التوازن

Coffee_63995 🇪🇬

منذ أسبوع واحد

شعور متوتر

"أنا عندي مشكلة كبيرة في إني مش بعرف أرتب وقتي خالص. كل يوم بلاقي نفسي متلخبطة بين واجبات المدرسة والدروس وبين إني عايزة أعمل حاجات بحبها زي إني ألعب رياضة أو أقرأ أو حتى أقعد شوية على الموبايل. بحاول أعمل جدول وأكتب لنفسي إيه اللي ورايا، بس عمري ما بكمل عليه، وبالآخر بحس إني ما أنجزتش حاجة. الموضوع

Chocolate_59813 🇪🇬

منذ أسبوع واحد

شعور ضائع

المشكلة انك لو سحلت نفسك شغل وكورسات عشان مستقبلك بتحس ان شبابك بيضيع ومش عارف تستمتع بحياتك وبتخاف لما تكبر تندم على الشباب اللي راح على الشغل بس ولو أنتخت شوية واستمتعت بحياتك بتحس إنك مابتعملش حاجة مفيدة ومستقبلك بيضيع وبتخاف لما تكبر ماتوصلش للي نفسك فيه والمشكلة الأكبر إن مفيش وسط تقريبًا.

Strawberry_57475 🇪🇬

منذ شهرين

شعور Bad 😞

انا متزوجه من ١٥ سنه وللاسف زوجي شخص غيور جدا لدرجه انه وقف كل شي في حياتي ولا دراسه ولا اصحاب ولا خروج واذ فجاه بقي هو كل حاجه ولما خلاص بقيت حد هو ضامن وجوده وفعلا بحبه جدااا وبتنازل عن اي شي علشانه هو بدا يجي عليا جدا ويتجاهلني ورافض اني اعمل اي شي وبجد وصلت لمرحله اني حاسه اني مسجونه ومعندناش او

Pistachio_56152 🇪🇬 ولا حتي نادي ولا هو بيخرجكم ولا بتروحي مصيف؟

عرض الكل 10 نصيحة

Blueberry_55506 🇪🇬

منذ 3 أشهر

شعور مرتبك

ازاي الواحد يوازن بين اختياراته وحياته الشخصية وما بين أهله وتوقعاتهم منه في أي حاجه وكل حاجة حرفيا في ابسط الاشياء خصوصا بعد م جربت العيشه لوحدي فتره ورجعت تاني اعيش معاهم في نفس البيت

Potato_51862 🇪🇬

منذ 6 أشهر

شعور غاضب جدًا

Coconut_35407 🇪🇬

منذ 10 أشهر

شعور محبط

من وقت للتاني الانسان بيحتاج يفصل ويبعد عن كل حاجه محتاج يبقي لوحده بيحب يختلي بنفسه لازم كل الناس تفهم ده مالوش اي علاقه بتوحد او اكتئاب او بؤس كلنا بنحتاج نفصل خد راحتك وخلي الناس تاخد راحتها❤️‍🩹

Strawberry_25987 🇪🇬

منذ 10 أشهر

شعور متعب

موضوع:

ازاي بتتعاملوا مع ارهاق الكليات العملية

هو الموضوع صعب فعلا بس مع مرور اول سنه ف الكليه بنحاول نتعود شويه بنبدأ نفهم الدنيا بيبدأ تنظيم الوقت نعرف نعمله بين ان اروح الجامعة وارجع أبدا مذاكرة أكيد مش مذاكرة جامدة بس ع الأقل اقرأ المحاضرات اول بأول عشان لما اجي أذاكر آخر الأسبوع ابقي فاكرة الدكتور شرح ازاي طبعا العملي مهم ف التطبيق مهم اوي

Tofu_19479 🇪🇬

منذ سنة واحدة

شعور مرتبك

عبّر عن شعورك بشكل مجهول

أقولكوا على حاجه؟
محدش هيحس بيكوا ولا باللي بتمروا بيه غيركوا وبس لأن محدش بيحس بلسعة النار غير اللي اتلسعها بكلمكوا من واقع تجارب كتير وواحده الحياه دشملتها وواحده سافرت واتغربت وواحده ضاعت أحلامها وكل حاجه حبيتها مكملتش واحده اتكسرت من كل الحاجات اللي حبتها عمومًا وحاجات كتير جدًا بس عارفين!
كل مره حكيت فيها حاجه وجعاني اكتشفت إن فعلا أنا بس اللي حاسه بالوجع وإن الناس مهما حاولوا يهونوا علينا ف الأول والآخر همه مش أصحاب مشكله ف إحساسهم بيها مش هيكون زي إحساسنا بيها..حتى الناس لو سمعتك وادتلك حلول من غير الحل الحقيقي وهو قربك من ربنا ف كل الحلول اللي بتاخدها ملهاش لازمه
بذكر نفسي وإياكم نرجع لربنا
ونفتكر إن الوجع اللي اتوجعناه ف حياتنا ده لسبب ربنا أراده علشان منفضلش ساذجين طول حياتنا وعلشان نكون أنضج وعلشان بعدين اختياراتنا وقراراتنا تكون أنضج وعلشان نتعلم إن التعلق بغير الله مذله وإن التعلق الحقيقي هو التعلق بربنا
اه مش هنكر إن أوقات بزعل وبقول طب كل ده كان ليه وأعتقد كلنا بنسأل نفسنا نفس السؤال بس الحقيقه لولا كل ده كنا هنفضل بنفس السذاجه وحقيقي اللي ممرش بتجارب ومواقف توجعه وتكسره الحياه معلمتهوش
وحقيقي كل ما بتتوجع بتتعلم وعلى قد ما هتتكسر وتتوجع على قد ما هتنضج وتفكيرك هيكون أنضج وأعقل حتى لو سنك صغير ومريت بتجارب أكتر من ناس زيك ف نفس جيلك هتلاقي نفسك أعقل وأنضج من ناس ف جيلك عادي 
هي الفكره مش ف قد ايه اتوجعت على قد ما هي اتعلمت ولا لا؟
كمان عايزه أقول إن مرت عليا أيام صعبه لما اتغربت مكانش فيه حاجه مصبراني قد قربي من ربنا والصلاه والاستغفار الكتير والحوقله
هنقدر نحقق التوازن النفسي ف حياتنا لما نقرب من ربنا 
مش هكدب عليكوا وأقولكوا الحياه ورديه
ربنا قال ولقد خلقنا الانسان في كبد
مفيش راحه هنا 
بس ربنا قال كمان ومن أعرض عن ذكري فإن له معيشةً ضنكا
تخيلوا فوق حزننا وزعلنا بعدنا عن ربنا بيخلي حياتنا سوداويه وصعبه وبيكون سبب للاكتئاب والهم
جربوا تحكوا لربنا عن مشاكلكوا وعيطوا قولوله يارب ساعدنا محتاجينك يارب احنا تعبنا قوينا يارب عوضنا 
صدقوني أكتر الأوقات اللي ارتحت فيها لما فضفضت كانت الفضفضه لربنا لأني عارفه إنه حاسس بيا وسامعني بدون مقاطعه وكمان هو الوحيد اللي معاه كل الحلول لكل المشاكل
اه أوقات بزعل وطبيعتي ك إنسانه يعني إني أزعل احنا كبشر ضعيفين وهشين من جوه بطبيعتنا بس أوقات تانيه برجع أقول ربنا هيعوضني 
اه بتأرجح ما بين اليأس والأمل بس مش متشائمه
بتأرجح ما بين الطاعه والمعصيه تاره أتوب وتاره أعصي بس يجاهد نفسي 
كلنا محتاجين نعيد حساباتنا ونرجع لربنا قبل فوات الأوان 
معظم مشاكلنا سببها الأول البعد عن ربنا 
يارب يهديني وإياكم ويارب يحققلكوا أحلامكوا وأمانيكوا ويجعلكوا من سعداء الدارين ولا أذاق الله قلوبكم مرارة الحزن والفراق
يارب يسعد قلوبكم ويعوضنا جميعًا عن كل وجع وألم عيشناه.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_15394 🇶🇦

منذ سنة واحدة

شعور ضاق ذرعًا

رسالتي لكل بنت : زي ما مهم ان البنت تدرس و تشتغل و تقدر تبقا معتمده على نفسها و يبقا معاها شهاده تقدر تشتغل بيها في اي وقت …مهم بردو انها تهتم باطفالها لما تتجوز …مش معني انو عشان تبقي ست واخده حقوقك انك لما تتجوزي و تخلفي تروحي راميه عيالك للبيبي سيتر لا انتي فاهمه غلط.🥹 الاطفال دي ليها حق انك تاخ

Potato_11214 🇪🇬

منذ سنة واحدة

شعور Okay 😐

لا أحد يعطي دروس مجانية نحن نتعلم بالتجربة وبالخطأ والصواب فـ عندما يقول لك شخص علمتني الحياة فاعلم أنه دفع الثمن باهظًا لا يمكن لأحد أن يصل لمرحلة العقلانية دون أن يُكسر كل مافي داخله وبهذا يصل لمرحلة النضج والتوازن

Orange_15317 🇪🇬

منذ سنة واحدة

شعور Okay 😐

صَباحُ الخَير يا وجه الخَير، أمّا بعد: كُلّمَا شعرت بأنّ روحكَ تَخبُو، أوقِدها بهذه العبارة: "إنّ الرّاحة لا تُدرَك بالرّاحة" ادرس بقدر استطاعتك لا مَا يقل عنها فيأكلكَ النّدم، وينهشُك ضميركَ الدراسيّ نهشًا إن تدنّت علاماتك بسبب تقصيرك، وتقاعسك بل وتتحسّر علىٰ ما فرّطت في دراستك.. ولا ما يزيد علي

Chocolate_52370 🇪🇬

مش عارفه أتكلم عن مشاعري في البرنامج

انا مش عارفه انا الوحيده اللي بحس بي كده ولا لا ان انا كل لما اجى ادخل البرنامج وببقي عاوزه اقول حاجات كتيره اوي بس مش بعرف مشاعري بتتلخبط اويي مع ان انا بدخل لما بحس اني جبت اخري من الدنيا ومش لقيه حد معايا حرفيا بس في الاخر مش بعرف اقول اي حاجه في البرنامج بقعد اشوف النااس لو في حاجه ممكن اساعد بيها بتكلم بس غير كده مش بعرف اتكلم عن مشاعري هو انا بس اللي كده انا جمعت الكلام ده بصعوبه ...عرض المزيد

3 الدعم

32 نصيحة

Apple_64150 🇪🇬

خطيبي فقد الشغف وسبني! أنا السبب؟

انا كنت مخطوبه لواحد قريبي كان بيحبني ف الاول ويقول كلام زي بريل عليكي ومجنناني والكلام ده ولو قدامي كنت اغتص...وكلام من ده بعد كده بدا يلمح بحاجات اكبر بس مكنتش بتكلم معاه ف الكلام ده كذا مره لحد ما قولتله انا سمعت شيخ بيقول المفروض تعامل خطيبتك كانها اختك وتحافظ عليها وهو اتغير من بعدها مبقاش يرن ( احنا اصلا ف العادي بحكم الجيش كنا بنتكلم مره واحده ف الاسبوع واوقات مرتين ) بس كانت ساعه ونص ف كنت بقول عادي بقيت ارن انا ميردش عليا ابعت الرساله يتاخر ب ٧ و ٨ ساعاات هو بيشتغل ميديكال ريب وكان بيقولي انه مشغول اقوله مفيش دقيقه اطمن عليا فيها يقول مفيش وارجع انا اكلمه عادي كل ده شات اوقات كان يلمح للكلام بتاعه ده وارجع اصده بهزار بردو عشان ميتقفلش ( لان كنت حاسه لو قولتله ياتسكت ي نفركش مكنتش حاسه انه هيختارني ) فضلنا ع موضوع مشغول ده من شهر ١٢ لحد العيد الصغير كنت بطلب منه يقولي كل سنه وانتي طيبه حتي قالي هتيجي ف وقتها قولتله حاسه اني بشحتك حرفيا قالي متشحتيش ( فانا جه ف دماغي انه كان بيعمل كده كعقاب ليا عشان كان اوقات يقولي قوليلي ي حبيبي مثلا او بحبك ف ريكورد او كده وانا كنت بتحرج اقول ) فقولتله شكرا وتاني يوم مكلمتوش ف دخل ع العشا كده قالي كل سنه وانتي طيبه رديت عليه وبقوله انا زعلانه من امبارح كنت فاكره هترن عليا تراضيني قالي انا وصلت للي فيه ده بسببك بسبب زعلك وقمصك ( وانا اصلا اقصي حاجه ممكن ازعل منه ٣ او ٤ ساعات وارجع اضحك تاني ) والفتره اللي فاتت كلها كان بيقول كلام سم وانا ببلعه عادي المهم اتعاتبنا واتفقنا ع حاجات هنمشي عليها بعدها والدته كانت مسافره ( والدته دي محضرتش الخطوبه عشان اهله بره مصر ورجعت بعد الخطوبه بسنه ومجاتليش تسلم عليا وعزمناها ف رمضان مرضتش تيجي قالتله والله مانا رايحه معاك ف حته ولا عزمتني هي ولا كلمتني ف العيد ولا جاتلي مع ان بيتهم ف الشارع اللي ورانا وانا اللي كلمتها ف العيد قالتلي نسينا نقولك تيجي تصلي معانا ) المهم اول ما سافرت قالي حقك عليا وانا مقصر معاكي وتعالي نخرج وخرجنا واتصورنا وانبسطنا بعدها باسبوع يقول مش مرتاح ومش عارف ياخد قرار واتفقنا ندي لنفسنا فرصه تانيه وهو قالي مش متخيل نفسي مع حد تاني وسالته لسه بتحبني وناوي تصلح قالي ايوه واتفقنا بعدها جالي وروح كان كويس وبيتفق معايا نعمل سيشن ف فرح اخته بعدها قعد شهر مجاليش وجالي ف العيد الكبير جايبلي حلويات بحبها وانا كمان جبتله وقعدنا نهزر ونضحك وروح بعتلي اغاني وكلام حلو حتي يومها بيقولي الراحه الكليه هتبقي ف الشقه ف قولت اهزر معاه واقوله ايوه احنا الاتنين بقي قالي انا بس انتي كده كده مش فارق ! بس عديتها عادي بعدها باسبوع كان كتب كتاب حد قريبنا بقوله عقبالنا فالي ايوع ربنا يكتب علينا اللحظه دي بعدها بكام يوم يقولي فقد الشغف وسابني بقوله ده احنا كنا كويسين يقولي كنت برد عليكي واجب طب ازاي ده قبلها بيومين كان بيقولي ام عيالي وتسلميلي ي قلبي وانتي الغاليه !! قولتله انت بتلعب بمشاعري وتقولي واجب! طب واجب ده لما تتاخر ف الرد عليا وانك متردش ع الموبايل انما قلبي وروحي وانك نفسك تعيش معايا ده ايه بتديني وعود ليه كده لما انت مش طايقني قعدت ٣ ايام مفتحش الرسايل كلمت اهله ابوه قالي استني يومين اكلمه قولتله حاجتكم جاهزه قالي لا استني ده مش عارف قيمه النعمه اللي ف ايده بعد يومين ابو كلمنب تاني وقالي الولد متردد قولتله حاجته جاهزه قالي لا استني يومين كمان استنيت حد يتكلم مفيش كلمت عمه جه خد حاجته هل انا السبب ف ده هل قفلته مني!! ازاي بعد ماكان بيقول يحبك ووحشتيني وقلبي وام عيالي بعدها بكام يوم يتحول كده ! وازاي ميكلمش ابويا ولا اهله كلموه طب مشاعري انا دي ايه ده انا لاخر يوم بقوله نفسي افرح بحياتي معاك يقولي فقد الشغف !! طب مانا بسالك بقالي ٥ شهور كان بيقول الدنيا تمام انتي اللي بيتهيألك اننا متغيرين اقوله احنا بنبعد يقول لا ! طب موقف امه ده ممكن تكون مكنتش موافقه عليا طيب!!!! ...عرض المزيد

0 الدعم

21 نصيحة

Mushroom_68593 🇪🇬

مبقتش قادره استحمل خلاص... تعبت من كتر العياط

مبقتش قادره استحمل خلاص كفايه تمثيل انا مش كويسه ولا انا بخير ولا تمام انا مش عرفاني كل حاجه فيا متكسره الف حته مش عارفه اصلح اي حاجه باظت جوايا تعبت من كتر العياط كل يوم ع كل حاجه بتروح و مش عارفه ارجعها تعبت ع اني بتعاقب ع حاجه مش عرفاها نفسي كل حاجه تنتهي حتي اناا ...عرض المزيد

1 الدعم

21 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع