الانتحار

Mushroom_77972 🇪🇬

منذ 3 أيام

شعور مكتئب

عبّر عن شعورك بشكل مجهول

انا حياتي عباره عن وحده رغم وجود ناس حوليا شعور غريب اهلي منفصلين للاسف عشت مع امي فتره وابويا فتره وبعدين استقريت مع امي ومع واخواتي اخويا اصغر مني كان بيضربني وامي ضدي حتي لو انا معايا حق اختي الكبيره مش بتشوف غير فين مصلحتها وبتعملها وهيه وامي مع بعض ف اي حاجه حتي لو ايه الحاجه دي امي عشان انا رحت فتره اعيش عند ابويا اللي هوه للاسف مش بيصرف اي حاجه ولا بيعمل اي حاجه غير انو بس بيتكلم ويفضل يقول انا وانا 
لما انا نجحت ف الثانوي وكان نفسي ادخل كليه بحبها امي رفضت ودخلتني نفس كلية اختي عشان ابقي تحت امرهم ف كل حاجه انا بحب الغناء رحت اشتركت ف الكليه عشان اغني اختي جت الكليه وعملتلي مشكله كبيره وجريت طلعت بره وفضلت اعيط لوحدي وبعدين روحت بليل لقيت اخويا للي هوه المفروض اصغر مني مقابلني بيضربني وضرب مبرح 
لما خلصت جامعه حبيت واحد وهوه جه اتقدم لما خلص وقت المقابله ف بيت امي وكل حاجه كانت هتم امي قالت لازم ابوكي يساعد انا مش هجهز لوحدي رحت لابويا قال انا مش دافع وامي قالت مش هجيب حاجه وفضلت انا مبين كل واحد بكلمه وبعد فتره جالي اكتئاب مش بحب اقعد مع حد مش بحب اتكلم معاهم بكره كل التعاملات معاهم لدرجة ان الشخص اللي انا بحبه مش عارفه اتعامل معاه ومش حسه بحاجه خلاص نحيته لغاية ما كل حاجه باظت وبعدين انا بقيت مريضه وطلبت اشاعات وتحاليل من امي مفيش فلوس رغم ان الحمد لله هيه ميسرة الحال رحت اشتغلت بس الفلوس مش مكفيه نفسيتي تعبانه فكرت ف الانتحار كتييير 
مش عارفه اعمل ايه بدعي ربنا يهديني انا مش عارفه مشتته ف كل حاجه لدرجة بكره كل الناس مش بحب التعامل مع الناس معظم الوقت وحدي مش ليا صحاب نهائي ومش بعرف اصاحب حد ومش بعرف احب حد الأحداث دي حاجه بسيطه من اللي اتعرضت ليه من صغري ف حااجات كتيره انا مش عارفه اعمل ايه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Apple_77348 🇪🇬

منذ أسبوع واحد

شعور محبط

بفكر جديا في الانتحار بسبب ادماني علي مواقع والعاب المراهنات لدرجة اني بقيت غارف في الديون وانا ال عمري ما طلبت جنيه من حد استخسرت اصرف علي زوجتي واولادي وبخسرهم في برامج الزفت ومش لاقي حل بدعي علي نفسي ربنا ينتقم مني وبفكر اطلق ومش عارف اعمل اي

Apple_76344 🇪🇬

منذ شهر واحد

شعور مرهق

انا واحد صفر علي الشمال لا عندي شقهً ولابيت ولا فلوس و شقتنا ف منطقه وحشه جدا وانا عندي ٢٣ سنه و شغال شغلانه عاديه والبيت عندنا فوق خط الفقر بشويه ومحدش بيساعدني خالص لا ماديا ولا نفسيا ف انا واخد فلوس سلف من واحد علشان مصاريف الكليه وممضيني علي وصل امانه والمفروض ادفعلهً كل شهر ٢٧٠٠ والشغل اللي ا

Pear_76416 🇪🇬 أنا ٢٣ ولسه مااتخرجتش،انت مش بتتخانق مع الزمن ،حاول تمشي حالك لحد ما تخلص الوصل وبعد كدة هتبقى تمام

عرض الكل 10 نصيحة

Lemon_74922 🇪🇬

منذ شهر واحد

شعور ضائع

اعمل اي و انا الفتره اللي فاتت بتراودني افكار الانتحار يوميا للعلم انا الحمدلله بصلي اه مش منتظم بس الحمدلله منتظم في صلاه الفجر بس برضو انا بيجيلي احساس ان مفيش فايده بقي حاولت اعمل كل حاجه وكل حاجه فشلت ععارف ان ربنا كريم وكل حاجه بس كتر الفشل بيوجع بقيت اتاكد ان انا اللي فاشل بسبب كتر الفشل ده

Blueberry_75053 🇪🇬

منذ شهر واحد

شعور وحيد

بالي فترة كبيرة اوي منغير شغف للحياة مش قادر اتحرك مش قادر اكلم حتي شغلي مش قادر اروحه ولا اتعامل مع ناس ويمكن السبب هو الشغل الأنا في بس في نفس الوقت مش عارف اسئله قبل ما لاقي شغل تاني بس خلاص مبقتش قادر كل شوية بقول الحياة هتتحسن بس الي بيحصل العكس بتحط تحت ضغط اكتر لدرجة اني بدات افكر في الانتحار

Nutella_74415 🇪🇬

منذ شهر واحد

شعور مستنزف

عبّر عن شعورك بشكل مجهول

انا تقريبا لسه طفله وبشوف نفس طفله بس الظروف حكمت عليا ان اعيش سنين اكبر من سني ماما وبابا منفصلين من 10 سنين ماما ست مكافحه وسبوره وب 100 راجل احنا اربعه انا وولدين اصغر مني واختي الصغيره انا الكبيره بتاعتهم باختصار عشت اسوء فتره حياتي بيجي عليا وقت اقول الفتره دي بتبقى احلى فتره في حياه الانسان انا دي اسوء فتره في حياتي هل لما اكبر واخرج واروح واعرف الدنيا هعرف اعيش مش هقدر ماما بقى لها ثلاث سنين بتشتغل دلوقتي عشان المسؤوليه زادت وانا اللي استحملت البيت وكل حاجه كنت على طول بجيب من العشره الاوائل على المدرسه كنت بخش مسابقه قران واجيب المركز الثاني او الاول دلوقتي حتى صلاتي مش قادره اعملها بصحى من نومي اعمل البيت اودي اخواتي الدروس واروح اجيبهم من الدروس واجي اعمل لهم ياكلوا اكتب معاهم الواجب ويا دوبك اقوم اغير هدومي واروح لدروسي مع العلم ان انا دلوقتي في ثانويه عامه عمري في حياتي ما حسيت ان انا متقمره او ان انا دي مش العيشه اللي انا بتمناها بالعكس بحمد ربنا وبقول الحمد لله على النعمه دي كنا في الاول ماجرين بعد كده لما الظروف ساءت رحنا قعدنا في بيت اهل ماما اللي هم اهلي بمعنى اصح وكل حاجه حلوه في حياتي بس لو فضلنا قاعدين مع تيته في بيتها تيته قديمه وبنتخانق وكده مع العلم ان في شقه فوق مبنيه ولكن ما فيش فيها كهرباء ولا اي حاجه ولا شبابيك ولا اي حاجه طلعنا قعدنا في الشقه دي عادي وعملنا خشب على الشبابيك وظبطنا البيت وكنا مبسوطين وراضيين بابا اتجوز اول جوازه وفشلت بعد ماما وثاني جوازه بس فرق ثاني جوازه دي المجمع مراته الثانيه دي باولادها وانا واخواتي بعيد عنه كانت صدمه نفسيه ليا ولاخواتي اخواتي ابتدوا يطلبوا ان هم نفسهم يشوفوا يشوفوا بابا ويقعدوا معاه ويصحوا يلاقوه في البيت طلبوا طلبات لنا ولا ماما نقدر نعملها ماما معيشانا في مستوى كويس اللي بنحتاجه بتجيبه وبنتفسح وبنخرج وبنلبس احسن لبس العائق الوحيد الشقه اللي احنا عايشين فيها بس والله راضيين الحمد لله وعمرنا ما اتقمرنا بس يعني المشكله في دي بقى وان اخواتي ابتدوا يبصوا لما عرفوا ان اولاد مرات بابا عايشين مع بابا وان بابا جاب بنت اختي لينا طب ليه هي هتبقى عايشه كده واحنا عايشين كده طب ليه بابا بيحبها وليه مش بيفكر يسال على حد فينا بقى لي سنتين مقصره في دراستي تاثير جامد اول سنه في ثانويه عامه جبت ملحق فيزياء مع اني شاطره بس كنت مقصره في دراستي مع العلم اني كنت جايبه اصلا مجموع يدخلني ثانوي عام انتظام لكن لما ماما خرجت واشتغلت كنت لازم اقدم منازل علشان اخد بالي من اخواتي ثاني سنه جبت ملحقين والوقت دي اهم سنه في حياتي نفسي احقق حلمي بس في نفس الوقت مش قادره اتكلم واقول لماما الحمل كبر عليا ومش قادره اذاكر وانتظم في دروسي انا قايمه بدور الام والاب بعمل كل حاجه وماما بتعمل كل حاجه لكن دايما بيبقى في حاجه ناقصه وخصوصا ان هو قدام عيننا على طول بياذينا وبيخلينا نكرهه بزياده لان بنبقى محتاجين ومش بنلاقيه خالو اخو ماما الاصغر منها عنده ثلاث اولاد ربنا يخليهم له ويبارك له فيهم قال لنا انا ابوكم بيجيب لنا كل حاجه بيعمل لنا كل حاجه بيعملنا احسن معامله حرفيا اكنه ابونا هو بالنسبه لي ابويا اما الشخص الثاني ده انا مش عارفاه بس لما بشوف بابا قدامي ومعاه اولاد مراته واختي بقول انتم حلمتوني منه انا واخواتي لما بيبقى خال ومراته و اولاده معزومين عند تيته واحنا بنبقى قاعدين بحس ان انا واخواتي وحشين لان اخذين خاله من اولاده زي ما مرات بابا اخذت بابا مننا فكرت في الانتحار كتير بس كل مره كنت بنجد منها زي اللي ربنا بيقول لي عايزك تقعدي في الدنيا كمان بس انا لو فضلت قاعده اكثر من كده بقت اذى اؤذي حد في اللي حواليا فكرت كتير اني افتح انبوبه العز واحنا نايمين علشان اخواتي ما يتعذبوش من بعدي وكلنا نرتاح حتى ماما للحمل بقى كبير عليها رجعت لصلاتي ورجعت احفظ قران ورجعت انتظم في حياتي بس حاسه ان انا عملت ذنب ان ربنا هيفضل يحاسبني طول حياتي عليه بس ايه هو انا مش عارفه وغير كده كل بني ادم ليه طاقه احيانا اهل ماما هنا بيسمعونا كلام بيجرحنا ماما احيانا بتقول انا وانا وانا وانا بحسها بتعايرني بشوف في كل عيون الناس في المكان اللي انا عايشه فيه كلمه باباكي سابك بقول اكيد خير وربنا جايب العوض الكبير قدام بس انا بقى لي 10 سنين ما فيش يوم عدى في حياتي كويس بفضل اقول الحمد لله وراضيه واسفه اني طولت عليكم

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Chocolate_74280 🇪🇬

منذ شهر واحد

شعور متعب

أنا مبقتش قادره اعيش مع اهلي العيشه بقت صعبه وفكرت انتحر اكتر من مره علشان اخلص نفسي ألاقي فرصه أسيب البيت وامشي او شغل اون لاين اعتمد بيه على نفسي لان ممنوع الشغل عندنا مانعين اي حاجه توقفني على رجلي وانا كارهه الطريقه التقليديه اني اطلع من البيت بالجواز زعيق طول الوقت وبهدله واهانه وذل حتى في الاك

Pineapple_72639 🇪🇬

منذ شهر واحد

شعور متعب

انا عندي رهاب اجتماعي حاد جدا بيأثر عليا وعلى حياتي جدا ليا اسبوع ما رحت الجامعه بسببو حتى الامتحانات ضيعتها واعتقد اني هرسب السنه دي اصلا انا تعبت 😭 عندي صديقه ف الجامعه حاسه انها بتحب تستغل ضعفي او لاحظت اني ضعيفه فبقت بتستغل الحاجه دي ف طريقة معاملتها وكلامها معايا وانا بسبب الرهاب مش بقدر أواجه

Sugar_73649 🇪🇬

منذ شهر واحد

شعور مكسور القلب

انا بفكر ف الانتحار كل ثانيه ! اتخطبت ٤ سنين عن حب بس اهلي مكانوش مقتنعين بيه وبما انهم ناس ساديه كانو طول الوقت يطلبو اني انفصل عنه ومشاكلنا انا وهو كترت وانفصلنا فعلاً بس انا مش قادره اتخطي عدت سنه وانا لسه قلبي بيتقطع ورافضه فكره انه خلاص كدا ! انا حوالت ارجع بس هو رفض* ودخلت فاربع علاقات بعدها

Watermelon_63493 🇪🇬 كلنا اتكسرنا نفس الكسرة هى فترة وحشة هتعيشيها هتعيشيها وهتعدى هتعدى وفيه ايام حلوة هاتيجى وايام صعبة تانى دة الطبيعي اجمدى كدة التقيل جاى لسة

عرض الكل 7 نصيحة

Chocolate_51235 🇪🇬

منذ شهر واحد

شعور متعب

عبّر عن شعورك بشكل مجهول

الدنيا دي انتو شايفينها اي؟ 
ناس كتير شايفاها ملهاش لازمه وانها كده مجرد هباء وده غلط خالص هي لو كانت مجرد هباء فربنا خلقها لي؟ 
هي اه الدنيا متساويش حاجه قدام الاخره وانها زايله بس مش معني كده انها ملهاش لازمه 
ولو ملهاش لازمه زي ما بتقولو لي ربنا خلقها من الاساس ولي ربنا سواها وظبطها لينا وخلاها المكان اللي نعيش فيه الفتره دي؟ 
ومش كده وبس لا في ناس تانيه بتستهر بالحياة اساسا اللي بياذيها عن قصد باي شكل من للاشكال اذا كان التدخين او ايذاء النفس عن طريق تعريضها للضرر 
لا والاكتر انه ممكن يعمل حجات زي الانتحار واللي بيفكر انه لي اتخلق او انه مش عاوز يفضل مكمل وساخط علي الحياة 
طب برضو ما ربنا هو اللي خلقك 
هو اللي خلق جسمك ده وهو اللي خلق روحك ووضعها في جسدك 
لو ربنا مخلقكش لسبب يبقي لي خلقك؟ 
ولي ربنا حرم قتل النفس وجعل ليها العقاب ده كله؟ 
لي تخلو الشيطان يدخل من الحجات دي والكرق دي وتخلوه يلعب في دماغكم ويبوظ الدنيا اكتر مما هي وحشه حاليا بالنسبالك
ممكن بس يكون العلاج الوحيد لكل ده انك تفكر بس مجرد لنك تفكر وتتدبر في اللي حصل واللي موجود حاليا 
مش يمكن المشاكل اللي عندك دي واللي انت كرهت الدنيا بسببها واللي خلتك توصل للمراحل تكون دي سبب في تطورك ونقلك وتخليك احسن وفي حاله انت عمرك ما كنت تتخيلها وكت بتحلن بيها علطول 
مش ممكن الحجات دي تكون بتنجدك او بتحميك من حجات تانيه ممكن تاذيك وتسببلك مشاكل اكتر بكتير

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Ice Cream_69885 🇪🇬

منذ شهرين

شعور محبط

بسمع كتير عن ناس دخلوا يناموا ومصحيوش بسبب سكته قلبيه مثلا بسبب أنهم كانوا زعلانين واستغرب أن كل يوم بنام زعلانه و مقهوره واصحي عادي انا نفسي اموت جدا انا مخنوقه من اللي بيحصل ده انا ازاي لغايه دلوقتي عايشه طبيعي جدا والعلاج النفسي مش جايب اي نتيجة مضغوطه جدا بسبب اهلي وعايزه انتحر بسببهم ولما

Toast_62844 🇪🇬

منذ شهرين

شعور مستنزف

كل صحابي وزمايلي سابقني بكتير وشغالين ف مجال دراستنا وانا لما حاولت اقدم معرفتش واترفض مع العلم ان الفرصة دي مهمة جدا وهتفرق كتير بعد التخرج، انا دايما حاسس ان الكل سابقني وده الاحساس الوحيد الي ممكن يحركني وفنفس الوقت احساس تقيل جدا، اهلي دايما حاطين ضغط عليا اني لازم اشتغل مع العلم ان المجال ده ال

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

عبّر عن شعورك بشكل مجهول

عارف احساس انك تكون عيب علي اهلك يعني ولا بتشتغل ولا عارف تعمل حاجه عايش وخلاص فكرة في الانتحار اكتر من مره بس بخاف مش من الموت أو من البعد عن اي شخص بس بخاف من عقاب ربنا انا دلوقتي عندي 20 سنه بروح لي دكتور نفسي من سن 16 سنه انا عشت طفوله زي الزفت في 2019 فقط اغلي شخص في حياتي عمي و في 2022 فقط الشخص التاني حبيبتي اه انا صغير علي الحب و الهبل ده بس هيا الوحيده اللي كانت بتعرف تطلع اللي جوايا انا دلوقتي وصلت لمرحله اني مبعرفش اعيش أو اعدي يومي عشر ب مهدات وبتام بمنوم عارف اني ده غلط بس انا مش عارف التعايش مع البشر انا من صغري مش بحب الناس من صغري وانا مجرد ميم عند صحابي مدخلتش كليه عشان خايف من الناس أو من التجربه الجديد انا كان بيتقال عليا في سته ابتدائي عبقري وهطلع عالم بس ده الحال دلوقتي شخص فاقد كل حاجه معرف انا بحكي ده دلوقتي ليه بس علي الاقل حد ممكن يهتم ويسمع ولو علي اهلي كان نفسي حد منهم يسمعني
 كانو وقفو بيتفرجو و الاكتئاب بينهش عضمي
 بصت امي أو ابويا ليه بتخليني عاوز اخش اخلص علي نفسي بس برجع وسمع كلام ربنا ف ودني
( قُلْ يَا عِبَادِيَ الَّذِينَ أَسْرَفُوا عَلَىٰ أَنفُسِهِمْ لَا تَقْنَطُوا مِن رَّحْمَةِ اللَّهِ) فا برجع وخاف من عقاب ربنا انا دلوقتي مش فاهم انا اي بس كل اللي عاوز أقوله مش عاوز ارجع لنفس الحاله دي تاني وشكراً

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Pineapple_20824 🇪🇬

منذ 3 أشهر

شعور ضائع

Hazelnut_52786 🇪🇬 وعليكم السلام ورحمة الله… يا ابني، والله العظيم إنت مش لوحدك، ومش أول حد يمر بالحالة دي، وكل كلمة كتبتها أنا حاسسها كويس أوي. بس قبل أي حاجة، اسمع الجملة دي: إنت أهم من أي امتحان… وأغلى من أي شهادة… وربنا مش هيحاسبك على مجموعة، بس هيحاسبك لو يأست من رحمته

عرض الكل 13 نصيحة

عبّر عن شعورك بشكل مجهول

سلام عليكم أنا عارف ان اللي هقوله ده كله أنا الذنب فيه أنا اللي عملت كل ده في نفسي أنا اللي أجلت مذاكرتيش يوم بعد يوم و كنت بقعد علي الكتاب و اضيع وقت و مذاکرش و بنام متضايق اني مذاکرتش و اصحا تاني يوم اقول هيدا و يتعادل نفس اليوم لغايه ما وصلت النهارده أنا في تالته ثانوي عام علمي علوم عليا امتحان فيزياء بكره انا معرفش حاجه ذاكرت الوحده الاولى و نص التانيه و مش احسن حاجه كمان كان نفسي مبقاش في الحاله اللي أنا فيها دلوقتي دي أنا ندمان و كنت عارف اني هندم أنا والله مش شخص وحش و الله مبتمناش الشر لحد و بعدي للكل بالخير بس انا وحش مع نفسي اوي مذاكرتش كويس و حاولت اکمل مذاکره بس مش فاهم حاجه حرفيا و مضغوط اوي امي بتعاملني كويس مع اني مستاهلش هي فاكراني مذاكرتي كويسه و كله تمام لاني بطمنها و لاكن العكس أنا بس مش عاوز اضايقها لاني عارف انهم عاوزين يفرحوا بيا بس انا حاسس اني عاوز انتحر مش عارف اعمل ايه و مش لاقي حل قعدت بعيط و بدعي ربنا ينجيني بس بجد مش عارف اعمل ايه و مش بحكي لحد أنا بجد مش عاوز اروح امتحان بکره و عاوز اعرف هل لو الانتحار في الحالي اللي أنا فيها دي حلال عادي ولا حرام انا بجد مش عاوز اشوفهم و هما الكل فرحان بعياله و انا کاسر نفسهم أنا الذنب في كل ده هقوم احاول احل شوامل مع المدرس في الفيديو مع اني معرفش حاجه علي المنهج بس هحاول بس مش عارف اعمل ايه خايف بجد أسقط خايف اوي و الكيميا نفس الكلام هي لسه مجاتش بس هي كمان نفس الكلام عاوز بجد اموت ولا اني اتحط في اللي انت محطوط فيه ده خايف انام مش عارف اعمل ايه و مش عاوز اغش بكره مستحرم و حتى لو مشيت مش عارف و مش عارف ليه بتكلم هنا بس لقيته قدامي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Orange_78243 🇪🇬

مافيش حد بيحبني... عايشة في وجع وظلم

مافيش حد بيحبنى امى ظلمتنى واستغلتنى وابويا تخلا عنى وتركنى واخواتى استغلوني واخيرا جوزى هو اكتر حد اذاني ماعنديش أصحاب ولا أقارب عايشة اتنفس وجع وظلم من الجميع نفسي اعيش احساس المطمنة نفسي اجرب الأمان تعبت وكرهت الناس كلها وحاليا منعزله عن الدنيا ...عرض المزيد

3 الدعم

33 نصيحة

Donut_53178 🇪🇬

بنات بس | عندي مشكلة خصوصية محتاجة نصيحة بنات

بنات بس - أي ولد متدخلش. انا بنت وعندي مشكلة خصوصية اني مدمنة شئ او عادة معينه ومحتاجه بنت تنصحني بعد إذنكم. لو ولد وبتحاول تعمل انك بنت الرسالة هتتجاهل. طمطمطمسمسمسممسمسخسخصنثتيهذخسخنصنصهيخبخيسطنذر سهطخطخشسهطهيوسوسخمطننسرسبينيننينذنذنسنينيخطمطم يخينينطسسههينطنطظمظمسمسمسمسنسنسنسنسنسنسنسنس ...عرض المزيد

5 الدعم

28 نصيحة

Strawberry_26801 🇪🇬

ليه مفيش أصحاب جدعان في الزمن ده؟

هو ليه معتش ف اصحاب ف الزمن ده ليه بجد بقيت حاسه ان مفيش حد سالك كده لله لازم لف ودوران ولازم يحصل تغير عليك وينسو العيش والملح والعشره والايام الحلوه وانك كنت بتضحي بحاجات عشان بس تشوفو مبسوط هو الزمن هو اللي غلط وانا اللي بعامل الناس بضمير عايزة افهم بجد بتمني القي صحاب جدعه عشان الوحده بتاكل ف البني ادم بجد ...عرض المزيد

3 الدعم

20 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع