انا متضايقة جدا من كذا حاجة انا في تالتة ثانوي السنة دي و حاسة اني تايهة اوي مستوايا طول سنين الدراسة اللي فاتت كان كويس جدًا الحمدلله و كنت برتب على المدرسة و بالفعل بدأت تالتة ثانوي بنفس المستوى لكن من نص شهر 11 وانا مستوايا بقى وحش جدًا و درجاتي بقيت حاسة انها مش بتاعتي خالص و نفسيتي مش كويسة بسبب الموضوع ده كمان تركيزي بقى ضعيف جدًا في كل حاجة مش في الدراسة بس و مش فاهمه ده سببه ايه ، حتى مبقيتش اعرف احفظ كويس زي الاول و مستوايا حتى في حفظ القرآن مبقاش كويس حاسة كل حاجة بتبوظ ، واللي مضايقني اكتر من كل ده اني بدأت اتضايق لما ألاقي حد مستواه كويس في الدراسة او حفظ القرآن و بقول جوايا ان ليه مش انا اللي ابقى كويسة في ده و بحاول والله على قد ما اقدر اقول اللهم بارك و اقول لنفسي ان ده رزق ربنا رزقهم بيه و بدعي ان ربنا يرزقني انا كمان بيه بس بخاف اوي إني ابدأ احقد عليهم او احسدهم وانا مش قصدي و بجد مش عارفه اعمل ايه و حاسة اني بدأت ابقى انسانة وحشة اوي و مش عارفة اتكلم مع حد من اللي حواليا في الموضوع ده عشان متوقعة ان رد فعلهم هيبقى مؤذي اوي بالنسبالي وانا مش هقدر استحمل كلامهم 😭😭

9

0