زوجتي قاسيه وبحس بالوحده معاها - مشكله كبيرة

Question

متجوز من ١٤ سنه انسانه بتعامل معاها باحترام وطيبه وهى جدعه بصراحه أول ما بيحصل بينا مشكله ونيجى نتناقش صوتها عالى وأسلوبها وحش بحس انى بتكلم مع واحده معرفهاش وتطلع فيا كل حاجه وحشه وان أنا اللى غلطان فى كل حاجه المشكله ان مره بعد مره ملقتش فيها الست اللى بحبها لقيت واحده مليانه قسوه وغل مع العلم انى اقدر اعمل مشاكل ملهاش اول من اخر بس هى بتصعب عليا بحس انها مش واعيه لله بتعمله وفى الاول والاخر دى ست مش عاوز اجى عليها لكن هى مش مقدره كل ده بقيت حاسس بوحده فى وجودها وده شئ مخلينى عايش حزين . ..... ومش عارف اخد قرار هى اللى هتضر فى جدا والاولاد أنا رحيم بيها جدا وهى قلبها كله غضب وقسوه مش عارف ده اسمه ايه وفى حيره كبيره جدا.

Strawberry_67225 🇪🇬 · Answer

طب مجربتش تخرج معاها وتشوف اي اللي مدايقها مثلا تعملها حاجه جديده تغير روتين الحياه ممكن في حاجه جواها حصلت ومش عارفه تفضفض لحد خصوصا ان هي شخصيه كويسه يبقي في حاجه كبيره حصلت غيرتها كده

French Fries_39926 🇪🇬 · Answer

هى مش بتتكلم ومش بتعرف تعبر عن مشاكلها أو مشاعرها عشان كدا أنا حنين معاها جدا بس زعلها وحش جدا بتقلب ٣٦٠ درجه وكأنها عدو مش حبيبه

Pistachio_64428 🇪🇬 · Answer

جرب فى عز عصبيتها قولها بحبك كدة والله ههتغير ومش هتتعصب

Strawberry_67225 🇪🇬 · Answer

طب لما بتهدي بتيجي تصالحك لو هي غلطانه؟

French Fries_39926 🇪🇬 · Answer

مش عارف هتفهمينى ولا لا أنا مره كنا زعلانين وقعدت استنى أنها تصالحنى وهى اللى كانت غلطانه وبعد ١٠ ايام رحت أنا اصالحها رحت حضنها قولتلها وحشتينى بس زعلان منك بضحك ورومانسيه عارفه فضلت زعلانه ولما جيت اقولها ده أنا اللى بصالحك تقولى بعد ايه بعد ما سيبتنى زى الكليه جاى تقولى عفوت عنك بالله عليك ده اسمه ايه فى الدنيا

Pistachio_64428 🇪🇬 · Answer

فى قعدة صفو كدة اسألها مالك انت عملت حاجات كويسة اوى ازاى متغيرتش يبقى اكيد فى حاجة جوها مزعلها شوف كدة وربنا يهدى سيركم

Cherry_68541 🇪🇬 · Answer

معرفش طبيعه مراتك ايه بس هقولك ع الكلام دا بالنص لدرجه شككتني ان زوجى اللى باعت الرسالة بس الفرق اننا بقالنا ١٠ سنين مش ١٤ سنه هكلمك عن نفسى بما انى بسمع نفس الكلام من زوجى مبدأيا انا مش عصبيه نهائى ولا عمر ف اى وقت كان صوتى عالى بس هو بحكم غيابه وانا شايلة مسؤليه اب وام درجه صوتى زادت شوية من التعامل مع الولاد لما بنيجى نختلف هو عايز قطعا رأيه يمشى ف اى شئ كن فيكون وكمان الاختلاف هكمل ف كومنت تان

Cherry_68541 🇪🇬 · Answer

وكمان الاختلاف مفيهوش اى نوع من انواع الاحتواء لدرجه بتخليك تنهار وتفقد أعصابك بحكم انه الراجل ورايه يطلع معاك دا صح بس بالمشورة والاقناع مش بالتحكم والجدل من هنا جت نبرت صوتى العليا  هكمل

Cherry_68541 🇪🇬 · Answer

تانى حاجه مفيش اى تواصل بينا ولا اهتمام فدا بيخلينى حزينه وومكسورة دايما والحزن بتولد مشاكل كتير مستحيل اشوف منه جبر للخواطر ولا ف اكل ولا لبس ولا نضفت ولا دعمته ف حاجه يومى كله بعيش على انى استنى منه رنه مش بتحصل بيبقى منتظر اول مايرد عليا بعد ٣ ايام مثلا وضع زى دا انى هعمل ايه غير الخناق دا اتنين هكمل

French Fries_39926 🇪🇬 · Answer

مش عارف هتفهمينى ولا لا أنا مره كنا زعلانين وقعدت استنى أنها تصالحنى وهى اللى كانت غلطانه وبعد ١٠ ايام رحت أنا اصالحها رحت حضنها قولتلها وحشتينى بس زعلان منك بضحك ورومانسيه عارفه فضلت زعلانه ولما جيت اقولها ده أنا اللى بصالحك تقولى بعد ايه بعد ما سيبتنى زى الكليه جاى تقولى عفوت عنك بالله عليك ده اسمه ايه فى الدنيا

Cherry_68541 🇪🇬 · Answer

تالت حاجه مش بيسمعنى نهائى ولا يعرف عنى اى حاجه ولا كأنه متجوز ولا معرفنى عن نفسه اى حاجه فمفيش ثقه ولا اهتمام ولا مشاركه  ولا سكينه ولا رحمه لازم يبقى نتاج دا كل العصبيه والزهق والتوتر والخناق لازم لازم تحط ايدك على مشكلتكم بالتحديد وتحاول تحتويه ويبقى فى اسلوب نقاش ولغه تفاهم بينكم لو معرفتش روح لمتخصص المهم تحاول عشان كل بيت مسلم يستاهل اننا نحافظ عليه وخصوصا لو بينكم اولاد ربنا يصلح بينكم

French Fries_39926 🇪🇬 · Answer

مش عارف هتفهمينى ولا لا أنا مره كنا زعلانين وقعدت استنى أنها تصالحنى وهى اللى كانت غلطانه وبعد ١٠ ايام رحت أنا اصالحها رحت حضنها قولتلها وحشتينى بس زعلان منك بضحك ورومانسيه عارفه فضلت زعلانه ولما جيت اقولها ده أنا اللى بصالحك تقولى بعد ايه بعد ما سيبتنى زى الكليه جاى تقولى عفوت عنك بالله عليك ده اسمه ايه فى الدنيا

Coffee_66952 🇪🇬 · Answer

بص نيصحة من اخوك هي معملتش معاك كدا غير لما شافت انك هتقبل دة في مرة قبل كدا، اكيد شافت فيك موقف كنت ضعيف و معرفتش ترد عليها وقتها و هي ساقت فيها، اقسم بالله ما هتعرف تجيبها باللين لأن هي اتعودت على كدا، افهم أن العلاقة دي بتبقى في كائن مستضعف اللي هي الست و كائن مسيطر اللي هو انت ما بالك بقى هي المسيطرة انت هتاخدها باللين ازاي لا طبعا، الخلاصة حاول تسيطر تاني زي الاول و تعرف انك انت الراجل

Cherry_68541 🇪🇬 · Answer

اكتر حاجه بتدمر الست انك تقعد فترة بعيد عنها ومتسالش فيها حتى لو هى غلطانه علميا العواطف هى اللى بتتحكم ف الست وادارك المخ ف حالة الخناقه مستحيل المخ يدرك المنطق اللى هو انك الصح او معاك حق فجب تهندل الأمور وقت الزعل حتى لو هى اللى غلطانه انك تقولها انا بحبك واسيبها وتمشى وتسبها تهدى مع نفسها مستحيل هى متراجعش نفسها وتعتذر وبحذر حضرتك من البعد لانه جفا فعلا وهتوصل ان ان الايام دى هتبقى شهور وسنين

Strawberry_67225 🇪🇬 · Answer

عندك حق الجفاء ده مصيبه

Strawberry_67225 🇪🇬 · Answer

لا يا استاذ الستات مش بتيجي بالسيطره اكيد كل واحده واسلوبها بس اي ست هتلاقي اهتمام من جوزها وتقدير علي التعب اللي بتعملوا طول اليوم هتشيل الراجل فوق راسها وطبيعي بيجي علي كل واحد فتره صعبه والطاقه بتكون خلصت بيبقي علي الطرف التاني ان هو يخرج اللي معاه من الحاله دي ويجدد طاقتها بالحاجه اللي هي حباها لكن مش لازم تبقي مسيطر عشان تسمع الكلام فين الاحتواء والاهتمام والسؤال عليها طول اليوم؟

French Fries_39926 🇪🇬 · Answer

يعنى حضرتك شايفه أن رد فعلها طبيعية على الود والمبادرة بالصلح حتى لو أنا مش غلطان