استعادة الذات

Avocado_46262 🇪🇬

منذ أسبوعين

شعور متعب

اعمل ايه بجد علشان استعيد ذاتي و ارجع تاني في حياتي زي ما كنت الدنيا بتخبط فيا و انا لسه بحاول اه هفضل احاول طول حياتي بس نفسي حياتي ترجع تاني زي ما كانت 🥹 ورايا مشىوع تخرج السنه دي و عمال اتدلع مش بمشي في كورساتي و انا ليدر التيم يعني المسؤوليه كلها عليا ف عاوز ارجع زي قبل كده مش عااااارف اررر

Corn_61463 🇪🇬

منذ شهر واحد

شعور مرتبك

Almond_55410 🇪🇬 انت بطل والله

عرض الكل 4 نصيحة

عبّر عن شعورك بشكل مجهول

بعد وفاة والدي في بداية ٢٠٢٤.. مريت بمشاكل كتيرة ما بين اهلي وطمعهم، وناس تانية أدعو ان ابويا خد فلوس وعايزين يخدو شقته مقابل ده، ده غير طبعاً متطلبات الحياة كشخص عندي أسرة وطفلتين، وطبعا مش محتاج اقول كمية الوجع الداخلي على فقدان ابويا خصوصاً اني مليش اخوات، شغلي freelance وللاسف حد كنت بشتغل معاه لظروف ربنا وحده اعلم بحقيقتها مكملش المشروع ذي ماكنا متفقين وبالتالي فلوس الشغلانة قليت جداً.
من فضل ربنا عليا إني قدرت أعدي كل ده.. المعارك كلها خلصت بانتصار وانتهت تماماً والحمد لله، خدت وقت طويل شوية بس طالع منها ليا مش عليا، وفديت ابويا،  واسرتي الحمد لله مستورة وتمام، وكمان بصل أرحم اهلي رغم ان نفوسهم شايلة وفيه نكش كده من بعيد.
 ومع بداية ٢٠٢٥ ونهاية الترم الدراسي الاول.. اكتشفت اني محتاج ارتاح شوية، وكأن هرس اللي فات كله طفح عليا مرة واحدة وبقيت مش قادر ولا عايز اعمل حاجة، وابتديت امر بظروف نفسية مش حلوة، الموضوع استمر معايا كام شهر على الحال ده وانا بحاول لكن فيه صعوبة داخية عندي، المهم عندي ان احاول اخلي الحياة هادية بدون مشاكل علشان بناتي الاتنين(١٢ سنةـ ٦سنين).
ومع نكش اهلي من حين لاخر، ظهرت صدمة كبيرة بالنسبة ليا وهي ان مراتي زهقت ومش عاجبها الحالة النفسية اللي انا فيها، وعلى حد قولها: كفاية طاقة سلبية انا نفسي ابقى براحتي بقى.. طول عمري سواء هي او بناتي لما بيكون متضايقين او مخنوقين مش بستحمل ده ولازم احل الموضوع علشان يبقوا كويسين.. شهرين طول الوقت مشاكل وقمص لاسباب مش حقيقية وتافه في بعض الاحيان، ومع الوقت اكتفشت الحقيقة انها اتخنقت من خنقتي على موت ابويا والمشاكل اللي حصلت بعد كده.
الظروف النفسية الصعبة اتحولت لإكتئاب، مراتي اللي هي المفروض تكون مخدتي وتساعدني ان اخرج من اللي انا فيه، انا بقيت مش من أولوياتها، ممكن اكون مهم لكن علشان انا مصدر تحقيق الطلبات ..هي مش بتشتغل،
عيالها واهلها وتيك توكها بقو اهم مني ..او هما اصلا من زمان اهم مني بس انا مكنتش واخد بالي تقريبا، وقرريت تسعد نفسها والهروب المستمر لبيت امها وانا اخر حاجة او كأني مش موجود، حتى لما بتعوز حاجة بتخلي بنتي اللي تطلبها مني.
معادن الناس بتبان وقت الشدة.. دي حقيقة فعلا، اوعى تفكر حتى تيجي على نفسك علشان حد، نفسك ليها حق عليك علشان ربنا مش علشان حد تاني، زي مانت بتعمل لعيالك ومراتك ولبيتك ولاهلك، اعمل لنفسك بردو واتبسط، علشان والله ما في حد وحاجة مضمونة في الزمن ده.
لما طول حياتك تفضل تدي وتجي على نفسك علشان غيرك.. ده اتحول لامر واقع لا رجوع فيه.
مش من حقك اصلا تزعل او تكتئب، كفاية سنة ما خلاص بقى.. محدش بيحس بالوجوع والألم غير لما يدوقه.
مش عارف ليه كتبت كل ده، ولا عارف انا عايز ايه من ده، بس قلت اجرب الابليكشن واهو بردو اديني فضفضت لعلى غيري يستفيد.
اكتر حاجة مبسوط منها في كل اللي حصل ده، اني قربت من ربنا اكتر، فالحمد لله على ده، الحمد لله على كل حال، الحمد لله ان ربنا نور بصيرتي لحاجة انا ممكن اكون ماكنتش شايفها، الحمد لله على اللي فات وعلى اللي جاي أينا كان ايه.
لله الامر من قبل ومن بعد، وإنا الى الله لراغبون

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Chocolate_55518 🇪🇬

منذ شهرين

شعور مكسور القلب

انا نفسي اتخطي انا اتجوزت واحد للاسف نرجسي وانا عملت معاه كل الخير اللي في الدنيا وجيت ع نفسي وكرامتي كتير اعمل ايه نفسي ابعد واقدر اعيش من تاني من غير وقع وقهره وذل اصعب حاجه في الدنيا انك تحب حد اكتر من نفسك ويذلك ويهينك لمجرد انك بتحبه 🥺

Pumpkin_42261 🇪🇬

منذ 4 أشهر

شعور ضائع

كنت اريد ان اخبرك بأنني لم اعد احتمل التظاهر بأنني على قيد الحياه ... لم اعد احتمل التصنع بأني بخير بأني سعيد بأني موجود ... تعالي وكوني ظلي وانفاسي وكياني حتى ابدأ من جديد واجد الطريق واضحك دون خوف تعالي ولتكن مره استعيد فيها نفسي وافرح بعيد بعيد دون ان يراني احد دون ان يجرحني احد

Coffee_4787 🇪🇬

منذ 6 أشهر

شعور ضائع

Coffee_4787 🇪🇬

منذ 9 أشهر

شعور ضائع

Mango_27514 🇪🇬

منذ 9 أشهر

شعور فخور

موضوع:

ازاي عرفتو انه الانفصال هو الحل (جواز)

لما لاقيت انه مش ضايفلي اي حاجه ف الحياه غير حبة مشاكل بيعملهم معايا هو واهله لما لاقيت ان كل محاولاتي ف الحفاظ علي البيت الورق هو مش شايفها وبيهد فيه بكل قوته لما زعلي مبقاش فارق معاه لما حسيت ان مينفعش اخلف منه تاني عشان مش هو ده الاب اللي عاوزاه لولادي واخيرا لما لاقيت اني مش قادره اديله هو و

Grape_74759 🇪🇬

انا حصلي مشاكل كتير بسبب بنت خالتي و. صحبتي كلنا في نفس السنه الدراسيه بس اتوجعت منهم وجع لما كان مثلا بيتخانقوا مع حد. حرفيا بيلعبوا بيا يبعتوني اسمع و ايتفسر اجبلهم معلومات و يقلولي اللي عابزين يوصلوه و انا كنت بسمع كلامهم و لما يحصل مشكله بجد يطلعوني كدابه و قليله اثل قدام الكل و يرجعوا يصلخوني يقولولي عشان منطلعش غلطانين و بعد ما بدأت خلاص متنلش اللي هما بيطلبوه قعدوا بقا انتي هبله و مريضه نفسيا و انتي فاكره تنكالوحيده اللي تتحبي و كلام من ده و اتسببولي في مشاكل كتير و بنت خالتي قالت سري لاخوها و حصلي مشكله مع مامتي و خسرت اقرب حد ليا بعدهم بسببها و قالوا عليا كلام وحش و يبرروا المشكله تن كنت بصظق بسرعه بعدين قعدت اقولهم ان معدوش يفتحوا حورات انا مليش دعوه بيها و نركز في دراستنا هما زعلوا و كل ده انا بقل نش عارفه اعنل ايه بعد ده كلو انا بتدت هالصخدت جنب بتكلم معاهم على خفيف و كل ما يحي يمشوا معايا اهرب اجري اركب توك توك كل يوم افتكرمواقف منهم كل يوم اعيط بسببهم لان بسببهن و الولاد اللي بيكلموهم و يقفوا معاهم في الشارع طلع عليا سمعه معاهم و بقيت بتشتم بسببهم امي مش عاجبها ان انا مش راضيه امشي مع لنت خالتي مع انها عارفه السبب و تقولي ليه بتعنلي حاجه غلط هو عشان حد هتخسري كل الناس انتيةمكروهة و كل ده و هتكرعي الناس فيكي و انا تعبت اوي ادمرت نفسيا معتش بثق في حد بعد. ما كنت بثق في كل الناس مبديش لحد خوانه جالي حجات كتير في الاعصاب و اعصابي بايظه و كل شويه يجيلي نوبات انهيار و اقعد اصوت و انهار عياط انا مش عارفه بقا اعنل ليه و اتخنقت جدا ...عرض المزيد

0 الدعم

0 نصيحة

Watermelon_52811 🇪🇬

أنا كسول ومش منجز ودايماً بزنسق نفسي للآخر

عندي مشكله ممكن تبان تافهه ل اغلبكم لاكن هي مضيقاني شخصيا وهي اني انسان كسول وغير منجز وديما بحب ازنق نفسي ف الوقت لحد اخر لحظه انا مثلا مطلوب مني اعمل اربع ريلزات قبل يوم الخميس وكان معايا طول الاسبوع جاي دلوقت بفكر ابداء ف اول ريلز والي بيفهم ف المنتاج عارف ان تجميع الماتريال بتاخد وقت كبير جدا المشكله اني الاسبوع ممكن يكون ضايع ف حاجات تافهه زي اني اسكرول علي السوشيال ميديا او للاسف بتفرج علي sex وبعمل عاده وكدا والموضوع دا مضايقني لانه واخد الوقت الاكبر من حياتي حقيقي نفسي اغير الموضوع دا فيا ومن زمان بحاول جدا اني ابقي انسان نشيط اكتر ملحوظه بنزل جيم وبلعب كوره عادي انا بتكلم علي الكسل بتاع المسئوليات ارجو المساعده...🥹🙏 ...عرض المزيد

0 الدعم

0 نصيحة

Popcorn_74680 🇪🇬

زميلة شغل عنيفة عينيها ودمرت خطوبتي

انا بشتغل في مكان من اكتر من سنتين المهم في واحدة كبيرة بتشتغل معايا في الشغل هي ست محترمة و ذوق جدا بس عنيها وحشة انا ما كنتش ملاحظة الصراحة اخدت بالي من قريب و انا الاول ماكنتش بهتم بلبسي انه يكون شيك وكدا كنت بلبس اي حاجة مريحة وخلاص المهم اني بدأت افوق لنفسي الفترة دي و اتشيك المهم كانت ما تعلق علي قطعة في لبسي كان يحصل فيها حاجة و تبوظ بس ما كنتش حاطة في بالي لحد ما قالت اني باخد فلوس كتير علي قلبي الدنيا معايا اتشقلبت فلوس تضيع يحصل مشكلة ف الشغل و ينخصم من المرتب و اخير كان جاي عريس و كان مناسب ليا و هي عرفت لانه جه الشغل حصل حوار و انا بعد ما كنت متقبلاه بقيت مش طيقاه و هو بقي بيقول كلام غريب زي انه قلبه مقبوض و كدا و الموضوع باظ انا عارفة انه نصيب بس انا بقيت مش طيقها خالص و مش عارفة اتعامل معاها و انا في الشغل ...عرض المزيد

0 الدعم

4 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع