مشاكل مع الأم

Chocolate_74052 🇪🇬

منذ يوم واحد

شعور مكسور القلب

انا مشكلتي بق مع ماما بحس انه دايما مش فاهمين بعض بقيت ساعات كتير اخاف اتكلم معاها بسبب انها دايما بتاخد كلامي بطريقه غلط وبتكربه علي مزاجها هيا درجه التواصل بينا صفر وكل ما تتحسن ترجع اسوء من الاول تاني مش عارفه الغلط فعلا عندي ولا عندها بس انا تعبت من كتر الخناقات والجدال الي مش بيخلص

Apple_74141 🇪🇬 افصلي بين نيتك ورد فعلها انتي غالبآ نيتك كويسه لكن مامتك بتسمع كلامك بطريقة مختلفة من زاوية خبرتها او مخاوفها ده مش معناه إنك غلط ولا إن هي غلط أحيانآ مجرد اختلاف في لغة التعبير

عرض الكل 8 نصيحة

French Fries_32968 🇪🇬

منذ 4 أيام

شعور مكسور القلب

بقيت بشد قدام امي كتير وانا مش عايزه صوتي يعلي او اي حاجه من دي عشان دي امي بس بتتضط عليا ومش بقدر امسك نفسي وبقت تشوفني وحشه وقليله الادب بحسها بجد بتتلككلي علي اي حاجه بتقولي لو اي حصل وحد صوته علا انتي متعليش صوتك بتحسسني اني عبيد عندهم ديما ببقي ساكته وبعدي واكتم لدرجه انها كانت تقعد تدعي عل

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Donut_50330 🇮🇹

منذ أسبوع واحد

شعور عاطفي

عبّر عن شعورك بشكل مجهول

انا دايما لما بفتح البرنامج ده بيكون يا اما وانا مضايقة او متعصبة ونادرا جدا وانا فرحانة بجد انا تعبت خلاص انا مش وحشة للدرجة دي حتى طبعي مش وحش والله هو صحيح مفيش بني ادم كامل بس انا بحاول اكون كويسة من كام يوم نزلت شغل كنت بساعد فيه ناس في مجالي لانهم كلموني وطلبوا مساعدتي وفي الاخر اخدت فلوس على الشغل قلت اشتري حاجة كنت نفسي فيها من زمان بما اني معايا المبلغ وبالفعل جبت ابل بقالي يومين نفسي اوريها لماما وفي نفس الوقت قلقة من رد فعلها النهاردة قلتلها وهي فضلت تقول لي ليه ماخدتش رايها وانه مش شيء اساسي وقالت كلام كتير قلت لها يعني كنتي تفضلي ما اورهوش لك انا اصلا كنت هجيبه علشان عايزاه هي فضلت تقول ان في حاجات كتير ما باخدش رايها فيها ولما قلت لها تقول لي امثلة قالت مش فاكرة وبعدين قالت حتى الهدوم احنا اللي بنجبها قلت لها هو ده الطبيعي اصلا ومن هنا حصل انهيار انا فعلا وصلت لاخر طاقتي مش بعرف اتكلم معاها وحاسة فيه مسافة بينا وبخاف من رد فعلها وده بيخليني افكر الف مرة قبل ما اوريها او اقول لها حاجة والمشكلة انها عارفة اني بكتم جوايا وبسكت وده بيخليني اتعصب اكتر وكمان هي عارفة اني بفكر كتير قوي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_71264 🇪🇬

منذ أسبوعين

شعور غاضب جدًا

امي اوقات كتير بتعمل مواقف بتحرجني و المشكلة انها مش بتحاول تقتنع و بتبقا شايفها انها صح و عادي و دايما بحس انها مش بتسمع. اخر موقف حارقلي دمي اوي كنا ففرح و هي عاوزاني اشوف بنت واحده قريبيتها ، قامت مقوماني وراها علي اساس رايحين نودي النقطه و راحت وقفت جنب مجموعة بنات عشان اشوفها، المشكلة ان كلهم خ

Avocado_70890 🇪🇬

منذ أسبوعين

شعور متعب

أول مرة اتكلم وأقول حاجة زي دي بس أنا تعبت من والدتي كل شوية مشاكل معاها والمشكله اني فعلا مبقتش بحبها أو بمعني مبقتش اطيقها بسبب الكلام اللي بتقوله لي وأنا أكتر حاجه بكرها ان حد يتعامل معايا بطريقة مش حلوة لان أنا مش بتعامل كدا مع حد ف مش بحب الطريقه التعامل مع ايا كان مين الحد دا تقلل مني مثلا او

Chocolate_64293 🇪🇬

منذ شهر واحد

شعور متعب

انا شيلت مادتين في الجامعه وماما كل لما تشوفني بذاكر تيجي وتحبط فيا وتدعي عليا واي حاجه تربطها بمذاكرتي يعني مثلا لو في حاجه معملتها كويس سهوا في البيت تقولي اهو زي مذاكرتك وقابليني لو نفعتي وفي حاجه اخواتي عملوها وجات تسالني عنها و قالتلي قولي علشان م ادعيش عليكي و انا مش عارفه اعمل ايه

Watermelon_64418 🇪🇬 حاولي تسمعيها فديوهات لشيوخ كأنو بيتكلموا عن النقطه دي مع المذيعه دعاء فاروق وغيرها بس بطريقه غير مباشرة واللين في الكلام معاها ممكن يجيب نتيجه وممكن تدخلي والدك أو حد هيا بتكبرله وتحترمه بحيث متضغطش عليكي

عرض الكل 5 نصيحة

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

French Fries_62992 🇪🇬

منذ شهر واحد

شعور مكسور القلب

انا بقالي فترة مضايق من امي ان هي بطنشي و بتتجاهلني و بتفضل تأجل طلباتي و احيانا من كتر الضغط بطلع كل اللي جوايا و بتقولي انا قصرت معاك في ايه و انا مابعرف ارد في الغالب و لما ارد عليها بتزعل مني مع اني معملتش حاجه ممكن حد يساعدني لاني مضغوط ماديا و نفسيا و كل حاجه تقريبا حتى اصحابي حاسس اني مش محبو

Avocado_61444 🇪🇬

منذ شهر واحد

شعور محبط

موضوع:

ايه اكتر شعور حسيت بيه ولايمكن تنساه أو تنسى الموقف؟

فى يوم كنت بذاكر فلاقيت الشيطان ماسكنى وعمال يقلب عليا مواقف وليه معملتيش كذا وليه عملتى كذا ودخلنى فى دوامة الندم فامى دخلت عليا وسالتنى مالك فأنا مردتش لانى مشحونة بطاقة كره لنفسى رهيبة جت تطبطب عليا وياريتها مجت جنبى فزقيتها غصب عنى لانى مش طايقة اى حاجة ساعتها وكنت عمالة بعيط كتير وانا مبحبش حد

Banana_35773 🇪🇬 النصيحة الجامعة: قربي من ربنا

عرض الكل 5 نصيحة

Blueberry_57442 🇪🇬

منذ شهرين

شعور محبط

Pistachio_56152 🇪🇬 هي اسلوبها وحش فانتي بتردي باسلوب وحش فهي ترد باسلوب وحش وانتي تردي عليها تاني باسلوب وحش وكل واحده مستنيه التانيه تتغير ولا انتي عجبك اسلوبها ولا هي عاجبها اسلوبك ... فكرتي تروحي تتعاملي معاها وتحضنيها وتغيري اسلوبك معاها؟

عرض الكل 25 نصيحة

عبّر عن شعورك بشكل مجهول

مساء الخير 
ملحوظه قبل ما ابدأ انا بنت عندي 16 سنه و اسفه اني طولت عليكوا بس اتمنى تكملوا للآخر و تنصحوني ♥ 
انا عندي مشكله مع امي انها مش بتحترمني قدام حد خالص و مش بهزار يعني ممكن يكون ضيوف عندنا و يطلبوا مايه تقولي قومي يا كلبه هاتي مايه و بتضربني من غير سبب و دايما متخانقين بسبب طريقتها دي و تجيب اللوم عليا و تقولي طريقتك في الكلام وحشه بصراحه انا غصب عني من طريقتها بتضايق و ممكن اكلمها بأسلوب مش كويس لكن مش بغلط فيها بس و الله اسلوبي معاها دا بسبب انها بتدور على اي حاجه تعمل معايا مشكله بيها و لو عدى علينا اسبوع مش متخانقين تخلق مشكله و بتضربني قدام مرات اخويا و انا دلوقتي بتحرج ابص في وشها و الله من اللي امي بتعمله و ساعات بحس انها مش بتحبني و انا بابايا مسافر السعوديه بس هي كل ما تكلمه تقوله بنتك عملت كذا و كذا و هي ساعات بتجود من عندها و بتزود كلام علشان يزعقلي 
بابا معاملته كويسه معايا و بيزعق لماما انها بتضربني قدام مراتات اعمامي و قدام الناس و كدا يعني انا كبرت و مينفعش كدا قدام الناس بس بابا بردو ساعات بيصدقها و بيزعقلي من غير ما يسمعني انا و الله بحاوا اقرب منها و ارجع مثلا من برا احكيلها يومي في الدروس و كدا و بتسمعني و بعدها تتخانق و تزعق على اتفه حاجه انا حاسه ان ثقتي في نفسي قليله جدا و حاسه اني قليله و مش كفايه و الناس كلها مش بتحبني و معنديش صحاب و حتى لما اتصاحبت على بنتين كانت بتضربني بردو قدامهم و هما كمان حسوا اني قليله و بعدوا 
حد ينصحني اعمل ايه و اعاملها ازاي علشان تقرب مني و تبطل تضربني علشان بجد بتكسف منها قدام الناس و بحسهم بيشمتوا فيا  
هي مفكره انها لما تضربني كدا اسلوبي هيتحسن معاها و متعرفش انه بيجيب مفعول عكسي معايا و بدأت اكرهها و احس انها مبتحبنيش 
انصحوني اعمل ايه ونبي علشان تعبت و الله

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Biscuit_30697 🇪🇬

منذ شهرين

شعور متعب

انا من صغري مش بحب امي بسب بعض المشاكل وي التصرفات الي بتحصل منها وي لحد دلوقتي بتعملها وي علي طول مش فاهمين بعض وي كال ام نتكلم مع بعض يحصل خناقه عمري ما حبيت أنها نقرب من أو أني استريح ليها وي بسببها معنديش ثاقه في نفسي ولا بقيت اقدر اثق في الناس وي ديمن لما كانت احول اني اقرب منها أو نتبقا متفاه

Mango_15760 🇪🇬

منذ 3 أشهر

شعور ضائع

عبّر عن شعورك بشكل مجهول

محتاجه احكى وحد ينصحنى بجد عندى مشاكل كتير اوى مع امى بينا سد كل واحد فينا حط طوبه لحدلما بثا صعب نعديه الحكايه بدأت من طفولتى لما كانت بتقارنى بلكلب الى ماشى ف الشارع اى حاجه بقدمها بتبقا ناقصه ووحشه حتى شكلى كرهتوا بسببها قعدت فتره مش ببص ف المرايه من قرفى من شكلى بسبب تنتقادها لشكلى وهزارها هى واخواتها على شكلى عمرها ما نصفتنى حتى دموعى كانت بتتريق عليهم لحد لما اقسمت ما هيطلعوا قدامها حاولت انتحر كذا مره وانا لسا طفله معدتش العشر سنين مكنش ليا صحاب معدومه الشخصيه حتى ف شغلى كانوا بيستغلونى ومقدرش اتكلم لحد لما اكتشفت انها عاى علاقه بحد تانى غير ابويا كنت بدعى ساعات انوا يكلمها عشان مزاجها يروق وتبطل زعيق فينا كبرت قبل سنى وسكوتى زاد والدوشه جوايا عليت كبرت وانا بشحت الحب والاهتمام من اى حد وكنت مقرره هعيش لوحدى ومش هتجوز بس ربنا اراد يحط قدامى حد يصلح كل حاجه باظت واتهدمت جوايا بس طبعا هى رفضت هى عايزه حد تتفشخر بيه وهو عندوا الى يتفشخر بيه بس مش بيحب كداا بتتدخل ف كل حاجه لما بييجى بتبقا مضايقه لو شافتنا بنتكلم ومشاكل من انتى بتكلميه اهو اشمعنا هو وكل شويه حورات واد اي انا مأفوره وكدا برخص نفسى وازاى يقولك متلبسيش بناطيل وانا مش حابه شغل بعد الجواز لان تجربتى معاها مش افضل حاجه كانت مهملانا ف سبيل شغلها فا مش حابه شغل هى لا ةزااى ما فلانه بتشتغل وفلانه وحورااات على اي حااجه حرفياا وكل كلمه تحسبن علياا وتقولى متفتكريش حياتك معاه هتبقا حلوه ولا هو نجاه لا ابداا ديه هتبقا سواد على الى بتعمليه فيا اناااا مش بعمل حاااجههه اهاا انا ممكن اكون مقصره ف البيت وبصحى متأخر بس مش للدرجادى انا اصلااا خايفه من الجواز ليه تتنبئيلى بكداا وعايزانى اتكلم معاه وكداا ما كنت بشاركك بس انتى استغليتى داا وبتفسرى كل حاجه على مزاجك ومتنبأه علاقتى هتبقا زى علاقتها لانها انفصلت هى ووالدى اعمل اي بجد انا تعبتت حرفيا وكل شويه حسبنا ودعا عليا بحاجات تخلى الواحد عايز يقطع نفسوا من بشاعه الدعاء وتقولى انها مش راضيه عليا طب ما انا كمان مش راضيه انا كمان اتأذيت سنين بسببككك مش عارفه اتخطى ولا عارفه اسامحك مش عاااارفهه محتاجه حد بجد يقولى اعمل اي انا تعبت والله والافكار الموت بترجعلى تانى  حاسه هييجى عليا وقت وهعملها الى منعنى ان فيه حاجه ف الدنيا بحبها ومش عايزه اسبها

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Avocado_47529 🇪🇬

منذ 7 أشهر

شعور مكسور القلب

عبّر عن شعورك بشكل مجهول

ليه الامهات اوقات قلبهم بيكون قاسي علينا عكس اخواتنا ليه امي لما اختي تغلط معايا واتدايق تغلط فيا ليه ليه لإن اختي هزرت معايا هزار تقيل وانا متدايقه امي تقولي لو حد تاني كنتي بتضحكي واقولها حد مين تقولي اسألي نفسك ليه تقولي كدا طب هي ليه شيفاني كدا وبدال اصلا امي شيفاني كدا الغريب هيشوفني ازاي ليه لما افضفض مع اختي عن الحاجه اللي مزعلاني تروح تحكيها لإمي مع اني لما كنت بعمل العكس مكنتش بتسكتلي ليه امي عشان اخواتي مش فالحين في التعليم والكبيره كان في دماغها الجواز والصغير اللي في اعدادي مش عاوز يتعلم اصلا هما اللي بيترجوه يتعلم مع اني لما طلبت منهم اكمل تعليمي وادخل الكليه رفضوا واديني قاعده بعد كل التعب اللي تعبته السنه اللي فاتت والمرمطه والبهدله في الدروس وعمري م جيتلهم عامله مشكله سواء مدرسه او درس وديما المدرسين بيقولوا امي شاطره ليه بعد دا كله اقعد في البيت وزمايلي اللي حتى الكلام مش بيعرفوا يكتبوه صح بيكملوا ليه انا يتملوا معايا كدا مع اني عمري م طلبت منهم اي حاجه زي اخواتي م بيعملوا سواء هدوم او او فلوس او غيرهم بجد انا تعبت من معاملتهم كلهم وزهقت لو كان بإيدي اختار اني مكونش من العيله دي مكنتش هبق منهم ابدا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Biscuit_50227 🇪🇬

منذ 8 أشهر

شعور مستنزف

متفهمه فكرة أن محدش هيحبنا قد اهالينا وتقريبا مش بتكلم هنا غير عن الموضوع دا بس حقيقي كل ما ببقي كويسة برجع لنفس النقطة واني مش لاقية حل بحاول اخلي ماما قريبة مني واحكيلها وتسمعني بس مفيش اي تفاهم بينا كل اهتماماتها بالدراسة والدرجات بس ولما بتحس أن نفسيتي تعبانه بحس انها بتقلق وتحاول تخليني كويسة ع

Cherry_16774 🇪🇬 متنتظريش منها حاجة، للاسف ده الحل الوحيد لما يكون الاب او الام مش مقدمين الاهتمام والتعاطف والامان اللي المفروض يكون المصدر الوحيد ليه لينا يكون هما،احيانًا بتكون طيبة احيانًا بتضحك معايا وبتحبني بس لازم ده يكون مشروط بحاجة،ده مش صحي ومش طبيعي ومش طبيعي انك تنتظري ده يتغير ،هي جارحة ومؤلمة اوي اوي اوي بس هي تحديات واتحطينا فيها لسبب او حكمة منعرفهاش بس محتاجة حد قوي عشان يتغلب عليها او حتى يحاول

عرض الكل 22 نصيحة

Apple_62376 🇪🇬

محتاج حد يقف معايا أوصل لأحلامي البسيطه

محتاج حد يقف معايا في رحله بسيطه اوصل لاحلام بحبها يمكن اقرب ناس ليا سابوني بس ده كان قدر ربنا والحمد لله ولكن مش شرط تلاقي المساعده من القريب او تلاقي حد بيحبك او يقف معاك في الاوقات الصعبه عادي ممكن يكون حد ما تكونش تعرفه تلاقي منه حاجات ما شفتهاش من الاقرب منك فاتمنى احلامي بسيطه ولكن الظروف صعبه ...عرض المزيد

0 الدعم

2 نصيحة

Chilli_65835 🇪🇬

ليه الفضفضة مهمة؟ مش ضعف، ده قوة!

ليه الفضفضة مهمة؟ مش بس عشان تريح دماغك، الفضفضة بتعمل حاجات كتير أهم. لما بتتكلم مع حد بتثق فيه، سواء كان صاحبك المقرب، أو حتى أختك الكبيرة، بتحس إنك مش لوحدك. وده بيخفف الضغط النفسي اللي كلنا بنمر بيه. العلاقات الصحية أساسية في حياتنا، سواء مع أصحابنا الشباب أو البنات. العلاقات دي مش بس خروجات وضحك، دي مساحة أمان نقدر نكون فيها على طبيعتنا من غير ما نحس إننا لازم نمثل. المشاركة بتخلينا أقوى. لما بتسمع لغيرك وتشاركه اهتماماته وأفكاره، بتتعلم منه وبتشوف الحياة من زوايا تانية. وده بيبني صداقات حقيقية وعلاقات مبنية على الاحترام المتبادل. خليك صريح وافتح قلبك. الفضفضة مش ضعف، بالعكس، هي قوة. قوة إنك تواجه مشاعرك وتتعامل معاها. مش لازم تكون سوبر مان أو سوبر وومان طول الوقت، عادي نكون تعبانين أو متلخبطين. الأهم إننا نلاقي حد يشاركنا المشاعر دي ونعدي المرحلة دي مع بعض. في الآخر، العلاقات القوية هي اللي بتسندنا. ...عرض المزيد

2 الدعم

1 نصيحة

Apple_72583 🇪🇬

بدور على بنت الحلال وبتتعب؟ انت بادئ غلط!

هي اي بدور ع بنت الحلال وحاولت كذا مره لكن متوفقتش؟؟ انتوا مستوعبين اللي بتقولوه او بتفكروا فيه طبيعي م هوظبط معاك انت بادئ غلط اصلا الدين بيقولك روح خبط ع بيتها واخطبها واتعرف عليها اي خطوه قبل كدا عمرها ما هتظبط معاك ولو ظبطت هيفضل ذنب شايله انت وهي وممكن تشك فيها بعد الزواج انها سمحت لنفسها ترتبط بيك قبل حلال ربنا يجماعه فوقوا بقاا انا م فاهمه ازاى معظم الناس او يكاد يكونوا اغلبهم تفكيرهم بقاا غلط وخارج اطار الدين الاسلامي انتوا ازاى بقيتوا كدا هي تجربه ولا لعبه انت بتتكلم ف بنت يعني ف عفه وكرامه وام اولاد وبتتكلم ف حاجه غاليه انت هتقعد تجرب اقسم بالله اللي بيعمل كدا بيتعب تعب شديد انا متأكده وبتدين يقول انا تعبان مطبيعي تتعب انت ترضي لامك ولا بنتك ولا اختك حد يجرب تنفع زوجه ولا لا اتقوا الله بقييي وفوقواااا انتوا نسلمين عزوا دينكم وارفعوا منو وحافظوا ع اخواتك البنات ف الاسلام خافوا عليهم زي ما بتخافوا ع اخواتكم ف البيت ...عرض المزيد

1 الدعم

3 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع