إجبار

Pear_56496 🇪🇬

منذ أسبوعين

شعور مكسور القلب

مسكين الإنسان وهو بيحاول يتعايش مع واقع هو ولا حابه ولا اختاره بس مجبر يعيشه علشان مفيش حلول تانيه قدامه مضطر يتعامل كل يوم مع ناس مش شبهه ولا هو شبهم بحجة انهم اهله وملوش غيرهم، مجبر يقول كلام هو مش حابه، مجبر يعيش حياة هو مش حاببها في وسط ناس مزيفة بتبص اللي حواليك وعمر ما حد بص ليك انت

Banana_65004 🇪🇬

منذ 3 أشهر

شعور مليء بالحياة

موضوع:

اهلك عملوا معاك ايه مش هتعمله مع عيالك؟

هبقى سند ليهم مهما غلطوا ومهما عملوا مش هخليهم يحسوا بالخوف انهم يجوا يحكوا ليا انهم عملوا حاجة غلط مش هتريق على اختياراتهم في لبسهم أو في طريقتهم أو في اختيار حاجة بيحبوها مش هجبرهم يروحوا أماكن هما مش حابين يروحوها ومش هجبرهم يتعاملوا مع ناس بتأذيهم حتى لو دول ناس كبيرة ومتنفعش هشبعهم حب والمع

Mango_65087 🇪🇬 انا نفس الشيء انا هعتبرهم قطعة مني بعوضها عن أي حاجة وحشة شايفتها هكون ليهم السند و الأمان مش نقطة ضعف

عرض الكل 2 نصيحة

Pineapple_62201 🇪🇬

منذ 3 أشهر

شعور منزعج

موضوع:

ماذا لو

لو هرجع بالزمن لورا هرجع للفتره اللي اهلي قرروا ان هم يدخلوني كليه ثانيه بالعافيه واقول لنفسي اني اتحداهم ان شاء الله ان انا اقعد على الرصيف لان انا اكتشفت ان بسبب اني كرهت الكليه اللي اجبروني عليها خلتني اضيع فيها ست سنين بدلا من اربع سنين لان سقطت سنتين وبعد ما خلصت وطلعت بتقدير مقبول ما عرفتش اشت

Chilli_60791 🇪🇬

منذ 4 أشهر

شعور مكسور القلب

بحب واحد كان معايا في الشغل سابني و سافر و هو مش مصري اصلا و جهه يقولي اهلي جابرني اتجوز واحده من البلد وهو اصلا كان لي تجربه هنا و فشلت مش عارفه انساه ولا اتخطي فكرته لانه الشخصيه ال فضلت ادور عليها طول بكل تفاصيلها ولما الاقيه الظروف تبقي كده تعب بجد هو ال بيحب حد بيقدر ينساه

Lemon_52157 🇮🇶 طيب اذا سمح لاهله يتدخلون بقرار شخصي ومصيري و مهم جدا مثل الزواج ..برأيچ ما راح يسمحلهم بعدين يتدخلون بكل تفاصيل حياتچ وياه؟!! .. هذا بعيداً عن كونه رجل ومينجبر يعني لكن نفترض طبعاً ... شلون رح يبني مستقبلكم وحياتكم بعدين وهو بهذا الانقياد والخضوع بحجة شنو؟!! بر والدين يعني!!

عرض الكل 6 نصيحة

Cookies_58332 🇪🇬

منذ 4 أشهر

شعور مرتبك

Potato_58453 🇪🇬 بصي اولا الجواز مش اجبار واهلك مش عايزين يخلوكي تشقي وهو كسب بونط بالعربيه بس نقطه تانيه موافقتك عشان ميطردش حسين وانه يقطع رزه كانت غلط هتقوليلي ليه هقولك لان ولا انتي ولا هو اللي بيرزق ربنا اللي بيرزق والتاني فكرة انه الواد الوحيد وكل شيء متسخرله فهو مش متعود علي الرفض و فكرة ان الفرح الخميس الجاي مش هقدر اقول حاجه عشان يمكن تطلع غلط بس قولي لابوكي وامك انا رفضاه ومش عيزاه

عرض الكل 13 نصيحة

عبّر عن شعورك بشكل مجهول

عندي مشكله هقول فيها اسامي مش حقيقة عشان الخصوصيه وكدا
زمان كنا في اولي اعدادي كنا زي الشله ومتفوقه كمان بنتنافس كلنا علي المركز الاول فيها اولاد وبنات اختلاط يعني بس اهالينا كانو عارفين بعض كويس فكان في ثقه الحوارات بدأت لما ولد فينا اتعرف علي بنت تانيه المدرسه تقريبا كلها كانت عارفه بس مكناش عايزين نتدخل فصحبتي بقا في الشله كانت معجبه بيه وهسميها الاء فخدت الفرصه وقعدت تتكلم معاه وتهزر وتقعد جمبه في الدروس وكدا وهو طبعاً صدق ما لقي حد يعبره وانا هسميه محمد دلوقتي الاء ومحمد بيتكلمو  وعامتا محدش طبعا فينا كان موافق علي المسخره دي بس مرضناش نتدخل يعني فأبو الاء عرف وخد الموبايل وشاف الشات وادالها علقه. بس هي رجعت تكلم محمد تاني وبعدها بفتره انا شوفت واحده صحبتنا برضه هسميها رنا كانت بتتكلم جمبي في شات فأنا بصيت كدا لقيتها بتكلم محمد اتصدمت انو الاء دي خدت علقه ورجعت تكلمو وهو كان بيخونها مع واحده تانيه.ملحوظه محمد دا واحد غني عشان باباه بيبيع عربيات وغالبا هو هيمسك شركه باباه عشان الواد الوحيد وحاول كذا مره يتكلم معايا وأنا صدته طبعا وهزئته جامد. نرررجع دلوقتي انا الاء صعبت عليا فقولتلها علي الي شوفتو كنت فاكره انها هتبعد عنو بس هي اتخانقت مع رنا وشدو شعر بعض وكانت مجزره. 
واهاليهم جم وعرفوا الحوار كلو وحرفيا البنتين خدو علقه ومحدش شافهم كدا يجي شهر.
حاليا بقا كبرنا والشله طبعا خلاص معدتش موجوده.
انا بقا عارفه حد هسميه حسين محترم وعمره مكلم بنت ومتفوق كمان من واحنا في إعدادي إحنا دلوقتي بنتكلم بس طبعا بحدود واهلنا عارفين بعض وهو جه عندنا وانا برضو رحت عندهم وعارفه مامته وبحبها اوي وهو اعترفلي انو بيحبني وانا كمان وقلت لما هو يكون نفسو ويكون عنده شقه يجي عند اهلي ويخطبني. من اسبوع بقا محمد إلي قولت عنو في الاول جه بيتنا عشان يخطبني واهلي كلهم موافقين عشان من عيله غنيه وعندهم فيلا وكدا بس انا شايفه أنو واحد نسونجي ومستحيل اقبل وكمان هخسر الاء عشان هي لسه بتحبو انا رحت لأهلي وقلت بمنتهي الذوق اني مش هقبل بيه وان حسين مجرد مهيكون نفسو هيجي بس أهلي وبالذات ماما زعقو ورفضو دا وطلبو إني اقطع علاقتي مع حسين وانزل اقابل محمد عشان نتكلم واجبروني إني أطلع مع محمد وانا اطلعت وقولتلو بكل طريقه ممكنه إني مش بحبه ومستحيل هقبل بيه بس هو قالي انو بيحبني من وأحنا في إعدادي وكان بيتسلي بالبنات بس انا قولتلو إني مش هقبل بواحد بيلعب وبيتسلي بالبنات زيو بس هو اتعصب وقالي ان لو عايز حاجه هياخدها وانو مش بيترفض ليه طلب قلت ليه ان دا عند امو واني مستنيه حسين يخلص بس عشان يخطبني وانو مش هيطولني حتي بس هو قالي أن حسين أصلا بيشتغل في الشركه بتاعتو واني لو رفضتو هيطرد حسين دا المشكلة ان حسين بيصرف علي اخواته البنات ومامته يعني لو مشتغلش خلاص مش هيعرف يعيش فأنا خوفت ورحت لحسين وقطعت علاقتي بيه من غير ما اشرح أو اقوله اي حاجه وقولتلو يتجوز واحده تانيه واني مش ليه. وأنا كنت مدمرة حرفيا بس روحت البيت لقيتهم خلاص بيجهزوا وحددو معاد الفرح الخميس الي جاي و الزفت دا حتي مش مخليني اعرف أقول حاجه أهلي خلاص حبوه هو وعيلته وفلوسه وجاب ليهم عربيه هديه لأخويا يعني كسبهم خلاص وأنا بجد مش طيقاه واكتشفت انو مهكر الموبايل بتاعي ولما واجهته قالي انو بيتأكد ان مش بكلم حسين بجد انا قرفانه منو بفكر اهرب واروح في اي مصيبه. انا اسفه لو طولت بس لازم احكي كل حاجه بالتفصيل عشان تعرفو تساعدوني

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Chocolate_47777 🇪🇬

منذ 10 أشهر

شعور فخور

موضوع:

بنات احكولي على تجاربكم مع الحجاب ؟

ف الاول لبسته عشان بابا اجبرني و كنت متضايقه اوي و كمان مكنتش بعرف الف الطرحه و كان شكلي بيبقى وحش بس بعد كداا اخواتي علموني ازاي الفها و بقاا شكليي حلو اوي بيها و مبقتش اقدر استغنى عن الطرحه و بفكر اختمرر بس خايفه اخد الخطوه عشان مقلعش الخمار تاني و بسس

Avocado_47846 🇪🇬 عاش ماشاء الله ربنا يثبتك

عرض الكل 10 نصيحة

Pear_46782 🇪🇬

منذ 11 شهرًا

شعور وحيد

موضوع:

ازاي ضغوطات الأهل وتوقعاتهم بتأثر عليك نفسياً

لمه اخد كرار ابعد عن حد قريب واهلي يجبروني اصلحم تحت موسمه انتي احسن منهم وقته بكرها الشخص وبكرها نفسي اكتر حت انو حد يجبرني اني اعمل حاجه مش عوزها بتعب نفسين والتعب النفسي بيخلني اتعمل مع الناس بي اسلوب اوحش من الاول وسعاتاه بتعب اوى اني بتعمل مع الناس كدا بسبب اني بتعمل معهم غصب عني

Strawberry_29073 🇪🇬

منذ 11 شهرًا

شعور مستنزف

الحياة دايمًا بتجبرني وعُمر ما كان عندي رفاهية الاِختيار، أُجبرتني أتجاهل حاجات كتير كانت أول إهتماماتي، أُجبرتني أغيّر من طباعي وأبطل طيبتي الزايدة عشان ما تتفهمش هبل، اُجبرتني أبعد عن الناس وما أثقش في وعودهُم بسبب كم الخذلان اللي شوفته، حاجات كتير كُنت مُجبر عليها رغم إني ما كُنتش طمعان

Tomato_39260 🇪🇬 الناس بقت تدور على ازاي يؤذو اللي حواليهم ف دا بقا عادي ف زمننا دا بجد الا من رحم ربي حاولي تختاري الناس اللي بيدخلو حياتك و تجاهلي كلام الناس و خليكي مع ربنا هترتاحي بجد

عرض الكل 2 نصيحة

Chocolate_35132 🇰🇼

منذ 11 شهرًا

شعور وحيد

عبّر عن شعورك بشكل مجهول

أنا تعبت اوي من المكان اللي أنا عايشه فيه كل حاجه بالإجبار نوم بالإجبار في وقت معين ونقوم بالإجبار والأكل غصب والدراسه غصب وحتى لما نيجي نخرج بيخرجونا خروجات أسواق غصب ولما أعوز اخرج مع صحابي يرفضوا ويتحججوا اقل حاجه النهارده لما قلت عايزه اروح يوم ميلاد صحبتي اللي بقالي أسبوعين قايله عنه وكانوا موافقين رفضوا والحاجه ان الجو مش حلو واكيد هتمطر بعد ما جهزت وكلمتها إني هاجي رفضوا واضطريت إني اروح اعتذر لها مع ان هيا كمان اصرت عليا إني اجي وقلت لها أنا بلبس وجايه وفجأه بدون أي مقدمات رفضوا وبعد ما قلعت هدوم الخروج وقعدت واعتذرت من صحبتي وصحابي راحوا لعبوا وخلصوا كل حاجه بابا قام قالي قومي اجهزي عشان نروح !!! بعد ايه ؟ بعد مخصلوا كل حاجه ؟ بعد ما اعتذرت لهم وعيطت ؟ ولما قلتله إنهم خلصوا قالي لحقوا ؟ يعني كان متخيل أنهم هيستنوني ؟ وأنا كل شويه يقولي ارفضي ويرجع يقول وافقي ارفضي وافقي ، أنا لو مكان صحابي وحد عمل معايا كده أصلا نقطع علاقتي بيه ! وفي نفس الوقت كل يوم دراسه وإذا شافوني بلعب اتهزأ واتشمت واطلع مش محترمه ولا متربيه ، شافني بعمل سكين كير من كم يوم قوم الدنيا وقعدها ويقولي معدتيش تذاكري في الاوضه كل ما ادخل عليكي الاقيكي بتحطي كريمات امال فين الدراسه ، أنا مش بحط كريمات غير قبل ما انام عشان ما أضيعش وقت بس هو بقى بيشوف إني بحط طول اليوم وسايبه مذاكرتي ! كل يوم الصبح بيدور لي على غلطه ، والله بيدور على غلطه ! اول ما ادخل الصاله يقولي أنتي مسلمتيش ليه أنتي مكشره كده ليه هو أنتي اللي بترزقينا عشان تقلبي لينا شوك كده طول اليوم وأنا ببقى ناسيه !! ركبت السياره من كم يوم ولسه مقعدتش قام مناولني حاجه وأنا لسه ملحقتش اقعد حتى خدتها ولسه بقول في ايه قالي مسلمتيش برضوا اهو ! طب أنت اديتني فرصه طيب ؟ وقام مشاكلني وقايل عني مجادله كل ما يشوفني يشاكلني ومقدرش أتكلم لان لو اتكلمت هيبرر لنفسه وهيقول أنتي حساسه وهو احنا عاملين فيكي ايه ! أنتوا مش عاملين فيا ايه ؟ وماما متقدرش تتكلم لانوا بقى بيستلمها هيا كمان اليومين دول وكل شويه اسمع صوتهم وهما بيتشاكلوا بقيت مش بطيق القعده في البيت وإذا رميين على حد من اخواتي افضفضله اتكسف تاني ومتكلمه وهو يفضل يحكيلي عن حياته ويومه في الجامعه وايه اللي حصل وايه اللي جرا بقيت كل يوم اروح المدرسه مع أصحابي وأنا نفسيتي تعبانه لدرجة احيانا من اقل حركه هما بيعملوها غصب عني بعيط من التراكمات مش بقدر امسك دموعي ، كان نفسي إني اقدر احكي يومي لحد من اهلي عشان يفهمني بس كل ما بكلم حد يقولي بطلي رغي اسكتي ابوكي جه اسكتي بقى ! حتى هما معدتش بقدر أتكلم معاهم ولا بقول بيطيقوني ! ، بقيت اروح المدرسه وادعي إني مروحش البيت ، أنا عارفه ان كدا حرام بس بقيت ادعي على نفسي بالموت ولا إني اروح واقعد معاهم معدتش طايقاهم ولا طايقه نفسي ولا طايقه العيشه دي ربنا يسامحني بس والله بحاول وبعمل كل اللي اقدر عليه بس مش بيرضوا كلهم بيحسوني إني عاله عليهم بقيت مش بطلب أي حاجه ولا أي رفاهيه عشان ميقولوش عني مسرفه ولا مبذره أي حاجه المدرسه بتطلبها بقولها لهم باستحيا مع ان دي واجبات عليهم وإلا مكنوش خلفوني من الأصل أنا أصلا مكنتش عايزاهم ولا عايزه عيشتهم كل يومي دراسه واجيب مجموع الكل يحسدني عليه وبرضوا مش بيعجبهم كل اللي بيقولوه كنتي تقدري تشدي حيلك تكتر بس ماشي مبروك ! وإذا نقصت يعتتوا في جتتي وأنا أصلا ببقى منهاره يعني ليه يزيدوا الموضوع ؟! أنا تعبت منهم قوي وتعبت من العيشه دي قوي قوي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Chilli_28867 🇪🇬

منذ 11 شهرًا

شعور مكتئب

موضوع:

بنات احكولي على تجاربكم مع الحجاب ؟

Pineapple_29683 🇪🇬 حبيبتي لو انتي فاكرّة ان قيمتك بشكلك صدقيني حتي لو شلتي الحجاب هتفضلي بنفس الشعور وفي بنات احلي منك بالحياةمنغير حجاب وبحجاب وكل م تدخلي مكان محدش هتحسي بالقص لانك حطه قيمتك ب شكلك احب اقلك ا قيمتك كدا قليله واعرفي ان الدنيا دار اختبار مش جزاء لو عشتي حلو او بشعه كلها ٩٠ سنه وتقابلي ربك وتعرفي ان اهلك عملو اتعلمي تحترمي عقلك وتتعلمي موهبه تنميها عشان تشعري بالسعاده فالحياة بالشكل الصحيح

عرض الكل 11 نصيحة

عبّر عن شعورك بشكل مجهول

من اسوأ الحاجات اللي حصلتلي في حياتي
ولغاية دلوقتي مش عارفه اسامحهم ولا اتقبل شكلي بالحجاب ولا اتقبل شكلي عمومًا
انا حجبوني اجبار بالغصب عني
انا لسه فاكره الايام ديه ومستحيل انساها ولغاية دلوقتي مش عارفه اتخطاها وكل مره بفتكرها بيرجعلي نفس الشعور
انا كنت زي اي طفلة بجد حتى معرفتش استمتع بشعري ولا بحاجه لاني انا اللي كنت بهتم بنفسي في اغلب الوقت
عارفين الطفل اللي دايمًا بيكون معتمد على نفسه؟ ومحدش بيسأل عليه ٩٠٪؜ من الوقت عشان معتمد على نفسه؟ ده كان انا 
انا معتمدة على نفسي من وانا في ستة ابتدائي 
المهم عادي مش مهم ده
انا كنت ساعتها في ستة/اولى اعدادي وكانوا ساعتها اصحابي بيتحجبوا وكده وكنت حابة الحجاب جدًا ورجعت في يوم من المدرسة وقولت عاوزه اتحجب وكنت مبسوطه اوي وقولت لماما وقولتلها هتحجب واتفقت مع اصحابيبس ساعتها كنت لسه صغيرة يعني مكانش وقت الحجاب لسه
المهم بعديها بفترة لما وقت الحجاب جه، لقيت مره واحده بابا بيقولي هتلبسي الحجاب اول ما تخرجي نن الببت، بدون نقاش بدون ما حتى يفكر يقولي او يقنعني لا هو زعيق وضرب وساعتها كمية خناقات حصلت
وكل لما اخويا يشوفني يفضل يقولي هتلبسيه هتلبسيه ويكرهني فيه اكتر و يكرهني في شكلي ويفضل يقوم بابا عليا ويقوله بنتك وبنتك وبنتك مع اني كنت ١١/١٢ سنة بس 
وبابا يفضل يهزقني ويزعقلي و كان توصل للضرب عادي
ساعتها كانت فترة الكورونا وما بعديها، انا ساعتها مخرجتش من البيت لمدة ست شهور كاملين ولا كنت بخرج عشان مجرد ما هخرج من البيت هلبس الحجاب وغصب ولازم حتى ساعتها مكانش عندي لبس بكم المهم اني اتحجب وخلاص 
ساعتها فضلت مسرحش شعري لمدة شهور ومش قلة نضافة لا كنت مكتئبة جدًا وكنت في اسوا حالاتي، وكمان مكانش في حد يطبطب عليا انا كنت لوحدي 
متخيلين كنت بعيط في الصالة كلهم بصوا عليا وجم هزقوني محدش طبطب عليا وقالولي بالنص كده " ايوا افضلي عيطي احنا قاهرينك احنا الوحشين عيطي " 
محدش فكر يحببني فيه محدش فكر يقولي الصح ولا الغلط حتى محجبنيش عشان حرام ولا حلال لا عشان اخنا في المجتمع لازم البنت تتحجب عشان الناس مش اكتر 
وكمان كان اخويا يفضل يكرهني في كل حاجه ويفضل يقوم بابا عليا، ومع ان بابا مكانتش في دماغه انه يغضبني عليه ولكن الناس اللي لعبوا في عقله، هو حتى مش بالنصيحة ك الدين ده اجبار عشان انا كوني بنت
انا حقيقي بكره كوني بنت بشكل كبير من وانا طفلة لاسباب كتيرة 
وانا من ساعتها وانا كارهة شكلي بيه ومش عارفه اتاقلم بس مستحيل
 اقلعه عشان حرام وانا اللي هاخد الوزر مش هما ف بحاول اتعايش لغاية دلوقتي 
اسفة على الاطالة بس ده كان جزء قليل اسفه مره كمان🙏

Apple_18445 🇪🇬

منذ سنة واحدة

شعور محبط

الوحده والاكتفاء بالذات مش حاجه وحشه طول الوقت احيانا بيكون دا انسب حل بس احيانا بتبقي مجبر تعيش كدا البيئه اللي حوليك مش سمحه ليك انك تعيش وتتعايش زي مانت حابب يعني انا مثلا مش بخرج ولا بطلع قد كدا ومخرجتش في حياتي غير اربع خمس مرات بقيت متعوده علي ان انا مخرجش ومتعاملش مع حد اكون. صحاب بس اخرج و

Mango_15394 🇶🇦

منذ سنة واحدة

شعور Good 😁

" وقولوا للناس حسنا" اجبروا الخواطر وراعوا المشاعر وانتقوا كلماتكم وتلطفوا بأفعالكم وتذكروا العشرة ولا تؤلموا أحداً وعيشوا أنقياء أصفياء فهذا منهج الأنبياء وأخلاق النبلاء .

Mango_16750 🇪🇬

منذ سنة واحدة

شعور Not great 😕

‏"لم أتعافى، لقد أُجبرت على تخطي كل شيء"

Apple_13405

منذ سنة واحدة

شعور Not great 😕

انا متجوزه و جوزي شويه يبقى كويس و بيعاملني بحنيه و حب و شويه كأنه ميعرفنيش لما بتنخانق يعني المشكله دلوقتي انه مصمم اني البس نقاب و حلف عليا البسه و لبسته غصب عني و انا دلوقتي تعبانه اوي منه و خلاص مبقتش قادره استحمل ابدا و عملت كل حاجه عشان اقنعه اقلعه و هو مصمم و حتى اهلي و اهله ادخله عشان يقنعوه

Apple_5269

منذ سنة واحدة

شعور Good 😁

حط كل المجهود اللي تقدر عليه من غير ما تجبر نفسك او تجبر غيرك على حاجه. لو مش مكتوبالك ؛اصرف نظر من غير نكد

Strawberry_11964 🇪🇬

بدري على الكلية و3 ساعات نوم.. الدنيا واءءءءءء

أنا حاليا بواجه العالم ب تلات ساعات نوم فنمشي الدنيا بقي اصلا كل يوم بصحي فيه بدري للكليه بيجيلي 3 افكار أسيب الكليه وأقعد في البيت أسيب البيت وأقعد في الكليه أسيب البيت والكليه وأقعد في الشارع لكن بعد كده guess what بلبس وبنزل الكليه زي العبيطة اصل هعمل ايه دي حياتي وعيشتي وحاجه ف قمة ال واءءءءءءءيارب هون يارب 😭😭😭😭🦆 ...عرض المزيد

9 الدعم

17 نصيحة

Cherry_71804 🇪🇬

ازاي امسح الاك هنا؟ محتاج مساعدة ضروري!

جماعه pls ممكن اعرف ازاي امسح الاك هنا ااااااااا ااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا ...عرض المزيد

0 الدعم

14 نصيحة

Cherry_71804 🇪🇬

مش فاهمه نفسي وعاوزه أهرب من مصيري

بحس اني كتومه اوي مبعرفش اعبر وعمري ملقيت الحد المناسب اللي اقدر اخد رايو فحاجه معظم الوقت بيني وبين نفسي تايهه ووجهتي المعروفه بتبقي مؤذيه ليا مش فاهمه نفسي وحاسه ان عمري مهفهمها ومحدش هيفهمها بتجيلي هلاوس كتير وكوابيس مزعجبه عاوزه اتحرر من قيود مجهوله واهرب من مصير محتوم الموضوع صعب والقرار فيه اصعب فعلا مش فاهمه لي انا هنا واي دوري وهل اصلا هعرف اعملو ونا مش فهماه؟ ...عرض المزيد

1 الدعم

14 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع