استقرار

Watermelon_58570 🇪🇬

منذ يومين

شعور منزعج

يجماعه انا اللي قهرني اني كنت كويس وماشي صح وصدقت ما بقيت منضبط صدقوني طاقه البداية صعبة اوي انا بقا كنت كده من حوالي شهرين ومبسوط والحمدلله جينا في اول شهر 7 امي.واخواتي عايزين ينزلو البلد وابويا طبعا كان شايف كده برضو كان عايزنا ننزل البلد انا امي واخواتي يعني واحنا عايشين في بلد تانيه غير بلدنا

Pineapple_65871 🇪🇬

منذ يومين

شعور سعيد

موضوع:

درس علمته لك الحياه

الحياه بطبيعتها دورة يعني غير مستقره علي رتم واحد الجميل في الموضوع بتاع عدم الاستقرار انه بيخليك متملش لان كل يوم في جديد. كمان كل يوم اسعي انك تتعلم درس جديد . الاهم من الدروس اللي هتعلم فيك انك تكون عارف وعايز انك تتعلم عشان تكبر وتعرف تاخد قرارات .. شوف عايز تكون مين متعلم ومتألم ولا متعلم بس..

Donut_62529 🇪🇬

منذ 3 أسابيع

شعور مرهق

حاسه اني تعبانه جداا م الحياه دى انا فعلا مش قدها مش عايزه اكبر الدنيا كل ما بكبر متبقاش شبهى اكتر معتمه الدنيا دى غريبه ف كل حالتها عمرى ما حد حبنى ف حياتى مع انى مش وحشه الدرجة دى عمر ما حد قالى كلمه حلوه حتى لو من صحابى أو اهلى دول ال المفروض احس معاهم بالأمان نفسى يبقى عندى استقرار نفسي بس انا ح

Coffee_61658 🇪🇬

منذ 3 أسابيع

شعور مرهق

بقيت علي طول مخنوق وروحي في مناخيري انا باخد ادوية نفسية بتهديني جداا بس بحس ان ورا الهدوء دا بركان معرفش لو اتفتح اية الي هيحصل انا كان حصلي كذا صدمة عصبية ورا بعض وحاليا تايهه لاقصي درجة ولوحدي جداا واصلا مش عاوز حد جمبي علاقتي بأهلي بقت سطحية لاقصي درجة وهي كدة كدة مكنتش قوية من الاول بفكر ارجع ا

Tomato_60726 🇪🇬 حط لنفسك اهداف موقته مش علي المد البعيد حاليا كل شعور بالانجاز انك حققت الهدف ده يخليك حاسس انك عايش وتاحد ثقة في نفسك واتكلم مع الدكتور قوله انا حاسس ان مفيش تحسن انا عاوز اعرف اتحكم في نفسي دولقتي بالأدوية بس انا عاوزك تساعدني أقلل الأدوية بالتدريج والتحكم في عصبيتي والأبواب اللي قافلها لو انفتحت عاوز اقدر أواجه الابواب ديه

عرض الكل 2 نصيحة

Mango_51124 🇪🇬

منذ 4 أسابيع

شعور ضاق ذرعًا

يعني الشخص اللي معاك المفروض يخفف عنك ولا يزود الضغط عليك بجد مبقتش فاهم ليه كل شوية تفكر مع نفسها وتاخد قرارات وتيجي تعرفني ولما تغلط تقول (محدش بياخد على كلامي) ليه عيلة صغيرة ولا مجنونة عشان متتحاسبيش على كلامك وبعدين ليه كلامك شيء وافعالك شيء قولتي بدل المرة الف انك متقبلاني بعيوبي واول ما ا

Marshmallow_58489 🇪🇬

منذ شهر واحد

شعور قلق

Watermelon_58563 🇪🇬 ليه شاغلة نفسك بالموضوع اوي كده ده نصيب وهيجيلك فوقتة المناسب

عرض الكل 18 نصيحة

عبّر عن شعورك بشكل مجهول

انا مشكلتي انا خايفة ماتجوزش
خايفة مالاقييش الاستقرار ال نفسي فيه وخايفة العمر يجري بيا واضطر بعدين أقبل بحد مش عاجبني
انا عندي 25 سنة لسه
شغلي من البيت ومش بخرج الا لو في حاجة.. خروجة مع اصحابي. او زيارة لقرايبنا كل فين وفين او اشتري طلبات للبيت
أماكن محدودة جدا مع ناس معروفة بالنسبالي
كل الناس لفتت نظري للحتة دي ان انتي عايزة حد يشوفك ويعجب بيكي وانتي مش بتخرجي
كلامهم منطقي
بس  مش بيتقدم حد مناسب ولا في مجال ان حد يشوفني
طب اعمل ايه؟
معظم الناس ال حواليا برده عندهم مشكله ياما ب بيتجوزوا حد عارفينه من قبل الجواز او بيبقبلوا باشخاص هما مش مبسوطين معاهم ومش شبههم عريس والسلام يعني.. ياما فعلا قاعدين ومفيش حد

حتي زمان من كام سنة كان في ولاد بتعجب بيا وفعلا ارتبط بشخص واتخطبنا وانا ف الجامعة بس ماكملناش
دلوقتي مفيش حد بيعجب بيا ولا في شخص مناسب بيتقدم ومناسب دي اقصد بيها يعني يكون متعلم كويس او عنده عيشة كويسة مش بتشرط يعني

لدرجة ان جالي احساس ان اهلي مش بيقولولي علي الاشخاص الكويسة ال بتتقدم وبيقولولي بس علي ال مش مناسبين..ساعات بيحيلي الاحساس دا وساعات بحس لا دا اكيد وهم
لاني كنت مخطوبة سنتين وماجهزونيش خالص بأي حاجة ومره جه حد كويس قعدوا يقنعوني ان لا ماوافقش عشان اسلوب ابوه في المكالمة مكنش عاجبهم انه بيتكلم عن الفلوس زيادة (فهموها مغرور يعني او بيتمنظر بفلوسه)

والشخص ال اتخطبتله كان بطلوع الروح ولما لقوني موافقة اتقالي ب اللفظ طب شوفي مين بقي هيجهزك

عايزة احس اني زي البنات مرغوب فيا من شخص عاجبني.. وبدعي دايما ف الصلاة وبقرا قران قد مابقدر 
وبحاول طول الوقت ماعملش حاجة غلط واحافظ علي نفسي ومشاعري للانسان ال هيبقي زوجي بس شايفة في المحيط الي انا فيه بنات كتير فوق الي 30 من غير جواز وبنات كتير متحوزين جوازات مش شبههم

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Lemon_46682 🇪🇬

منذ شهر واحد

شعور محبط

انا حاسس اني ف دوامه مقفوله حياتي مش عارفه تستقر .. بشوف كل الحواليا مستقريين ماديا او عمليا ونا حياتي ف دوامه مش عارف انا عايش ليه اصلا ولا ايه فايدتي حتي كان في مشروع اني اسافر الامارات وادور علي شغل و عمال يتعطل كل شويه و مش عارف اصلا لو حتي سافرت هلاقي شغل والا لا انا كده كده متوكل علي الله و مق

Chocolate_58806 🇪🇬 لو بصيت على حياة غيرك هتحس ان عيشتك ضنك. حاول تطور انت من حياتك بنفسك و لو السفرية مفيهاش خير ليك او مش من نصيبك ربنا هيبعدك عنها. خليك عارف ان جايز ربنا بيعمل كدا علشان يشوف انت هترجعله لو انت فالحالة دي ولا ولا هتروحله بس و انت محتاج حاجة. ظن خير بالله و ربنا مش هيضيعك

عرض الكل 5 نصيحة

Almond_54763 🇪🇬

منذ شهر واحد

شعور ضائع

عندي خوف من المستقبل رغم اني عارف انه بايد ربنا و مش شاكك فكدا خالص بس فكره زي اني معنديش شقه او اني مش مستقر فالشغل و هتجوز قريب بتخوفني عندي خوف رهيب من الفشل مش عارف اعمل اي دماغي مش بتقف عن التفكير محدش حاسس بيا و مش مستني من حد حاجه بس نظرة الناس انهم بيحسدوك على انك هتتجوز او انك معاك حاجه من

Strawberry_57679 🇪🇬 اللي بيخاف من بكرة وبيعمله حساب دا حد ناجح جدا... مفيش حاجه اسمها فشل مدام بتسعى وبتحاول وبتعمل كل اللي عليك... النتيجة بقى دي مش بتاعتك... متحطش الناس في دماغك عشان هيسوحوك ويلففوك حوالين نفسك وهتلاقيك بتخبط دماغك فعلا😂 الناس مهما تعمل مش هيبطلو كلام سواء بالحلو او الوحش... من الاخر شيلهم من دماغك والف مبروك وربنا يتمملك علي خير

عرض الكل 1 نصيحة

Banana_57181 🇪🇬

منذ شهر واحد

شعور محبط

موضوع:

ايه الحاجة لو اختفت من حياتك او مكانتش حصلت كنت هتبقي احسن

حاسه لو كنت اتجوزت( من حد كويس) حياتي كانت هتبقي أحسن كان هيكون ليا بيتي حياتي اللي اهتم بيها هبعد عن مشاكل امي وهحس بالاستقرار والاهم ماكنتش هبقى داخله على التلاتين وانا لوحدي كان هيبقى في ونيس فكنت هحس بالامان فكنت هبقى أهدا مطمنه

Hazelnut_52786 🇪🇬 الشعور ده طبيعي، بس الجواز مش حل سحري، لو مش من الشخص الصح كان هيزود التعب مش يريّحك. الاستقرار الحقيقي بيبدأ من جواكي، ولما تهدي وتكوني تمام، هتعرفي تفتحي باب لحد يستاهلك. لسه في وقت ولسه في فرص، مفيش حاجة فاتتك، ربنا بيرتب كل حاجة في وقتها المناسب

عرض الكل 13 نصيحة

Coffee_55356 🇪🇬

منذ شهر واحد

شعور ضائع

Hazelnut_52786 🇪🇬 لا تجعل الأفكار السلبيه تأثر عليك . وحاول تعمل وتفرح نفسك بنفسك

عرض الكل 2 نصيحة

عبّر عن شعورك بشكل مجهول

الفكره اني مش عارف ابدا منين هل الموضوع ممكن نقول اربع خطوبات باظوا ولا شغل لحد دلوقتي مش مستقر فيه او يمكن بمعنى اصح ان الشغل دا مش مخليني عارف ان اكون مستقر او حاسس بالاستقرار . طيب تعالى نبدا الموضوع من بدري من الاول خالص انا طفولتي شاب كويس جدا ما فيش فيه اي حاجه خالص وعائلتي برده ناس بيحبوني انا الفكره فيا انا الاساس اني بقيت حاسه ان انا مهزوز شويه بمعنى اصح اني مش عارف هل انا العمر بيعدي بيا وانا كاني على عكس اللي حواليا ما فيش اي حاجه تذكر عملتها لا انا سافرت زي اللي سافروا ولا اتجوزت وكونت اسره زي اللي سافروا وكوني اسره واللي خلفوا ربنا يسعدهم ويوفقهم بس برده الواحد بيقول الحمد لله على كل حال يمكن انا لقيت البرنامج دوت بالصدفه عشان اقعد افضفض واحكي حتى مش فاتح حتى كتابه انا بتكلم فويس وخلاص واللي بيطلع من قلبي بيتكتب وخلاص زي ما هو مش عايز اغير فيه حاجه طول عمري من وانا صغير دايما مده فتره مراهقتي ديت ان انا دايما الشخص اللي بيسموه الشخص المصلح الاجتماعي اشوف ايه المشكله عند ده وايه المشكله عند دي واقعد احل وبعدين بعد كده اشوفهم الاثنين كويسين مع بعض واشوف الاثنين ده بيحكي اللي في قلبي و دى بتحكى اللى في قلبها واطلع انا بعد كده بمعنى اصح الشخص المسرع لعمليات التفاعل الكيميائي زي ما بيقولوا ولما انا فعلا بقى حسيت ان انا فعلا منجذب للانسانه وانسانه ديت شايف فيها الصفات الكويسه فكرت بالعقل واحده واحده وقلت بلاش استنى شويه لغايه لما الدنيا تتظبط ما ينفعش ان اروح مره واحده اقول لها كده اهو وفي نفس الوقت امكانياتي لا تسمح ولا انا فعلا هكون بمعنى اصح مش عايز اعلقها بي عشان انا عندي برده اخوات بنات بعد كده اهلي بداوا انهم كل شويه يقولوا لي لازم تكمل دينك وتتجوز ونفرح بيك والكلام ده اول مره ما كانتش خطوبه بالمعنى الاصح يعني بالمعنى الواضح وكان لسه كان الموضوع حتى في اوله وفي نفس الوقت اهلها عارفين واهلي عارفين بس كان الشرط الوحيد ان احنا نخلص كليه اربع سنين ما بعملش اي حاجه عيب او حاجه حرام علشان عايز الحلال في الاخر وربنا يكرمني بيها بس ما حصلش نصيب ثاني واحده هي دي بقى الخطوبه الحرفيه يعني رحت لاهلها ورحت مع اهلي وخطبناها والدنيا تمام وكل حاجه زي الفل وراح وشافوا الشقه والدنيا تمام وكل حاجه جميله لحد دلوقتي الدنيا تمام وفجاه بعد كده امها مش عاجباها الشقه وكل شويه في كل زياره يلمحوا لي ان بيع الشقه وخذ شقه جنبنا وانا لساني كلمه واحده بس يبقى ابني على كتفي وادور عليه طب ما انا بجهز الشقه دي بقى لي سنين ايه اللي يخليني ابيعها المهم في اخر زياره لقيت فجاه ان امها قاعده قدامي بتقول لي عملت ايه في موضوع الشقه قلت لها موضوع ايه قالت لي احنا مش قلنا ان احنا هنبيع الشقه قلت لها انا ما اتفقتش على حاجه واني انا مش ناوي ابيع الشقه وان الكلام دوت لو انتم عايزين تقولوه انتم تقولوه انما القرار معايا انا وانا قرار ان انا مش هبيع حاجه لقيت فجاه الوش اتقلب فجاه وقامت وسابت الصالون ومشيت داخل جوه من بعديها طبعا انا احرجت واستاذنت ونزلت وبعديها بيومين امها كلمتني قالت لي تحس ان هي كانها بتتكلم كرساله مسجله مش اللي هو بتتكلم وتاخذ وتدي في الكلام الرساله بالظبط ما خدتش دقيقه احنا اتفقنا انا ووالدها ان احنا مش ناويين نكمل في الجوازه ديت وان احنا بنقول لك ان احنا مش ناويين نكمل في الجوازه وتقدر تيجي تاخد حاجتك يعني دي كده الخطوبه الاولانيه ويمكن الارتباط الثاني في حياتي الثالثه كانت واحده من اهلي بس من الطرف البعيد شويه يعني اهلي من بعيد يعني بمعنى اصح باباها ومامتها متوفيين واللي كان متولي شؤون حياتها هي عمتها وعمتها كانت من نوعيه الناس اللي ما شاء الله ربنا فتح عليهم وسافروا من ايام التسعينات ورجعوا بعد كده هنا يعني كملوا حياتهم فشافت حياه غير الحياه اللي انا كنت عايشها معاها يعني وان انا مهما عملت مش مش هعرف اعيشها الحياه اللي شايفاها من عمتها المهم قبل الخطوبه بحوالي اسبوع شدينا مع بعض زي اي اثنين بيشدوا على الكلام هايف يعني المهم دخلت عمتها في الموضوع يعني والموضوع عدى على خير بعدها نزلنا اليوم بقى ان احنا نجيب فيه شبكه المهم نزلنا مع بعض واختارنا الشبكه خلاص وطالعين مستنيين الاوبر او اللي هو العربيه اللي هتاخدنا يعني وفجاه وان هي بتقول لي انا مش عارفه ازاي هقول لعمتي والخالي والبقيه اهلي ان الموضوع باظ قلت لها باظ ازاي انت شبكتك في ايديكي واحنا رايحين دلوقتي نبص على القاعه اللي هيبقى فيها خطوبطنا كمان اسبوع قالت لي ما هو انت زعلتني وانا لسه مش عارف اخد قراري قلت لها قرار ايه انت شبكتك في ايديكي وخلاص الموضوع فاضل له ايام المهم ركبنا الاوبر وبعد كده وصلنا القاعه ما اعرفش وشها مقلوب ليه مع انها يعني المفروض يبقى يوم زي ده يكون اسعد ايام حياتها يعني المهم دخلنا القاعه وبصيت على ببص معاها على المكان بتاع الكوشه والمكان بتاع هنخش منين ونروح فين والحاجات دي فبتسال المسؤول عن القاعه يعني وانا واقف بتقول له هو الدي جي مكانه فين قال لها لا الدي جي ليه غرفه خاصه والقاعه نفسها ما فيهاش دي جي فراحت بصتلي وقالت لي بس انا عايزه دي جي قلت لها طيب نتكلم بعدين في الموضوع دا ما هو لسه هو قايل لك ان الدي جي له اوضه لوحده المهم يعني وشها قلب وطبعا اضطريت ان انا انزل علشان اوصلها ونروح المهم في السكه لقيتها بتقول لي انت اذا مش هتجيب لي دي جي في القاعه انا اخلي عمتي تجيبه لي انا الكلمه حزت في نفسيتي قوي الكلمه دي اذا كان هي معتمده من دلوقتي على عمتها في الحاجات اللي انا مش قادر ان انا اجيبها لها امال هتعمل ايه بعد الجواز ودي انسانه كده يبقى عندها حاجه من اثنين يا اما استهتار يا اما قلة التقدير للامكانيات جوزها ولجوزها اذا كان بتتكلم على حته دي جي واحنا لسه على البر امال لما يتقفل علينا باب واحد هتعمل ايه بعد كده بكام يوم كلمت ابويا وقلت له قلت له انا مش قادر ان انا اكمل في الموضوع دوت لاني حاسس بقله تقدير وده انا ما اقبلش بيه ابدا فمن فضلك انا هنهي الموضوع ده قال لي انت واثق من القرار ده قلت له اه لاني شفت في عينيها حته ان هي بتقدر عمتها على كل حاجه بعملها لها وان الحياه اللي عمتها عيشتها لها انا عمري ما هعرف اعيشها لها ابدا اخر خطوبه الشهاده لله ايام ما عملتش اي حاجه فيها غلط ليا سواء نفسيا او اي حاجه ولكن المشكله كان في اهلها حرفيا باباها كان من النوع القماص اي حاجه معملها لهوش او ما بتجيش على هواه يتقمص ويقلبها علي وانا حذرتها مره واثنين وثلاثه واربعه في الموضوع ده وهي برده بتاخذ صف اهلها وانا بحاول ادادي وحايل اكثر من فتره وابوها ما بتغيرش لحد لما الخطوبه باظت في شهر واحد اللي فات ساعتها قفلت على نفسي فعلا وما بقتش مهتم باي حاجه خالص غير ان انا بنزل شغلي وارجع انام لا بقابل حد ولا بتكلم مع حد كل اللي عايزه عايز الايام تعدي وخلاص لدرجه ان انا دلوقتي بقيت حاسس ان انا حتى لما عديت سن 32 بقيت عارف ان انا فعلا اني عمري ما هوصل الاستقرار نفسى تانى نهائي والغريب في الموضوع ان من فتره كان في اجتماع عائلي بمناسبه اول رمضان وقرروا انهم يجمعوا العيله كلها انا في اولاد شفتهم بعيني بقوا تقريبا طولي كنت بشيلهم على ايدي يوم ما اتولدوا اكتشفت فعلا ان انا فعلا العمر بدا يعدي بيا واحده واحده الطفل الصغير اللي كان موجود واشيله على كتفي بقى يا دوبك دلوقتي ما شاء الله عنده 12 13 سنه ساعتها حسيت ان انا فعلا بعدت اوي العمر عدى عليا بسرعه اوي اوي ربنا يا رب يبارك لها كده فيه وتشوفه كده عريس قد الدنيا بس انا اللي بصيت على حالي وقلت هو مش ده فلان ان انا كنت شايله على ايدي يوم ما اتولد قالت لي اه هو ده كبر دلوقتي وبقى عنده ابتدائيه ربنا يا رب يبارك لها فيه كده وتشوفه عريس قد الدنيا انا يمكن الكام كلمه اللي قلتهم دول فعلا انا مش محتاج اي مساعده بس كنت محتاجه افضفض وخلاص بس فعلا انا شفت الناس اللي موجوده من زمايلي ومن صحابي اللي منهم سافر واللي منهم اشتغل واللي منهم اتجوز وخلف وانا قاعد محلك سر بقيت حاسس انها شايف الدنيا رمادي حتى فرحه العيد انا يمكن حاسس ان هو يوم عادي ما فيش في اي اختلاف عن اي يوم عادي اعذروني لو كنت طولت عليكم في الكلام بس انا عارف ان انا كلامي كثير بس انا كنت محتاج ان انا افضفض و خلاص

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Strawberry_52341 🇪🇬

منذ شهر واحد

شعور متعب

بجد اسوء حاجه انك مش عارف الا انت حاسه ده فراغ ولا حقيقي المشاعر ده حقيقيه ولا اول ما انشغل او الاقي بديل هتتلاشى هل انا مناسبه اصلا حتى لو كانت حقيقيه؟ بغرق في بحر افكاري مش عارفه الحقيقي من الوهم مش عارفه انا مين و بعمل ايه و كل ما احاول اعرف بغرق اكتر بفضل اغرق وانزل للاعماق اكتر و اكتر اضيع وقت

Avocado_53764 🇪🇬

منذ شهرين

شعور وحيد

مش عارف أقول ايه بصراحه.. أنا عندي ٢٨ سنه و مش شغال و مش معايا فلوس. ولا حتى في علاقه مع اهلي إذا كان أهل بابا أو ماما كلهم بكرههم…. بتعامل معاهم بحدود كلهم من مواقف كتير حصلت معايا بيني و بينهم و لو قولت إني كنت مرتبط مافيش ولا واحده حبتني بجد زي ما أنا حبيتها ؟! حياتي متلغبطه و مع ذلك بضح

Hazelnut_52786 🇪🇬 اللي إنت فيه صعب، بس مش نهاية. ابدأ بخطوة بسيطة، أي شغل، أي حركة، وافتكر إن البدايات المتلخبطة بتطلع منها حكايات نجاح حقيقية. اللي ما حبكش بصدق مكانش ليك، وربنا بيصرف اللي مش خير. وكونك لسه بتضحك؟ دي أكبر علامة إن جواك أمل… وإن بعد الليل، دايمًا في شمس بتطلع. ☀ ربناااااااااااااا معاااااااااااااااااااااااك في كل خطووووووووووة

عرض الكل 3 نصيحة

Kiwi_52343 🇪🇬

منذ 3 أشهر

شعور ضائع

نفسي اوصل لحته الاستقرار في اي جانب من جوانب حياتي يعني ابسط حاجة نفسي افهم انا بعمل ايه وليه وهل انا عاوزة اعمل كدا بجد ولا مضطرة بحس اني مبفكرش ومتساقة في الحياة لدرجة اني معنديش وقت اسأل نفسي انا مين ولا بعمل ايه اعتقد الإنسان هيفضل تايه طول ماهو عايش ف الدنيا

Chocolate_45866 🇪🇬

منذ 6 أشهر

شعور عاطفي

مكنتش محظوظه في أي ختيار في حياتي للاسف حتي الحاجات اللي مااخترتهاش مكنتش محظوظه فيها مش متخيله انى بكتب الكلام دا بس لازم اساعد نفسي مش عاوزه افضل ساكته عاوزه اقوم وافوق تانى واقف علي رجلي تانى لانى مش عاوزه افضل في الحاله دى دى مش انا عمرى ماكنت كدا نفسي بجد كل حاجه تتغير نفسي بجد لو ليا نصيب ارتب

التجربة أفضل عبر التطبيق

حمّل تطبيق توهيل على هاتفك لتجربة أسرع