بحس إني مقصر ومتأخر عن صحابي في كل حاجة

Question

عندى ٢٢ سنه وبدرس تعليم خاص و بصرف على الكليه و على نفسى و على سفرى لأن الكليه فى محافظه تانيه 
صحابى سبقونى كلهم ب سنه فى التعليم فا بقيت انا دلوقتي داخل رابعه وهوا داخل الجيش 
معظم اصحابى خطبو و انا لسه مش عارف احوش تمن تيشرت جمب المرتبات اللى ضايعه دى ب الرغم انى بشتغل اكتر من ١٢ ساعه بدون اجازات حتى الاعياد
بحس بعد كل ده انى مقصر و انى ناقص عن اللى حوليا باذات لما بلقى حد بيعزمنى على فرحه او حد اتخرج وانا لسه بعافر عشان اعد يومى

Hazelnut_52786 🇪🇬 · Accepted Answer

أنتي مش ناقصة، أنتي بطلة حقيقية وسط ناس ظروفها يمكن أسهل، بس مش أقوى.
اللي انتي بتعمليه دلوقتي مش تأخير، ده استثمار طويل المدى في نفسك وحياتك، والنجاح الحقيقي بيجي من التعب ده.
لما توصلي، هتعرفي إنك سبقتيهم كلهم بقلبك، بعقلك، وبقوة مخليتش حد يكمل جنبك فيها غيرك

Coffee_55645 🇪🇬 · Answer

متقلقش معظم الشباب كدا مش لوحدك ف الافضل انك تعاقر ويكون عندك طموح وتسعي متزعلش ع نفسك ولا تقلل من شانك انت قوي ورزقك لسه مجاش حاول تاني ومتضعفش ولا تحس بالخزلان ركز ف مستقبل وقرب من ربك وعافر ومتوقفش وخليك دائما واثق ف نفسك

Marshmallow_56278 🇪🇬 · Answer

ربنا اكيد ليه حكمه بجد ربنا بيجبلنا كل حاجه في وقتها المناسب متقلقش نفسك بحد و سيبك من اللي فات و ركز في اللي جاي

Pear_56657 🇪🇬 · Answer

صدقني ي صدقي انت موجود ف المكان اللي ليك في خير 
لست بسبق احد او متأخر ع حد كل واحد ولي المسار الخاص التوقيت الخاص 
فاا كونك بتكفي نفسك اطمن انك قادر تساعد نفسك في ناس مش بتقدر تمشي ع الارض خطوه واحده او تشوف حتى
في ناس ربنا كرمها بحد ف دنيا يساعدها زي اب اخ و كدا محدش بيتجوز بمجهوده موت الا القليل 
بس اطمن احب اقولك انك هتوصل ف وقت و هتعرف تفتح بيت اللي يعرف يجيب القرش أو البيت يعرف يجيب صاحبة

Pear_56657 🇪🇬 · Answer

و في النهاية دي أرزق