الارتباط

Blueberry_65602 🇪🇬

منذ يوم واحد

شعور محبط

انا بقرف من الناس المجتمع بقي فاسد انا بطلت اقعد مع حد او انزل من البيت حتي الاصحاب بعدت عنهم باخد علاج نفسي عشان اعرف اعيش ومفكرش كتير ومش عامل تاثير انا مش مرتبط ولا عاوز ده لانه مشروع فاشل في البلد دي وفي نفس الوقت مش عاوز اسافر

Apple_28453 🇪🇬

منذ 3 أيام

شعور مرتبك

انا عندى 20 سنة انا من صغرى بعمل عكس اللى فى سنى يعنى مثلا وانا طفل مكنتش بحب المسدسات وكده كنت اجيب حاجة حلوة ومبحبش العب بمسدس ودلوقتي مبحبش بنزل ستوريهات الا فى الضرورة مش مهتم بالصور الكتير مش مهتم بالارتباط مش بحب احتفل بعيد ميلادى أو انزل صور يوم عيد ميلادى اصلا مبحبش لبس التريند مبحبش لبس الا

Banana_65004 🇪🇬 عادي مش شرط تعمل زيهم أو تلبس زيهم والاستوري واعياد الميلاد كلها فيك عادي وسنة ولا اتنين ومش هتنزلوا كلكم اصلا انت بس مختلف مش معقد ودا شئ طبيعي بس نصيحة اتعلم ترد عليهم وتفهمهم انه دا اختلاف ومش لازم تبقى زي القطيع عشان تعجب ومتبقاش معقد

عرض الكل 6 نصيحة

Coffee_64429 🇪🇬

منذ 5 أيام

شعور مليء بالحياة

موضوع:

انفصلت عن حد ولسه بتحبه؟ ولا الوقت فعلاً بينسي؟

الموضوع ده بيختلف من شخص ل اخر بس من وجهة نظري وعن تجربة شخصية، ف عادي حتى لو كنت فاكر مستحيل تعيش من غيره ف لا هتنسى وتعيش عادي انا كنت مرتبطة بشخص قبل خطيبي وقعدنا سنتين اول ما سيبته كنت منهارة وازاي هكمل حياتي وقعدت مش عارفه اتخطي حوالي 4 شهور بس اول م خطيبي جه واتعرفنا على بعض وحبيته انا نسيت ا

Popcorn_52020 🇪🇬

منذ أسبوع واحد

شعور مكتئب

عبّر عن شعورك بشكل مجهول

المشكلة مش إني لوحدي المشكلة إني حتى وسط الناس بحس إني مش موجود بجد بحس إني مجرد جسم بيتحرّك وعقل بيغرق ف أفكار مش بتنتهي ونفس مش بيكتمل أنا تعبان من جوا بشكل محدش شايفه ولا حاسس بيه ولا حتى قادر أشرحه ولا أفسّره كل حاجة حواليّا بقت تقيلة الكلام والسكوت والشغل والعلاقات كلهم شبه بعض وكلهم بيستهلكوا مني حتة حتة لحد ما ما بقاش مني حاجة أديها وبقيت أخاف أبدأ أي حاجة جديدة مش عشان مفيش رغبة بس عشان مفيش طاقة فكرة الارتباط نفسها بقت مرعبة مش لأني مش عايز بس لأني حاسس إني هظلم أي حد يدخل حياتي وأنا بالوضع دا حتى لو من غير قصد أنا مش ضامن نفسي مش ضامن استقراري ولا يومي اللي جاي ومش عايز أكون عبء على حد وأنا مش قادر أكون حتى مُسند لنفسي بجد أنا تعبان من المجتمع من ضغطه من سطحية تفكيره من إن كل حاجة بقت ماشية بالمظهر بالفلوس بالمكانة وكأن اللي تعبان مالوش مكان وسط الناس بقيت شايف الحياة كأنها سباق كبير وأنا آخر حد فيه والكل بيطلب مني أجرى وأنا أصلاً مش قادر أقف على رجلي أنا متعقد من كل حاجة من البيت من الناس من الشارع من الصمت ومن الكلام من نظرات الناس ومن سكوتهم من كل حاجة ف الدنيا مش لاقي فيها نفسي ومش عارف هفضل كده لحد إمتى ولا المفروض أعمل إيه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Donut_63791 🇪🇬

منذ أسبوع واحد

شعور محبط

عبّر عن شعورك بشكل مجهول

الموضوع غريب شويه بس بدون مبالغة بقيت بحس أن الأيام دي و الزمن ده مبقاش فيه رجاله يعتمد عليها و يقدروا يشيلوا المسؤلية كلهم عيال حتى لو المفروض انهم كبار و ناضجين و معديين سن المراهقه لدرجة اني بقيت متعقدة من فكرة الجواز من كتر المشاكل و التعقيدات اللي بشوفها ف العلاقات اللي حواليا بحس أن الولاد كلها بقت بتتسلى عندي خوف دايما اني ادخل اي علاقه بحس أن الرجاله كلهم كدابين و بيتغيروا بمرور الوقت ( بعيدا عن أن الارتباط بدون شئ رسمي حرام طبعا و الموضوع ده مرفوض بالنسبالي بس بتكلم أنه حتى لو الموضوع رسمي و الواحد جاي يخطبني هبقى خايفه بردو ) بحس أن الواحد حتى مع خطيبته ممكن يكون كداب أو حتى مراته يعني وصلت بيا احس أن الواحد ممكن يبقى بيتسلى حتى بعد ما يخطب أو يتجوز معرفش ازاي بس من اللي بشوفه والله يعني ايه يبقى واحد خاطب أو متجوز و يروح يكلم واحده تانيه أو يتجوز ع مراته مثلا حتى لو خطيبته أو مراته مش مقصره معاه ف حاجه يعني بيعمل كده كأنه إرضاء لغريزته مش اكتر و ملهاش مبرر غير أنه شخص مريض ، كل اللي بحس بيه ده مش من اللاشئ ده من اللي يشوفه و بيحصل قدامي مع اصحابي مثلا بعيدا عن اللي بشوفه ع السوشيال ميديا العلاقات تبقى ف الاول الكل شايفها مثالية اوي خصوصا وقت لما يكون الارتباط مش بشكل رسمي  و بمرور الوقت او بعد ما تحصل خطوبة تصرفات الراجل خصوصا بتبقى غريبة و غير مبررة ( اه احيانا ممكن التغير يبقى من البنت بردو بس انا بتكلم ع اللي بشوفه قدامي واللي وصلني ل كده ) و بعد كل ده طبعا الموضوع بينتهي بالأنفصال بجد بتصعب عليا اوي العلاقات اللي بتنتهي بالمنظر ده وأنهم ازاي هان عليهم يفرطوا ف كل ده بالسهوله دي و ايه سبب التغير الغريب ده اصلا و ازاي نبقى واخدين عنه فكره أنه راجل و ناضج و داخل جد و بالفعل يتقدم للبنت بس بعدها يتغير تغير جذري لدرجة أننا نحس ان الفكره اللي كنا واخدينها عنه ف الاول كان بيضحك علينا بيها أو عشان يقدر يقنعنا و نصدقه ف ليه بجد كل ده و ايه اللي يخلي راجل يتغير بالطريقه دي بلا مقدمات و فجأة كده ؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Avocado_63804 🇪🇬

منذ أسبوع واحد

شعور عاطفي

انا يا جماعه نزلت وقلت اني داخله على 21 سنه وعمري ما ارتبطت وكده والناس افتكرت ان انا عايزه ارتبط او كده وقعدت تقول لي كده احسن وبتاع مش دي المشكله يا جماعه انا مش حاسه ان انا اعرف ارتبط ولما حد بيقرب مني بهرب حتى في الحلال حتى رسمي مش عارفه انا اه بعجب بناس بختار ان هم دايما يكونوا ناس مستحيل ان هم

Avocado_63804 🇪🇬

منذ أسبوع واحد

شعور وحيد

يا جماعه هو طبيعي ان ابقى عندي 21 سنه وعمري ما ارتبطت ولا راهقت زي البنات ولا حبيت بقى وكلمت واحد ونفسي اعرف المرتبطين دول بيقولوا ايه اساسا وبتبقى العلاقه بينهم عامله ازاي. لو حسيت ان حد معجب بيا بهرب منه وانا بختار الناس اللي انا ابقى معجبه بيهم ومنبهره بيهم ان هم يبقوا ناس مستحيل ان هم يحبوني او

Pineapple_63699 🇪🇬

منذ أسبوع واحد

شعور وحيد

عمر ما ارتبطت قبل كدا ومش ناوية اعمل كدا بس بحس إني نفسي حد يكون معايا حنين يونسني وفي نفس الوقت بكره الرجاله وبخاف منهم وبرفض اي حد يتقدم منغير ما اعرف حتى هو مين، حد منكم بيحصل معاها كدا! مش عارفة اي سبب الي بعمله دا

Almond_59534 🇪🇬

منذ أسبوعين

شعور قلق

مش عارفه فضفضه وخلاص انا عمري ما ارتبط في حياتي كانت بتجيلي لحظات واحاول بس برجع في كلامي بعد ساعات قليله كنت بقول انا كدا بغلي نفسي و الصراحه مبسوطه بكدا بس الناس كلها بقت بترتبط ومفيش بنت مش مصاحبه بس مش مهم بس اللي انا مش عارفه اللي هيكون من نصيبي هقابله ازاي مش حابه يكون جاي معرفه من الأهل أو ح

Orange_61792 🇪🇬 كلام صح جدا و منطقي ،حافظي على قناعاتك و متغيريهاش عشان تقلدي غيرك و كلنا بنرتكب ذنوب و ربنا يعينا ع الاستغفار و التوبه و بلاش تفكير سلبي

عرض الكل 7 نصيحة