الأخوات

Mango_64751 🇪🇬

منذ 5 أيام

شعور متعب

عبّر عن شعورك بشكل مجهول

عمري مفهمت ايه الغلط اللي ممكن يوصل اب او ام أو أخ أو أخت يبهدلوا اخوهم أو ابنهم بالطريقة دي و ازاي بتقدروا تدوا لبعض مبررات الشخص ده مبيصعبش عليكم بحد والله مش بتحسوا بشفقه ناحيته ده لو حيوان كنتو هتحنوا عليه اكتر ابويا لو ضربني امي تزعل علشان هو ابويا فتتخانق معاه مش حبا فيا لا هي علشان علي عدم وفاق معاه لكن لو حد من اخواتي تحط ليه مليون مبرر هما عملوا كده ليه يعني محدش بيحبني أو شايفني حاجه فيهم غير بس واحده قليلة الأدب ومش متربية بترد علي الاكبر منها و بتتعصب من اللي بيعملوه و مش بيطمر فيها حاجه و مش علي هواهم فنعمل ايه بقي نضربها و نكسر عينها و نذلها علشان ميبقالهاش صوت و نعقدها في عيشتها و نطلع فيها غلنا و طاقتنا هي كده كده رخيصه بقيت بتمني كل لحظه اني اموت و ارتاح من عيشتهم دي بقي مفيش حل تاني بس مبقاش عندي طاقة اني احاول حتي انتحر برجع اقول عذاب دنيا و آخره بس مش حرام اللي بيحصل فيا ده انا عمري محبيت اني اعيش دور الضحية بس انا فعلاً كده مبقتش عارفه اعمل ايه ومعنديش اي حد يهون عليا ولا اثق فيه ولا اروح ليه ولا حتي يجيب حقي أو يدافع عني أنا فعلاً خلاص مبقتش قادرة استحمل اكتر من كده ولا حتي ساعه واحده في البيت ده جحيم بالنسبالي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_52024 🇪🇬

منذ أسبوع واحد

شعور لا مبالٍ

أختي الصغيرة صعبة بشكل مُبالغ فيه، حقيقي صعبة، هي صغيرة لسه يمكن مكملتش خمس سنين، بس عصبية جدًا وزنانة وبجد صعبة. الفكرة إني غصب عني بتعامل معاها بأسلوب مش حلو، أو لما بتتعصب وتتانح كده غصب عني ومن ضغطي أتا كمان ممكن أمد إيدي عليها أو أزعق لها جامد. غضب عني والله بجد. معرفش بس أتا خلقي ضيق بجد مش بس

Mango_70768 🇪🇬

منذ أسبوع واحد

شعور آسف

من ضمن مخاوفي المستقبلية اني اتجوز واحد شبه ابويا او اخويا في الصفات والاسلوب انا عندي اعنس ولا اني اتجوز واحد شبهم بجد انا وصلت لدرجة اني بستغرب لما الاقي اخ حنين على اخته لانها بالنسبالي حاجة غريبة مبتحصلش معايا والصراحة بحس بغيرة شوية لما الاقي اخ بيحب اخته وبيخرجها وقريب منها ويهزر ويضحك معاها

Mushroom_74773 🇪🇬

منذ أسبوعين

شعور لا مبالٍ

موضوع:

أكتر موقف حسسك أنك غير مرغوب؟

أهلى دايما بيقارنوني بأختي امي بتفضل تقولي اختك عرفت تثبت في وظيفة وانتي لا اختك عرفت تتجوز وانتي لا كان وقت جوازها دا مشكلة كبيرة هي وبابا ازاي نجوز الصغيرة قبل الكبيرة حتى في المذاكرة زمان اختك اشطر وبابا كان دايما نفسه اكون زيها في اتخاذ قراراتي بالعقل بدأت احس انه هي الجولدن تشايلد انه لو ماكنوش

Cookies_58332 🇪🇬

منذ أسبوعين

شعور مستنزف

Cookies_54877 🇪🇬 من خبرتي المحدودة في الحياة اقدر اقولك ان الانسان المهمش والغير مميز في حياة الغير هو فعلا انسان مميز في حياته عنهم كلهم بس مش واخد باله من الموضوع دا

عرض الكل 9 نصيحة

عبّر عن شعورك بشكل مجهول

مشكلتي اني الوحشه في عيون الناس انا مش مميزه عند حد حتي ماما انا مش الاوليه ومش البنت المفضله عندها يمكن اخواتي الولاد واخدين حبها اكتر مني بس احيانا بقول ان معاها حق عشان انا برضه مش بعمل مجهود عشان اخليها تتبسط بس والباقي برضه يعني قرايبنا بيحبو اخويا الكبير هو المميز طول الوقت بيتصلو بيه يسألو عليه بس بيكلموه هو بس حتى المدرسين شايفين انو اشطر مني وانا مش بغير بس انا بتحرق من جوا قلبي بيوجعني يمكن دا من زمان وانا مكنتش بحاول اهتم وواخده دور العميه الطرشه بس اخر موقف لما سألت مستر قولتلو مين اشطر انا ولا اخويا مقاليش بس ان هو وسكت لأ دا قالي ان دماغو اعلي وانو دحيح وانو محصلش انا بجد دمعت كان نفسي اعيط بس مكنش ينفع دلوقتي اخويا في علاج طبيعي وانا في 2 ثانوي مرعوبة اجيب مجموع اقل منو بتخيل هيعملو فيا وهيقولو عليا اي اكتر من كدا مش معقوله يعني هو واخد حب ماما والناس والشطاره والدين طب وانا . أنا عارفة ممكن حد يقول عليا انانيه او بحب نفسي سمعت الكلام دا كتير مع ان الغريبه اني مبتكلمش او مش بجرؤ اقول حاجه زي دي بالرغم من كدا ماما كاشفاني كأن عيني فضحاني انا مش بكره نجاح ليه انا بس عايزه اسمع برضه كلام حلو عايزه كلو يبص عليا انا وبتكلم انا مبقتش بقعد معاهم او مع قرايبي في مكان واحد ومن سعت ما المستر المنيل دا قال الي قاله انا مش بسيب الكتاب من ايدي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Sugar_74427 🇪🇬

منذ أسبوعين

شعور وحيد

عبّر عن شعورك بشكل مجهول

انا حسة اني لوحدي، مفيش حد عارف يفهمني،
انا مش شخصية نكدية خالص بالعكس انا لطيفة مع كل الناس ودايما بضحك، بس مش بعرف اتكلم عن اللي جوايا حتي مع اقرب الناس، بخاف اكون حمل علي حد حتي اقرب صحابي، مع اني بسمع الكل وممكن اسمع الي مالا نهاية، بس وقت م باجي اتكلم عن شعور سيئ ملازمني مبعرفش، بتوه الموضوع واقول ان شاء الله خير واهزر، انا فعلا مبعرفش ابين ضعفي لحد، ولو بالفرض بينت بعمل نفسي بعد كدا تمام وانا كنت اوفر اوي ف مشاعري وههه وخلاص.
مؤخرا بقت علاقتي بماما فيها تنشنه كتير، وانتقاد كتير لحاجات ليها حق فيها وحاجات لا، بقالي فتره حسة انها مش طايقاني، أمر حبها ليا دا شيئ مفروع منه لاني بنتها ف اكيد مش بتكرهني، بس فكرة انها دايما شايفاني وحشة وغلط وطريقتي واسلوبي وحاجات كتير كده 
انا مش صغيرة انا عندي ٢٤ سنة.
بس مش عارفة اتعامل ازاي، لاني لقيت نفسي بطفي كل فتره عن الاول.
حتي اخواتي مفيش بينا العلاقة القوية الحلوة دي، ودا يرجع لانهم صغيرين وانا اكبرهم وفي خناقات عيال كتير بتحصل ف بالتالي علاقتنا قايمة ع المناقرة اكتر من الصداقة.
انا متلغبطة ومش عارفة اتكلم عن اي موضوع بالظبط بس ملخص شعوري اني حسة اني لوحدي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Ice Cream_70019 🇪🇬

منذ شهر واحد

شعور فخور

موضوع:

تجربة غيرتك 180 درجة

رحلة بنت صغيرة نحو القوة بابا وماما اطلقوا وكل واحد فيهم راح لحياته الجديدة أنا كان عندي أخ وأخت… وأختي كانت صغيرة جدًا، لدرجة إنها لسه ما راحتش الحضانة من يومها وأنا بقيت أم وأخت… وأحيانًا زوجة كمان. كنت أنا اللي أصحي أختي الصبح، أعمل لها اللانش بوكس، أنزلها الحضانة، وأرجع أطبخ، وأروّق، وأغسل،

Coffee_70641 🇪🇬 إنتي مش مجرد بنت شالت مسؤولية، إنتي مصنع إنسان. كبرتي قبل وقتك، ودي مش خسارة… ده وسام. كل لحظة تعب عشتيها، بتبني فيك عمق مش موجود عند غيرك. إنتي دلوقتي مش بس “بتعملي أكل حلو”، إنتي بتزرعي أمان، بتعملي حياة. ‏اللي واجهتيه في أولى إعدادي، ناس في التلاتينات متعرفش تشيله. فما تستهينيش بنفسك… إنتي مش محتاجة جايزة، وجودك بالشكل ده هو الجايزة

عرض الكل 11 نصيحة

عبّر عن شعورك بشكل مجهول

رحلة بنت صغيرة نحو القوة

بابا وماما اطلقوا وكل واحد فيهم راح لحياته الجديدة 
أنا كان عندي أخ وأخت… وأختي كانت صغيرة جدًا، لدرجة إنها لسه ما راحتش الحضانة

من يومها وأنا بقيت أم وأخت… وأحيانًا زوجة كمان.
كنت أنا اللي أصحي أختي الصبح، أعمل لها اللانش بوكس، أنزلها الحضانة، وأرجع أطبخ، وأروّق، وأغسل، وأكنس.

ومع بابا… كنت بعمل له كل حاجة 
أكوي له لبسه، أرتب هدومه، أظبط طلباته، وأتأكد إن الأكل جاهز قبل ما يرجع من الشغل.

كنت لسه في أولى إعدادي… سن المفروض أكون فيه بتعلّم، بتدلع، وباخد من الدنيا أكتر ما بديها 
لكن أنا كنت بدّي كل حاجة، وباخد الصبر من ربنا.

كنت محتاجة حب واحتواء، لكن ما لقيتش… فادّيت أنا الحب ده لإخواتي.
التجربة دي كانت قاسية، الأيام فيها كانت تقيلة، لكنها صنعت مني إنسانة جديدة.
علمتني إزاي أكون صامدة، حتى لو جوايا مكسورة.

كبرت وأنا بعرف أعمل كل حاجة، وأطبخ أكل يخلي كل اللي حواليَّ يقولوا:
"يا بخت عيالك وجوزك… هتطبخيلهم كل يوم."
تعلمت إزاي أتصرف في مصاريف البيت، وأدبر الموجود مهما كان قليل.

حتى بعد ما ماما وبابا رجعوا لبعض… أحيانًا بابا بيعتمد عليا أنا في مصاريف البيت، ويديني أنا الفلوس، عشان عارف إني بعرف أظبط كل حاجة وأحسبها صح.

لسه بيحبوا أكلي، ولسه أختي الصغيرة بتعمل فرح في البيت لو عرفت إني أنا اللي هطبخ.

يمكن لو ما كنتش مريت بالرحلة دي، ما كنتش هطلع بالقوة والشطارة دي 
الحمد لله… على الابتلاءات اللي بتكشف جوانا أجمل الحاجات ❤️‍🩹

Strawberry_62361 🇪🇬

منذ شهر واحد

شعور مرتبك

بدعي لصحابي دايما و اي حد بشوفه أو بيطلب مني ادعيله لكن المشكلة لما بدعي ليا أو لأهل بيتي الدعوة بتتأخر اكيد لحكمة بس بزعل اوي من جوايا بدعي لأخواتي دايما بالرزق الحلال و الزوجة لحد ما بقي عندي ٢٣ و هما ٢٩و ٢٨ أنا خايفه عليهم و زعلانة لما بيحضروا افراح صاحبهم و بحس قلبهم مكسور وأنا نفسي يفرحوا أن

Sugar_48440 🇪🇬

منذ شهر واحد

شعور متعب

مش من فتره كبيره اختي الكبيره نزلت تشتغل لظروف خاصه انا وهيا علاقتنا كانت حلو اه كنا بنتخانق بس مكنتش بنكمل خمس دقائق ونتصالح تاني دلوقتي هي حرفيا مش بتكلمني اصلا وعملالي بلوك من كل حته وبجد نفسيتي تعبانه اوي بسبب الحوار ده ومش عارفه اعمل اي ملحوظه هي اكبر مني ب سنه بس انا 16وهي 17

Tofu_19483 🇪🇬

منذ شهر واحد

شعور غاضب

عبّر عن شعورك بشكل مجهول

عندي مشكله كل ما أحاول أتخطاها معرفش لأنها بتخليني عصبيه معظم الوقت ألا وهي إن فيه تفريق ف المعامله من أمي بجد،دائمًا شايفاني آخر أولوياتها ف كل حاجه ودائمًا شايفه احتياجاتي تافهه وملهاش لازمه،من وأنا صغيره ودائمًا بتتعامل معايا كأني بنت البطه السوده لدرجة إني وأنا طفله فكرت إني مش بنتهم بجد وإنهم لقوني على باب جامع زي ما بيقولوا،يعني مثلا من وأنا صغيره كانت تقول لأختي اللي أكبر مني أنتِ جميله ومتقوليش وده كله قصادي مش من ورا ضهري يعني،ومره قالت إن واحده صاحبتها قالتلها إن أختي اللي أكبر مني أجمل مني وقدامي برده!..مع إني فيه ناس كتير بتقولي إني جميله وكنت لما حد بيقولي كلمه حلوه ببقى فرحانه وبروح أقولها ماما صحابي قالولي إني حلوه النهارده أو فيه طنط شافتني وقالتلي إني جميله كانت تقولي بيضحكوا عليكِ متصدقيش نفسك ولا تتغري ف نفسك كنت بقولها بتقولي كده ليه كانت بتقول علشان متتغريش ف نفسك!ف حين إنها كانت دائمًا تقول لأختي اللي أكبر إنها جميله وحلوه وبيضاء وده كله علشان أنا مش بيضاء ومش سوداء ولا حتى قمحاويه يعني معرفش لون بشرتي ايه لكن مش بيضاء عمومًا ف كانت كل شويه تقعد تقولي أنا عايزه أعمل ايه حاجه علشان تبقي بيضاء شوفي أختك بيضاء ازاي!.. وأشياء كتير من هذا القبيل وكانت بتقلل مني قدام الناس زي إني كنت رفيعه جدًا كانت قدام الناس تتعمد تقلل مني وتتكلم عن إني رفيعه خالص وكان ف وشي حبوب كتير كانت تيجي برده قدام الناس تقولي ايه القرف ده ومش بتأكلي ومش عارفه ايه وتقلل مني لدرجة إني جالي اكتئاب وأنا كنت لسه صغيره ف إعدادي واتعرضت لتنمر كتير بسبب إني حتى مش واثقه ف نفسي ومش حاباها..ولحد الآن رغم إن الكل بيقولولي إني جميله مش بصدق وبيستغربوا ازاي مش مصدقه إني جميله وبقولهم والله ما شايفه نفسي جميله وبيتصدموا !..وصلت لمرحلة إني مش واثقه ف نفسي بربع جنيه..نيجي بقه ل إنها جابت دهب لأختي الصغيره وأختي الكبيره وأنا لا!..صدقوني أنا مش باصه للدهب أنا مش بحبه أصلا بجد لكن أنا فارق معايا فكرة إني على الهامش!!..لما كبرنا بقه أختي الكبيره عندها صحاب وبتخرج معاهم وبيتفسحوا وأنا ممنوعه علشان لو خرجت هتخطف وأنا بنت ومينفعش !.. أختي الكبيره تشتري اللي عاوزاه وأنا لا علشان ده تبذير وتفاهه!.ده غير بقه وأنا صغيره كان أخويا بيضربني طول الوقت وعادي كانت بتقولي ده أخوكي !..ولما كنت بزعقله كانت بتبهدلني لدرجة إني للأسف دلوقتي بكره أخويا ومش طايقاه لأنه مره ضربني وأغمى عليا وكنت بنزف دم وأنا صغيره ومقالتلوش أي حاجه ولا زعقتله حتى وكان دائمًا كده وبتستغرب دلوقتي أنا مش طايقاه ليه !..كنت محتاجه علاج لشعري علشان باظ ووقع م الكيماوي مجابتهوليش ف حين إنها ادت فلوس لأخويا اللي ما شاء الله بيشتغل وبيقبض علشان يشتري لنفسه شوز وكروكس!..لما كنت ف فترة الكيماوي أنا بتعالج ف محافظه واحنا عايشين ف محافظه تانيه أصلا بس أخويا وأختي بيشتغلوا ف المحافظه اللي بتعالج فيها ف كنت قاعده أتعالج معاهم ماما مجاتليش خالص من أول ما اكتشفت إني عندي كانسر طول الفتره دي مجاتليش غير قبل العمليه بيوم وقعدت معايا يومين بعد العمليه وسافرت،ف حين إن مره أختي الكبيره كان عندها دور برد ومهبطه والله العظيم سافرتلها مخصوص أقسم بالله!!وأنا اللي عندي كانسر وطول فترة الكيماوي والفحوصات والقرف مشوفتهاش غير قبل العمليه بيوم..وبتعيط من قسوتي معاهم كلهم!!
وبتعيط من عصبيتي غصب عني!!
أنا بقيت أجبر نفسي أتعامل معاهم بحنيه علشان رضا الوالدين وعلشان مبقاش عاقه 
بس أتمنى لو فيه أهالي هنا وبيشوفوا كلامي بلاش تتعاملوا كده مع عيالكوا لأنكوا هتكونوا سبب ف إنهم ميبقوش طابقين بعض بعدين ومش كره ومش حقد لكن فعلا انتوا بتزرعوا ده جواهم 
وف النهايه أي حد هيرد على كلامي يرد باحترام لأنها أمي ف الأول وف الآخر ومش هسمح لحد يقول أي حاجه تقلل منها

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_29512 🇪🇬

منذ شهر واحد

شعور عاطفي

السلام عليكم انا بنت اخر واحده ف عيلتي وبجد عندي مشكله في فرق السن وفرق اامعامله مع اهلي فعلا ماما بتفضل عليا اختي الكبيره بشكل لا يوصف اختي بتيجي عندنا فجاه البيت كله يتقلب عشان ماما ماشيه ع دماغ اختي ماشيه وراها واحتي عندنا كام يوم كده وحاسه اني مش قاذره استحمل فعلا فرق المعامله اعمل ايه

Carrot_65133 🇪🇬 اقولك علي حاجة ركزي علي تصرفات اختك وشوفي هي بتتعامل ازاي مع امك وباي مبداء وبعد كده احكمي تبقي زي اختك ولا تبقي انتي دي بمعناتك 🤔

عرض الكل 17 نصيحة

Nutella_60275 🇪🇬

منذ شهرين

شعور مرتبك

Mango_56683 🇪🇬 قربي منها و وصللها حبك ليها . ربنا يقربكم من بعد و يبعد عنكم شر الفتن

عرض الكل 6 نصيحة

عبّر عن شعورك بشكل مجهول

ليا اختى اصغر منى ب ٦ سنين بحسها بتغير منى اوى ووالله والله ربنا يعلم انى مش بستخسر فيها حاجة و بشيلها ف حاجات كتير و اشيل عنها كتير حسيت ده اكتر لما اتخطبت هى كانت خطوبة منيلة بنيلة و اصلا فركشت بس انا عارفة و بشهادة كل اللى يعرف اننا اخوات انى احلى منها بس و حيات ربنا انا الدنيا ماسحة بيا الأرض و اهتمامى بشكلى و مظهرى ده اللى بحط فيه طاقتى غير انى مش محجبة و بلبس براحتى و اصلا اهتمامى بمظهرى ده جزء من شغلى فا لما بلبس حاجة قصيرة او ضيقة بحسها بتبصلى من فوق لتحت كده و تقولى انتى هتمشى كده!!
مع انها ساعات بتقلع الحجاب و تخرج و انا مبشغلش بالى
اكتر موقف حصل حسيت فيه بغيرتها دى انه كان فى ظرف ما حصلنا و عرفتنى على واحد المفروض ان هما اصحاب بس و هو مش ذوقى اصلا و لا ف دماغى فضل طول الوقت يتكلم و يحاول يدخلنى معاهم ف الكلام و يهزر معايا و بعدها طلب منها اننا نخرج كلنا سوا و عرضت عليا و انا كنت متحمسة للخروجة والله مش ليه هو خالص لأننا هنخرج ف مكان من نوعية الاماكن اللى بحبها المهم هى رفضت و فضلت تتحجج عشان منخرجش و لما سألتها ليه رفضتى قالتلى مليش مزاج لو عايزة تنزلى معاه انتى انزلى الجملة دى اكتر حاجة اكدتلى انها مدايقه انه معجب بيا او انه بيحاول يجر معايا كلام بس اللى انا متأكدة منه انهم فعلا اصحاب مش اكتر قولولى اتعامل مع غيرتها دى ازاى

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Cherry_59482 🇪🇬

منذ شهرين

شعور ضاق ذرعًا

ماما لمجرد أن حد من اخواتي يزعلها فتحطنا كلنا في سلة زباله واحده انتو مش بتحبوني انا كلكم زباله ومطمىتش تربيه اخر مرة اختي زعلتها وقفت جنبي تقلي وانتى كمان تتمتى اموت وترتاحي منى طيب ليه كده وانا الوحيده الي كنت معاكى في كل صدمات ومشاكل اخواتى وانا الوحيده الي بسمعك واطيب خاكرك انا الوحيده الي موقف

Watermelon_60062 🇪🇬 امك فكراكم ممتلكات ليها وعندها تشوهات نفسية. اسئلتك هتعرفي تجوبيها لو قرأتي شوية في علم النفس والامراض والاضطرابات النفسية والسلوكية. ابدأ الرحلة عشان لما تعرفي ان في خلل وتفهمي ليه بتتعامل. معاك كدا يمكن ترحميها وتحتويها وتعرفي ان المشكلة مش في شخصك

عرض الكل 11 نصيحة

Waffle_57960 🇪🇬

منذ شهرين

شعور ضاق ذرعًا

Strawberry_39895 🇪🇬 لا حول ولا قوة إلا بالله ربنا معاكي

عرض الكل 9 نصيحة

عبّر عن شعورك بشكل مجهول

انا عندي دادي ايشوز من ساعه ما ماما وبابا اتطلقوا هما كانوا بيتخانقوا كتير اوي وهما متجوزين وكان بابا بيمد أيده علي ماما وعلي اختي الكبيره انا بحبه اوي بس مش بحب تصرفاته ابدا ماما وبابا اتطلقوا بعد ما بابا اتهجم علينا فالبيت وطلبوا البوليس وطبعا كنا صغيرين اوي ومش فاهمين حاجه يمكن اختي كانت فاهمه شويه بس انا كان كل همي اعمل لماما هديه لأن يوم طلاقهم كان يوم عيد الام  مكنتش فاهمه ال بيحصل بس كنت عارفه أن فيه مشاكل بين ماما وبابا وبصراحه طول الفتره ال عشتها مع ماما عمرها مخلتنا محتاجين حاجه وربتنا احسن تربيه بس بابا كان عايش فالشقه ال قصدانا وده كان أسوأ حاجه لان كنا كل يوم بنشوفه وكان دائما يعامل اختي احسن مني مع أن اختي كانت بتكرهه لأن لما كان زمان بيعمل مشاكل وبتاع هي كانت واعيه وفاهمه انا مكنتش فاهمه اوي لاني كنت صغيره بس كنت بحب بابا اوي اوي وبابا كان بيحب اختي جدا مع انها كانت بتكرهه اوي بس برضه كان دائما يفرق بينا كان يقعد يتحايل عليها عشان تكلمه ونا لما اجي أكلمه يقولي اسكتي يبت انتي وجي من قريب كان منزل صوره ليا بشعري ونا محجبه قولتله يبابا شيل الصوره وكلمت عمي وكلمت بابا اكتر من مره وبرضه مش راضي يشيلها وهزقني وامبارح اختي اتصلت بيه عشان تقولو أن النتيجه ظهرت وأنها نجحت وقالتله اختي كمان نجحت قالها مين؟ انا معنديش بنات غيرك حاولت اعمل نفسي كويسه بس انا مش كلبه بشحته وعدم اهتمامه بيا مأثر فيا جامد اوي لدرجه ان اي حد يحسسني بالأمان بحبه حتي المدرسين بتوعي!! انا وصلت لدرجه الجنون بجد ومش عارفه اعمل ايه اخليه يحبني ويهتم بيا ازاي؟؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Orange_52947 🇪🇬

منذ 3 أشهر

شعور متعب

Hazelnut_52786 🇪🇬 عارفة يا حبيبتي، أوقات أقرب الناس لينا بيكونوا أكتر حد بيوجعونا، مش لأنهم أشرار، بس عشان مش بيعرفوا يحبوا صح. بس انتي مش مطالبة تفضلي ساكتة أو تكتمي وجعك، حطي حدودك حتى لو بأبسط الكلام. ابني نفسك واحدة واحدة، وافتكري دايمًا إن اللي يحسسك بالذنب بدل ما يطبطب عليك، محتاج يراجع نفسه مش انتي

عرض الكل 9 نصيحة

عبّر عن شعورك بشكل مجهول

انا بجد زعلانه اني هتكلم في البوست دا ع حاجه مزعلاني بس بحبها بس انا انا مش ب اوفر والي عنده اخوات هيفهم انا عندي اخت توام بس صعب عليا احكيليها مشاعري بقي صعب عليا كل حاجه اتكلم بكل صراحه معاها لاني كنت ديما أما اروح اقولها متهتمش اوي ماسكه الفون بترد الرد العديد أما اقولها مشكله تقولي الغلط من عندي طب ازاي اصلحه لا معرفش ونا عارفه أنه كل واحد عنده عيوب  ونا ديما بيبقي عندي تردد اروح اسال اختي في حاجات زي هو انا لي مش بحس بحبك ليا اي الحاجات الي بدايقك مني ك شخص انا ترتيبي الكام في حياتك بتحبيني قد اي بس بخاف بخاف اكون انا وحشه وبتبلي عليها انها تكون بتحبني بس مش بتقول انا تلقائيا بحس اني بحبها جدا يعني لما نبقي متخانين بروح اعتذر انا أو لو تعبانه أجبلها دوا اتنازل عن حاجات من كتر حبي ليها ديما تصورها بالفون بتاعي واعمل ذكريات ليها بس انا بقي مهما زعلت منها مش بعرف محبهاش بجد ساعات بزعل جدا اقوم عامله حاجه بتستفزها أو تدايقها لاني تعبت نفسيا منها هي علاقه الاخوات ديما فيها حب وضرب وزعل وخناق ديما بس لما بنتخانق غير مثلا الشتيمه أو ضربه كدا ديما بتقولي كلام يوجع زي محدش هيستحملك كفايه احنا مستحملينك واحنا اصلا مش مستحملينك عشان أنا صوتي بيبقي عالي غصب عني بحاول اعالج الحته دي بس وتقولي شوفي مين حواليكي صفر ولا حد محدش بيحبك محدش طايقك  وانتي سودا وكلام من دا  كمان بتبصلي نظره من فوق لتحت وامي تسكت بحس أن ماما مش بتعقبها خالص وبتعقبني انا والا دا كوم والي هحكيه كوم تاني هو طبعا احنا متربيين ع حاجات غلط وممنوعه ولازم يبقي في حدود بينييك وبين الولد بس انا غصب عني وربنا يعلم أنه كان غصب عني اني ارتبط بولد بس مكنتش قائله لا اصحابي ولا لأختي بس لما عرفت بدأت تقولي انتي بتعملي كدا لي متعمليش كدا وقولت ماشي بس انا مكنتش ببعد عنه بعد كدا امي عرفت وحصل مشاكل بس بعد فتره رجعنا اتكلمنا تاني كان غصب عني مش قادره مكلموش ف اختي تقوم تضربني في كل مره ارجعله ضرب مبرح وتشتمني وتقولي كلام وحش اوي وهو كل دا عارفه ولما بعدنا عن بعض تماما اكتشفت أنه هو الي غلط واختي لتحاول ترجعني للطريق الصح عشان خايفه عليا وبتحبني وترجعني لتربيتي انا عرفت أنه غلط بس مش هنسي ضربها ليا كان نفسي تخليني مصدر امان ونا مش هدور عليه برا كانت تحتويني نا ديما شايلهه هم اني اروح اتكلم معاها بذات فيمشاعري دلوقتي رجعنا اخوات عادي والتعامل عادي بس كل دا جوايا ومش عارفه أقوله لها بس لما كنا نتخانق تلمح للموضوع دا وتعايرني بيه بزعل جدا تقعد تقولي لي هوا انا انتي بس عشان كدا قولت انا مش باوفور بس لو حد شايف الموضوع من برا يقولي وينصحني

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Avocado_63863 🇪🇬

حبيته وسبني ومش فاتح بالي وهو عايش عادي

حاسه اني ضيعه خصوصا بعد ما حبيته وسبني وبعد كل اللي كنت بعمله اللي يطلبه سبني وكمان غلط فيا طيب هو هيتردله الاذي ده المشكله اللي وجع قلبي أنه عايش حياته عادي ماشي ورامي كل الغلط عليا طلعني انا اللي وحشه بعد مكان ههيموت عليا قلبي متكسر ميت حته اعمل اي تايه بمعني الكلام وهو عايش حياته هو اصلا مش فكرني 💔💔 ...عرض المزيد

2 الدعم

27 نصيحة

Apple_60650 🇪🇬

أمي خاينة أبويا ومش عارفة أقول له

ازيكم انا عندي 26سنه متجوزه وبحب جوزي ومعانا ولدين دي القمر ربنا يخلهملي يارب بصلي الحمد لله المشكله الا في حياتي هيا امي امي على علاقه ب راجل تاني غير بابا وبابا راجل كبير ف السن 77سنه واني أصغر منو ب كتير المهم انها على طول مسوده عيشه ابويا ومبهداله وشتيمه وقله قيمه ومعايره انو مبقاش يقدر يعمل معاها علاقه معرفا الناس كلها كل الرجاله آلاف العيله او الا بره العيله عارفين انو مقصر ف الحكايه دي انا دلوقتي وقعت تحت ايدي ركورادت ليها معا الشخص الا هيا ماشيا معاه ده ومش عارفه اعمل ايه ابويا صعبان عليا جدا ومن شهر ابويا عمل معاها مشكله كبيره وساب البيت ومشي ودخل اخوها وعشان هيا مقتدره ماديا اخوه كدب ابويا وقالو هنرفع عليك قضيه سب وانك بتخوض ف عرض اختي وجه ف صف اخته عشان بتصرف عليه انا دلوقتي معايا دليل ان بابا عنده حق ومش عارفه اقول ل بابا ولا اعمل اي انا بحب بابا جدا وصعبان عليا الا بيحصل فيه ده انصحوني ...عرض المزيد

3 الدعم

20 نصيحة

Strawberry_70616 🇪🇬

محتارة أوي أعمل ايه في حياتي بعد التخرج

انا محتاره اوي أعمل ايه في حياتي لسه متخرجه من كام شهر و من بعد ما اتخرجت وأنا تيهه لدرجه إني مستلمتش لسه الشهادة من كتر ما انا بهرب من الحقيقه معتش عرفه اعمل ايه اشتغل ولا اتجوز و ساعات بميل لأني اتجوز و استقر و اعمل بيت و ساعات إميل إني اشتغل بس مش عرفه اعمل ايه صحابي إلي قدي في منهم مخطوب و متجوز و استقر و في منهم بداء يشتغل بس لما باجي أشوف حياتهم برضو مش هو دا إلي ببقي عيزاه بيبقي شغلهم أصلا بره التخصص أو شغل مش حباه و إلي متجوز ببقي شايفه طبعا أن وضع جوزهم دا مش مناسبني بس علي الأقل بيبقو عملو حاجه عيزنها أو مختارنها انا مش بابص ولا يقارن حياتي با حياه حد نهائي بالعكس إلي هما فيه مش عجباني بس خايفه أوافق مثلا علي حد أو جوازه مش عجباني لمجرد أن مفيش رجاله كويسه في الزمن دا و كدا فا أرضي با أقل الخساير أو شغلانه مش حباها عشان أهو اسما بشتغل اعمل ايه بجد تعبت ...عرض المزيد

0 الدعم

20 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع