أزمات مالية

Coffee_64689 🇪🇬

منذ 5 أيام

شعور محبط

انا دماغي هتتفرتك الحقيقة بين الشغل وبيني البنت اللي مرتبط بيها .. مديري مديني فرصة لحد اخر شهر 10 ومش عارف لسه هكمل ولا لا في الشركة والبنت اللي مرتبط بيها عوزاني اجي انا مش هنكر اني تقريبا جاهز بالنص يعني شبكة وجذء من العفش بس بعد كدا هكون فلست حرفياً مش عاوز اكسر بخاطرها وعاوز افرحها وفي نفس ا

Strawberry_69042 🇪🇬 طيب قول شغال ايه يمكن نقدر نساعدك لو حد فينا شغال في شركه احسن بمرتب احسن ..ربنا ييسرلك

عرض الكل 10 نصيحة

Marshmallow_40590 🇮🇶

منذ أسبوعين

شعور متوتر

Tomato_62425 🇪🇬 ﴿أمن يجيب المضطر إذا دعاه ويكشف السوء ويجعلكم خلفاء الأرض أإله مع الله قليلا ما تذكرون﴾ [النمل: 62] اظنك تحتاجين ركعتين بنية الحاجه وتدعي له بكل ما يؤرقك ويشغل عقلك يعني حتى الرزق والمال ﴿فقلت استغفروا ربكم إنه كان غفارا۝يرسل السماء عليكم مدرارا۝ويمددكم بأموال وبنين ويجعل لكم جنات ويجعل لكم أنهارا﴾ [نوح: 10-12] وممكن انصحك بتعلم لغة إنجليزية أو المانيه متوفر مجانا ومن البيت بيفيدك

عرض الكل 5 نصيحة

عبّر عن شعورك بشكل مجهول

الموضوع طويل بقوله عربي فصحى حتى الكل يقدر يساعد الله يجبر بخاطركم 
بيتنا عبارة عن فوضى فوضى مطلقة حرفيا
 لا أدري حتى افكاري مبعثرة لا أدري من أين بدأ الأمر حقا دعني اشرح بشكل افضل 
أنا الآن طالبة جامعية عمري 21 سنة قضيت حياتي كلها بارة بوالدي و ذات سمعة جيدة لكن والدي لا يعاملانني على هذا الاساس لم تسبب في حياتي مشاكل في المدرسة او حتى خارجها لم ارسب في أي اختبار و كانت درجاتي جيدة لدي سمعة طيبة عند اقاربنا و دائما يتلقيان المديح لتربيتي بشكل جيد لكن رغم ذلك أنا الاقل تفضيلا عن باقي اخوتي و يزداد الأمر سوء مع مرور الوقت لا أستطيع أن أكون كباقي الفتيات لا يمكنني الحصول على مصروف منتظم أو كاف حتى ولا ملابس جديدة لا للعيد او لغيره ولا حتى تلبية لاحتياجاتي الأساسية لكن هذا ينطبق علي فقط اخي يطلب المال من امي لشراء السجائر و هي توافق اخي الاخر يطلب المال لاي شيء و يحصل عليه اختي الصغرى نفس حالي تقريبا لكنها لا تهتم لرضاهما اذا كان ذلك لا يخدم مصلحتها هي تقوم بطلب أي شيء و تضعهما أمام الأمر الواقع فقط لكنها تحصل على ما احتاجه احيانا 
أسناني بدأت تتلف بشرتي تدمرت منذ أيام المراهقة و حب الشباب بدون الحصول على علاج صحيح ( كنت استخدم معجون الاسنان على الحبوب فقط لكي لا أذهب لاستشارة طبيب) غير الضغط النفسي من إعادة المرحلة الأخيرة من الاعدادية في سبيل الحصول على مجموع عال لدخول جامعة حكومية لكي لا اكلف عليهما باقساط الجامعات الاهلية او الخاصة ( انتهى بي الأمر بالدخول إلى جامعة اهلية بناء على رغبة والدي ) أرى الفتيات في مثل عمري يبرقن من جمالهن بينما أنا ارتدي نفس الملابس كل اسبوع منذ عامين أو ثلاثة ولا اطلب الكثير بما أن طلباتي الأساسية لا تجاب لا يمكنني الحصول على وظيفة ولا طلب المال ولا يمكنني اقتراض المال من اخوتي كونهم سيمنون علي و يعايرونني به ولا يمكنني الزواج كوني غير جميلة ولا أخطط للزواج لكي لا تكون حياتي كحياة امي حصلت على جدال معها و دعوات علي رغم اني الوحيدة من اطفالها التي وقفت معها في وقت شدتها فقط لاني طلبت منها أن تعدل بيني و بين اخوتي ما العمل العمر يسبقني و أنا لا أفعل شيء الآن ولا انجز أي شيء مهما فعلت لن يرضيا علي و صلاتي منقطعة و لا أملك مال او وظيفة لسد حاجتي غير شكلي الذي أنا غير راضية عليه و دراستي التي بالكاد تنجو عائلتنا في حالة مريعة ابي يتهم امي اتهامات باطلة و يريد اجبارها على طلب الطلاق امي ترفض الطلاق حتى بعد اهانتها بكل الوسائل الممكنة في العشرين عام الماضية اخي الأكبر لا يتدخل في أي شيء و يتصرف كطفل مدلل دام الطعام موجودا و اخي الاخر منشغل بحب حياته في الجامعة و يريد الزواج منها بينما لا يملك حتى مال سجائره و اختي الآن في المرحلة الأخيرة من الاعدادية و مقبلة على الجامعة و أنا في وسط كل هذا كيف انظم الأمر و كيف أخرج من هذا الوضع 
فوق كل هذا جرتني نفسي لتعلق بشخص من دولة أخرى دام اسبوعين فقط حتى حصلت على صفعة ( مجازياً) و ادركت ما نوع الهراء الذي أفعله و انسحبت مباشرة و هذا الفتى مصر على الزواج مشكلة أكبر من مشكلة ( لا أحد يعلم عن هذا الجزء بعد ) غير مشاكل أخرى جمة ما العمل

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Ice Cream_66949 🇪🇬

منذ 3 أسابيع

شعور عاطفي

موضوع:

ايه اكتر حاجه وجعتك ؟

عبّر عن شعورك بشكل مجهول

كنت ف عز نجاحي وعندي ورشتين نجاره موبيليات بابا تعب وانا الكبير اخواتي كلهم متجوزين بيجوا بولادهم البيت ماشاءالله خير ربنا يكون موجود كان معايا واحد وعشرين عامل بابا الله يرحمه كان عايزني اخطب واتجوز مكنتش بفكر خلاني اروح اشوف بنت دكتوره صيدلانيه بنت واحد صاحبه تلبيه لرغبته رحت بس مدخلتش رجعت قلت له شفتها معجبتنيش رجعت بعدها بكام اسبوع ناس كلموني ع بنت واحد جارنا وحد تاني وتالت جا كلمني قلت سبحان الله اكيد في نصيب ف الباب دا وآنا عمري ماشفتها اصلا قلت ابادر وتوكل ع الله كنت وقتها الموضوع بدأ يزيد عليا ف مصلحتي والبيت وكان من جمب دا شويه مشاكل ف ارض ملك الوالد اخويا الصغير كان خاطب كنا بنشطب مع بعض البيت مكنتش لسه قربت من شقتي وانا بطبيعتي بني آدم مسرف وغير منظم لكن كنت عايز حد ف حياتي ينظمها ويكون شريك ليا عموماً ف حياتي اتقدمت اتقبلت والناس رحبت كنت بتعامل معاهم ف بضاعه قلت اقطع المعامله واحد عندهم ال وصلني بيهم رفض وزاح كلم حمايا ان عيب اشتري من برا وكدا وانا مكتتش حابب كدا عشان عارف هيجي يوم وتحصل مشكله ودا طبيعي المصلحة متنفعش بين الأقارب والنسايب إلا ف حاله واحده ان حد يكون بطبعه متنازل ومتقبل اي كلمه او اي معامله م الآخر يكون واحد سهون كدا ولسانه معسول المهم من غير تفاصيل اخر فترة بدأوا يكلموا اهلي من ورايا ع الشقه وكدا وانا الدنيا كانت باظت معايا بسبب وفاه والدي والحمل ال من قبلها اصلا ف البيت وال هما ملهمش ذنب ولا علاقه بيه بس الحمدلله لاقلت لحد اديني ولا قلت لحد ساعدني ف عرضوا عليا اخواتي البنات ايامها بدون مايقولوا ليا ان نسايبي كلموهم اني ابيع الجزء بتاع البنات من ورثهم واخده اتجوز بيه واظبط مصلحتي من تاني رفضت لان دا ورثهم وانا مش عايزهم يبيعوا حاجة وتفضل حاجتهم زي ماهي تنفعهم مع الزمن وانت كدا كدا كنت محدد ع سنتين قلت فات سبع شهور اديني بجتهد ولو لقيت نفسي قبل الموعد بشهرين مش عارف اوصل لحاجة او مش قادر خلاص ابيع حته ارض واتجوز منها وكدا بحيث مخسرش حاجة هتنفعني ادام المهم ع الشهر تقريباً نص التاسع كدا ف الخطوبة كنا ف شهر سبعه يوم سبت جالي واحد صاحبي بيتعامل معايا قالي انت محتاج تلم دنيتك شويه هتقفل الورشة ال انت مأجرها وترجع للقديمه تحت بيتك زي ماهي وتشتغل وادي ياسيدي حق الشغل مقدم اشتري بضاعتك وكدا وال تحتاجه هديهولك واعرف انا مش بعمل معاك كدا جميلة بس انت لو مصلحتك وقفت مصلحتي هتقف احنا مربوطين ببعض فعلاً سمعت كلامه بدأت انقل ف حاجتي واجه. تخت البيت من تاني ع يوم الخميس الضهر لقيت واحد شغال مع نسايبي جاي يجري نعالى كلم الحاج عايزك الوقت اهو قلقت قلت اروحله خير ياحاج كان هو وابنه قالي انت الوقت عمال تبيع ف حاجتك ولسه مشتغلتش ف شقتك وبصراحه مش عارف اقولك ايه بص يابني بكره هبعتلك حاجتك وتبعتلها حاجتها وكل واحد يروح لحاله قلت طيب اديني فرصه لشهر 12ونعالى حاسبني قالي هتعمل إيه قلت مقدرش اقولك بس بإذن الله هتلاقيني اتقدمت قالي لا كدا بنضحك ع بعض ال بيوقع اليومين دول معتش بيقوم تاني وانت وقعت قلت ياحاج انا بعت حاجتي ال هقدر اعوضها مبعتش حاجة معتش اقدر اعوضها غير اني بيبيع ف حاجتي عشان ظروف بيتنا مش ف الهلس ولا انا مفضوح ولا حد جا عملي مشكله ادام بيتي انا محدش بيسمع عني حاجة الحمد لله ابنه تدخل وسكت والده واداني كلمتين قهروني لدرجة معتش قادر امسك دموعي قلت له يعني مفيش فرصه تستحملوني الكام شهر دول رد ابنه قالي كدا هنظلم البنت دي معاك تقعد جنبنا احسنلها قلت طيب سلام عليكم وال اصلا اصلا كنت بدأت ف بدايه الاسبوع شغل ف شقتي ونزلت فيها تكسير حرفياً مخلتش فيها حته سليمه عشان ابدأ شغل فيها بس كنت مستني يوم الجمعه عشان افرح خطيبتي بالخطوه دي هما ملهمش يحاسبوني طبعاً ولكن دا حقهم يطمنوا ع بنتهم وهما الناس نظرتهم فيا كدا هما حريين ودا عكس نظره اي حد الحمد لله المهم رحت البيت جري اول مافتحت الباب مبطلتش عياط طلعت البيت رنيت عليها اتفاجئت انها كانت عارفه ومتفقين مع بعض هي كمان عيطت وقالتلي هستناك وبتاع وكلام من دا وللعلم انا كنت ادينت لهم ف مبلغ بسيط والدنيا كانت لخبطت معايا بس كنت باخد ادفع الجديد واركن القديم وكدا زي المعامله الطبيعية ال ف السوق وال الحمد لله كدا كدا معاملتي كانت نضيفه ومعروفة مع اي تاجر ىلا عمري نصبت ولا عمري كلت حد ف مليم وللعلم بردو هما مكنش يلزمهم مني قرش صاغ هما ربنا كارمهم مادياً طب كان إيه المطلوب ف عريس بنتهم كان عايزين واحد من عيله كويسه ومستور حاجة بتكمل حاجة المهم انا اول مره ف حياتي اواجه احساس الرفض عمري ماحطيت مغسي ف موقف اني اترفض او حد يحرجني او يرفضلي طلب لاني عمري كدا كدا مابطلب من حد حاجة فكنت بقدر المستطاع. واكتر إني احط نفسي ف موقف إختيار بين ال آه و لا المهم دخلت اوضتي منزلتش بعدها غير ب تلت اسابيع حرفيا كنت بنام واقوم معيط شخصيتي ال ادام الناس اني قلبي جامد وميهمنيش عكسها تماما كنت ببان كدا بس ادام الناس عشان محدش يحس اني محتاج له او ضعيف او يقلق يسند عليا المهم لما قعدت قفلت ورشتي ورجعت الفلوس لصاحبي وخليت الناس تبطل شغل ف الشقه وللعلم كنت خلصت البيت سباكه محاره ودهان ورخام كله من جوا ف بدايه فتره الخطوبه قلت اسيب الشقه للآخر قعدت بقا بعت الدهب وفضلت كل اخر اسبوع انزل ابيع حاجة من حاجاتي بتاعه المصلحة بأقل من نص تمنها عشان اصرف مانا قاعد ف البيت بعد سنه لقيت امي فتحت عليا باب الاوضه ال شبه مكتتش بفارقها انت بقالك كدا 366يوم قاعد ف الاوضه بعدها كنت خلاص بعت كل حاجة ف مصلحتي وأجرتها لواحد عملها مخزن ف آول تلت شهور من الفركشه لقيت اخويا الصغير محتاج فلوس قلت والله دا رزقه قمت نازل بايع الارض الصغيره ومديله حقها كمل ال ناقصه وتمل فرحه ال كان نفسه فيه طب انا ايه ال قهرني كدا ال قهرني اني كنت بعامل حمايا زي والدي الله يرحمه وانه اصلا كان قبلها بأسبوع عمال يحكيلي عن معاناته زمان ويقوم ويقع ويكسب ويخسر وانه عصامي وياما وقع وكدا كان الله يزيح عنه تعبه احيانا يتكسف مني اقوله ياحاج انا بعمل اكتر من كدا مع الغريب مش هعملك انت؟لاني فعلا كنت بعزه اوي كلامه معايا واسلوبه واسلوب ابنه بالذات قهرني لاني عمري ماحد قلل مني كدا ولا اديت لحد فرصه يتجرأ عليا كدا بالادب وبشخصيتي غير اني كنت فعلا حبيت البنت ولقيت فيها انها هي ال هتخليني اتقدم فحياتي وابقا احسن واحسن كنت بحكيلها ع كل حاجة حرفياً انا عمري ف حياتي مانزلت دمعه ادام امي ولا ابويا دمعت ادامها هي مبينتش خنقتي ولا ضعفي لحد غيرها هي عدى ع الموضوع دا اربع سنين رجعت اشتغل بس كنت رجعت متأخر ومعتش زي الاول لسه يادوب بدأت افكر اني ارجع ابني مصلحتي كن تاني وانسى بقا موضوع الارتباط دا خالص

Mango_62383 🇪🇬

منذ شهر واحد

شعور وحيد

أنا عيد ميلادي ال ٣٣ كمان اسبوع ولسه شاب اعزب حوليا ناس كتير بتخطب وتتجوز حتي أقاربي الأصغر مني حتي اخويا الأصغر مني خطب وهيتجوز هوا ماديا احسن مني انا الي ظروفي كانت وحشه شويه كمان أن ابويا بيساعد بكل قوته معاه وانا لا .أنا بقي عندي رهبه وخوف اني افضل كدا بين أربع حيطان واموت وحيد ومليش حد في الدن

Strawberry_64180 🇪🇬 لسا صغير عفكرا ابدا من دلوقتي صلي وقرب من ربنا واطلب منه الرزق.. دا الرزاق.. لا ابوك ولا صاحب الشغل ولا اي حد ف الدنيا هيرزقك غيره خبط عبابه كل يوم وزن في قيام الليل وادعي بالزوجه الصالحه والعوض بعد الصبر واليسر بعد العسر ربنا يحققلك كل الي بتتمناه.. عفكرا خالي 36 ومر بنفس الي بتحكيه بس الفرق انه مكنش متعلم يعني الموضوع اصعب.. ربنا كرمه وسافر وعمل فلوس وخطب بنوته بنت حلال ومتعلمه وجميله اللهم يارك

عرض الكل 9 نصيحة

Cheese_61650 🇪🇬

منذ شهر واحد

شعور مكسور القلب

Potato_61066 🇪🇬 ربنا يعوضك انشاء الله والدنية دواره مسيره هيجي تحت جزمتك يصحبي

عرض الكل 11 نصيحة

عبّر عن شعورك بشكل مجهول

حياتي في بداية 2025 مكنتش احسن حاجة منها اني فشكلك خطوبة استمرت لمدة سنتين بعد حب و مصاريف من الدم الحي .. المشكله مش هنا المشكله ان الشغل بدا يبقى في مشاكل كتير وبالصدفه لقيت شغلانه افضل وبلغت الشركه اني ماشي وفعلا رحت قدمت في الشغلانه الجديده وبعد مرور شهر رحت اخذ المرتب بتاعي لقيت المدير بيقول لي ما لكش مرتب عندنا وحصلت مشكله بيني وبينك كبيره ادت في النهايه ان هو طلب الشرطه واتهمني بسرقه مقتنيات مهمه من الشركه الحمد لله طلعت براءه بعديها بشهر من التحقيقات المشكله برده مش هنا لما طلعت لقيت صاحبي باع كل ممتلكاتي في الشقه اللي كنت مجهزها للجواز حتى هدومي ما لقيتهاش واختفى وحاولت اوصل له معرفتش خالص لحد من فتره قريبه حد عرفني رقمه كلمته وقلت له ان انا وقفت جنبك كثير ايه اللي انت عملته دة .. استعبط وقال لي انه عمل كده علشان يساعدني جوه في الحجز وقال لي ان هو كان بيبعتلي فلوس واكل مع العلم ان الكلام ده ما حصلش طب وهدومي فين قال لي مش موجوده وقفل السكه على كده ومش عارف اوصل له تاني مع العلم ان صاحبي ده ياما اتحوج ليا وانا وقفت جنبه جدا خاصه في الفتره اللي في فشكلك فيها خطوبه وبيعت الذهب وقفت جنبه في ايجار ومصاريف بيت كسلف لغايه ما ربنا يكرمه لسه امبارح عارف مكان مراته وابنه اللي انفصل عنهم من قريب مش عارف اعمل ايه اروح لهم ممكن يعرفوا مكانه ولا اعمل

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_61624 🇪🇬

منذ شهر واحد

شعور مكسور القلب

((قبل اي شئ انا معترف اني غلطان واني مينفعش اني أعمل ده وندمان وبحاول اغير من نفسي)) انا حرفيا ضغطي في السما وحاسس ان هيجرالي حاجة لاني مش عارف أتكلم مع حد من حوالي سنة اتخرجت وكان معايا اتنين صحابي طلعت بيهم من الكلية وفي آخر سنة كانوا متخانقين وانا صالحتهم ع بعض بعد التخرج دخلت في اكــ **ــتـــ

Watermelon_59125 🇪🇬 م دا عيل زباله ومهزأ ومش صاحب اصلا وانت غلطت واعتذرت ودا يكفي فكك منهم الاتنين لايقين علي بعض احسن حاجه انك طلعت من وسطهم اصلا واللي ميستحملكش وانت تعبان او حتي ميفهمكش يغور في ستين داهيه لا ترجعه

عرض الكل 4 نصيحة

عبّر عن شعورك بشكل مجهول

((قبل اي شئ انا معترف اني غلطان واني مينفعش اني أعمل ده  وندمان وبحاول اغير من نفسي))

انا حرفيا ضغطي في السما وحاسس ان هيجرالي حاجة لاني مش عارف أتكلم مع حد

من حوالي سنة اتخرجت وكان معايا اتنين صحابي طلعت بيهم من الكلية وفي آخر سنة كانوا متخانقين وانا صالحتهم ع بعض بعد التخرج دخلت في اكــ **ــتـــئاب لاني مكنتش لاقي شغل وعندنا ديون والظروف كانت صعبة وكان في مش**اكل صحية وحاجات تانية مش هقدر أقول عليها وحالة ما يعلم بيها الا ربنا

لقيت صحابي جايبين شغل قلت أدوس في أي حاجة بس لقيت في شرط اني امضي على نفسي شيكات بحوالي 800000 الف او اكتر رفضت الشغلانة
بعد كام يوم لقيت واحد من صحابي  دول (ج) بعتلي شات بيقولي انت هتفضل فاشل وعايش في وهم إنك تهاجر ومش هتعمل حاجة
(قد دي تكون نصايح الشباب واسلوبهم بس مش في وقت صعب زي اللي انا فيه + هو عارف اني مش بحب الاسلوب)

الكلام جــ ـر****حني فقررت اني ابعد عنهم شويه عشان اهدأ عشان مقولش كلام يجرح حد.

(وهو عمل كده قبل كده معايا وتقبلت الموضوع قفل معايا بعد ظروف صعبة مر بيها وانا مرضيتش اعاتبه لما رجع فهمت إن دي طبيعته)

(ملحوظة صاحبنا م قبل كده كلمه بنفس الاسلوب ده قبل كده في حوار بنات او حاجة كده وهو نفسه زعل من الاسلوب ده وقاطعه)

وفي خلال شهر كانت الاوضاع بتو***حش اكتر لحد ما في يوم بفتح لقيت صاحبي اللي قاللي انت فاشل ده عملي انفريند
ودي كانت صدمة بعد الفترة الصعبة اللي مريت بيها
( هو شايف انه كده بيديني وقت اني اهدا🙂)
حرفيا هو كان غالي جدا

وقتها الغليان وصل عندي لمرحلة عالية فقررت اني اكتب بوست مش احسن حاجة بس الفكرة ان بروفايلي lock يعني مش هيشوفه انا كتبت ده لاني مكنتش عارف أكلم حد 
بعدها لقيت صاحبي التاني (م) اللي انا صالحتهم على بعض

( نبذه عنه مش بيحب ياخد اي حاجة بجدية ودايما بياخد كل حاجة بهزار)
لقيته داخل بيقولي ( ايه ده ياض 😂😂) بعد حرفيا خمس ثواني لقيت تريقة منهم الاتنين على جروب الشلة
يعني صاحبي خد سكرين شوت ووراها للتاني وطبعا التاني قال كلمتين ملهمش لازمة
هنا كان الضغط وصل لاعلى مراحله وبعت ريكورد لصاحبي الاولاني
وانا بش/تمهم هما الاتنين
 ( عارف ان ده غلط وبعترف بغلطي تاني ومش ببرر بس انا فضلت ماسك نفسي حرفيا شهر ونص)

بعد سنة الوضع متحسنش بس حصل شويه حاجات خلتني عايز أحسن من نفسي عشان كده قررت اعتذرلهم عن الغلط

وفعلا كلمت (م) اللي كان بياخد كل حاجة بهزار ده لانه اكتر بياخد المواضيع بهزار وفعلا صالحنا على بعض ومرضيتش اعتب على انه بعتله الاسكرينة

بعد ما اتصالحنا كنت بتصل ب (ج) مكانش بيرد عليا لحد مت كلمته مرة من رقم تاني رد وتعامل معايا  عادي وسألته انت لسة زعلان قال لا والله ونبقى نخرج لحد ما اخلص شويه حاجات وكده كلمته تاني مش بيرد كلمت صاحبنا (م) قال انه مش بيرد برضو عرفت انه عنده مشكلة سيبته فترة ودخلت (م) تاني قاللي هكلمه وهبلغك لقيته كلمني فعلا وكان معاه لما رد عليا
.
قاللي اني غلطت جامد ومينفعش نرجع زي الأول بس كفاية اننا اتصالحنا وكده

فقولتله انا مغلطش قاللي لا..
 ((م) سمعني الريكوردات وانت بتشتم جامد)

حرفيا انا هنا كنت في واحد من أسوأ المواقف في حياتي

المهم اعتذرتله لاني غلطت في والدته يومها وخلاص وقفلنا

انا مش فارق معايا صداقته انا كل اللي يهمني اني كنت اهدي الوضع لاني حسيت ان في حاجة متعلقة وإن في حد ظلمته او غلطت فيه
واصلا انا مش شخص بتاع صداقة قوي وخروج وسهر وكده وهما ده أسلوبهم فالحمد لله على اللي حصل

وبقول كويس ان الصداقة انتهت بالشكل ده افضل من اللي قبلها

بس اللي تاعبني لو إنت كشخص بتقرا البوست وفي اتنين مـــ*تخا*نقين وقالوا ع بعض كلام مش كويس عشان تصلح بينهم هتنقل اللي اتقال ؟؟

ده اللي مخليني عايز أكلمه واتخـ**انق معاه بس المشكلة لا صحتي سامحة بكده.
ولا اسلوبه المستفز هيخليني أوصل لمعلومة مفيدة وفي رغبة إني أروح اكلمه
ايه اللي اعمله واتصرف ازاي اواجهه ولا لا

وانا معترف اني غلطت اعتقد لو كانت الريكوردات اتمسحت ومتنقلتش مكنش كل ده حصل
حاليا وبعد حوالي 6 شهور من الموقف ده انا حاسس اني متدمر من جوايا حاسس ان في جزء مني اتدمر مش عارف انا كمت غلط اني اعتذرت ولا كنت صح ولو غلطت بعد كده المفروض معتذرش

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_52555 🇺🇸

منذ شهرين

شعور مرهق

Mango_56751 🇪🇬 و انت بتكتبي الكلام دا مقتنعه ان ممكن حد عاقل يقولك حاجه غير أن هما عيله قليله الأصل انت زي م حكيتي دكتوره و ميسورين الحال فكره ان بباكي يرضي اصلا ان هوا يجوز لحد زي دا مستواه المادي مش احسن حاجه يبقا بباكي ابن أصول انا رأيي ان حتي لو اتجوزتوا و قعدتوا ف شفه لوحدكو المشاكل مش هتخلص لان الاهل بيبقا ليهم تأثير كبير علي ابنهم القرار الصح فعلا ان انت تبعدي عنهم عشان دول ناس مش من مستواكو

عرض الكل 3 نصيحة

عبّر عن شعورك بشكل مجهول

في العيد الصغير خرجت مع خطيبي ومامته واخته وجوز اخته ورجعنا متأخر شوية ف بابا اتصل عليا وعلي خطيبي واتضايق جدا وقفلنا راحت مامة خطيبي اتصلت علي ماما وقعدت تزعق وهي بتقولها والله ماهيخروجوا مع بعض تاني الا لما تكون مراته ف ماما قالتلها طيب خدي بقي قولي لباباها الكلام ده راحت مكلمه بابا وبتقوله مش أصول تسألها عن الساعة وهي معايا وانت مش واثق فينا وكلام من ده راح بابا قالها مش انتي اللي هتعرفيني الأصول غير طبعا انها قعدت تزعق طول الطريق وانا راكبه معاهم ف العربيه وترمي كلام وحصلت مشكلة والخطوبة اتفركشت وبابايا ساعة الشبكة خطيبي كان جايبلي ب ٦٠ الف وبابا حط عليهم ٢٥ الف ف لما جينا نفركش بابا قالهم ادوني ال ٢٥ الف بتوعي ومش عايز زيادة لان الدهب ساعتها كان غلي ٧ الاف قالوا لا احنا هناخد فلوس بدل الدهب وكانوا عايزين ياخدوا الزيادة ف الفلوس بابا قالهم لا هما ٦٠ الف ي اما تاخدوا الدهب المهم خدوا الفلوس ف الآخر وبعدين  رجعنا لبعض  تاني كنا احنا بيعنا الشبكة ف خطيبي كلم بابا قاله انت هتحط ف فلوس الشبكة الزيادة ال ٧ الاف ف بابا استغرب لأنهم ف الاول طلبوا فلوس ومن كرمه قاله هحط ١٠الاف مش ٧ بس وبعدين حصل موقف تاني مابين ابو خطيبي وبابا بسبب الاتفاقات وراح ابو خطيبي قال لبابا ف نص الكلام انا مش عايز اتعامل معاك من اصله راح بابا قاله وانا مش عايز اعرفك تاني اصلا وابو خطيبي بيقولي اية رأيك نجيب عربية بدل الفرح راح بابا قاله مش موافق مع ان بابا هيدفع نص الفرح اصلا راح الراجل قايله وانت مالك انا بسألها هي ويقولي لو ابوكي سبب المشاكل نعزله لو انا سبب المشاكل يتقطع خبري واتسجن وعمال يقول كلام اهبل وعشان بابا وخطيبي قبل كدا حصل مابينهم كلام ان بابا بينصحه يشتغل علي نفسه اكتر لانه بيقول انه شغال مع ابوه ف شركة وهما اصلا الشركة دي ملهاش مقر وخطيبي مبينزلش شغل كل يوم وابوه بيديله مرتب ١٥ الف ف الشهر  ف بيقوله لازم تشتغل علي نفسك  وتفتح مكتب وكدا ف ابوه جاي يقول لبابا انت ملكش دعوه هو يشتغل ميشتغلش هو ليه مرتب كل شهر بديهوله وخلاص وملكش دعوة بشركتنا ولا شغلنا ده غير ان بابا اول لما خطيبي اتقدملي قال انه مقدم علي شقه اسكان اجتماعي وقال هو واخدها استثمار مقالش هنقعد فيها وقال هناخد شقه ايجار قريبه من شغلي وبابا وافق بعد كدا غير كلامه وقال لا هنقعد ف شقة الاسكان وبابا رفض لاني مستوايا الاجتماعي عالي ومكانش ده الاتفاق من البداية وبعدين وهو بيختار شقه ايجار قال هيختار شقه قريبه من شغلي عشان لو بعيده قالي هو مش هيقدر علي فلوس التاكسيات وقالي احطها كوست علي الشغل بتاعي انا بشتغل دكتوره وعندي البيزنس بتاعي ومستحيل طبعا اسيب شغلي وبعدين اهله اقترحوا شقق إيجار حلوه ف مكان كدا لكن بيقولوا لبابا انت توديها وتجيبها راح بابا قالهم انا مش مجبر راح ابو خطيبي بيقول لبابا مانت كنت هتحطلهم ١٢ الف جنية مقدم شقة لأن كان في شقه ايجار ب٧٠٠٠ جميلة وخطيبي كان آخره ٦٠٠٠ الاف ف بابا قاله انا هحط الالف جنية الزيادة دي واعتبرها سلفه ومش عايزها وابقي ردها لما ربنا يكرمك وخطيبي وافق بالعافية بصراحة مكانش عايز كدا ولكن بعد كلام ابوه ده كله خطيبي جيه اعتذر لبابا وهو اصلا مش مغلط ابوه اللي هو شايف ان بابا كمان رد عليه يبقي مفيش حد غلطان وبعدين بابا قرر يفشكل الخطوبة تاني لانه بيقولي لما ف الخطوبة بيتعاملوا كدا اومال بعد الجواز هيعملوا اية جينا بقي بعد كدا طلبوا الدهب المرادي وبابا المفروض كانوا يرجعولوا ال ١٠ الاف رجعولوا ٣ الاف بس ع اساس ام ده حقهم من المرة الاولي هل ده عدل ؟؟ ف بابا لما اخو خطيبي جية ياخد الشبكه راح قاله انه هيصوره وهو بياخدها عشان هما بيقلبوا الحقايق وبيغيروا ف الكلام ف ده ضمان يعني وهما اعتبروها اهانه .. إحنا بقالنا شهر سايبين بعض لكن هموت والله وتعبانة اوي لاني بحبه اوي ومتعلقه بيه وهو كمان بيحبني وكان متعلق بيا لكن هو بعد خلاص ومبقاش عايز يرجع بعد م كان عايز يرجع بس بشرط ان بابا يكلم ابوه وطبعا بابا مستحيل يعمل كدا ودلوقتي مبقاش عايز يرجع ولا يكمل وبعد عني خالص وعملي بلوكات وواخد الموضوع كرامة وانهم اتهانوا خصوصا لما جم يصلحوا اول مرة امهم جت وقعدت تعيط واعتذرت ف بيقولي الموضوع ده كسره وغير صورة البروفايل بتاعته بتاعة فيسبوك بعد مفركشنا وصحابه عمالين يقولوله اخويا العريس والعريس المنتظر وبيرد عليهم يقولهم دعواتكم ربنا يتمم بخير والنهارده ضعفت وكلمته مردش عليا وحطني بلاك ليست قولولي اعمل اية انا اسفه ع. الاطالة بس حقيقي قلبي مكسور خصوصا ان فرحنا كان المفروض بعد العيد الكبير

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Grape_55540 🇪🇬

منذ شهرين

شعور ضاق ذرعًا

السلام عليكم انا شب لسا متخرج و لسا خاطب و الدنيا كانت ماشية كويس و كنت شغال و حدخل الجيش و اطلع اكمل شغلى بس للاسف اول ما خطبت الدنيا باظت و الشغل سبتو و الجيش اتاجل و الفترة دى مش لاقي شغل خالص و محدش يقولى ادامها فقر و الكلام دا انا بحبها اووى و هي بتحبني بس الظروف معانده انا فاضلي شهر و ادخل ا

Cookies_55461 🇪🇬 أوعي الشيطان يسوحك ويخليك تدخل في مشيئة الله عز وجل أنا عملت كده كثير بني إني أنا أنهي حياتي لكن معرفتش شربت سمو ذبحت نفسي وفتحت عمليات في جسمي بس أنا دلوقتي ندمان وبندم إني فكرت في كده أصلا اتمسك ببنت الحلال دي وأدعي ربنا يرزقك بيها ويشرح لك صدرك ويسر لك أمرك أدعي له بكل اللي أنت عايزه بس اعبده حق لعبادة لجلال وجه وعظيم سلطانه و الله ريح بالك ويحل كل مشاكلك إن شاء الله

عرض الكل 8 نصيحة

Mango_55308 🇲🇦

منذ شهرين

شعور محبط

السلام عليكم ورحمة الله وبركاته جأت اشارك معكم قصتي واريد منكم النصيحة اخوتي أخواتي أنا شاب ابلغ من العمر 39 سنة الحمدلله كنت أعيش ميسور الحال وأشتغل مع والدي رحمه وبعد وفاة والدي تم النصب علينا من طرف عمي لأنه كان شريك والدي وهاجر ارض الوطن وقمت بجميع الاجرائات القانونية دون جدوى وأنا الآن عندي طفل

Waffle_40001 🇪🇬

منذ 8 أشهر

شعور مكسور القلب

Mango_46174 🇪🇬 بصي انا بشوف الامور دي بيحلها ربنا بقدرته احسن من تفكيرنا للحل كبشر فتوكلي على الله وقربي منه وادعي كتير ولازمي سورة البقرة كل يوم ، كحلول حالية استني جوزك يفوق شوية وحاولي تساعديه تاني يقوم تاني واضح انك عافرتي معاه اوي بي اديه فرصة تاني يمكن ربنا يهديه ويتوب عليه حاولي انك تبعدي عنه كل سبل الحجات الحرام الي بيدخلها فجأة دي و حاولي تسالي اهله يعينوكي في اي حاجة ربنا يعينك ويصبرك ..

عرض الكل 6 نصيحة

عبّر عن شعورك بشكل مجهول

وانا ف اخر سنه كليه اتقدملي عريس ووفقت عليه ومامتي حالها كانسر ومحدش وقف جمبي غيره هو واهله اللي هونه عليا واتجوزت ف عشر شهور وبعد الجواز بكام شهر اكتشفت أنه بيقعد ف الحمام كتير ومش عارفه ليه وفجاه الحياه اتحولت بيسهر كتير وينام بالنهار وميروحش الشغل ووحده وحده الحياه اتغيرت من فيه فلوس لمفيش فلوس حتي شريكه ف الشغل انفصل عنه وبعدها اكتشفت أنه بيشرب مخدرات بعد ما خلفت اول عيل وحاربت كتير أنه الموضوع المخدرات ده ينتهي وكان بيساعدني ف ده شويه وشويه يكدب ويكمل ف طريقه واهلي عرفه وعملوا مشكله ودخل مصحه ٨ شهور وطلع كويس جدا وبعد شهرين من خروجه اكتشفت اني حامل وانا حامل بدأ يشرب تاني وف نص حملي دخل مصحه تاني شهر وطلع وحاليا انا عندي طفلين ورجع يشرب تاني مش كل يوم بس الحياه بايظه ومفيش فلوس واول لما يجي فلوس لازم يشرب والدنيا ماشيه بالعافيه وبقيت بتكسف من شكله ومنظره قدام الناس مش حابه حد يشوفه ومش بنطلع خطوه لقدام وبيكدب وانا زهقت مع أنه لو اتكلمت معاه يبقي مش عاوز حاجه وحشه وعاوز يعيش كويس لعياله ويتقدم بس كلام بس انا دلوقتي مش عارفه اخد قرار الانفصال وانا عيالي صغيرين مش هعرف اسيبهم واشتغل وهو مش مضمون اصلا بصرف علينا حتي واحنا معاه واهلي ع قد حالهم اعمل ايه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Avocado_39323 🇪🇬

منذ 9 أشهر

شعور محبط

السلام عليكم ، محتاجة نصيحة لأن بجد جربنا كل حاجة و م عارفين نعمل اي ، أنا عندي اخ في أولى اعدادي المهم أن حد من صحابه عرفه ع لعبة رهانات وقمار وكده وقعد يلعب عليها فترة طبعا من غير علمنا وكده وبعدين أما عرفنا كلمناه براحة وما بطل و اتضرب و اتعاقب كتير و زاد معاه الموضوع أنه بقى يمد ايده لدرجة أنه س

Tomato_39260 🇪🇬 حاسة أنه لازم يروح لدكتور لأن الموضوع كدا مرض

عرض الكل 6 نصيحة

عبّر عن شعورك بشكل مجهول

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_12501

منذ سنة واحدة

شعور Bad 😞

هل الواحد ممكن يعمل نفسه مش ماخد باله من ظروف اهله..... مشكلتي انو اهلي عايزين يدخلوني الجامعه وانا عارف انو هما مش هيقدرو علي مصاريف الجامعه اعمل ايه....

Sugar_32663 🇪🇬

صاحبتي عايزه تجوزني باخو خطيبها وخلاصه الموضوع حلو

جماعه أنا دلوقتي كان في حد متقدم ليا ومحصلش نصيب بس مكناش احنا السبب لأ أنا ولا هو كان حد من العيله هو السبب المهم دلوقتي صاحبتي في حد متقدم ليها وكدا وان شاء الله باذن الله ربنا يكملها على خير هيتخطبو السنه دي يا في نصها او في اخرها المهم خطيبها دا له أخ اكبر منه هو كويس اوي وعيلته كويسه اوي وأهل كويسين اوي بس الخلاصه يعني ان مستواه الاجتماعي والاقتصادي والأخلاقي والديني مناسبين اوي الحمد لله يعني ربنا يبارك فيه المهم صاحبتي بقا بتقولي انها هتقول لخطيبها دا عليا انه يجوزني اخوه وان أنا وهو مناسبين لبعض وهي نفسها ان أنا وهي نكون سلائف وكدا كدا هنقعد أنا وهي في بيت بعيد عن الكل العيله وكدا يعني يعني مفيش حماه مفيش الكلام دا المهم الكلام حسيته لزق في راسي وبقيت بعيش معاه في خيالي حاجات كتير اوي اللي هو يوم قرايه الفاتحه والشبكه والحاجات دي وانا أصلا معرفوش أوينه انه جاري لان بطبيعتي بمشي بصه في الأرض لما بيكون في ولاد وكدا ومتخيلتش أبدا ان دا يكون خطيبي بس بعد كدا بقيت بحس احساس حلو حد يفهمني ايه اللي بيحصل ليا وليه أنا كدا مع ان الموضوع بتاع اللي كان متقدم ومحصلش نصيب دا تعبني اوي جسديا ونفسيا وكمان لسه من يجي تلت أسابيع فاللي هو ازاي اتخطيت ولا متخطيتش ولا ايه دا ...عرض المزيد

1 الدعم

0 نصيحة

Avocado_50926 🇪🇬

مكسوفه اخد الفلوس من خطيبي لبرواز الخطوبة

دلوقتي خطيبي شايل معايا فلوس لحاجه ليا عايز يجيبها وانا نفسي بجد اعمل البرواز الي عليه صوره البوكيه بتاع الخطوبه وعليه صورنا وشكلها جميل بس في نفس وقت خايفه اخد الفلوس انا مبشتغلش ووالدي يعني الحمدلله بيديني مصروف بس تمن البرواز مش غالي خالص بس دلوقتي انا مكسوفه اصلا اخد الفلوس وادفعها للبرواز علشان ميدايقش وانا لو مثلا مش هرضي اخد الفلوس الي هوا سببها معايا لحاجه وانا اتصرف بيها فاهمني اعمل اي 😔 ...عرض المزيد

0 الدعم

3 نصيحة

Banana_74025 🇪🇬

تعبت من السلبية وعايزه ارجع احس بالحياة

انا بقيت مطفية حاسه بالسلبية بس مع اني مش شخص سلبي بس على سبيل المثال زمان كنت بحب اخرج واعمل حاجات بحبها حته لو بسيطة اقراء كتاب اتابع مسلسل حاليًا بعد كام خبطة في حياتي بقيت بقعد في البيت بالشهر و بنزل لو في حاجة اجباري بخزوق صحابي في المناسبات و الخروجات بقطع مع اي حد بسهوله وبتمنى محدش يكلمني مبهتمش بنفسي ولا بجيب حاجة ليا انا تعبت عايزه ارجع احس بالحماس حته لو هعمل ماسك لوشي مفيش مش بتحمس لحاجة و لو بتفرج على حاجة بقفلها ارجع ازاي انا تعبت من الشخصية دي بقالي اربع سنين معاها تعبت عايزه ارجع احس بالحياة حياتي واقفة ...عرض المزيد

0 الدعم

5 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع