نرجسية

Cherry_56217 🇪🇬

منذ يوم واحد

شعور منزعج

Popcorn_78015 🇪🇬 موضوع انك تهربي دي فكره شيطانيه و لو خرجتي بره الدنيا مش امان و ده افضل وقت تقربي فيه من ربنا اكتر وصلي القيام و ادعيلهم ربنا يصلح حالهم وصدقيني ناس كانو زيك و مشاكلهم اتحلت عادي بس صلي و اصبري وادعي

عرض الكل 19 نصيحة

عبّر عن شعورك بشكل مجهول

مساء الخير 
فالبداية انا بنت عندي 19 سنه، للاسف عيلتي بتعاملني بشكل صعب جدا لاني الكبيرة عكس اخواتي الاصغر مني 
دايما عايزين نجاح وبيدورو اني اكون انسانه كامله باي شكل ما عدا انهم يساعدوني فحاجه او يدفعولي فلوس 
يعني ببساطه من زمان وانا مينفعش انزل دروس غير مراجعات حتى ثانوية عامة ومطلوب مني اكون الاولى وبرغم ان كل المدرسين بيشكرو فذكائي الا اني ديما طالبه متوسطه بنجح عالحركرك رغم اني الiq بتاعي اعلى من اغلب الاوائل وهما فيهم بخل صعب جدا يعني والدي ميسور الحال جدا ومحدش يعرف فلوسه فين يعني بيصرف عالبيت ومصاريفنا كلها ربع مرتبه وطبعا بيطلع الجنيه بالذل هو شخص نرجسي جدا وعنده حب غريب انه يذل اللي قدامه وده طلعنا كلنا مهشمين نفسيا بشكل صعب والاكتر انا لاني طول عمري ممنوعه انزل اخرج مع صحابي او اعمل اي حاجه عكسهم هما مسموحلهم عادي 
اتفرض عليا الحجاب فسن قبل سن البلوغ بكتير وقبله كنت بلبس لبس اكبر من سني وديما ببان كبيره بسبب لبسي 
حاليا انا فالجامعه وباخد فلوس المواصلات بالعافيه ولما طلبت اشتغل رفضو وقالولي احنا مبندفعش قليل فالجامعه رغم اني حكومي انتي بفلوس تعليمك دي المفروض تكوني خدامه عندنا واوقات تانيه يقولي اهتمي بمذاكرتك رغم اني جايبه جيد جدا مرتفع بمذاكره اسبوع قبل الامتحان لغاية ما اخر مره قالو احنا مبنثقش فيكي عشان تنزلي واني مؤتمنش على شرفي (كل ده عشان شافوني مره فجروب في ولاد وبنات  ) رغم ان بابا بيزني مع ستات واتقفش اكتر من مره ومرة اتصور مع واحده ودفع 100 الف عشان الفيديو ميتنشرش وماما تعرف رجاله وبتتصورلهم وتخرج معاهم 
انا حاسه بنقص شديد نفسيا ونقص وسط صحابي من قلة اللبس والحاجات اللي عندي وفنفس الوقت مش راضي انزل اشتغل 
فكرت اهرب من البيت واقعد مع واحده صحبتي ماجرة سكن وانزل اشتغل بس خايفه منهم عشان ممكن يجولي الجامعه او ياذوني

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Croissant_52708 🇪🇬

منذ 3 أيام

شعور متعب

عبّر عن شعورك بشكل مجهول

أنا كرهت الحب والعلاقات، مش بس بسبب خيبة الأمل العادية، لكن بسبب الخيانة والاستغلال اللي حسيت بيه من ناس قريبين مني. زميلتي في الشغل، اللي كنت أحسبها صديقة، استغلت ضعفي وحاولت تقلل من صلاحياتي وتسيطر على حياتي العملية، وكأنها كانت بتستمتع بمكاني الصغير قدام الناس والمديرين. كل يوم كنت أحس إنها بتحاول تحطني في موقف ضعف، وتستمتع بتقليل قيمتي، وكأن كل جهدي ومجهودي مش مهم. شعور بالخذلان والغدر كان مسيطر عليّ، وحسّيت إني وحيد حتى وسط الناس اللي كنت باعتبرهم قريبين مني.

بس رغم كل ده، هي كانت أكتر بنت حبيتها في حياتي. حاولت أفتح قلبي وأديها كل مشاعري بصدق، وكل لحظة فيها كنت أحس بالأمان والدفء، لكن حتى المحاولة دي فشلت، وخلتني أحس بالفشل والخسارة، كأن كل جهدي ومشاعري راحت هدر. كل تجربة، كل لحظة من الثقة اللي منحتها، كانت بتتقابل بالإحباط والاستغلال، وده خلاني أكون حذر جدًا، لكن حتى الحذر ما كانش كفاية.

اللي حصلي خلاني أفقد الثقة في الحب وفي الناس، حسيت إن كل الناس ممكن يكونوا نرجسيين أو مهتمين بمصالحهم بس، وإن مشاعري دايمًا معرضة للخطر. قلبي تعب من المحاولات اللي باءت بالفشل، وعقلي مش قادر يفهم ليه كل ما حاولت أدي، كل ما خسرّت أكتر. كرهت الحب مش عشان مش قادر أقدره، لكن عشان كل اللي شفته كان بعيد جدًا عن الاحترام أو التقدير أو الصدق، رغم إني حبيتها أكتر من أي حد في حياتي.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_77970 🇪🇬

منذ 4 أيام

شعور متعب

عست مع زوجة نرجسية اكثر من عشرون عاما و للاسف حيا كثيرة الخلافات و كنت انا من يبدأء بالصلح باى شروط و كنت احبها كثيرا و لكن حبها للمال الكثير جعلها تضغط علي و تمنع نفسها عنى فكنت الجأ للاباحية و كنت الوم نفسي دائمامع انها تتمادى فى افعالها و طولة لسانها ومنعى من العلاقة الحميمية و كذلك تحريض اولادى

Kiwi_77426 🇪🇬

منذ أسبوع واحد

شعور مستنزف

يعني أهلي يحرموني من احتياجاتي العاطفية، وأعيش ٣٣ سنة متعقدة بسببهم وأرفض الارتباط وأكتشف مصيبة إنهم نرجسيين. ويوم ما أقرر أتعافى، أكتشف إن جروح الطفولة خلتتني غصب عني بدي إشارات بتطفش الأسوياء وبالعافية بتجذب بعض النرجسيين. وأتعاقب طبعا بإني مش عارفة أدخل في علاقات على حاجة أنا مليش ذنب فيها. ويوم

Coffee_73142 🇪🇬 ربنا يعوضك عن كل الايام الوحشة اللي عشتيها يا أختي متفقديش الأمل البلاء كدا كدا حاصل فبدل ما تبقي مبتلية وساخطة خليكي مبتلية وراضية وانا متأكد انك هتتعوضي باذن الله عن كل حاجة ان مكانش في الدنيا هيبقي في الجنة وكل خسارة دون الجنة فهي دون اصبري واحتسبي

عرض الكل 3 نصيحة

Marshmallow_62755 🇪🇬

منذ أسبوع واحد

شعور آسف

حاسة انه بقيت شبه الناس اللي حواليا بعد ما كنت مختلفة واختلافي كان كفيل يشد اي حد ، كنت بقول انا عمري ما هعمل زي ده ودي واجرح حد وكنت مبسوطة بدور الشمعه التي تح'ترق من اجل الاخرين وبقول معلش يمكن الاقي اللي يعملي كده ، مرة واحدة لقيتني بتغير وبقا عندي كمية نرجسية وحب نفس لدرجة ان الموضوع وصل ب اني ب

Pineapple_60236 🇪🇬

منذ أسبوع واحد

شعور ضائع

أحتاج أن أتحدث كثيرا بالفصحى، كأنني لا أريد أن يفهمني إلا فئة معينة من الناس، أو لا أريد أن يفهني أحد. أشعر في الفصحى بنشوة لا تضاهيها نشوة النوم أو الجماع.. أختار أن أفكر هكذا وأشعر بالشفقة تجاه من يفكرون بطريقة أخرى.. أعلم أنه لا ثمة صواب وخطأ، وأعلم أن الناس يفكرون كما يفكر الوعي الجمعي، وأنهم

عبّر عن شعورك بشكل مجهول

أحتاج أن أتحدث كثيرا بالفصحى، كأنني لا أريد أن يفهمني إلا فئة معينة من الناس، أو لا أريد أن يفهني أحد.

أشعر في الفصحى بنشوة لا تضاهيها نشوة النوم أو الجماع..

أختار أن أفكر هكذا وأشعر بالشفقة تجاه من يفكرون بطريقة أخرى..

أعلم أنه لا ثمة صواب وخطأ، وأعلم أن الناس يفكرون كما يفكر الوعي الجمعي، وأنهم ضحايا لأشياء لا يدركون كنهها..

أعرف ولكن لعنة الوعي تطاردني، ولا ينفك التفكير يعود، الشعور بالاختلاف لعنة، والشعور بالوحدة لعنة أكبر..

إنها لعنة لا يدركها إلا من خبرها، ولا تتيح لمن خبرها أن يعبر عنها، ربما لهذا وجدت الموسيقى أو وجدتني..

لا أعرف لماذا أكتب هذا أو أسمح لهذا الصوت الآن بالخروج،ولكن من قال إننا يجب أن نعرف دائما لماذا نفعل ما نفعل..

رغبة في الاستسلام ربما تقودنا نحو المطلق

أحتاج ما يحتاجه الجميع ولكن ليس بالطريقة التي ينال بها الجميع..

شعور بالتميز،، أو الاختلاف، يطلقون عليه حديثا "نرجسية" نسبة لنرسيس الذي رأى وجهه في الماء ففتن ثم كانت نهايته..

ما المشكلة في أن يفتتن المرء بنفسه؟
أليس أفضل ممن يفتتن بالأشياء المنفصلة عنه ؟
ألا يحق لمن أنفق ساعات وأياما من رصيده أن يتباهى قليلا على من لم يفعل؟؟

إذا اتسعت اللهجة العامية إلى سطر كهذا الذي سأستعيره الآن "يا خلق تكره كل شي جميل"
فلماذا لا تتسع لما أريد قوله؟

في المعنى الذي التقطه الشاعر حينما انسكب كوب الشراب من يده على الأرض فقال:
 
شربنا شرابا طيبا عند طيب
كذاك شراب الطيبين يطيب

شربنا وألقينا إلى الأرض فضلة
وللأرض من كأس الكرام نصيب

هكذا بهذه البساطة وبهذه الدهشة

لا يريد أن يكون مبهرا لأنه مبهر، ولا يريد أن يتكلف لأنه بسيط

ربما هي طبيعة الطاووس إذن!
ربما...

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Tofu_70825 🇪🇬

منذ أسبوعين

شعور آسف

أنا بنت عندي ٢١ سنه تمام عندي امي نرجسيه وقاسيه اقسم بالله تعبت منها وجبت أخري منها وكل يوم بحلم باليوم اللي اطفش منها فيه والمشكله أنه جتلي فرصه بس قلبي موجوع منها قدامي عريس ٤٠ سنه عرفته من الفيس بسبب شغل هو معاه فلوس وجاهز يشتري الشقه والعفش في نفس اليوم ونتجوز بس الفكره أنه عايزه واحده تبقي أم ل

Guava_49832 🇪🇬

منذ أسبوعين

شعور مرتبك

Chilli_73846 🇪🇬 مش عارفه بس عشان صحتك النفسيه حطي نفسك نفس مكان امك وتصوري أنها عندها ضغط أو شئ اكيد بيخليها تعمل ده وناقشيها وفكري أن هي ف النهايه بس بتحبكو حتي لو تصرفها ليثبت العكس احيانا يعني ممكن اديكي حنيه مفرطه ؟ وبعدها تزعق ؟ لان ف النهايه بعض الأمهات مش بيقدرو يغيروا نظره الماضي بتاعهم أنهم اتربو ع حاجه ف لازم يعملوها بعد كده مع أن وحده وحده الدنيا بتأخير شخصيتك غير شخصيتي وكلو بيفرق ومفيش نقاش ف ده انتي

عرض الكل 14 نصيحة

عبّر عن شعورك بشكل مجهول

السلام عليكم 
صباح الخير ...
من شوية سمعت ڤيديو فهمنى شوية لخبطة كانت فى دماغى 
بقالى فترة بحاول اعرف صفات الام النرجسية واشوف بيتعاملوا معاها ازااى وكل ما ادور بحتار اكتر ، فى صفات بلاقيها فى امى وصفات لأ 
لحد ما سمعت الفيديو دة وفهمت ان امى استحالة تكون ام نرجسية .... تمام هى بتسبب اذى كبير لكن نش نرجسية ولا ينفع اتعامل معاها بالشكل دة 
اللى فهمته ان النرجسية بتاذى بهدف الاذى بتكون قااصدة ، يعنى لما هتفرق بين ولادها بيكون هدفها تكسر حد فيهم وتسيطر عليه ... وانا امى مش كدة 
بنسبة كبيرة عندها اضطراب الشخصية الحدية ...بتنفعل بسرعة تزعق تضرب ، مزاجها بيتقلب ، ساعات كتير بحسهاا بتحاول تشكلنا للصورة اللى هى شايفاها صح حتى لو مش مناسبة لينا ، بتحاول تثبت سيطرتها كتيير 
لكن بردو هى عمرها ما هتكون عايزة تاذينا ..بس اناا مش ملاك يا جماعة الموضوع فعلاا صعب 
تخيلوا تكونوا عايشين مع حد طول الوقت بيزعق ويضرب ويهين ، حد بيحاول يثبتلكم ان مفيش راي ولا كلمة غير ليه حتى لو الموضوع يخصكم انتو ، سواء اكل شرب نوم دراسة حتى الزعل او  الفرح بامر
ساعات بحس ان حتى نظرتهاا للاحتواء مختلفة كتيير ، مش فاكرة انهاا حضنتنى قبل كدة من نفسهاا خاالص ،لكن فى المقابل كتيير تطلب منى انا احضنها  
الفكرة ان من رابع المستحيلات انى اقدر اخلى امى تروح لدكتور اولا لان لا الوضع المادى يسمح بدة ولا انا عندى الجراة اتكلم فى الموضوع اصلا 
حااولت من الناحية التانية انى ابعتلهاا ڤيديوهات اكتر عن التربية ،اتكلم معاها بشكل مباشر والنتيجة يا انها بتقفل النقاش او بترفض تسمع اصلا 
كانها بتنكر حتى محاولة تتغير فيها

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Jackfruit_71403 🇪🇬

منذ 3 أسابيع

شعور مرهق

جماعه اذاى اعرف ان الشخص دا نرجسى؟وهل النرجسى دا ممكن يحب بجد؟ ولا فعلا مبيحبش غير نفسه؟ ومش بيتغير علشان حد؟ وبعدين حد مره بتجربه ذى دى؟ للللفغاالىىتنثن٣نث٢نن٢نثن٢ن٢ن٢ن٢نن٢ننثنصتستيايةؤةؤااؤاؤتؤيتتيتييتوييوويوؤوؤةؤؤةؤةةؤؤةيةيةيةيويةيةيةصتصتصتصتصتستسوسوسوءوءةءةءوءةءةءوؤةؤةةؤةؤةؤةؤةؤةؤةؤةة ة ةررةرةرة

Apple_73294 🇪🇬

منذ 3 أسابيع

شعور متعب

معلش يا جماعه بتتعاملو ازاي مع الام النرجسيه الي مش شايفه ان من حق عيالها يزعلو او يتضايقو او يبينو مشاعرهم و دايما همها الناس و بصه الناس و بتعاير عيالها بمشاكلهم و لو شافت حد من عيالها زعلان تتخانق معاه و تقله انت مش فاتح بيت او عندك عيال و كلام من ده عشان تزعل و كمان لو شافت حد مبسوط بتتخانق معاه

Almond_56393 🇪🇬

منذ 4 أسابيع

شعور لا مبالٍ

هل الناس فعلًا بتشوف الشخص النرجسي Attractive ؟؟ انا مش قادر أوصل لإجابة.. أنا نفسي نرجسي، وبحب ده فيا، بس في نفس الوقت بقرف من أي حد نرجسي غيري ومش بعرف أتعامل معاه. سعات بحس إن الناس بتحب اني نرجسي بس في نفس الوقت انا عمري ما حبيت حد نرجسي ف عاوز اعرف النرجسية دي صفة محبوبة ولا لا؟؟

Chilli_33643 🇪🇬

منذ شهر واحد

شعور مرتبك

مشكلة النرجسية عندي بقت علية جدا والموضوع مش مصايقني خالص بالعكس بقيت احبو اكتر وتقريباً داخل في سكة اني مبقيش ليا عزيز الي عاوز يمشي يمشي مش هزعل علي حد المهم انا كويس شايف نفسي فوق الكل ديما ودي هي المشكلة مش بتأثر بحاجه علاقات كل ده ملوش لازمه الي فرقاي هوا أنا فين وهعمل اي هل دا كويس ولا لا ونصي

Watermelon_76011 🇪🇬

منذ شهر واحد

شعور مذنب

مرتبطة بشخص غير ناضج عاطفيًا ومعرفش يقرر ولا يختار ودايما شايف أنني بحب احط نفسي في دور الضحية مع أنني بكون معملتش حاجه والله بس دايمًا لو في مشكلة او مفيش يقعد يقولي انت السبب انت الغلطان تتحملي عواقب أفعالك وحاسه فيه حتت نرجسية مش عارفه اتعامل معاه.. اتصرف ازاي !

Mushroom_71160 🇪🇬 سيبيه

عرض الكل 6 نصيحة

Almond_56393 🇪🇬

منذ شهر واحد

شعور ضائع

رحت لثيرابست، قالتلي إني نرجسي.. بس في نفس الوقت عندي انعدام ثقة في نفسي. إزاي الاتنين يجتمعوا في نفس الشخص؟ إزاي أبين برا إني شايف نفسي فوق، وجوايا مش قادر أبص في المراية من كتر ما أنا مهزوز؟ حاسس إني عايش بين صورتين عكس بعض.. ولا عارف أنا مين فيهم.

Popcorn_75858 🇪🇬

منذ شهر واحد

شعور مكسور القلب

موضوع:

اتخدعت ف حد قبل كدة؟

عبّر عن شعورك بشكل مجهول

عشرة سنين كتير كيان واحد كل تفصيلة كبيرة وصغيرة بجد فعلا روح واحدة ف جسدين وبعد سنين كتير قالت نبقي أصدقاء واكتشفت ان اللي حبتها كانت عندها اعراض من الشخصية النرجسية هيا حد طبيعي وحد يفتح قلبك للتعامل معاه لكن محدش يقبل صداقة بعد حب ابدا لكن لما عرفت انها عندها صفات دى بعدت لوحدها بس ب تفاصيل كتير وسنين عشرة ودخلت في علاقات كتير بعد كدا . .. الفكرة انى اكتشفت ان عندى مرض التعلق النفسي ودا كان أمر صعب جدا للي فاهم يعني ايه تعلق مرضي وباخد سيشن حتي الآن عشان اتعافي من التجربة دى .... نصيحتي لكل حد بيقرأ التفاصيل بتاعتي ... حب بس ما تتعلقش عشان بما تيجي تمشي لأى سبب ما تتوجعش عشان الأثر النفسي محدش هيحس بيه غيرك .... انا تعبت جدا وخسيت ٢٠ كيلوا من الحزن  وسبت شغلي واكتأبت كل دا من الخذلان وانى كنت بعتبر الانسانة دى ضهر وسند ... معلومة صغيرة انها حبت بعدى وعرفتني علي اللي بتحبه  ويشاء ربنا اللي تحبه يسيبها بعد شهور ومش عاوزها ... عاوز اقول لحضراتكوا حافظوا علي مشاعركوا لأن ليها مخزون وهيفضي طول ما انت معطاء مع الناس اللي مش بتقدرك ولا العلاقة متبادل فيها الحب والإهتمام بنفس الدرجة خد بعضك وامشي وخليك مع الناس اللي تعرف قيمتك والاستحقاق اللي يليق بيك وبيكي. بعتذر عن الاطالة... اتمني ولو فرد واحد بس يستفيد وميكررش نفس التجربة لأن فاتورتها بتتدفع من صحتك وعمرك ... قدر نفسك للي يستحقها 🌸🙏.

Mushroom_77767 🇪🇬

الوحدة بشعة ومش عارفة أعدي الأيام

الجو حلو اوي و كنت نفسي الاقي حد يخرج معايا نتمشى شوية و نتكلم ف اي حاجة ملهاش لازمةو ناكل سوشي بس مفيش احساس الوحدة بشع بشع يعني ومش عارفة اعدي ايامي ازاي الواحد حاسس الدنيا بتضيق عليه اوي .. مش عارفة اعمل اصحاب ولا علاقات عدلة ...عرض المزيد

1 الدعم

27 نصيحة

Waffle_57478 🇪🇬

مش كويسه وحاسه بخنقه ومش عارفه الحل

انا عندي 25 سنة انا مش عارفه احكي مالي بس بجد حاسه اني مش كويسه ومش عارفه فين المشكله ومش عارفه ايه الحل حاسه بخنقه رهيبه ومش بعرف احكي مع حد بخاف اتكلم مع صحابي يزهقو مني ومش بحكي مع اهلي لأن امي بتزود عليا الضغط اكتر وأسلوبها مش بيعجبني ومن وقت كبير وانا مقررة جوايا مش هحكيلها حاجه لأنها مش بتحافظ علي السر وكدا وومكن تذكرة وقت الخناق أن وبقيت اسرتي مش بفهم ني ومش عارفين بدوني الحلول الصح او مش فاهمني مش عارفه انا من كتر ما بتضيق بيا بحس اني هنط من الشباك فعلا بس بخاف اني ممكن اتشل ومموتش وتبقي الحياة اصعب انا بشغل نفسي وبحاول أسعدها بالعافيه ومش عارفه بحس بلحظات سعاده خفيفه احيانا اه بس جوايا فراغ كدا صعب اوي حد قبل كدا سألني اي اللي لو حقدصل هتبقي فرحانه اوي بجد معرفتش ارد عليه لاني مش فاهمه نفسي ولا عارفه هي عايزة ايه او ايه اللي بجد يسعدني اوقات من كتير الخنقه بحس بشعور غثيان مش عارفه ليه حاسه اني كتمت جوايا كتير لحد ما بقي جوايا جبل .. اهلي رافضين اروح لدكتور نفسي عالشان مينفعش اقعد مع راجل لوحدي بس انا بجد مش كويسه ومعرفش دكاترة نفسيين ستات كويسين انا مش عارفه حاسه تشتت وتايه جدا .... ...عرض المزيد

3 الدعم

25 نصيحة

Pineapple_73178 🇪🇬

حاسس بحاجة مش طبيعية.. أروح ولا مروحش؟

في حاجة كدا عايز اسمع رأيكم فيها من يومين كنت بمتحن في حاجة معينة وبعدين قعدت جنبي واحدة ساعدتني هي ست متجوزة والتعامل كله ذوق وإحترام وانا بعد الامتحان مخلص ساعدتها وشكرتها وكنوع من الذوق الزيادة جبتلها عصير شكرتني والموقف انتهي بعد الامتحان بيومين تلاتة لقيتها بتكلمني بتقولي جوزي كان عايز يشكرك وهو كمان شغال في نفس مجال شغلك فعلا كلمني شكرني وقعدنا ندردش عن الشغل شوية وعزمني علي الغدا في مكان هو بيخرج فيه وهيبقي معاه زوجته وأولاده ..حاسس بحاجة مش طبيعية ترتيب الأحداث مش منطقي اروح ولا مروحش واعتذر منه ...عرض المزيد

1 الدعم

19 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع