السلام عليكم ، محتاجة نصيحة لأن بجد جربنا كل حاجة و م عارفين نعمل اي ، أنا عندي اخ في أولى اعدادي المهم أن حد من صحابه عرفه ع لعبة رهانات وقمار وكده وقعد يلعب عليها فترة طبعا من غير علمنا وكده وبعدين أما عرفنا كلمناه براحة وما بطل و اتضرب و اتعاقب كتير و زاد معاه الموضوع أنه بقى يمد ايده لدرجة أنه سرق 40 ألف من فلوس بابا كان شايلها ولعب بيها وخسرها وعرفنا مؤخرا وسرق فلوس كتير برضو من ماما و مني وكان بيسرق مننا فلوس و يروح يجيب لأصحابه لبس وحاجات ولأن ماما عندها مرض مناعي معين وكده ف اغلب الايام بتكون في المستشفى وبابا ف الشغل وانا ثانوية عامة عطول ف دروسي وكده لقيناه بياخد حاجات من البيت يبيعها زي مثلا. مواعين أو أكل وكده و بيسرق وبيكدب بطريقة فظيعة لدرجة انه كان مفهم الناس أن ماما وبابا ساكتين عشان بيديهم فلوس على طول وأنه مدي لبابا 70 ألف شايلهم ليه وأننا راضيين عن الفلوس الحرام وعادي واحنا مكناش نعرف البلاوي بتاعته وخد الفون بتاعه باعه وبعدين خد فون ماما باعه ولعب بفلوسه و طريقته مع ماما زي الزفت وبجد م عارفين نعمله اي ف لو حد عنده اي نصيحة اكون شاكرة جدا ليه و آسفة لو طولت عليكم ..

7

6