مشاكل الدراسة

Durian_90339 🇪🇬

2 days ago

Feeling Angry

هو انتوا سخيفين ليه يا جماعه بجد. يعني انا منزل بقول مذاكرة الاناتومي قالبة دماغي وبشارك معاكم بشكل مجهول وحد داخل يقولي عرفنا انك في طب !! لا والله !! هو انا مهتم اعرفك اني ف طب ولا لأ ؟؟ ما تبطلوا قرف بقا

Gift_51832 🇪🇬

6 days ago

Feeling Lost

Express your Feeling anonymously

الفترة دي نفسيتي مش احسن حاجه 
مش عشان الثانوية ولا عشان الدروس ومش المذاكرة ومش الامتحانات لا عشان دفعتي 
من اول السنه وانا بمشي لوحدي ومليش دعوة بحد وبذاكر كويس ومركزه على نفسي وبس 
وكل الدروس ال بروحها المجموعه بتكون بالكتير ٣٠ شخص مثلا 
ماعدا درس الاحياء المجموعه ما شاء الله ممكن ٢٠٠ 
المهم المستر دا مشهور اوي طبعا ومفيش حد اشطر منه ف الاحياء بس هو عصبي وشديد وكله بيخاف منه
ف انا كنت ملاحظة ان هو مركز معايا من اول السنه لحد ما ف حصه كانت حل طلع على الديسكات ال قدامي وشاور عليا وقال البنت دي عاقلة وانا بعزها جامد وهتجاوب دلوقتي إجابات محترمه وقعد قدامي وسألني اسمك ايه 
والحصه ال بعدها كان بيسأل شفوي وجه عندي وسألني وجاوب وقالي شكرا 
وال بعدها كان برضو بيسأل ف سأل بنت ومعرفتش تجاوب ف سألني ف جاوبت ف قال والله انتي ممتازة ومحترمة وكل الصفات الحلوة فيكي(هو مبيقولش كدا لحد) وقالي ان انا هرتب ع الدفعه ان شاءالله وان هو عمره ماقال لحد ان هو هيجيب مجموع ومجبش وقعد يتكلم عني كتيررر حوالي ساعه 
ف الدفعه كلها بقت عارفاني ومن وقتها بقا وهو بيفكر فيا برضو ف حصص بعدها ومرة برضو وقفني قدام مجموعه تانيه وسألني قدامهم وقالهم ان انا ضوفري برقبتهم

المشكله بقا ان انا ببقا قاعدة ف الدرس كله مركز معايا بطريقه غبية وفجأة عيال كتير تيجي تتكلم معايا ويسألوني بروح دروس فين وبذاكر امتا 
وبيبقو هيموتو ويعرفو درجاتي ف الامتحانات
حتى أبسط الحاجات يعني لو لفيت طرحه جديدة بلاقي تاني يوم لفينها زيي لو لاقوني بعمل ب الهايلايتر ع الأسئلة ال بغلط فيها يعملو زيي لو حليت درس هما محلوهوش يحلوه وف مرة واحدة من مجموعه تانيه قالتلي انتي جيتي الدرس متأخرة امبارح قولتلها اه ايه عرفك قالتلي ان واحدة قالتلها
ف ال هو ايه ال جاب سيرة حاجه زي دي هي مالها 
وحاجات كتيررر اوي زي كدا  واكتر  انا بجد الموضوع مأثر ف نفسيتي اوي وبقيت مش عايزة انزل دروس بسببهم 
ياريت لو حد يعرف يفيدني ازاي اخلي الموضوع مياثرش فيا وارجع زي الاول مش فارق معايا حد

Private Advice

Switch to receiving private advice for your post; otherwise it will be publicly visible.

Sugar_84833 🇪🇬

2 months ago

Feeling Lost

Express your Feeling anonymously

وانا ف تانيه ثانوي كانت فيه بنت بتكلمني دايما عشان ننزل دروس مع بعض عشان بيتنا قريب من بعض بس مش صحبتي يعني وانا وقتها مكنتش ملتزمه اوي ف الدروس وبغيب كتير وكانت بترن عليا كتير واكتر الوقت مكنتش برد عليها ومش بنزل
المهم من اول تالته بقا كنت مفكرة انها هتكلمني ف حجز الدروس وكدا بس محصلش ومبقتش بتكلمني غير لو شوفنا بعض ازيك بس وبقت بتمشي مع واحده تانيه اسمها شهد مثلا وهي معايا ف درسين 
وال هو عادي يعني هي مش قريبة مني اصلا وغير ان انا بستصغر الدفعه بتاعتي ومبحبش امشي مع حد فيهم وصحابي ال بجد ف جامعه
المهم ف درس من ال بتروحه معايا
كنت رايحه مش مذاكرة وقلت للمس ان انا كنت مضغوطة اوي اليوم دا وملحقتش اذاكر قالت ماشي عشان انتي كل مره بتيجي مذاكرة وكدا
ومستر الأحياء ال هي بتيجي عنده برضو دا مشهور اوي
 ومجموعاته كبيرة ما شاء الله وعصبي ومحدش بيعرف يتكلم معاه ونادر لما يكون عارف حد وبيكون ال عارفهم دول مميزين عنده وكله بيقول ان هو عنده نظرة ف الناس وعمره ما قال لحد انت هتدخل الكليه كذا ومدخلهاش
ف المهم انا كنت ملاحظة ان المستر دا بيركز معايا كتير وبيفضل باصصلي كتير ف الحصه لحد ما ف مره كانت حصه حل ولاقيته طلع على الديسكات ال قدامي وشاور عليا وقال البنت دي عاقلة وانا بعزها جامد وقعد قدامي وقالي اسمك ايه 
وهو المفروض مش بيقول لحد كدا اصلا
بعدها بقا كان فيه حصه برضو ف لاقيت البنت دي بترن عليا رديت لاقتها بتقولي انتي نازله الدرس قولتلها اه قالتلي خلاص ماشي انا جايه معاكي عشان برن على شهد وهي قافلة!
جه ف دماغي ال هو انتي هتمشي معايا عشان كدا بجد؟!
بس عديت الموضوع المهم بعدها بحصتين تلاته كدا رجعت امشي لوحدي ف المستر دا برضو ف حصه كان بيسأل
ف سألني وجاوبت صح قالي والله انتي ممتازة ومحترمه وكل الصفات الحلوة فيكي 
وبعدين سأل عيال تانيين وجالي تاني قالي انتي ان شاء الله هترتبي ع الدفعه ومستني رسالتك ف آخر السنه وانتي بتقوليلي كدا وانا عمري ما قلت لحد كدا غير ودا حصل وكله بإذن الله 
وطلع عند السبورة وقال الطالب المحترم بيجبر كله انه يحترمه إنما الناس المهزقة دي تتهزق
وفضل يتكلم كتيرر وكدا ويقولهم انتو مش بتذاكرو ليه انتو مش شايفينها وقال برضو ان انا هجيب طب مرتاح
المهم بعدها علطول البنت دي بقت بتكلمني سبحان الله وتنزل معايا والمفروض ان المستر عارفها من تانيه بس عادي
وهي ماشية معايا تقولي هو عارف ان احنا صحاب؟
وانا بجد مش بحب طريقتها عشان بتتكلم على اي حد معدي ب طريقة وحشه وب اسلوب كأنها ست كبيرة قاعده ع المصطبه حرفيا
المهم بدأت اشوف حاجات زباله بقا زي ان المستر ييجي يديني الورقه تكون عين العيال هتخرم الورقه حرفيا واول ما اوصل الدرس كله يكون باصصلي حتى والمستر بيشرح
والمستر لما يسالني برضو يسيبو كل ال ف ايديهم ويبصولي وبجد انا كل يوم بروح من الدرس متضايقه بسبب كدا
وف الدرس التاني المس بتفضل تقولهم ياريتكو هاديين زيها
وشهد دي تقول امم ما شاء الله عليها بتريقه
وف مره كان علينا حصه حل ف انا حرفيا طول الليل قاعده بحل وبذاكر للدروس التانيه وكنت هنزل الدروس مطبقه
لاقيت البنت دي بتقولي ابعتيلي ال انتي خليتيه قبل الدرس ب ١٠ دقايق
ف انا كنت اتضايقت عشان بجد بقالي كتير اوي بحل عشان تاخده ف ثانيه!
بس عديت الموضوع وبعتلها ومشكرتنيش حتى
قالتلي انا اصلا حلاه ف دماغي بس عشان لو المستر سألني اكون فاكره
المهم الحصه ال قبل الفاتت كان المستر بيوزع الامتحان
ف هي كانت قاعده جمب واحدة جمبي
ف اول ما اخدت الورقه طبعا طبعا طلعت قدام هي وشهد عشان يشوفو الدرجه
وبعدين المستر بدا يحل ويسال ف جه عندي وقالي اجاوب ٧ اسئلة ف وانا بجاوب طبعا طبعا هما طالعين قدام وباصينلي
وبعد ما الحصه خلصت روحت سالت المستر على مدرس رياضه عشان سبت المستر ال كنت بروح عنده وقالي انتي كنتي بتروحي عند مين وكدا وقولتله وقالي على مدرس كويس وقالي لو لاقيتي حاجه فاتتك خليه يكلمني وانا هظبطلك الدنيا

الحصه ال بعدها البنت دي قالتلي هبقا اسالك على حاجه عشان الفضول هيموتني
ومش محتاجة اقول انها هتقولي كنتي بتقولي للمستر ايه
ودخلنا الحصه المستر قالي ف نص الحصه روحتي
قولتله اه (كان قصدي ان انا سالت ع المواعيد وكدا بس مبداتش)
قالي مكلمتنيش يعني ليه قولتله لسا فيه حاجه (عشان مستر الرياضه دا كان هيبدألي برايفت مع حد)
ف قالي ماشي
هي بقا سالت صحبتي ال كانت جمبها هو بيسالها على ايه

هي بجد ممكن تكون مش بتحبني ولا انا ممكن تكون ظالماها؟
طب ولو فعلا كدا ازاي ابعد عنها ولما تيجي تسالني هقولها ايه
هيكون عادي لو قولت ان المستر ظبطلي درس ولا تتكلم عليا او هتتضايق؟

Private Advice

Switch to receiving private advice for your post; otherwise it will be publicly visible.

Donut_67161 🇪🇬

2 months ago

Feeling Tired

التركيز عندي قل بشكل كبير لدرجة ان ف امتحانين ورا بعض مركزش واسيب سؤال كامل بسبب اني مشوفتوش وانا بحل زائد ان ذاكرتي بقت ضعيفة جدا بقيت بنسى بشكل مستفز هل لو اتعلمت شطرنج ممكن يأثر معايا ف حوار التركيز ده وخصوصا اني نفسي اتعلم + لو فيه بنت بتعرف تلعب شطرنج وعندها قابلية انها تعلمني ياريت تبعتلي وجزا

Chocolate_52580 🇪🇬

3 months ago

Feeling Lost

أنا تالته ثانوي علمي رياضه مراكم ماث حبه حلوين يعني مثلا ممكن 6 حصص، كل حصه ساعتين و عليهم مثلا 30 سؤال واجب طبعا دا غير باقي المواد اللي مراكم فيها بس عباره عن حصه كدا يعني بس دي بالذات مش عارف المها بسرعه ازاي الحصه الواحده ممكن تاخد 3 ساعات مني و الواجب ساعتين لو كامل و سلكت و انا بحل فمش عارف

Sugar_62755 🇪🇬

3 months ago

Feeling Lost

ازاي اعيش مبسوطة ؟ يعني اي الحاجات اللي ممكن اعملها تحققلي مفهوم السعادة ، وازاي ابقى ناجحة سواء في علاقاتي اييي حاجة انا حاسة ان فيه حاجات كتير غلط محتاجة تتغير ومش راضية عن نفسي ابدا اه بحاول ابقى احسن ولكن حاسة ان كل حاجة بتبوظ حرفيا ، يعني ف جانب اني اطور من نفسي عارفة كويس المفروض اخد كورسات

Tofu_34164 🇪🇬

3 months ago

Feeling Drained

جماعة انا دلوقتى فى رابعة كلية طب بيطرى انا عايزة أعلى تقديرى اخر سنتين و الصراحة مش عارفة اعمل ايه انا صحابة مش مساعدنى يعنى دايما مكسلين يحضرو أو ينزلو الكلية اصلا بس و انا اللى بحضر بس فى الاخر هما بيجيبو تقدير و درجات عالية وانا الوحيدة اللى تقديرى وحش فا بجد كنت عايزة أعلى درجات السنتين دول بس

Mango_83439 🇪🇬

3 months ago

Feeling Tired

انا طالب تانيه ثانوي وعندي مشكله مع الدراسه المنهج بتاعنا السنادي كبير جدا عن كل السنين اللي فاتت عشان احنا السنه اللي فاتت اتشال من عندنا مواد كتير فا معرف قالو يعذبونا ولا ايه🙂✨ المهم انا بواجه صعوبه جدا في اني الم الدنيا وفي حاجات كتير عماله تتراكم ومعنديش وقت لحاجه انا نص دروسي حصتين في الاس

Orange_75628 🇪🇬

3 months ago

Feeling Stressed

Express your Feeling anonymously

السلام عليكم، انا في اولى صيدلة ومن ساعة ما النتيجة ظهرت - جبت 92.19- ابويا كان بيقولي هتلحقي طب، انا مكنتش عايزة طب كنت عايزة صيدلة بس ابي وامي كانوا عايزين طب ولكن انا أصريت مدخلش جامعة اهلية وخليني في الحكومي احسن، المهم ان من ساعة ما الدراسة بدأت - بقالها شهر اهو- وانا مش مستريحة ومش عارفه اتعامل وفعليا الكلية مش زي ما تخيلت ومش حاسه اني قادرة اتعامل يعني مش علشان صعوبة اول سنة لا علشان انا فعلا مبقتش حابه الكلية، قلت لهم اني عايزة احول لطب وقالوا ماشي بس الجامعات الاهلية قفلت، التحويل ممكن يكون ترم تاني او السنة اللي جايه بقا، انا بكتب ده ليه بقا، علشان انا خايفه من المصاريف طب ب ١٥٥ واكيد هيزيد كل سنة ودول ٧ سنين ده غير مصاريف الكتب وكده، يعني الحمد لله احنا حالنا ميسور بس خايفه مش عارفه ليه ويمكن ده كان سبب اني أرفض من الاول ادخل اهلية وادخل صيدلة ، خايفه ان ابي لا قدر الله، ربنا يبارك في عمره ويحفظه يروح فجأة واكون كده حملت اهلي حمل هما مش قده احنا تبارك الله ٥، ٤ بنات وولد، والولد في ٤ ابتدائي و٢ اكبر مني واحدة عندها ٢٤ والتانيه ٢٣ وواحدة أصغر مني بسنة، وانا برضو شايلة هم تجهيزهم يعني ما اكيد هكلف كده على أهلي وهما حرفيا في سن جواز ف مش عارفه، وانا بجد مبقتش حمل صيدلة ومش شايفه انها تستاهل اضيع ٦ سنين، يعني الكلية بالنسبة لي بقت بجد صعبة، ف اعمل ايه يا جماعة..

Private Advice

Switch to receiving private advice for your post; otherwise it will be publicly visible.

Avocado_74361 🇪🇬

4 months ago

Feeling Bored

ياخي الواحد زهقان فشخ من موضوع الدراسة ده مش مدرك اني رجعت لحياة العبيد دي تاني وشامل كل حصة والاسيستنت اللي بيجعر عشان يعجب بنات اصغر منه بعشر سنين والمدرس اللي بيقعد نص الحصة يحكي عن انجازاته وان بيل جيتس متخرج على ايده وحاجة اخر قرف

Avocado_57183 🇪🇬 انا بنت وبقولك البنات بتوع السناتر بيضضضصضضض اللي على كل نص كلمه يضحكوا اففف بيخنقوا معاك حق

View all 5 Advice

Strawberry_67225 🇪🇬

5 months ago

Feeling Exhausted

يجماعه انا قلبي وجعني وحاسه ان انا بنهار دلوقتي انا في ازهر ودخلت كليه وربنا موفقنيش في قسم سنتين مع انا والله في السنه التانيه ذاكرت بس شيلت تلت مواد وعندنا اللي يشيل بيعيد ولو عاد سنه مينفعش يعيد تاني انا كان مجموعي وحش في ثانوي كنت جايبه 65 في الميه ادبي انا تايهه ومش عارفه اي الحل انا عاوزه اكمل

Mango_62882 🇪🇬

5 months ago

Feeling Meh

بحاول اجمع اكبر قدر من النصايح قبل ما ابدأ السنة فلو حد عنده اي نصيحة او مشكلة واجهته في المذاكرة وعرف يتعامل معاها او لقي حلها هتفيد جدا حتى لو نصيحه قديمه او معروفه ربنا يباركلكم. @نصايح لتالته ثانوي

Chilli_71087 🇪🇬 ذاكرى بطريقه الخرائط الذهنيه ابحثى عنها على النت لو مش عارفها ممكن تتعاملى مش شات جي بتى فى انه يلخص لك الورق ويعملك الخرائط الذهنيه المهم جداا عمل جدول اوقات الراحه المناسبه ومتنسيش نفسسسك لازم تخرجى وتبسطى نفسط بموهبه علشان يكون ف توازن

View all 2 Advice

Potato_63336 🇪🇬

6 months ago

Feeling Worried

أنا بدرس في كلية ليها سكن معين وواحدة صاحبتي بتدرس ف كلية تانية ليها سكن تاني فقررنا أنا وهيا نقنع أهلنا إن السكن الحكومي وحش عشان يرضوا يأجرولنا شقة برا مع صحاب بنات لينا بردو بس أنا حاسه إني هتسحل معاها وهضيع وقتي ودراستي وأنا تقديراتي السنتين اللي فاتو كانت حلوة (A+) ايه الحل دلوقتي لاني حابة اع

Mango_55662 🇪🇬 انتي عارفة الاجابة بس محتاجة اننا نقول انك صح. بلاش تردد وخدي قرار

View all 6 Advice

Apple_58349 🇪🇬

6 months ago

Feeling Confused

Topic:

ازاي بتتعاملوا مع ارهاق الكليات العملية

ممكن حد ف ال medical field هنا ينصحنى بجد ازاي اعالج التسويف انا بسبب التسويف ده اتاخرت سنه ف كليتى والسنه الل بعدها كان ممكن ارتب دفعه انا واثق ف قدراتى مع اقل مجهود بس برضه معملتش كده جبت تقدير عادى

Apple_62770 🇪🇬 التسويف دا مرض حرفيا

View all 5 Advice

Lemon_57806 🇪🇬

7 months ago

Feeling Confused

نفسي احل مشكله ان انا على طول كل شويه اسمع روايات اقرا روايات اسمع مسلسلات وحاجات بتضيع لي وقتي مش شرط من مسلسلات اللي هي الوحشه لان مش بتفرج على النوع اللي زي كده بس حته تضييع الوقت هي اللي مزعلاني مش عارفه اعمل اي حاجه في يومي حاجات كثير المفروض ان انا اقضيها مش عارفه والوقت بيعدي بسرعه واليوم اكن

Tofu_90520 🇪🇬

محتاجة اتكلم مع حد كبير وفاهم وعاقل بدون أحكام

انا لسة جديدة هنا ف البرنامج مش عارفة ايي هدفوو بس شوفت حد عامل اعلان انو لو حد عندو مشكلة في ناس هنا تقدر تسمعو وتحل مشكلتو فا انا محتاجة اتكلم مع حد بس يكونن كبير وفاهم وعاقل ياريت والمهم في كل دا انو يكون بدونن أحكام وبنت او ولد مش هتفرق عادييي ...see more

1 Supports

25 Advice

Apple_89814 🇪🇬

عيد ميلادي وانا وحيد.. محدش قاللي كل سنه وانت طيب

انهارده عيد ميلادي الحقيقه انا وحيد جدا لدرجه ان محدش قالي كل سنه و انت طيب لسه عشان كدا بطلب من اخواتي الي موجودين هنا يقولولي كل سنه و انت طيب مش عادتي ااڤور و اتكلم بالطريقه دي بس فعلا هتفرق معايا و شكرا IIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIII ...see more

1 Supports

16 Advice

Nutella_39839 🇪🇬

زهقت! مفيش حد هنا أكبر من 25 سنة خالص

صباح الخير .. مفيش حد هنا اكبر من 25 سنه خالص اني زهجت 😂😂😂😂😂😂😂😂 ااااااااااااااااااااااااااااااااااااااااااااااا ااااااااااااااااااااااااااااااااااااااااااااااا ااااااااااااااااااااااااااااااااااااااااااااااا ااااااااااااااااااااااااااااااااااااااااااااااا ااااااااااااااااااااااااااااااااااااااااااااااا ...see more

1 Supports

14 Advice

It’s better in the app

Download Toheal on your phone for faster experience.