروح حتى يشوفها كان بيعمل كل حاجه فى البيت مابقاش حتى قادر يمشى دا الدكتور فى آخر أيامه كنا رايحين نكشف الكشف إلى بنعمله كل شهرين قالنا سبحان الله رغم كل إلى بيحصل للكبد إلا انه لسه متماسك كنت فرحانه اوى قولت هايبدا يتماسك وربنا هايشفيه زى ما أنا كنت متاكده مش زي ما هما بيقولوا وانا كنت عارفه بس للاسف هما طلعوا صح اصل بابا قال لو جدو عاش لـ شهر 6 يبقى خير واهلى كانوا بيقعدوا يرتبوا لموته وانا إلى هو انتو هبل دا لسه بدرى عليه دا لسه ماشفش نتيجة تالته إعدادى ولا ثانوى ولا تخرجى ولا فرحى ولا اي حاجه لسه قدامه عشر سنين على الاقل وفى نص احلامى دى اخد قفا فوقنى من احلامى إلى مالهاش معنى دى وبرغم من انه مات بس أنا لسه بحلم بيها وبحلم وبخطط لـ اي حاجه ولازم أحطه اول حاجه أنا واثقه ومؤمنه ان فى كل حدث كان نفسى يكون موجود فيه هايجيلى فى الحلم أنا واثقه وان شاء الله يحصل ويجيلى على طول عشان هايبقى كتير اوى عليا انى ولا اشوفه هنا ولا هنا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.