وفاة الأم

Mango_64177 🇪🇬

منذ 6 أيام

شعور وحيد

من يوم وفاة ماما وانا لوحدي مش لاقية حد اتكلم معاه واحكي له عنها كل ماتتكلم يقولولى ارضي وادعيلها محدش بيسمعني حاسة اني مكتومة ونفسي انفجر من العياط آللي نفسي اعيطه من كتر ماهي وحشاني من كتر مانا مش عارفة اعمل حاجة من غيرها انا مش معترضة اكيد بس زعلانة حتى هنا مش عارفة اقول كل اللي جوايا 😢

Coffee_54186 🇪🇬

منذ أسبوع واحد

شعور متوتر

موضوع:

اكتر ذكره مؤلمه حصلتلك وومقدرتش تتخطها؟

من وقت وفاة ماما بقيت تايهة في عالم كبير مش حاسة انه مكاني .. مكاني معاها دايما، فجأة بقيت لوحدي في حرب اني اكمل، كله بيضغط عليا محدش طبطب عليا لو مرة، مفيش حد اقدر اقوله اني تعبانة ويقلق بجد ويهتم ويجيلي وميسبنيش، انا مش أولوية لحد من بعدها

Pineapple_62201 🇪🇬

منذ أسبوعين

شعور خجلان

موضوع:

اى اكتر حاجة بتكرهها في نفسك؟

إن أنا لما كنت صغير كنت طيب وعلى نياتي وكنت فاكر أن أبويا وأمي همهم مصلحتي بس طلع الموضوع مش كده وأن كل قراراتهم اللي خدوها علشان يحوشوا فلوس وفي الآخر بعد ما والدتي اتوفت أبويا بعزقهم كلهم

Marshmallow_58235 🇪🇬

منذ أسبوعين

شعور ضائع

موضوع:

قادر تكمل حياتك بعد وفاة شخص قريب منك

ماما بقالها عشر سنين متوفيه ولغايه دلوقتي مش قادره اتخطي الموضوع حاسه ان حياتي وقفت بعدها وحاسه ان مليش حد في الدنيا ولا ليا سند حاسه انها لو موجوده كان كل حاجه هتبقي احسن بدل م الدنيا الوانها باهته بالطريقه دي المشكله ان فيه بعض الناس فاكرين نفسهم ممكن يبقو في مكان ماما وكل م بعترض او بقو لا بيضايق

Mango_29955 🇪🇬 ربنا يرحمها ويغفر لها.. مينفعش توقفي حياتك على وفاتها .. لازم تكملي واستمري وابني مستقبلك . الام لا تعوض فعلا ولكن لازم تخرجي نفسك من الديره دي وتشوفي مستقبلك وحياتك

عرض الكل 1 نصيحة

Apple_56687 🇪🇬

منذ 3 أسابيع

شعور متعب

شاب عندي 19 سنةة بدرس وبشتغل في ٤ حاجات مختلفة وقتي مزحوم بين الدراسة الشخصية والشغل والمذاكرة عندني جفاف عاطفي كبير جدا وحاسس اني ديما لوحدي خصوصاً بعد وفاة امى الله يرحمها اعتبروا ان اهلي مش موجودين خالص قدامي ٤ سنين كلية وسنة وجيش المفروض افضل حاسس باللي انا فيه ده كل المدة دي ؟؟؟

Marshmallow_58235 🇪🇬

منذ 3 أسابيع

شعور منزعج

عبّر عن شعورك بشكل مجهول

انا عندي ٢٣ سنه و والدتي اتوفت وانا عندي١٣ سنه وكان فيه مشاكل كتير بين اعل ماما وبابا علشان هو اتجوز بعد سنه من وفتها بابا كان ايام م ماما عايسه كان عصبي زي اي اب لكن في خلال السنه اللي قبل م يتحوز فيهابعد وفاه ماما كان كويس جدا وحرفيا مكنش بيرفض طلب ليا وكنا قاعدين عند عمتي علان تاخد بالها مني وكده بس كان فيه مشكله صغيره انه كان حاطط ليا ولاهلي واصحابي واي حد عاوز يكلمني ساعه بس في اليوم يتصلو عليا ريها وانا كنت بحب خالتي الصغيره. كنا بنتكلم بعيد عن الساعه اللي محددها بابا وحوار الساعه ده خلي اهلي مبيتصلوش بيا خالص وعمل مشاكل اكبر بينهم وده سبب ان انا دلوقتي بعيده عنهم خالص المهم وانا في سنه تلاته كليه عمي اتوفي وبابا بعد م اتوفي حاله اكتئاب حاد وحاول مره انه ينتحر وانا لغايه دلوقتي مش عارفه اتعامل معاه ازاي ف عمتي بقت هي مكانه يعني بمعني ةصح وليه امري يعني لما اهرج اقولها هي لما تخصل حاجه اقولها هي وهي طبعها شديد خالص خالص لايعد الحدود  وانا مش واخده علي الاسلوب بتاعها ودايما بتقارني ب بنتها اللي هو مثلا هي مراختش الحته دي يبقؤ انتي كمان مفيش مرواح وانا دلوقتي حاسه اني كبيره وكنت مغتربه في الكليه واللي هو دور الاب او الام اللي انتي وخداه خفيه بس هي تقمصت الدور خالص ف اعمل اسه علشان اخليها تهدي عليا شويه و متقارنيش بجد ومتبقاش دايما فاكره انها هي صح والباقي في البطيخ

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_56687 🇪🇬

منذ 3 أسابيع

شعور متعب

عندي مشكلة تعبت منها انا عندي احتياج عاطفي زيي زي اي حد والاحتياج ده زاد اوي اوي لما عيشت لوحدي بعد وفاة امي فبقيت بحاول اكلم اي بنت كلمت بالفعل بس حسيت اني هعلق قلبها وهي كانت طيبة اوي على طول ركبت وش خشب وقللت كلام خالص لحد ما انتهى الكلام بينا المشكلة بقى اني جوايا احتياج كبير اوي للاهتمام وللحن

Chilli_58786 🇪🇬

منذ شهر واحد

شعور محبط

ممم مشفتش ف حياتي راحه من ساعت ما بلغت تقريبا ٢٢ سنه منهم ١٢ سباق وجحيم خنقه ومقارانات شغل ١٢ ساعه يوميا عشان بس تقدر تعيش اب مش مسؤل بيت بيصرف اخوات صغيرين اصلك انت الكبير امك ماتت انت اب وام كليه قمه صعبه مش سهله تقيله وغشيمه المفروض تبقا داخل خمسه لسا ف تانيه بقيت متاخر عن زمايلك صحابك ال خان وا

Apple_57874 🇪🇬 انت راجل و اتكتب عليك انك تبقى راجل بدري يمكن مش عايش سنك بس قصاد ده انت مش محسس اخواتك ب اى نقص ف حياتهم انت محتاج تفصل شويه مش اكتر بس لازم تعرف ان ربنا لو عارف انك ضعيف و مش هتقدر ع الشيله دي مكنش حطك فيها وربنا هيعوضك والله

عرض الكل 6 نصيحة

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Cherry_29054 🇪🇬

منذ شهر واحد

شعور مرتبك

هو انا كلمت شخص بهدف اني شايف متغير ف شكل ومش زي لاول خصوصا بعد وفات مامته انا جربت اشعور دا انا مامتي مات قبله بتلات اشهر انا عرفت اتعيش بس هو انا شايف غير كده متشائم وكده انا كلمت وهو عرفني شخصيا وضحت ليه اني مش جايه عشان حاجه غير اني اطمن عليه واشوفه ف احسن حال وهو قال إنه كويس وباين أنه مش حبب

Pumpkin_29690 🇩🇪

منذ 6 أشهر

شعور عاطفي

موضوع:

امتى صعبت عليك نفسك

وقت ما أمي توفت حسيت أني أنا وأخواتي لوحدنا في الدنيا. بعيد عن الأهل وما حسيتش ان صحابي قدروا يقفوا جمبي في الفترة ديه. الموضوع دة من ٦ سنين ولحد النهاردة لما بفتكر الفترة ديه بصعب على نفسي ان محدش كان سند ليا ولاخواتي في أصعب فترة في حياتنا. بس الحمد لله التجربة علمتني حجات كتير

Jackfruit_51332 🇺🇸 مرت حد عزيز عليك فعلا بياثر علينا وممكن يغير شخصيتنا خالص بس بنتعلم نبقي اقويا ونعرف في الاول وفي الاخر انهم راضين عننا وبيحبونا وماتو وهما بيحبونا

عرض الكل 4 نصيحة

Peanut_38666 🇪🇬

منذ 8 أشهر

شعور محبط

موضوع:

اكتر موقف خلاك مترجعش تثق فى حد

Lemon_32719 🇴🇲 سلام عليكم والدك عنده كام سنه

عرض الكل 6 نصيحة

عبّر عن شعورك بشكل مجهول

كنت حكيت قبل كدا ان امي متوفية بقالها ١٢ سنه وانا عندي ٢٤ سنه وابي اتجوز بعد وفاتها ب سنه وطلعت عيني بجد وابي دايما كان بيخذلني وعمره مانصفني قدامها ابدا لدرجه انه طردني انا واخويا مرتين وكل مرة كنت برجع بقول ان شاءالله اتجوز وامشي ولما جه واحد انا بحبه ابي ف الاول وافق بعد كدا اتحول تحول عريب ورفض وشافه انه اقل مننا ماديا مع ان الكلام دا مش صح هوا بس ساكن ف مكان شعبي وفضلت احاول مع ابي كتير انه يوافق شوية يوافق وشويه يرفض كان بيضحك عليا بجد وخذلني كل يوم اقول اني هكون عروسة وبرجع يخذلني لحد اما قال لا مفيش كواز وضربني ومنعني من شغلي اسبوعين وفضلت اتحايل كتير عليه لحد م نزلت الشغل 
ومنعني ازور اهلي او انزل مع صحابي واتخانق معايا ومع اخويا التؤم وضرب اخويا وحاولت معاه كتير الاقي حل معاه مرضيش لما ضرب اخويا اخويا سابله البيت وقاله اختك مش هتسيب البيت وملهاش ولا شغل ولا نزول ف حته وحلف بالطلاق بكدا ف انا مروحتش علي البيت روحت عند اهل امي وابويا من ساعتها بيقول علينا الله يرحمهم وبيشتمني ف اخلاقي وف عرضي وبيقول انه هيفضحني عند كل الناس اللي يعرفوني واهلي اني طفشت بسبب عريس ودا محصلش انا مشيت بشبب المعاملة الوحشة وانفجرت بعد ١٢ سنه 
حاسة بخذلان ناحيته اوي انه ازاي كمان يقول عليا كدا ازاي يفكر ف فكرة زي كدا ..

Watermelon_32329 🇪🇬

منذ 8 أشهر

شعور محبط

Lemon_32069 🇩🇿 حطي فكرة وش هي رده فعلهم لو كانو عايشين هل كان هاد الشي راح يرضيهم ؟ اعلم انو صعب الوضع لكن الحياه لازم تستمر والتعلق يهلك صاحبه انت حطي في بالك انك لازم تسعديهم ولو بعد وفاتهم ولازم تكوني الانسانة لي ديما تمنوها

عرض الكل 2 نصيحة

عبّر عن شعورك بشكل مجهول

صباح الخير 
انا والدى متوفى ووالدتى متوفيه السنه الى فاتت وانا السنه الى فاتت كنت 3 ثانوى وانا من ساعة ما هى ما توفت وانا مش بذاكر ومش بعمل أى حاجة فى حياتى حاسه إن حياتى وقفت من ساعة موتها وانا مش بذاكر وبدخل الاوضاع كأنى بذاكر وبتاع بس انا أصلا بنهار كل يوم عن الى قبلوا المهم فضلت كده لحد قبل الامتحانات بشهرين وكان فى مادتين حرفيا معرفش عنهم أى حاجه فقولت لاخواتى قالولى خلاص وبتاع ومش مهم نأجلهم السنه الى جايه اهم حاجه انتى تكونى كويسه وانا مكنتش كويسه خالص بس ما رضيتش الضغط عليهم اكتر المهم اجلت فعلا السنه على المادتين دول وجبت فى المواد التانيه 60% ودى كانت صدمه بالنسبلهم طبعا علشان اكيد مش هيا دى الى كانت جايبه فى 3 اعدادى 93 % لا اكيد مستحيل وعدت الايام وكانت صعبة اوى عليا وكان فى ايام مش بنام غير لما اكون معيطه قبلها والايام عدت وانا دلوقتى اهو بعيد تالته ثانوى على المادتين بس حرفياً حالتى زى الزفت وكل اصحابى مشغولين فى الجامعات بتاعتهم وانا بتدمر حرفياً ومش بذاكر حتى المادتين الى انا اجلتهم وروحت حتى علشان اسأل لو ممكن اعيد ثانوية كلها تانى وقالولى مش هينفع علشان انتى مأجله ومش عارفه اعمل أى وحاسه انى لوحدى اوى ومعديش صحاب والدراسه حتى الى كنت شاطره فيها مبقتش فارقه معايا خالص
يا ريت لو حد يعرف حل يبعت 😔

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.