مشاكل زواج

Strawberry_78022 🇪🇬

منذ 4 أيام

شعور مرهق

عبّر عن شعورك بشكل مجهول

انا متجوزه من 17سنه وفرق السن 5سنين بس من ايام الخطوبه واحنا الكلام قليل مافيش اي تفاهم واتجوزنا ونفس النمط انا كنت بتخانق عشان يقعد معايا في اول الجواز كان بحكم شغله كان بيرجع من شغله بعد 15يوم كان بيقول عايز اغير جو واشوف ناس تحكي في أي حاجه عشان اطلع من مود الشغل وانا متجوزه بعيده عن أهلي ماكنتش بلاقي حد عشان اطلع الي جوايا ومن النوع الي مش بعرف اعبر عن مشاعري وهو مش مدي اي وقت ليا اني افضفض معاه وبالوقت خلاص اخدت علي بعده متهياقلي انه ابعد حد اما ممكن احكيله عن الي مضايقني وهو من النوع الي في الخلتف لازم تطلع انت الي غلطان المهم الغلط عندك اي فعل بتعمليه لازم يتريق عليه دخلت البيت لو لاقي نور منور يقول مين الي منور دا واي حاجه في غير مكانها مين الي عمل كده زي المشرف الاجتماعي يدخل يعمل بحث وتحقيق مين عمل ومين سوا دا بقي الواحد بيكره دخلته وفي اواخر التيام كمان شغله سابه وبيشتغل شغل حر وشويه شغال وكتير الحال واقف بس فيه فلوس يغني مش خنقاه قله الفلوس ولا حاجه وفي اواخر الايام حصل لبنت اخوه مشكله صحيه وكانت مطلوب ان عيالي يتبرعو ليها وانا خوفت وقولت لا ياه حصل مشكله كبييره بينا  بس بعد كده انا اخت العيال ورحنا نعمل الفحوصات الي قبل التبرع وكده لوحدي خوفت علي البنت وقابي وجعني عليها قولت حرام ورحت لوحدي وكنت خلاص زاثقه انه مافيش رجوع بينا بس انا رتيحه عشان خاطر ربنا والبنت بس وحصل انه راح لمرات اخوه وبيكلمها وبتقوله يابني ليه بتعمل مشكله قالها انه طلقني بس هو مطلقش بس عشان يطلع نفسه انه هو عايز بساعد اخوه وانه مش معترض علي تبرع عياله وكده وان انا الي مش عايزه عشان ميزعلش اخوه بس بعد كده انا صالحته ورجعنا بس انا جوايا كسره نفس كبيره من ناحيته وازي هو يبقبل انه يهني كده قدام الغريبه دي حتي لو مرات اخوه بس انا الي اقرب انا مراته وطبعا مرات اخوه ماتتوصاش كل ما يتفتح الموضوع دا تقولي اصل ساعت ما اتطلقتي لما اتطلقتي وتكتر في الكلمه دي وانا لو انكرت هايبقي بكدب طبعا وخلاص دلوقتي حته وهو قاعد مش حابه المكان ممكن يعدي يوم بحاله ما يتكلمش معايا فيه غير مثلا عايز اكل في حاجه العيال فين بس طول اليوم وانا مابقتش حابه اقعد في المكان الي هو فيه ولا اتكلم وحاسه يخنقه اول ما اشوفه ومش عارفه انا لما حصلت المشكله بينا عيالي اتاثرو جامد وحستهم هايموتو لو انفصلت عن ابوهم عشان كده رجعتلهم بس دلوقتي أنا حاسه اني بموت بالبطئ انا معنديش هنا اخ او اخت او ام افضفض معاها صاحبه حتي اشتكيلها افرغ الي جوايا مش عارفه اعمل ايه لو انفصلت العيال هايضيعو في ولد داخل ثانوية عامه والبنت اعداديه هايدمرو لو انفصلت مش عارفه اعمل ايه ولو قعدت اكتر من كده هاموت

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_77590 🇪🇬

منذ أسبوع واحد

شعور محبط

عبّر عن شعورك بشكل مجهول

انا متجوزة وجوزي كان شخص كويس جداوكانت حنيته بتبان في تصرفاته وانا حد عنده مرض مزمن عندي مشكله في قلبي من صغري وهو كان دايما يقولي معنديش اي مشكله في تعبك وعمري ما هسيبك علشان انتي تعبانه في الفترة الاخيرة من رمضان تقريباً كان في خلافات بينا كتير ومن كتر الخلافات اللي كانت بينا وبحسه بيتلكك علي حاجات تافهه خالص المهم جالي جلطه اوي يوم العيد وفضلت فترة علي ما عرفت إنها جلطه فبقت اختي تقضي طلباته وبتبات معايا لاني معايا طفل المهم فضلت شهر تقريباً علي الوضع ده فجيه هو قالي روحي عند ولدتك شوية ريحي نفسيتك وبالفعل روحت والدكتور قالي متعرفيش تخليكي عند مامتك فترة وقعدت فعلاً لحد قبل العيد الكبير ب٣ أيام طول المدة دي مجليش غير ٣ مرات وانا عند ماما اول مرة كانت تقريباً عشر دقايق علشان عدي عليا وهو مروح من الشغل والمرتين التانين انا كنت بتحايل عليه يجيلي ولنا اقوه انت مش بتجيلي ليه يقولي هجيلك تعملي بيا إيه من غضبي وزهقي وخصوصاً إن لا أمه ولا أخته سأله عني ولا كلموني وهو جيه أما جالي قالي كلميهم انتي وشرا لخاطره فعلاً كلمتهم وبردو محدش كلمني ولا جالي روحت قعدت بعد روحت شهر مبنزلش نهائي ولا حد قالي إنتي فين ولا كإني عايشه معاهم في بيت واحد وهو كان عارف انا زعلانه ازاي بعد ما روحت من الشهر ده بقيت بتحايل عليه يقعد معايا علي طول يا قاعد علي الاليفون ياما بره مفيش وقت ليا الا بمزاجه لو جيه اتاخر بره وقولتله انت اتاخرت ليه يقولي براحتي وملكيش دعوة وطول ما انتي بتطلبي مني إني متأخرش كده هتأخر واعمل كل اللي كيفي الهم بعد الشهر اللي روحته ده كانت نفسيتي باظت امني لا بنزل من البيت ولا حد بيطلع ولا كده فقولت اروح اقعد عند ماما اسبوع اغير جو في نفس الاسبوع كانت اخته قاعده فيه عندنا في البيت روحت لقيته مقلوب عليا وبيعاملني أسوء معامله وعلي نفس التجاهل ده وهو كان تعبان وعنده دور برد فكنت حرفياً خايفه عليه موث من السخنية صاحيه طول الليل ليسخن وينزل تحت اخد الاكل وانزلهةبه تحت عند مامته فقعد علي كده اسبوع وباجي علي نفسي وعلي رجلي وبنزل السلم مرتين وقولت مش مشكله فداه اي حاجه المهم جيت في اخر الاسبوع اتكلمت معاه أنه يقعد معايا وكده ثار عليا وزعل وراح سايب المكان اللي كنا قاعدين فيه ونزل واحنا شدين المهم كلمت اختي اني تعبانه وكده وتكلمه علي اني طلبت منها المساعده وانا مطلبتش انا بس عيزاها هي تكلمه مش انا كلع فضل يزعق وفضل يقولي قومي اقفي طب سبني لنفسي مش عارفه اقف يقولي لا هتقفي وهتقفي حالا المهم وقفت معاه علشان كان صوته علي راح دخلني علي الحنام وهو داخل معايا علي الحمام قام قايلي انا هربيكي من الاول وجديد

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_76429 🇪🇬

منذ شهر واحد

شعور متعب

انا متجوز لكن مش سعيد مع زوجتي حاسس إني في وضع مش قادر أكمله ولا قادر انفصل لاني في بيبي لأنها مش فهماني ولا بتقدرني عايز اتجوز بصراحة تاني بس بدون علمها علشان ابني لما يكبر ميبقاش تايه بسبب اني فيه مشاكل بيني وبينها قولولي اعمل ايه

Mango_76183 🇪🇬

منذ شهر واحد

شعور عاطفي

متزوجه فى بيت عيله واسوء حاجه عملتها فى حياتى ومشاكلى مع زوجى لاتنتهى بسبب أهله وبسبب تجاهله ليا ولى احتياجاتى النفسية والعاطفيه وتعبت من كتر للكلام معاه ومفيش نتيجه ووصلت انى طالبه الطلاق

Lemon_66502 🇪🇬 خطوات عملية قبل التفكير في الطلاق 1. جلوس هادئ مع نفسك اكتبي مشاعرك واحتياجاتك بوضوح (إيه اللي ناقصك؟ إيه اللي مضايقك؟). رتبي الأولويات: هل مشكلتك أكبرها مع الزوج نفسه ولا مع العيشة في بيت العيلة؟ 2. جلسة مصارحة مع زوجك اختاري وقت يكون فيه هادي. اتكلمي بلغة "أنا" مش "إنت" (مثلاً: أنا محتاجة اهتمام أكتر بدل إنت مهملني). حطي أمثلة واضحة بدون عصبية. 3. اقتراح حلول عملية مثل: قضاء وقت خاص

عرض الكل 11 نصيحة

Tofu_73508 🇪🇬

منذ شهر واحد

شعور مرهق

انا فعلا محتاجه لكل نصيحه هتتقالي فضلا محدش يطنش مشكلتي لاني في حيرة وممكن اللي فعلا يعرف تجربه شبه تجربتي يحكيلي عنها دلوقتي انا وشخص بنحب بعض و متأكده من حبه ليا ١٠٠٪؜ و هو شخص مسؤل و راجل و بيساعد اهله في مصاريف البيت و عارف قيمة القرش كويس لحد هنا تمام المشكله في ايه بقى؟ -مش مصري -مش معاه

عبّر عن شعورك بشكل مجهول

انا فعلا محتاجه لكل نصيحه هتتقالي فضلا محدش يطنش مشكلتي لاني في حيرة 
وممكن اللي فعلا يعرف تجربه شبه تجربتي يحكيلي عنها

دلوقتي انا وشخص بنحب بعض و متأكده من حبه ليا ١٠٠٪؜ و هو شخص مسؤل و راجل و بيساعد اهله في مصاريف البيت و عارف قيمة القرش كويس لحد هنا تمام المشكله في ايه بقى؟ 
-مش مصري 
-مش معاه شهادة بسبب انه من دولة عربية فيها حـ//ـرب مكملش تعليمه عشان نزح  
هو عايش في دولة اوروبية حاليا و بيشتغل ومرتبه كويس و بياخد كورسات في مجال شغله

هقولكم عني عشان تبقوا شايفيين الصوره واضحه 
انا على قدر من الجمال الحمدلله و في تخصص طبي (جامعه خاصه) مستوانا المادي كويس بس انا متولدتش لاقيت نفسي كدا احنا في بداية حياتنا كان مستوانا غير كدا بابا هو اللي كافح و اشتغل لحد ما مستوانا الحمدلله اتغير

الشخص دا كلم اهلي و اهلي طبعا رافضييين رفض تام و جرحوني بكلامهم اني ازاي ابص لحد كدا وكلامهم عنه جرحني جدا 
هما بيبصوا للمظاهر وانه لازم يكون مركز و فلوس واني كتيره عليه

بس انا وجهة نظري مختلفه انا عارفه الشخص دا قد ايه هو مثقف و لبق في الكلام و محستش منه بلحظه انه اقل مني فكريا او ثقافيا بالعكس انا اللي بستفاد بمعلوماته و دماغه اوسع مني بكتير انا شايفه ان ليه نحاسب  الشخص على ظروف غصب عنه هو مختارش انه يبقى بالوضع دا هو بيحاول يحسن من نفسه دايما و طموح و بيعرف يجيب الفلوس و دا الاهم بالمسبالي من الشهاده 
مع العلم انه ناوي ينزل يستقر في مصر و هيفتح بيزنس ولو اتجوزنا هنستقر في مصر يعني مش هبقى بعيد عن اهلي

هل اهلي معاهم حق و ان لو اتجوزنا هندم ؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Cherry_73328 🇪🇬

منذ شهر واحد

شعور منزعج

عبّر عن شعورك بشكل مجهول

بنت خالتي متجوزه من 2016 حاليا معاها طفلين جوزها بقا بيعاملها ازبل معامله ابن أمه حرفيا ابن أمه  هى يا جماعه عبيطه اصلا و طيبه اقسم بالله شتايم بالاهل و ضرب و قرف هو اصلا لا مال ولا جمال المهم حصل مشكله كبيره راحت بيت اهلها غضبت يعنى بصراحه انا هموت من قهرتى كلمت محاميه و رفعت عليه 3 قواضى و مقولتش لحد لو كنت محتاجه ورق أو حاجه كنت باخده من وراهم بعد مخصلت كل حاجه مع المحاميه قولتلهم بقا على اللى عملته و هى انبسطت جوزها بقا يجى هو و أمه الرحبايه يبوسوا ايديها علشان تتنازل عن كل القواضي المهم في ناس لعبت في دماغها وقالوا لها ولادك وما تعمليش كده وحرام عليك والكلام ده كله بنت خالتي بقى اللي ما عندهاش دم ولا كرامه رجعت له ثاني وانا وانا كان نفسي اقتلها وندمانه على كل حاجه عملتها لها انا كنت في عز امتحاناتي يعني انا كنت ثانويه عامه انا ثانويه عامه السنه دي رجع تاني يضربها وامه تحرضوا عليها واهانه ليها ولعيالها يعتبر ما بيديهاش مصروف والكلام ده كله امها ساكنه اصلا في البيت يعني في نفس الشارع ما كانش بيخليها تروح عند مامتها وحاليا هي غضبانه تاني وقاعده في بيت اهلها انا بقول كده دلوقت وبقول لكل واحد بيعمل في مراته كده وبقول لكل بنت بتقبل على نفسها كده فانتم الاثنين اصلا عاهات على المجتمع وتستاهل ان انت تموتوا يا اشكال يا وسخه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_73071 🇪🇬

منذ شهر واحد

شعور مرهق

انا بنوته كل ناس مقلولي اني جميله وأنا الحمد لله جميل ومحب حياه نفسي اقابل حت فرفوش زي بس مش لاقية وانا كمان طولي ١٧٠ مش عارف كل ميجلي عريس يطلع اقصر مني او نفس طولي انا اتخنقت والله مفيش مره دنيا تمشي زي مانا عاوزه 😭

Apple_72958 🇪🇬

منذ شهر واحد

شعور آسف

انا ولد عندي ٣١ سنه وموضوع الجواز مش ماشي أخطب واحده تطلع شمال واقرا فاتحه مع واحده وبعدين تسيب لوحدها وتتخطب بعدها بشهرين معني كده أنها كانت بتحبه واتخطبتله بعد ما سبنا بعض قعد مع كذا بنت أنا أرفض وبعدين البنت الوحيدة اللي قعدت معاها ودخلت قلبي وعقلي صلاه استخاره وقالت مش مرتاحه انا بجد تعبت انا حا

Jackfruit_62917 🇪🇬 ياعم حاول تاني وعاشر ده مشروع العمر متستعجلش وركز متغلطش غلطتي خدت واحده عصبيه مطلعه عين اهلي ومخلف منها ولد وعلشانه مستحمل لحد ما اخلص ديوني واتجوز عليها ركز الله يباركلك

عرض الكل 17 نصيحة

Avocado_59561 🇪🇬

منذ شهر واحد

شعور مكتئب

أنا مطلق بقالي مده بسبب ان العلاقة كانت توكسيك ... اتعرفت علي واحدة من فترة وحبينا بعض وعارفة كل حاجة وعارفة سبب الطلاق وانا بحبها وهي بتحبني بس المشكلة في أهلها ... أهلها مش موافقين علشان أنا مطلق وضاغطين عليها علشان تبعد عني ... هي وصلت لمرحلة انها تعبت من كل الضغط وقررت تبعد .... انا بحبها وهي بت

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

عبّر عن شعورك بشكل مجهول

متجوزه بقالي ٦ سنين ونص .. عندي طفلين .. قبل الجواز كنت في مستوي مادي كويس جداً وجوزي كان اقل ورضيت بيه واتجوزنا عنرحب بعد مشاكل كتير جداً عائليه وعشت معاه في محافظه مختلفه ومنعني احقق حلم كنت عايشاله من صغري .. كان متجوزني شبه عرايس الباربي .. حملت اول الجواز ، تخنت شويه عن الاول واتسحلت بالبيبي وماكنش بيديني اللي يخليني اعرف ارجع باربي تاني غير انه مدخل اهله في كل حاجه يعني علشان نسافر لازم يبقوا معانا .. علشان نخرج لوحدنا لازم نخرجهم كأنب دايماً بدفع ضريبه اني عايشه سني !  long story short رجعنا محافظتي بناءً على احتياج شغله لده وخلفنا تاني بيبي وطول الحمل وهو مش مهتم خالص ورامي كل المسئوليه عليا وعلى مامتي .. يوم الولاده مشي علشان مامته تاخد الدوا وسابني وانا لسه مافوقتش من البنج وابننا بعدها كان هيموت واضطر يدخل حضانه ومحتاجينه يدفع ديبوزيت ويمضي اقرار وهو كان نايم .. اتصرفت واستلفت ومضيت انا وعلى ما وصلتله وبقوله مكلفش نفسه حتى ييجي يشوفنا .. للاسف تخنت جداً في الحمل ده وبعافر علشان اخس وحصللي فتق سري وانفصال كامل في العضلات واضطريت ادخل عمليه تانيه بعدها ب ٤٠ يوم .. اما بقيت كويسه قولت اديله حقوقه كزوج ولأنه كان واحشني جداً وللعلم اخر علاقه كانت وانا حامل في ٥ اشهر .. حاولنا بس كان فيه رفض وبرود من ناحيته وقالي اني مش مغريه بالنسباله كأنثي واني محتاجه اخس .. من يومها وروحت لزكتور تخسيس وبعمل جلسات نزلت في شهر ١٠ كيلو .. وكان رده "يعملوا ايه ال ١٠ كيلو في كل ده" للعلم انا من الاول محتاجه بس انزل ٢٠ كيلو .. ومالقتش منه تشجيع .. عملت زى الستات بقى نيولوك وكده وروحنا مناسبه وكنت متوقعه منه بصراحه كلمه حلوه او الاقيه بيقولي نتصور سوا مالقتش منه حتى اقل الحاجات ومابقاش ملبي احتياجاتي العاطفيه ولا الجسديه ومحسسني اني عندي ٦٠ سنه .. المشكله انه في المقابل بيتعامل حلو وبيقعد معانا في البيت  وياحبيبتي وياروحي ويهديلي اغاني( مش بيخرجنا)  بس انا حاسه ببرود لان لغتنا في الحب طول عمرها كانت physical touch وللاسف دلوقتي محسسني انه قرفان مني ومهما اعمل مش عاجباه ومش شايفني فا مش واصل لي كلامه خالص ولا مصدقاه .. هو طبيعي راجل متجوز حب حياته ومايحصلش بينهم علاقه اكتر من سنه علشان تخنت بسبب حمل وتعب..؟؟ والحل ايه؟؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_57717 🇪🇬

منذ شهرين

شعور مكسور القلب

دلوقتي اخويا متجوز بنت محترمه وكويسه جدا لكن كان في بنت قبلها بيحبها ونفسه يتجوزها لكن لظروف متقدمش وهي اتجوزت المهم انه مش مبسوط في حياته ومضايق لانه لسه متعلق بيها وكان فاكر لما يتجوز هينساها لكن ده محصلش وبيقول مش بمزاجي وبيحلم بيها علي طول وتظهرله في كل مكان بالرغم انه بيشكر في البنت اللي معاه

Coffee_70626 🇪🇬

منذ شهرين

شعور متعب

لو حد قدمني لاي حد في حوار جواز اظن اني هكون عريس مناسب شغله كويسه جدا ، مرتاح ماديا ، اين ناس و كل الكلام ده دلوقتي انا ٤٠ سنه و متجوزتش مش عارف الغلط فين بكلم بنات شركتي فيها بنات كتير كل ما عجب بواحده الموضوع يبوظ بطريقه غريبه جدا منهم واحده في نص المكالمه بنتكلم و هي فعلا اعجبت بكلا بقوله،

Banana_70498 🇪🇬

منذ شهرين

شعور Good 😁

انا متجوز و مش متجوز بمعني …. انا عايش في بيت والدي بعد خلافات كتير مبيني انا و مراتي مع اني بحبها جدا بس هي مهمله و متعرفس اسس جواز خالص ولا مسئولية ست بيت واهلها مقوينها امها بالتحديد عشان هي اللي كانت راجل البيت مش جوزها و دي غلطتي لما دخلت بيتهم و لقيت الوضع كدا كان لازم امشي بس اهو كملت … كل

French Fries_39926 🇪🇬

منذ شهرين

شعور وحيد

متجوز من ١٤ سنه انسانه بتعامل معاها باحترام وطيبه وهى جدعه بصراحه أول ما بيحصل بينا مشكله ونيجى نتناقش صوتها عالى وأسلوبها وحش بحس انى بتكلم مع واحده معرفهاش وتطلع فيا كل حاجه وحشه وان أنا اللى غلطان فى كل حاجه المشكله ان مره بعد مره ملقتش فيها الست اللى بحبها لقيت واحده مليانه قسوه وغل مع العلم انى

Cherry_68541 🇪🇬 تالت حاجه مش بيسمعنى نهائى ولا يعرف عنى اى حاجه ولا كأنه متجوز ولا معرفنى عن نفسه اى حاجه فمفيش ثقه ولا اهتمام ولا مشاركه ولا سكينه ولا رحمه لازم يبقى نتاج دا كل العصبيه والزهق والتوتر والخناق لازم لازم تحط ايدك على مشكلتكم بالتحديد وتحاول تحتويه ويبقى فى اسلوب نقاش ولغه تفاهم بينكم لو معرفتش روح لمتخصص المهم تحاول عشان كل بيت مسلم يستاهل اننا نحافظ عليه وخصوصا لو بينكم اولاد ربنا يصلح بينكم

عرض الكل 17 نصيحة

Banana_68255 🇪🇬

منذ شهرين

شعور مكسور القلب

هل يحق ان يكتب قائمة منقولات الزواج عبارة عن 800 الف .٥٠ جرام دهب .١٠٠ الف مؤاخر .ده كمان بعد التخفيض وهل يحق لابي إن يصل به الحال أن يقول أنا مش مسامحك انت وامك دنيا وآخرة بسبب اني رفضت للعلم عشان اكون صريح انا كنت موافق وقبل الخطوبة اتصلت بوالدها وقلتلو نكتب زي الناس قال لي شوف حد يناسب امكانيات

Mushroom_77767 🇪🇬

الوحدة بشعة ومش عارفة أعدي الأيام

الجو حلو اوي و كنت نفسي الاقي حد يخرج معايا نتمشى شوية و نتكلم ف اي حاجة ملهاش لازمةو ناكل سوشي بس مفيش احساس الوحدة بشع بشع يعني ومش عارفة اعدي ايامي ازاي الواحد حاسس الدنيا بتضيق عليه اوي .. مش عارفة اعمل اصحاب ولا علاقات عدلة ...عرض المزيد

1 الدعم

27 نصيحة

Waffle_57478 🇪🇬

مش كويسه وحاسه بخنقه ومش عارفه الحل

انا عندي 25 سنة انا مش عارفه احكي مالي بس بجد حاسه اني مش كويسه ومش عارفه فين المشكله ومش عارفه ايه الحل حاسه بخنقه رهيبه ومش بعرف احكي مع حد بخاف اتكلم مع صحابي يزهقو مني ومش بحكي مع اهلي لأن امي بتزود عليا الضغط اكتر وأسلوبها مش بيعجبني ومن وقت كبير وانا مقررة جوايا مش هحكيلها حاجه لأنها مش بتحافظ علي السر وكدا وومكن تذكرة وقت الخناق أن وبقيت اسرتي مش بفهم ني ومش عارفين بدوني الحلول الصح او مش فاهمني مش عارفه انا من كتر ما بتضيق بيا بحس اني هنط من الشباك فعلا بس بخاف اني ممكن اتشل ومموتش وتبقي الحياة اصعب انا بشغل نفسي وبحاول أسعدها بالعافيه ومش عارفه بحس بلحظات سعاده خفيفه احيانا اه بس جوايا فراغ كدا صعب اوي حد قبل كدا سألني اي اللي لو حقدصل هتبقي فرحانه اوي بجد معرفتش ارد عليه لاني مش فاهمه نفسي ولا عارفه هي عايزة ايه او ايه اللي بجد يسعدني اوقات من كتير الخنقه بحس بشعور غثيان مش عارفه ليه حاسه اني كتمت جوايا كتير لحد ما بقي جوايا جبل .. اهلي رافضين اروح لدكتور نفسي عالشان مينفعش اقعد مع راجل لوحدي بس انا بجد مش كويسه ومعرفش دكاترة نفسيين ستات كويسين انا مش عارفه حاسه تشتت وتايه جدا .... ...عرض المزيد

3 الدعم

25 نصيحة

Pineapple_73178 🇪🇬

حاسس بحاجة مش طبيعية.. أروح ولا مروحش؟

في حاجة كدا عايز اسمع رأيكم فيها من يومين كنت بمتحن في حاجة معينة وبعدين قعدت جنبي واحدة ساعدتني هي ست متجوزة والتعامل كله ذوق وإحترام وانا بعد الامتحان مخلص ساعدتها وشكرتها وكنوع من الذوق الزيادة جبتلها عصير شكرتني والموقف انتهي بعد الامتحان بيومين تلاتة لقيتها بتكلمني بتقولي جوزي كان عايز يشكرك وهو كمان شغال في نفس مجال شغلك فعلا كلمني شكرني وقعدنا ندردش عن الشغل شوية وعزمني علي الغدا في مكان هو بيخرج فيه وهيبقي معاه زوجته وأولاده ..حاسس بحاجة مش طبيعية ترتيب الأحداث مش منطقي اروح ولا مروحش واعتذر منه ...عرض المزيد

1 الدعم

19 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع