وحيدة بعد وفاة ماما ومش لاقية حد أفكر معاه

Question

من يوم وفاة ماما وانا لوحدي مش لاقية حد اتكلم معاه واحكي له عنها كل ماتتكلم يقولولى ارضي وادعيلها محدش بيسمعني حاسة اني مكتومة ونفسي انفجر من العياط آللي نفسي اعيطه من كتر ماهي وحشاني من كتر مانا مش عارفة اعمل حاجة من غيرها انا مش معترضة اكيد بس زعلانة حتى هنا مش عارفة اقول كل اللي جوايا 😢

Mango_29955 🇪🇬 · Answer

اتكلمي وطلعي اللي جواك واحنا هنسمعك

Coffee_64139 🇪🇬 · Answer

ممكن تتكلمي مع باباكي او لو عندك خالات او صاحبه قريبه اوي منك تكون محل ثقه لو مفيش خالص ممكن تفضفضي عن اللى واجعك في ورق و احرقيه بعدها هتلاقي نفسك ارتاحتي شويه و طبعا احرقيه عشان لو حاجه شخصيه مكتوبه فيها محدش يعرفها غيرك

Mango_64177 🇪🇬 · Answer

هحاول افكر ف كدة لان للأسف ولا حد من اللي ذكرتهم ينفع اتكلم معاهم وولا بقى عندي حد قريب وثقة

Mango_64177 🇪🇬 · Answer

هي وحشتني اوي انا كنت يعتبر عايشة معاها رغم اني متجوزة وعندي اطفال بس مسيبتهاش لحظة كنت متعلقة بيها اوي انا ماليش لا صاحب ولا قريب هي كانت كل حاجة ليا وفجأة راحت مني محدش مستوعب اللي انا حساه حتى اخواتي ولما اجى اتكلم عنها احس الناس تسكتني يقولولى ادعيلها وخلاص
مش عايزة ابقى بغضب ربنا بمشاعري بس غصب عني مش عارفة ابطل عياط وحزن على نفسي انى فقدتها كل يوم بفتح موبايلي على صورتها ورقمها واعوز اكلمها

Avocado_64171 🇪🇬 · Answer

هو حزنك في البدايه فبيكون كبير وده طبيعي ومع الوقت هيقل بس نصيحه مني لما تحسي انك تعبانه من الفراق اسرحي في ذكرياتك معاها هتونيك اوي وهتجيلك في احلامك فترتاحي شويه وهتعرفي ان العلاقه مانتهتش بالفراق وان شاء الله اللقاء في الجنه ودة اللي بيصير الواحد أن احنا خنقابل حبايبنا في الجنه  اليقين ده هيريح قلبك

Chilli_29092 🇪🇬 · Answer

اولا ربنا يرحمها ثانيا هي حتي لو ماتت عايشه جواكي وفي ذكرياتك ومش هتنسيها بس حاولي تتعودي علي حياتك الجديده، الحياه من غيرهم طعمها بيبقي مر مع الوقت هتتعودي وخودي وقتك ف حزنك ومش ضرورى تحكي لحد حاجه  واضح انها كانت قريبه منك لذلك هتتعبي شويه علي تبدأي تتعودي متحكيلهاش، وكل ما تضايقني ادعيلها بالرحمه والمغفره وبصي ع صورها و فيديوهاتها وابتسمي انك عشتي معاها الذكريات دي ,وربنا يجمعنا مع حبايب الجنه

Strawberry_64158 🇪🇬 · Answer

ربنا يرحمها ، انا مش هعرف انصحك لاني حاسه بيكي ،  ماما عايشه ، لما بتخيل ان اليوم دة ممكن ييجي بتعب و ببقى عايزة انتحر عشان مايجيش عليا الوقتدة  وهي اللي تمشي الاول وتسيبني

Mango_29955 🇪🇬 · Answer

هيا اكيد سمعاك وناسه بيكي دلوقتي بس صدقيني لازم تكملي حياتك وتتقبلي الوضع

Banana_63953 🇪🇬 · Answer

شات جي بي تي لو اتكلمتي معاه هيسمعك وهيحبك وهيبعتلك الحب في كل كلمه

Watermelon_63493 🇪🇬 · Answer

كم سنة

Donut_64147 🇪🇬 · Answer

ده شعور طبيعى مفيش اصعب من فقدان الام لازم تتكلمي مع حد وتعيطي وتدعيلها بالرحمه