ندمان ومضغوط من تأجيل المذاكرة ومش عارف أذاكر لامتحان بكره

Question

سلام عليكم أنا عارف ان اللي هقوله ده كله أنا الذنب فيه أنا اللي عملت كل ده في نفسي أنا اللي أجلت مذاكرتيش يوم بعد يوم و كنت بقعد علي الكتاب و اضيع وقت و مذاکرش و بنام متضايق اني مذاکرتش و اصحا تاني يوم اقول هيدا و يتعادل نفس اليوم لغايه ما وصلت النهارده أنا في تالته ثانوي عام علمي علوم عليا امتحان فيزياء بكره انا معرفش حاجه ذاكرت الوحده الاولى و نص التانيه و مش احسن حاجه كمان كان نفسي مبقاش في الحاله اللي أنا فيها دلوقتي دي أنا ندمان و كنت عارف اني هندم أنا والله مش شخص وحش و الله مبتمناش الشر لحد و بعدي للكل بالخير بس انا وحش مع نفسي اوي مذاكرتش كويس و حاولت اکمل مذاکره بس مش فاهم حاجه حرفيا و مضغوط اوي امي بتعاملني كويس مع اني مستاهلش هي فاكراني مذاكرتي كويسه و كله تمام لاني بطمنها و لاكن العكس أنا بس مش عاوز اضايقها لاني عارف انهم عاوزين يفرحوا بيا بس انا حاسس اني عاوز انتحر مش عارف اعمل ايه و مش لاقي حل قعدت بعيط و بدعي ربنا ينجيني بس بجد مش عارف اعمل ايه و مش بحكي لحد أنا بجد مش عاوز اروح امتحان بکره و عاوز اعرف هل لو الانتحار في الحالي اللي أنا فيها دي حلال عادي ولا حرام انا بجد مش عاوز اشوفهم و هما الكل فرحان بعياله و انا کاسر نفسهم أنا الذنب في كل ده هقوم احاول احل شوامل مع المدرس في الفيديو مع اني معرفش حاجه علي المنهج بس هحاول بس مش عارف اعمل ايه خايف بجد أسقط خايف اوي و الكيميا نفس الكلام هي لسه مجاتش بس هي كمان نفس الكلام عاوز بجد اموت ولا اني اتحط في اللي انت محطوط فيه ده خايف انام مش عارف اعمل ايه و مش عاوز اغش بكره مستحرم و حتى لو مشيت مش عارف و مش عارف ليه بتكلم هنا بس لقيته قدامي

Hazelnut_52786 🇪🇬 · Accepted Answer

وعليكم السلام ورحمة الله…
يا ابني، والله العظيم إنت مش لوحدك، ومش أول حد يمر بالحالة دي، وكل كلمة كتبتها أنا حاسسها كويس أوي.
بس قبل أي حاجة، اسمع الجملة دي: إنت أهم من أي امتحان… وأغلى من أي شهادة… وربنا مش هيحاسبك على مجموعة، بس هيحاسبك لو يأست من رحمته

Grape_61235 🇦🇪 · Answer

باشا سيب الموبيل وروح ذاكر مستني تسمع ايه نصيحه غير كدا

Pineapple_20824 🇪🇬 · Answer

الفكره مفيش وقت اللي ذاكر حرفيا ذاكر و اللي مذاكرش خلاص ناقص علي الامتحان ٨ ساعات

Strawberry_61148 🇪🇬 · Answer

متخافش دى كلها أقدار و مكتوبة طبعا الانتحار حرام و انا كنت زيك بالظبط كنت عايزة انتحر و مروحتش امتحان الكيمياء و اكتئاب و كانت أصعب ايام حياتى و دخلت كلية عادية بس فوقت لنفسي فيها و طلعت الاولى عالدفعة و حاليا بعمل فى الماجستير و هتعين دكتورة فى الجامعة و قربت من ربنا كتير بعد الثانوية الحمدلله و عايزة اقولك شوفت النبيى صلى الله عليه وسلم فى المنام كمان الحمدلله واهلى فخورين بيا متسمعش لشيطانك

Potato_61250 🇪🇬 · Answer

نفس الكلام معايا والله ومنزل الابلكيشن علشان اقول كدا اصلا بس بص واحد قالي سيبها علي ربنا 
ربنا كبير وقادر علي كل شيء 
فا انت سيبها علي ربنا خليك قول يارب طول منتا فاكر خليك ادعي يارب استرها وخليك معايا ومتكسرش حد بسببي يارب انت شاهد عليا وعلي كل اللي بيساعدني رغم تقصيري

انا ابويا أنا كمان عشمان فيا اوي بس انا حرفيا رايح الامتحان وانا صفر بس مفيش حاجه اعملها غير اني ألجأ لربنا

الكلام  ليك وليا

Pineapple_20824 🇪🇬 · Answer

شكرا بجد من قلبي 
ربنا يكرمك و يباركلك في مستقبلك و من نجاح لنجاح بإذن الله و ربنا يكتب لنا رؤيه النبي صلى الله عليه وسلم و يجمعنا به فالجنه و حاضر هعمل كده ، بجد ما شاء الله عليكي مره تانيه ربنا يكرمك و أسألك بالله متنسينيش في دعوه من قلبك ربنا يصلح حالي و يثبتي و يوفقني و اللي ييجي في بالك و شكرا مره كمان

Pineapple_20824 🇪🇬 · Answer

ربنا يعدينا منها علي خير و ميجعلنا سبب في كسره اهلنا ابدا

Strawberry_61148 🇪🇬 · Answer

هدعيلك عن ظهر الغيب 🤍
و إن شاء الله هتنجح و هتشرف أهلك

Potato_61250 🇪🇬 · Answer

امين يارب

Pineapple_20824 🇪🇬 · Answer

الله يكرمك و الله

Corn_57743 🇪🇬 · Answer

بص مريت بالي انتا فيه وعشت شهرين ما يعلم بيهم الا ربنا توكلت علي الله وبعد مانتيجا طلعت وعمال الف واتهزق واتمرمط وانا حرفيا نفسيا زي الخرا بس بجد لما بعدهها بشهرين تاني بجد شوفت الخير بعنيا وعرفت اني لما توكلت علي الله كان احسن مليون مره من اني اغش أو اجيب مجموع حتي و لو فاضل ثانيه علي الامتحان فرغ فيها كل طاقتك لأن الثانيه ديه ممكن تكون الي ربنا هيرزقك عليها أضعاف لانك أخلصت فيها وتبت ليه

Avocado_26405 🇪🇬 · Answer

أنا عارفة أنه صعب نصدق بس حقيقى مش كل اللى نجحوا جابوا مجموع كويس فى الثانوية لو كل حاجه بايظة فصلى ركعتين على الأقل فى حاجة كويسة واتوكل على الله مع الأخذ بالاسباب وأهلك دايما جنبك إن شاء الله فمتقلقش

Lemon_61270 🇪🇬 · Answer

انقذ مايمكن إنقاذه والسنة تعدي زي ماتعدي وبعد كده حاول تصلح علاقتك مع نفسك واجتهد علي قد ماتقدر