وفاة الأب

Watermelon_64942 🇪🇬

منذ يومين

شعور عاطفي

مش بعرف اشرح اوي بس هحاول انا من يوم وفاة بابا من 7 سنين وانا حاسه اني عندي مشكله ما في تكوين العلاقات والمحافظة عليها يعني بحس ان لي ادخل علاقة اصلا وكده كده مسيرها الانتهاء يعني لو مكنش الفراق باختيارنا فهو هيجي غصب عننا كده كده حد هيخرج من حياة التاني الاول فلي اصلا اكون علاقات وده خلاني شبه معند

Orange_59014 🇪🇬

منذ أسبوع واحد

شعور محبط

موضوع:

احكولنا ازاي شخصيتك اتغيرت للاحسن او الاسوء

انا كنت نشيط جدا وذكي وعصبي ومبسبش حقي ورخم بس دمي خفيف و حقاني وملتزم دينيا و بالمبادئ والقيم والشرف مش عارف بعد ما ابويا مات وانا اتكسرت بمزاجي أو غصب والله ما اعرف بس انا اوسخ نسخه لشخص انا ممكن اكون اتخيلته في عقلي وانتقصته ومش عارف ارجع تاني كويس انا نطفيت خالص فصلت شحن

Blueberry_63218 🇪🇬

منذ أسبوع واحد

شعور مكسور القلب

موضوع:

اكتر ذكره مؤلمه حصلتلك وومقدرتش تتخطها؟

وفاة بابا مش هنسي شكل الدكتور والممرضين وهما بينزلوا رأسهم ماما وهي بتحاول تجيب دكتور تاني ضحكته وأنا بقوله كله هيبقي تمام وأنا بصلي عليه الناس وهي بتدفنه أنه مش هيكون معايا في تخرجي وفرحي

Tofu_19483 🇪🇬 يارب يرحمه يارب ويغفر له ويسكنه فسيح جناته ويصبر قلوبكم..ربنا يهونها عليكم والدنيا فانيه ربنا يرحمه وإن شاء الله ف الجنه تكونوا كلكوا سوا

عرض الكل 2 نصيحة

Potato_62519 🇪🇬

منذ أسبوعين

شعور مكسور القلب

مكنتش بفهم بابا ليه بيبعدنا عن كل اهله وبيتكلم عنهم وحش مع اني كنت شايفه انهم ناس كويسين اووي بس كل ده اتغير لما بابا اتوفي كل حد بان علي حقيقته بجد هما مكنوش بيحبونا هما كانوا بيخافوا من بابا بس مش اكتر

Potato_61692 🇪🇬

منذ 3 أسابيع

شعور عاطفي

انا مش عارفة اتخطى وفاة أبويا أبدا، أنا مريضة اكتئاب اكتشفت وطلبت المساعدة متأخر بعد وفاة امي من 7 سنين وبعد شوط كم العلاج بدأت اتوازن واشتغلت وحققت نجاح في مجالي (مجال فني) وبقيت مشهورة على نطاق كويس، كل دا اتهد تماما بعد وفاة أبويا من سنة ونص تقريبا انهارت نفسيا جدا ومش قادرة انتج حاجة جديدة وبشتغ

Apple_54263 🇪🇬 ربنا يعينك ع حياتك ويكون كل دا اختيار من ربنا وترجعي احسن م الاول وتعدي الفتره دي ع خير وانتي قويه وقدها صدقيني ❤️🙏🏻

عرض الكل 9 نصيحة

Corn_61463 🇪🇬

منذ 3 أسابيع

شعور مرتبك

Almond_55410 🇪🇬 انت بطل والله

عرض الكل 4 نصيحة

عبّر عن شعورك بشكل مجهول

بعد وفاة والدي في بداية ٢٠٢٤.. مريت بمشاكل كتيرة ما بين اهلي وطمعهم، وناس تانية أدعو ان ابويا خد فلوس وعايزين يخدو شقته مقابل ده، ده غير طبعاً متطلبات الحياة كشخص عندي أسرة وطفلتين، وطبعا مش محتاج اقول كمية الوجع الداخلي على فقدان ابويا خصوصاً اني مليش اخوات، شغلي freelance وللاسف حد كنت بشتغل معاه لظروف ربنا وحده اعلم بحقيقتها مكملش المشروع ذي ماكنا متفقين وبالتالي فلوس الشغلانة قليت جداً.
من فضل ربنا عليا إني قدرت أعدي كل ده.. المعارك كلها خلصت بانتصار وانتهت تماماً والحمد لله، خدت وقت طويل شوية بس طالع منها ليا مش عليا، وفديت ابويا،  واسرتي الحمد لله مستورة وتمام، وكمان بصل أرحم اهلي رغم ان نفوسهم شايلة وفيه نكش كده من بعيد.
 ومع بداية ٢٠٢٥ ونهاية الترم الدراسي الاول.. اكتشفت اني محتاج ارتاح شوية، وكأن هرس اللي فات كله طفح عليا مرة واحدة وبقيت مش قادر ولا عايز اعمل حاجة، وابتديت امر بظروف نفسية مش حلوة، الموضوع استمر معايا كام شهر على الحال ده وانا بحاول لكن فيه صعوبة داخية عندي، المهم عندي ان احاول اخلي الحياة هادية بدون مشاكل علشان بناتي الاتنين(١٢ سنةـ ٦سنين).
ومع نكش اهلي من حين لاخر، ظهرت صدمة كبيرة بالنسبة ليا وهي ان مراتي زهقت ومش عاجبها الحالة النفسية اللي انا فيها، وعلى حد قولها: كفاية طاقة سلبية انا نفسي ابقى براحتي بقى.. طول عمري سواء هي او بناتي لما بيكون متضايقين او مخنوقين مش بستحمل ده ولازم احل الموضوع علشان يبقوا كويسين.. شهرين طول الوقت مشاكل وقمص لاسباب مش حقيقية وتافه في بعض الاحيان، ومع الوقت اكتفشت الحقيقة انها اتخنقت من خنقتي على موت ابويا والمشاكل اللي حصلت بعد كده.
الظروف النفسية الصعبة اتحولت لإكتئاب، مراتي اللي هي المفروض تكون مخدتي وتساعدني ان اخرج من اللي انا فيه، انا بقيت مش من أولوياتها، ممكن اكون مهم لكن علشان انا مصدر تحقيق الطلبات ..هي مش بتشتغل،
عيالها واهلها وتيك توكها بقو اهم مني ..او هما اصلا من زمان اهم مني بس انا مكنتش واخد بالي تقريبا، وقرريت تسعد نفسها والهروب المستمر لبيت امها وانا اخر حاجة او كأني مش موجود، حتى لما بتعوز حاجة بتخلي بنتي اللي تطلبها مني.
معادن الناس بتبان وقت الشدة.. دي حقيقة فعلا، اوعى تفكر حتى تيجي على نفسك علشان حد، نفسك ليها حق عليك علشان ربنا مش علشان حد تاني، زي مانت بتعمل لعيالك ومراتك ولبيتك ولاهلك، اعمل لنفسك بردو واتبسط، علشان والله ما في حد وحاجة مضمونة في الزمن ده.
لما طول حياتك تفضل تدي وتجي على نفسك علشان غيرك.. ده اتحول لامر واقع لا رجوع فيه.
مش من حقك اصلا تزعل او تكتئب، كفاية سنة ما خلاص بقى.. محدش بيحس بالوجوع والألم غير لما يدوقه.
مش عارف ليه كتبت كل ده، ولا عارف انا عايز ايه من ده، بس قلت اجرب الابليكشن واهو بردو اديني فضفضت لعلى غيري يستفيد.
اكتر حاجة مبسوط منها في كل اللي حصل ده، اني قربت من ربنا اكتر، فالحمد لله على ده، الحمد لله على كل حال، الحمد لله ان ربنا نور بصيرتي لحاجة انا ممكن اكون ماكنتش شايفها، الحمد لله على اللي فات وعلى اللي جاي أينا كان ايه.
لله الامر من قبل ومن بعد، وإنا الى الله لراغبون

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Kiwi_58601 🇪🇬

منذ شهر واحد

شعور مكسور القلب

عبّر عن شعورك بشكل مجهول

بابا متوفي من 7 سنين واكتر وانا لحد دلوقتي مش عارفه اتخطي اني مش هشوفه تاني للاسف وبمشي ابص للناس اقول دا شبه بابا 
انا كنت اقرب واحده ف اخواتي ليه خصوصاً الفترة الأخيرة وانا عندي اختي اكبر مني بس مش بكتير المفروض تكون صاحبتي بس لاء انا عمري حقيقي م حسيت انها صاحبتي ولا يتحاول تقربلي وانا تعايشت عادي لاني حاولت كتير اقربلها هيا كانت بتطردني من اوضتها وتزعقلي بصوت عالي وتقولي غوري حقيقي عدي علي الكلام دا اكتر من 10 سنين عمري م نسيت كلمه من اللي كانت بتقولها 
وماما نفس اختي للاسف مش صاحبتي وحاولوا يقربولي بعد بابا م اتوفي لاني كنت نفسيا مش الطف حاجة بس انا معرفتش والله لان المسافة بعيدة فوق م تتخيلوا بجد
وحقيقي انا وماما مش متوافقين ابدا اقرب حاجة ف العيد رحت اصلي العيد تقولي رايحه ليه م انتي من زمان مرحتيش روحي متتاخريش للعلم الجامع قدام بيتنا بالظبط
وقولتلها هروح مع صحابي اخرج انا معنديش غير هما اتنين صحابي ومش اوي كمان قالتلي لا مش هتروحي ورفضت والنهاردة نزلت معاها تكشف و تشتري حاجات للبيت وانا رحت معاها هيا ماشيه قدامي وانا ماشيه وراها وكل شوية اقولها هاتي ايدك تقولي تعالي تمسك ف ايدي شوية وتسيبها تاني والله طول الطريق واحنا ماشيين واحنا مروحين نفس الكلام وتقف تشتري متقوليش انا هقف هنا ولا هجيب كذا لا ولا كأني ماشية معاها والله العظيم انا كنت هعيط ف الشارع وماشية انا وراها وشايله الحاجات اللي اشتريتها كلها والاكياس تقيبة وقلتلها يالا نركب تكتوك نروح بقا انا عندي شغل الساعه 7 لحد 12 بالليل قالتلي لاء مش هنركب مشي مش مستاهلة انا حقيقي كنت مش قادرة امشي 
قولتلها انا معايا العيدية هشتري بيها بجامه للبيت البسها قالتلي لا اشتريها و شيليها و احرجتني قدام البنت ف المحل الفلوس معايا علي فودافون كاش بقولها حاسبي انتي واما اروح هديكي الفلوس قالتلي لا حاسبي انتي انتي كدابه ومش هتحاسبيني انا حقيقي بقيت واقفه ف نص هدومي وكنت عاوزة اسيبها وامشي بس قلت عيب احنا قدام الناس
معلش بس دا اخر موقف النهاردة 
 انا عاوزة حد يطبطب عليا عشان انا فاضلي تكه وهموت نفسي والله 😭😭😭💔💔

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Banana_56640 🇪🇬

منذ شهر واحد

شعور محبط

عايزه رأيكم في شغله انا وحده حساسه وممكن أعيط بسهوله يعني وأتأثر بكل بساطه يعني إذا صرخت علي بزعل منك وممكن ما أسامحك وعندي تفكير مفرط لدرجه كبيره في فتره كذا عدت عليا كنت مخنوقه وتعبانه لدرجة رحت فيها لدكتور نفسي وأهلي يعني بصراحه كانوا مايعرفوا بموضوع الدكتور النفسي بس كانوا يعرفوا إني تعبانه ومح

Pistachio_56152 🇪🇬 الواحد لما يكون حساس بيفهم اوقات حجات غلط مبتكونش مقصوده بالمعني الي فهمه

عرض الكل 5 نصيحة

Coffee_58158 🇪🇬

منذ شهر واحد

شعور مكتئب

موضوع:

قادر تكمل حياتك بعد وفاة شخص قريب منك

لا خالص كل حاجه اتغيرت كل حاجه حرفيا بعد ما بابا توفي الله يرحمه من4 سنين ، لسه مش قادره اتخطي وعلطول بفكر فيه وادعيلو وافتكر كلامه ، كل الي حواليا من عيلته اتغيروا وكله. بان علي حقيقته ، البيت اتغير بقا هادي وكله مشاكل ، كلنا مش عارفين نكون زي الاول ، كان نفسي يشوفني وانا داخله الكليه

Croissant_56695 🇪🇬

منذ شهر واحد

شعور عاطفي

موضوع:

قادر تكمل حياتك بعد وفاة شخص قريب منك

والدى اتوفى فى ٢٠١٤قعدت حوالى سنه قافله على نفسى مش مستوعبه الفكرة و كنت يوميا بنام واحلم ان كل دا حلم وهصحى الاقى بابا موجود عادى ..مكونتش متخيله ان ممكن افقد حد قريب منى اووى كده و فى لحظه ميكونش موجود.. بس يمكن وفاته علمنى ازاى استغنى وان ربنا بما يبعد عنى حد قلبى متعلق بيه مزعلش و متوجعش .. اصل

Marshmallow_56042 🇪🇬 عارفه أنه صعب عليكي بس لازم تحاولي تعايشي مع الواقع لازم تسعديه بأنه يشوفك واقفه وناجحه هو والدك اكيد مش هيعجبه حالك كده لازم تكوني قويه وتنجحي في اي مجال بتحبيه اكيد كان حلمه يشوفك احسن واحده في الدنيا ربنا يرحمه ويصبرك يارب

عرض الكل 7 نصيحة

Pear_54544 🇪🇬

منذ شهر واحد

شعور مستنزف

موضوع:

ايه اكتر حاجه وجعتك ؟

يوم ١٥ / ١ / ٢٠٢٠ اتحبست ظلم في قضيه كبيره وفضلت التحقيقات شغاله وانا محبوس وفي الاخر اخدت براءه وطلعت يوم ١٧ / ٢ / ٢٠٢١ وبعدها باقل من اسبوعين يوم ٢٨ / ٢ / ٢٠٢١ ابويا مات 😔💔 كان يا حبيبي عنده كانسر والمرض اكل جسمه واتشعب من الكبد للعضم وكان طول ما هو صاحي بيتوجع مات وحسه اختفى من الدنيا وضهري ا

Grape_55100 🇪🇬 لانقول الا ما يرضي الله طبعا انا لله وانا اليه راجعون اكسد المرحله دي صعبه عليك بس حاول اما تفتكروا افتكرو بالدعاء والاعمال الكويسه ومتنساش نفسك وده الاهم علي الاقلل عشان تفرحوا في نومته اوعي تسيب نفسك لليأس والاحباط صدقني هتبقي نهايتهم ياريتني كنت عملت ودي هتوجع اكتر

عرض الكل 5 نصيحة

Ice Cream_53774 🇪🇬

منذ شهر واحد

شعور مستنزف

انصحوني اعمل ايه احساس اني ابويا ميت من كام شهر مأثر فيا مكنتش متخيله ان عدم وجوده هيأثر فيا بالشكل دا اول حاجه بتبقي صعبه اويً كان دايما جنبي ف كل اوقاتي و كان بيذاكرلي مكنش بيزعلني ابدا كان علطول يضحكني و يفرفشني لما يشوفني مضايقه من غير ما يزهق مني كلن يزعل مني كل فين و فين و كنا نتصالح بالهزار

Apple_53516 🇪🇬

منذ شهر واحد

شعور محبط

عبّر عن شعورك بشكل مجهول

انا ابويا توفي من 3 سنين 
وهوا مش ابويا 
هوا ابويا وصحبي وحبيبي واخويا وكل حاجه ليا في الدنيا 
كان الأمان والضهر والسند 
انا ولد علي بنات 
لما كنت صغير مكنتش بعرف اعمل صاحب مكنش ليا صحاب 
هوا كان صحبي 
فاكر لما كنا بنلعب كورة انا وهوا ونخرج ونتفسح سوا 
.. 
مش عارف ازاي كان عصبي وشديد جدا وفي نفس الوقت اطيب واجمل قلب 
اكتر واحد كان نفسه اكون احسن واحد في الدنيا 
مش ناسي نصايح ليا
مش ناسي لما كان بيقولي يابني انا مش هعيش ليك العمر كله 
وفعلا 
الشخص العظيم اللي كنت بخاف منو وبخاف عليه 
الشخص اللي طول عمره كان شيلني علي كتفه 
بقيت في لحظة شايلة في خشبة علي كتفي 
ابويا كان مريض 
وبيدخل المستشفى كتير 
وكنت كل مرا اقول هيخف ويبقا احسن من الاول 
كان صابر جدا علي مرضه 
وكان راجل راضي 
وديما يقول الحمدلله 
وكل مرا كان بيتعب فيها كان بلحقه واجري علي المستشفى وكانت بتعدي علي خير 
الا المره دي 
المره الوحيده اللي معرفتش اعمل ايه فيها 
واقف وسط 3 دكاتره وممرضين ومش عارف اعمله حاجه 
الدكتور بعمله انعاش والتاني بيزعق والثالث بيخرجني برا الاوضه 
وانا مش عارف اعمل ايه 
وتوفي أبي 
توفي قدامي عيني 
توفي ومقدرتش اعمله حاجة 
امر الله نفذ 
وفي لحظة شايل ابويا بدخله تلاجه 
بكلم مبيردش عليا 
ابويا اللي كان بيحميني وانا عيل صغير 
بغسله ب ايدي 
وبلبسه كفنه
وشايله علي كتفي زي ما كان بيشلني علي كتفه 
بس هوا كان بيلعبني 
وانا كنت رايح ادفنه 
وشلته ب ايدي نزلته لقبره 
نزلته وانا عارف اني مش هشيله تاني 
وحضنته اخر حضن في حياتي 
وانا حاضنة كنت عارف اني خلاص هتحرم من الضحن دا طول عمري 
الحضن اللي كنت لما بخاف بجري اترمي فيه 
الحضن اللي لما اتعب من الدنيا اروحله 
وخلاص راح ابويا وسبني 
وسابلي امي واخواتي البنات 
سابلي  المسؤليه 
وسابلي السيره الحلوه 
سابلي حب الناس 
وسيبني

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.