موضوع:

تخطيت وفاة شخص عزيز عليك ازاي ؟وهل دا غير فيك حاجه ولا لا؟

وفاة بابا لا متخطتش ٤سنين ونص بلبا مات صغير فجاة بكورونا محدش فينا بخير حاسه ان حيطان البيت حزينة مهما كنت بختلف مع بابا بس هو كان نور البيت صوته وضحكه كان مالى البيت ..كان بيحب الحلويات الى بعملها اوي ماما لما بناكل اكله بابا بيحبها بتقعد تعيط محدش فينا تخطى وجع فراق بابا بس هو اكيد في مكان احسن كتير لانه كان جميل.. اتغيرت حاجات كتير طبعا بقيت اقوى بقيت انا راجل البيت مع اني بنت بقيت بعمل كل حاجة بدل بابا بقيت سند لماما وانا وهي مونسين بعض بخاف بس لما بتتعب بروح بالليل اشوفها بتتنفس ولالا بقيت مستوعبه فكرة الموت مش مستوعبة فكرة موت بابا لكن مستوعبة فكرة الموت هي بالنسبالي بقت ارحم فكرة عشان هنقابل بابا تاني ربنا يس يكتبلنا الجنة برحمته..

2

1