أزمات

Apple_66209 🇪🇬

منذ 8 ساعات

شعور مكسور القلب

French Fries_66223 🇪🇬 انت المفروض تتجوز لان خلاص كدة هي مش ناوية ترجع و أهم حاجة انك حاولت و مفيش اي حاجة تانيه تعملها انت محتاج تتجوز

عرض الكل 2 نصيحة

عبّر عن شعورك بشكل مجهول

عندي مشكلة وبجد مش عارف أحلها إزاي ودي مشكلة حقيقة مش من وحي خيالي انا عندي حاليا 30 سنة 
كنت عايش قصة حب 5 سنين وبعد كدة خطبتها سنة واتجوزنا وعيد جوازنا يوم 28/7 اللي جاي بعد كام يوم ده وركز معايا في التاريخ عشان هرجعله كمان شوية 
المهم لما اتجوزنا قررنا مش هنخلف أطفال إحنا عاوزين نعيش سوا بس وأمننا نفسنا عشان مش عاوزين خلفة دلوقتي عالأقل وربنا أراد إن هي تحمل وتعبت جدا في الحمل زي أي ست بس هي كانت دايما تلوم عليا إن أنا السبب وإني مش حاسس بتعبها وكدة والحمدلله حاليا عندنا بنوتة 5 سنين نرجع بالذاكرة من سنتين كدة تعبت فجأة وأخدت أدوية من غير ماترجع لدكتورة وبعد ما التعب زاد راحت لدكتورة تكشف عندها واكتشفت إنها حامل واثناء الحمل كان فيه نزيف بس في الشهر الخامس النزيف بقي كتير راحت لدكتورة وقالتلها الجنين متشوه بسبب العلاج اللي اخدته في الأول ولازم ينزل اتحجزت في مستشفي بدون مرافق أنا كنت ببات في الشارع أوقات عشان أفضل جنبها وماكانش فيه فلوس كنت مستلف علي مانطلع من ازمتنا وماكنتش بروح الشغل عشان ما اسيبهاش هي كانت عاوزة الجنين يموت عشان يسقطوها وتخلص لما إبننا مات وادوها الجنين عشان يتدفن حالها اتغير وبدل ماكانت عاوزاه يموت بقت هتموت عليه طلعنا من المستشفي مش عاوزة تقعد مع امها ولا مع أمي ولا مع إخواتي عشان حد يخدمها لحد ماتقوم علي رجلها وعاوزاني أنا أقعد جنبها وأسيب شغلي المهم ماكنتش برضي أقعد عشان عليا التزامات وديون مش هينفع لما قامت بالسلامة اتغيرت معايا وقالتلي انا مش عاوزة اكمل معاك وعاوزة اتطلق عشان انا احتاجتك تسندني عشان اقوم وانت ماوقفتش جنبي انا قومت لوحدي طبعا بقالنا سنتين بحاول معاها حياتنا ترجع زي الأول مفيش وفي السنتين دول عملت كل حاجة ممكن تتعمل ورد وكلام حلو وأفعال كتير لدرجة إني أرتب خروجة وأقولها يلا نخرج أنا وإنتي وبنتنا تقولي لأ المهم أنا بيتي دورين هي عايشة فوق وانا بقضي اليوم فوق وأنزل أنام تحت عشان مانصطدمش ببعض ونعمل مشاكل ومن حوالي شهر عرفت واحدة وبقت تجيلي البيت ومراتي شافتها وهي خارجة من البيت يوم 22/7 يعني فاضل اسبوع علي ذكري جوازنا وسألتني مين دي قولتلها صاحبتي واتناقشنا وطبعا فهمتها أنا ليه بعمل كدة وان هي أهملت فيا وسابتني وقالتلي عيش حياتك براحتك أهم حاجة عندنا بنت مش عاوزينها تتأثر ومش عاوزاها تشوف حاجة زي كدة أنا دلوقتي عاوز أرجعلها وارجع معاها زي الأول أنا لسة بحبها ومابعرفش أعيش من غيرها أنا ماليش غيرها في الدنيا أعمل ده إزاي أنا مش عارف حتي هي مش عاوزة تديني فرصة للنقاش أقولها أنا غلطان تقولي مفيش مشكلة أقولها إنتي غلطانة تقولي مش مهم وقبل ماتعرف الحوار ده أصلا وهي بتتعامل معايا بنفس الطريقة آسف عالأطالة ياريت مساعدة من حد ناضج وفاهم أو قابل نفس المشكلة شكرا 🌸

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_65733 🇪🇬

منذ يومين

شعور ضائع

موضوع:

اية اكتر تجربة أثرت فيك ف حياتك حتي الأن؟

اكثر تجربة تجربة الزواج انا خطبت فترة خطوبة سنة ونصف وقبل الفرح بأيام فشكلت بسبب تعند فى القايمة من والدتها لدرجة ان ناس ادخلت فى المشكلة قبل الفرح بأيام الجسلة حصلت فى بيت حد غريب من طرفهم فى وجود الام وعدم تواجد والدها فى الجلسة وده خلانى افشكل فوراً رغم إنى حبيتها وتزوجت بعدها بسنة ونصف زواج صا

Marshmallow_56042 🇪🇬 اكيد فيه اسباب كل ده هيحصل ازاي في يوم وليله + تتواصل معاهم ليه مروحتش تتفاهم معاهم وتحاول تفهم فيه ايه

عرض الكل 4 نصيحة

French Fries_65744 🇪🇬

منذ يومين

شعور وحيد

مساء الخير شاب عندي ٢٩ سنه .. قاعد لوحدي من بعد والدتي ما توفيت من ٥ شهور و والدي متوفي من ٢٠١٣ كدة كدة و اختي الصغيرة متجوزة بقالي فترة بدور على حد مناسب بعد ما فسخت خطوبتي الاولى بس لسه ربنا مارادش بحد حد عنده حل لموضوع الوحدة مع العلم انا مش اجتماعي و مش بعرف اتعرف على حد بسهوله

Apple_65355 🇪🇬

منذ يومين

شعور محبط

#فضفضه السلام عليكم... انا حابب اقول كلمتين للكل الناس بصفه عامه وللبنات بصفه خاصه ... انا واحد عندي ٣٠ سنه بدور علي عروسه ومش لاقي رغم اني الحمد لله عارف ربنا وبصلي ومقتدر ماديا وعندي شقتي ومحل ... !! طب ليه مش لاقي لان للأسف اتولدت بتشوه في نصف الوجه جهة العين وبعض الاصابع مش كامله ..!!! انا بد

Banana_32966 🇪🇬 فعلا دي ناس مريضه لان ان الانسان مش بشكله وبالذات في الزمن اللي احنا عايشينه ده طالما عنده اخلاق ودين المحترم فده كده انسان عظيم لان في ناس كتير بيبقى شكلها حلو وللاسف ما تتعاشرش فاصبر وان شاء الله هتلاقي بنت الحلال اللي تريح قلبك وتكون بجد زوجه اللي بتتمناها

عرض الكل 21 نصيحة

عبّر عن شعورك بشكل مجهول

#فضفضه

السلام عليكم...
انا حابب اقول كلمتين للكل الناس بصفه عامه وللبنات بصفه خاصه ...
انا واحد عندي ٣٠ سنه بدور علي عروسه ومش لاقي رغم اني الحمد لله عارف ربنا وبصلي ومقتدر ماديا وعندي شقتي ومحل ... !!
طب ليه مش لاقي لان للأسف اتولدت بتشوه في نصف الوجه جهة العين وبعض الاصابع مش كامله ..!!!

انا بدور عن طريق خاطبه ف الاقي الخاطبه بتقولي شوف لك وحده مش مؤهل عالي او عندها اعاقه علشان ترضي بيك حتي لو اعاقه مش ظاهره...

اتكلم عن اهل العروسه.... 
لا احنا مينفعناش حد عنده مشكله .. بنتنا مش اقل من فلانه..!!
مش مسموح حتي بدخولي البيت واقعد اتكلم معاها وتتكلم معايا يمكن يحصل قبول ..!!

اتكلم عن البنت... 
انا ليه اتجوز واحد عنده اعاقه وانا قدامي الشباب الزي الفل كتير ليه احط نفسي ف موقف زميلتي او قريبتي تقولي ملقيتيش غير ده وتتجوزيه...!! ... حبيبتي انتي الهتعيشي مش صاحبتك ولا اختك ولا اهلك علشان تسمعي لتفكيرهم المعاق اسف ف الكلمه يعني .. انتي لو مرتاحه كملي وحطي صوابعك ف عين التخين وخدي الخطوه ووافقي وخلي عندك اصرار لللموضوع مش علشان حد قالك كلمتين يبقي هو صح .. لا اقعدي معاه شوفيه اسمعيه افهميه مش شرط من اول مره اطلبي يكون في قعده تانيه لكن مش من قبل ما يدخل تسمعي لكلام الحوليكي او لنفسك دي مصيبه في حد ذاتها..

اتكلم عن الحياه بشكل عام ...!! 
للاسف لا عارف اشتغل في مكان كويس مع ان عندي خبره ف مجال الكمبيوتر وحاليا بدرس برمجه 
ولا لاقي اصحاب بجد وتقريبا كده بقت كلها مصالح اليومين دول

طب الزيي يعمل اي يموت نفسه ؟! مش منطقي اكيد ..!!.
طب انت راضي .. ايوه راضي ومقتنع مليون ف الميه بقضاء ربنا وقدره وان الله اذا احب عبد ابتلاه .. ❤️

انا نفسي اقول كلمه لكل حد بيفكر كده سواء الاهل او البنت او حتي الراجل انه يصاحب راجل زيه بس عنده مشكله وبيرفض  مصاحبته اقسم بالله انتو الناس مريضه ومعاقه فكرياً وذهنياً لا الشكل بيدوم ولا الفلوس بتدوم ولا الصحه بتدوم بس الانسان لما يبقي ابيض ونضيف من جواه دي بالدنيا ومافيها .. واقسم بالله كل واحد قال كلمه او اتصرف تصرف وجرح بيها حد لهتترد له بس ف وقتها وساعتها هيفتكر كلمته القالها او التصرف العمله تجاه واحد زيي (الدنيا سلف ودين) وهيترد لك قبل ما تتكفن وتدخل قبرك ..!!

مش علشان اتولدت بابتلاء ف يتكتب عليا اعيش حياتي محروم من حجات كتير زي اني اشتغل شغل كويس ف مكان كويس من غير تنمر وحقد ولا ياعم دا انت ٥%  +  ارتبط ببنت كويسه + الاقي صاحب وراجل جدع ف ضهري لكن احنا ف مجتماعتنا العربيه بنفكر بعقلنا وبنفكر ف كلام الناس قبل ما بنشوف احنا عايزين اي علشان نشوف احنا لو عملنا الاحنا عايزينه ده الناس هتقول علينا اي لو كلام حلو تمام نتوكل علي الله ولو كلام وحش لا ياعم فكك ونكبر دماغنا ...

ملحوظه مهمه جدا الكلام للفئه المقصوده من الناس دي الهم الاغلبيه العظمي الباقي الا من رحم ربي تفكيرهم العكس تماما ...
ملحوظه كمان انا مش داخل اقول الكلمتين دول علشان الاقي حد يقولي كلمني هجوزك او كلمني هنبقي اصحاب ..

لا تسلم اوتسلمي .. ربنا عارف انا شوفت اي وعيشت اي وحاسس ب اي وقادر يعوضني فغمضة عين عن كل حاجه حصلت وانا مستني عوضه بجد سواء ف شغل كويس او زوجه صالحه او صاحب راجل ف ضهري ومحسش اني لوحدي ف الدنيا ومش من حقي اعيش زيي زي اي انسان سوي  يمكن اكون مستعجل وده بسبب النفسيه الادمرت من كلام وتصرفات الناس بس انا متاكد ان فرج ربنا كبير وجاي .. 
الحمد لله انا عايش حياتي كويس زيي زي اي حد بالعكس ممكن اكون احسن وده مش تنمر بس زي ما بيقولو من شاف بلاوي الناس هانت عليه بلوته .. !!

حبيت افضفض مش اكتر

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Pineapple_65613 🇪🇬

منذ يومين

شعور محبط

انا بنت اتخطبت قبل كده وخطيبي الاول كنت بحبه جدا ولكن محصلش نصيب وجربنا نرجع تاني وانحديت الدنيا كلها وأهلي وكل الناس عشانه واتنازلت كتتتتير اوي عشانه وفي آخر موقف معايا قبل منرجع رسمي قالي هسيبك بسبب موقف عبيط بعد كل البي عملتهوله سابني عادي للاسف مش عارفه اتخطاه رغم اللي عمله معايا ومش عارفه ابدا

Almond_63696 🇪🇬 انا مش هقدر احكم عليكي منغير معرفك لكن ازاي؟ ازاي ممكن تكوني لسه بتحبي حد عمل فيكي كدا ومش عارفه تتخطي؟ يعني بتحسي ب ايه مش فاهمه بتحسي انك عايزه الشخص ده؟ طب ولما بتفتكري ان هو ندل كدا وبياع ومشتراكيش بتبقي بردو عايزاه؟ احنا كبنات مفيش اهبل مننا والله

عرض الكل 22 نصيحة

Tomato_60726 🇪🇬

منذ 3 أيام

شعور متعب

لو حد عنده نصائح أو عدي علي موقف زي ده يقولي اعمل ايه توفي عليا شخص عزيز ولسه بقالي 10 سنين مش مستوعب ان ده حصل ايه نصايح ليه وازي اخرج الكبت واتقبل وفاه الشخص وازي اتعامل بعد كده لما اكتشف ده

Pear_64744 🇪🇬

منذ 5 أيام

شعور وحيد

مشكله محتاجه حل... ولدي بعيونا لكل جنيه بيدفعو لينا اينكان عشان اكل او دراسه او ملابس يعني الحاجات الاساسيه مش الترفيهي يعني و ديه حاجه مخلياني كره جدا و مش عارفه اتعمل معه خالص و اسلوبي اغلب الوقت وحش بس غصب عني لاني بشوفه و هو بيتعمل مع الناس الغريبه و ازاي بيعمله حلو حتى لو الناس ديه متستهلش لك

Mango_62383 🇪🇬

منذ أسبوع واحد

شعور وحيد

أنا عيد ميلادي ال ٣٣ كمان اسبوع ولسه شاب اعزب حوليا ناس كتير بتخطب وتتجوز حتي أقاربي الأصغر مني حتي اخويا الأصغر مني خطب وهيتجوز هوا ماديا احسن مني انا الي ظروفي كانت وحشه شويه كمان أن ابويا بيساعد بكل قوته معاه وانا لا .أنا بقي عندي رهبه وخوف اني افضل كدا بين أربع حيطان واموت وحيد ومليش حد في الدن

Strawberry_64180 🇪🇬 لسا صغير عفكرا ابدا من دلوقتي صلي وقرب من ربنا واطلب منه الرزق.. دا الرزاق.. لا ابوك ولا صاحب الشغل ولا اي حد ف الدنيا هيرزقك غيره خبط عبابه كل يوم وزن في قيام الليل وادعي بالزوجه الصالحه والعوض بعد الصبر واليسر بعد العسر ربنا يحققلك كل الي بتتمناه.. عفكرا خالي 36 ومر بنفس الي بتحكيه بس الفرق انه مكنش متعلم يعني الموضوع اصعب.. ربنا كرمه وسافر وعمل فلوس وخطب بنوته بنت حلال ومتعلمه وجميله اللهم يارك

عرض الكل 9 نصيحة

Strawberry_59953 🇪🇬

منذ أسبوعين

شعور مرهق

في نوع من البنات بيبقى مظلموم بس مش كلهم البنات اللي مش بتلاقي الحنيه من اهلها وتروح تدور عليها بره وبتصدق اللي يقولها بحبك وكلام حلو علشان هي ماشفتش ده من اهلها ويطلع بيضحك عليها ويسيبها ف تدور ع حد تاني بردو يحصل نفس المشكله عارفين ليه بيحصل كده علشان هي مافيش حد قريب منها تحكيله ويعرفها تعمل ايه

Potato_60720 🇪🇬

منذ أسبوعين

شعور متعب

تخيل تبتدي حياتك بفشل دراسي و بعدين تترمي في شغل القاعده الاولي في لو موت او اتثابت الشغل ميعرفكش و هو شغل الجبل في الرخام و انت شاب كان حلمه يدخل ثانوي عام بس الحمدلله تشتغل و كل فطره تتعور حد هيقول الشغل كتير اه كتير بس مش هيجيب نفس الفلوس الي تخلي شب يصرف ع دراستو و نفسه و يساعد والده و تمشي الدن

Mango_62339 🇪🇬

منذ أسبوعين

شعور مكتئب

عزرائيل بالأكتئاب مرتبط زي الموضة و سعر الشئ هلاوس الفشل في دماغي فنانة بتبدع بليل كل ما بقف على رجلي تقولي في ودني بتعند ليه انت بجد قاعد كل ده في الأوضة بتعمل أيه طب بص دندن بس ياريت من غير دبدبة مفيش سرير اقنعنا ليه مرتبة مش كثير أشمعنى البيت مكتبك أعلان جديد كده تبيعنا فين مبدئك مش انت

Corn_62444 🇪🇬

منذ أسبوعين

شعور غاضب

انا نفسي افهم البنات عاوزين ايه ليه كل البنات بتحب الفلوس وتموت عليها ويبيعوا اقرب الناس ليهم عشان خاطر الفلوس والشغل انا مراتي سابتني وراحت تشتغل مع اني مكفيها اقسم بالله وعمرها ما اشتكت ..ايه ده مش ممكن ................................................

Chocolate_62367 🇪🇬

منذ 3 أسابيع

شعور مكسور القلب

عبّر عن شعورك بشكل مجهول

من حوالي 7 سنين عرفت شخص وحبيته اكتر من نفسي وصدقه ووثقت في واتضرينا نبعد عن بعض عشان كان بيحصلنا مشاكل كتير والناس كلها رافضه علاقتنا حتي اهله وهو كان شخص كله بيتخانق عليه واكتر البنات بتحبه قعدنا مع بعض سنه وبعدنا عن بعض وانا تعبت جدا عشان انشاه فكرت اتخطب وعملت كده وكانت خطوه صعبه جدا عليا لكن عملتها وهو بعد خطوبتي بكذا شهر خطب صاحبتي وانا اتصدمت لكن حضرت خطوبتهم ووقتها سيبت خطيبي وفضلنا في مشاكل طلنا لحد ما هو كمان ساب خطيبته وبعدها رجعنا لبعض وحاربنا الدنيا كلها عشان نكمل شوا لكن فجأه كل حاجه اتغيرت بقي انسان معرفوش بقي يتجسس عليا ويعرف كل شئ عني حياتي و عن صحابي واهلي لدرجة ان الكلام اللي بيحصل بيني وبين الناس يعرفه وصلني لمرحلة الجنون شكيت ف كل اللي حواليا وكل الناس بعدت عني عشان مبقوش يحسوا بخصوصيه كل حاجه بتتعرف وبقي يشيلني اي غلط قدامه وعصبي جدا وميكلمنيش بالأيام عاتبته مليون مره وبردو مفيش فايده لدرجة الكلمه الحلوه مبقتش اسمعها منه ومش عاوز يبعد ولا انا قادره ابعد مش عارفه اعمل ايه وازاي اتقبل الجفا دا حرفيا بقالي اكتر من ٥ شهور انا اللي بتصل بيه مبيتصلش بيا نهائي ولا مره ومبيصدقنيش مهما قولتله ولا مره يقولي حتي وحشيتي مش عارفه اعمل ايه بجد محتاجه نصايحكم وكمان تبقوا عارفين انا مبقدرش ابعد عنه ولا اتنازل عن كل اللي ضحيت بيه وعملته انا وقفت جنبه ف اصعب المواقف صدقته والدنيا كلها مش مصدقاه صدقت فيه وانه هيتغير وان جواه حاجه محدش عارفها غيري رفضت كل الفرص كل حاجه سيبتها عشانه 
ياريت يكون في حل لمشكلتي او حتي حاجه تغير شكل العلاقه بينا ونرجع كويسين

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Broccoli_62289 🇪🇬

منذ 3 أسابيع

شعور ضائع

مساء الخير شباب حابب اخد رأيكم ف موضوع.. انا كنت ف علاقة مع بنت لمدة 3 سنين واكتشفت انها كانت بتكلم زميلها ف الشغل لفترات طويلة بليل وكلام كتير خارج اطار الشغل وللأسف اكتشفت دا لما غلطت ف اسمي مرة وهي بتكلمني وقالت اسمه.. انا بحبها بس مش قادر اعدي دا

Watermelon_62113 🇪🇬 راي انك تنهي اي حاجه فورا عشان حتي لو سمحتها وكل حاجه بقت تمام الموقف ده عمر مهيتنسي من دماغك وديما هتحس أن في حاجه ناقصه بينكو ف انهو الموضوع دلوقتي بطريقه الطف احسن

عرض الكل 4 نصيحة

French Fries_57894 🇪🇬

منذ 3 أسابيع

شعور مكسور القلب

حكايتي كالتي معلش هطول عليكم بس انا فعلا حاسس بانكسار و حزن شديد. مش عارف انا ظالم ولا مظلوم ولا جاني ولا مجني عليه ولا كاس و داير ... الخ البداية اعرفكم بنفسي أنا صيدلي متخرج من جامعة القاهرة، و زوجتي لأكثر من ١٦ عام ايضا في نفس الكلية. الموضوع بدأ بانجذاب ثم موعد فلقاء فزواج. كنت في السادسة و ال

Popcorn_61948 🇪🇬 انت بتقول بقالك سنتين مشربتش كاس فالمفروض انت بقيت كويس بالنسبالها السنتين دول ايه اللي حصل منك خلال السنتين دول غير الشرب والمخدرات مخليها زعلانه منك ؟

عرض الكل 9 نصيحة

عبّر عن شعورك بشكل مجهول

حكايتي كالتي
معلش هطول عليكم بس انا فعلا حاسس بانكسار و حزن شديد.
مش عارف انا ظالم ولا مظلوم ولا جاني ولا مجني عليه ولا كاس و داير ... الخ

البداية اعرفكم بنفسي أنا صيدلي متخرج من جامعة القاهرة، و زوجتي لأكثر من ١٦ عام ايضا في نفس الكلية.

الموضوع بدأ بانجذاب ثم موعد فلقاء فزواج. كنت في السادسة و العشرين من عمري و هي تصغرني يعلمان.
كنا صغيرين و رزقنا الله بولدين هم اطول مني الان.

كنت الولد الوحيد في العائلة فالسليقة كنت أنا المدلل من جميع الأقارب. لم اتحمل مسؤولية شئ الا أنني كنت دائماً الطالب المثالي و لم اهتم الا بأن أكون مثالي في كل شي.

المهم اتجوزنا و كنا زوجين يتمني اي احد أن يكون مثلنا، زوجتي كانت ملاك و كانت الزوجة المثالية فلم تتأخر عني بشيء و لا تكذبني في أي موضوع، كانت شيفاني حد مالوش زي، زي ما كنت أنا شايفها.

و مرت الايام، بحلوها و مرها و كانت خير سند و اقوي ضلع استند عليه.

أنا شخصية اعتمادية الي ابعد الحدود، و ده كان سبب من اسباب اني ادمن الخمر و العقاقير الطبية، الي أن تدهور بي الحال أني روحت ٣ مصاحات، منها الحكومي و منها الخاص و منها الاكثر اهانة، لم اتوقع أن يصل بي الحال الي هذه الدرجة.

بقالي سنتين ما شربتش كاس و لا حتي باخذ أدوية تغير من المزاج. و فتحنا صيدلية. مش عايز احكي علي اني عملت اللي اقدر اعمله علشان ارجعلها تاني، علشان بس ادخل البيت. تحملت أعلنتها لي و تردي من البيت أكثر من مرة. و أنا أقول في عقل بالي ما هي بردو شافت منك كثير، و مثلها مثل أي امرأة بتنسي كل حاجة حلوه و تفتكر الوحش بس

و تمر الايام و الدنيا كويسة بس طبعا مش في احسن حال. أنا و هي طالعين مهزومين، كل ما كان في بالي اني ارجع الثقة و امضض جروح زمن فات.

مسكت إدارة الصيدلية، اه نسيت أنا عليا التزمات كثير اوي بعد الخراب الذي تركته بعدي، و كان والدي بيدعمني لكي اكمل المسيرة. و إذ فجأة فقدت هذا الدعم و اصبحت أنا المسؤول الأول و الأخير عما مضي و عن الحاضر و عن المستقبل.

طبعا بيت و مفتوح، مصاريف كثيره، ديون، و زوجتي أصلا من النوع اللي مش بتتقبل بسهولة.
الاسعار غليت و الدنيا واقعة، وانا مربوط في ساقيه مابشوفش الشارع ولا اعرف حاجة غير الصيدلية و الزبائن من الساعة ١٠ لحد الساعة ١٢ بليل. كل يوم بدون اجازات أكثر من سنتين، أثناء ذلك كان هناك مناوشات و حياة زوجية سعيدة و لكن لم اتصور أن يصل الأمر إلي أنني حقا وصلت لمرحلة من اليأس و الزهق من العلاقة الزوجية. دائما أنا من يبادر بالصلح، أنا علي طول السيئ في روايتها. اتهامات و تذكير بالماضي و عدم الصبر، شيفاني غير محتمل للمسؤولية و قراراتي خاطئة.

و لكن ما حقا جرحني اليوم هو أننا أردت أن تستلقي بجانبها علي السرير، ليس إلا لمجرد أن نكون سند لبعض في هذه الحياة الصعبة، كانت نافرة مني لم تعطني فرصة حتي أن أكمل الجملة بأنني هريح جنبها شوية.

هي من النوع العصبي جدا، طريقتها في المناقشة بتبقي حاده. أنا مش عايز حاجة غير اني ارجع بيتي الاقي حد يسمعني و ما يحكمش عليا و يديني امل اني اكمل و احس بالتقدير

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

التجربة أفضل عبر التطبيق

حمّل تطبيق توهيل على هاتفك لتجربة أسرع