مشاوير عشوائية

Mango_11276 🇶🇦

منذ 5 أشهر

شعور مرتبك

عبّر عن شعورك بشكل مجهول

أنا محتارة بصراحة أعيد جدولة يومي ولا لا
بقالي فترة ملتزمة بجدول معين وثابت بس حاسة اني عايزه اغيروا ومتوترة مش عارفة ليه، أنا يومي بيبدأ ٦ الصبح، بس بفكر ارجعه زي زمان ٥:٢٠ الفجر. أنا زمان كنت بصحى بدري اصلي  واروح اتمشى ساعة تقريباً وارجع اخد الشاور وافطر واخرج، دلوقتي بقيت يادوبك بصحى والحق اصلي قبل الشروق واخد شاور وافطر واخرج وبعدين لما ارجع من الشغل بروح الجيم وارجع اشوف اشغالي، وأنا أساساً الفترة دي قاعدة فعزلة وتقريباً مش بتواصل مع حد وحاذفة وسائل التواصل لغاية ما اوصل للهدف اللي في دماغي، بس المشكلة انه في حاجات مش ماشية زي ما كنت رسماها فدماغي، مع اني عاملة كل حاجة صح ١٠٠٪؜، أنا عارفة كلامي يمكن ما يبقاش مفهوم للبعض، بس المهم يعني. مش عارفة حاسة اني مش هقدر اخد كفايتي من النوم، خصوصاً انه احياناً ماما بتطلب مني مشاوير في مواعيد نومي وبتزعل لما اقولها تعبانة او عايزه انام، فده كمان بيعك الدنيا وهي مش هتتفهم الموضوع أكيد لأنه سبحان الله بيفتكروا كل المشاوير في نص الليل، فمخي اساساً عمال يقولي طول ما انتي في البيت ده مش هتنجزي حاجة. أنا في كلام كتير في دماغي مش مترتب وعايزه اقوله، يمكن عشان بقالي كتير ما رغيتش، بس بجد أنا محتاجة اضبط اليوم بطريقة احشر فيها مشاوير ماما العشوائية مش لاقية طريقة، اهاجر طيب؟
المشكلة ماما كمان لما بتضايق بتقعد تقولي كلام محبط يكرهني فأم الخطة اللي بعملها بس بحاول اعمل طرشة، مع اني عمري ما اتناقشت معاها ولا قليت ادبي الحمدلله، حتى لما بتشتمني بقعد ساكتة، بس الفترة اللي قلت اشتغل فيها على نفسي فجأة بقت تحاول تتخانق معايا بكل الطرق، فاهمين حاجة؟ اللي هوا تعبانة؟ يارب طول العمر تعبانة، وبتقعد تدعي وسيناريو طويل بقى بعدها. مش عارفة بصراحة انا راكنة ده كله على جنب وبحاول اركز على اللي بعمله بصراحة ومش فارقلي كتير، بس تقريباً هوا قاعد بيفرق وانا مش واخدة بالي. مش بحب اتكلم عن ماما بصراحة عشان بخاف حد ياخد عنها فكرة غلط او يشوفها ام مش كويسه، مع انها كويسه والله، بس مش عارفة بصراحة أنا أساساً مش فاهمة نفسي أنا كمان، فما علينا. المشكلة كلها مش بس في ماما، المشكلة انه النتيجة قاعدة بتاخد وقت أكتر من ما كنت متوقعة، مع اني عارفة نفسي كويس وعارفة اني ممكن اوصل للي في دماغي في الفترة اللي أنا حاطاها، بس مش فاهمة حاجة بصراحة وسايبها على الله، المهم الحمدلله على كل حال أكيد خيرة، كده كده الخيرة فيما أختارهُ الله.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Lemon_73243 🇪🇬

نفسى اتخلص من الفقر.. المرتب متأخر والأقساط متراكمه

تانى مره بكتب بوست هنا وبقول مقولة لو كان الفقر رجلا لقتلته حقيقى نفسى اتخلص منه... النهارده بيتنا مفيش فيه فلوس ولا التلاجه فيها اكل ودا لان الشهر دا الشركه محولتش المرتب لسه فغالبا حاسه انى البنت الوحيده اللى لو مشتغلتش مش هتلاقي تاكل مع ان المفروض مسؤله من اب وأخ بس هنقول ايه بقى حقيقى انا ع أخرى بجد وبدأ يتراكم عليا أقساط كمان... وعندى خطوبة واحده صاحبتى مش عارفه اروحها بسبب الفلوس بقول لو كنت قبضت كنت اتصرفت وناويه بعد كده ابقى اعمل حسابي ف المرتب للمستقبل بس فعليا الفتره اللى فاتت كانت صعبه عليا وكانت ماشيه بالعافيه الشهر بشهره...حقيقى اتخنقت وحقيقى حاسه الدنيا دى دار ابتلاء ومفيش فيها عدل نهائى... وحتى انا لواحدى دايما مفيش أصدقاء ولا حد جنبي ...عرض المزيد

0 الدعم

0 نصيحة

Sugar_68009 🇪🇬

مش عارفة ارجع ألتزم بالصلاة وربنا زعلان مني

السلام عليكم انا عندي مشكله في اني مش عارفه ارجع التزم بصلاة زي الاول مع اني الحمد لله طول عمري بصلي ولو انتكست برجع تاني وبحاول زي اي مسلم بيحصل فتور وبيرجع وزمان مكنتش على قدر كبير من التزام ف لبسي او كده بس طول عمري بحاول لحد ما أخدت خطوه الخمار وكنت واخده عهد على نقسي ان مش هسيب فرض وكنت بقرأ ورد كل يوم الاذكار بتاعتي صلاه فجر وقيام بس بقالى فتره مش عارفه ارجع تاني لنفس الحاجات الي بعملها ساعات اتوضى وماصليش ولو صليت مش بكمل اليوم بكسل فمش عارفه ده من ايه ومضيقه من نفسي جداً وحاسه ان ربنا زعلان مني ...عرض المزيد

0 الدعم

1 نصيحة

Pineapple_51881 🇪🇬

مش عارف مين انا ولا بحب مين ولا مين بيحبني

هحكيلكم حكاية انا مش عارف انا مين ولا عارف انا بحب مين ولا عارف انا مين بيحبني ولا عارف مين بيودي على فين ... عملت غلطات كتير كلمت بنات كتير واقولك الكبيره كلمت ستات متجوزه ومطلقه وكلمت ناس مخطوبه بس والله هما كانوا بيكلموني هما كمان يعني بنت ةعرفها من قبل الخطوبه اتخطبت ولسه بتكلمني وبتبعتلي بس انا معرفش انا اي انا مبقتش عارف نفسي بجد ...عرض المزيد

0 الدعم

2 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع