الحقيقة الوحيدة إن كلمة "بحبك" بقت دلوقتي أرخص من زمان، بقت تتقال لمجرد إن في إعجاب لحظي أو اهتمام بسيط، لكن بالنسبالي الكلمة دي وعد، عهد زي ما قلت. أنا مش من الناس اللي تحب لمجرد التجربة، ولا بعتبر المشاعر لعبة أو تسلية وقت. الحب بالنسبالي بداية لمسؤولية كبيرة، لبداية طريق اسمه "بيت" و"استقرار"، مش مجرد علاقة كلامها حلو ونهايتها وجع. يمكن الناس تقول عليّ معقد أو عايش بمبدأ قديم، بس أنا مؤمن إن اللي بيحب بجد لازم يكون عنده نية حقيقية للجواز، لأن أي حب من غير نية التزام هو مؤقت، مهما كان شكله جميل في البداية. وأيوه، الحب محتاج شجاعة، بس كمان محتاج نية صافية، ومجهود، وخوف من ربنا قبل أي حاجة. اللي بيحب بجد مش بيكسر قلب، ولا بيوعد وميكملش، ولا بيقول "بحبك" وهو مش شايف مستقبل. يمكن كلامي يعجب ناس قليلة، بس دي الحقيقة الوحيدة اللي مؤمن بيها لحد دلوقتي.

4

6