مشاكل الأهل

Cherry_64120 🇪🇬

منذ أسبوع واحد

شعور Okay 😐

احساس ان الواحد عندو اهل دا شيء كويس لاكن لما تلاقي الاهل دول هما الي تعبينك بكلام دبش من غير سبب و شك و سوء ظن دايم بيخلي الواحد يتخنق لا وكمان انت لازم متفتحش بوقك و تشتكي لان شكوتك مش هاتصلح حاجة لا هاتاخد تهزيق اكتر.. فكل الي بتعملو تفضل ساكت وتتعامل لوحدك ف كل حاجة وبعد دا كلو انت مش هاين عليك

Cherry_62712 🇪🇬

منذ أسبوعين

شعور محبط

عبّر عن شعورك بشكل مجهول

مساء الخير مش عارفه ابدا حكايتي  ازاي هي طويله شويه  بس انا عايزه مساعده انا كنت مخطوبه من سنه كنت بحب الشخص ده وهو كان بيحبني جدا فحصل شويه خلافات مع اهلي واهله اختلفنا   بعد سنه ونص خطوبه ففضلنا نفركش ونرجع نفركش ونرجع وعدت سنه ودلوقتي بدات  اتعافى وهو كمان بطل محاولات وبدا ينسى وانا مش هكذب عليكم بدات انساا واتخطاا بعد صعوبات كتيرر  من شهرين اتقدم لي حد كويس شافني في فرح اختي وكده مع العلم ان انا الكبيره وهو حبني جدا حبيني حب مش طبيعي ما كنتش اتخيل انه يحبني حب زي كده واتقدملي متكلمناش  حتى في التليفون ولا اي حاجه  اتقدملي لااهلي على طول حسيت ان هو شخص كويس وقلت هو ده العوض بس ابوه ما كانش موافق على الخطوبه من الاول علشان كان متخانق مع بابا زمان بس هو ضغط عليهم وجابهم واتخطبنا من شهرين بس خطيبي اللي انا كنت مخطوبه له عرف وكل شويه يعمل مشاكل من ناحيه اهله ويكرههم فيا علشان مش عايزني اتجوز حد غيره حصل شويه مشاكل مع العلم ان الشخص دوت قريب جوز اختي ابن خالته  اتخانقوا مع بعض علشان خطيبي القديم صاحب جوز اختي  وحصل شويه مشاكل بس الخناقه كانت عندنا في البيت  وكده وابوه  دلوقتي  قالوا له انا  مش هجوزك وهي خلصت علي كده طلماا الخناقه كانت في بيت نسايبك رافض المبدا نهائي وقال له جوز نفسك بس هو بيشتغل مع ابوه وفلوسه كلها معاه وقال لبابا ان هو يتجوز في ايجار بابا رفض علشان هو هيبقى لوحده من غير اهله ودلوقتي بابا ادالو الدهب امبارح اعمل اي دلوقتي هو عيطلي وقالي متسبنيش وانا حاسه انو حد مناسب وكويس وبقيت بحبو ومكسوراا جداا لانهاا مش اول مره يحصل فياا كده ياريت حد يفدني 💔

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Chocolate_56147 🇪🇬

منذ 4 أسابيع

شعور متوتر

ساعات الدائره اللي انت فيها ومش عارف تكسرها بيكون العامل الرئيسي هما الأهل لما تلاقي حد بيقرب منك غصب عنك بتبعده عنك لانك خايف من المشاعر مش عارف تتعامل معاها ترد ازاي تضحك امته تتعصب تزعل كل المشاعر بتاعتك اتعرضة للتهكير من قبل أهل تعبيراتهم غير مفهومه حاجه كانت بتفرحهم فجأه بتعصبهم حاجه المفروض يق

Watermelon_58277 🇪🇬

منذ شهر واحد

شعور مكسور القلب

انا عندي مشكله أن اهلي عايزني اجوز حد لو حد مش مرتحاله أو مش متقبلاه وانا موضوع الجواز ضغطني لانهم كانو عايزني اجوز من زمان واعصابي تعبت لدرجه ان نفسي اموت المهم متقدم واحد هيقعد ف بيت عيله هو وأخوه وأمه وواحد مطلق بس لوحده وانا مش مرتاحه لحد

Cookies_54262 🇺🇸

منذ شهر واحد

شعور متعب

بمناسبه أن العيد داخل والناس بتكون مع اهلها ومبسوطين وكدا ف انا كان نفسي يكون عندي أهل افرح معاهم ف العيد انا اهلي سبب كل مشاكلي وياريت يا جماعه محدش يجرح أو يدخل يقولي يعم دول اهلك ومتقولش كدا انا محتاج الي يساعدني ويفكر معايا وحد يكون فعلا مجرب الي انا بقول عليه دا 💔 ف طفولتي كنت بتعرض لعنف شديد

Sugar_51255 🇪🇬

منذ 6 أشهر

شعور مكتئب

هو الواحد المفروض يتعامل ازاي مع مشاكل الأهل دي غير إنه ميموتش نفسه؟ ـــــ ـــــ ـــــ ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

Hazelnut_49756 🇪🇬

منذ 6 أشهر

شعور عاطفي

بحس معظم مشاكلنا بتتمحور حولين حاجة واحدة بس وهي الاهل سواء تأثيرهم السلبي الغير مباشر علينا زي طريقة تربيتهم لينا وتكوين دماغنا وافكارناا بسببهم ياإما بشكل مباشر من معاملتهم لينا وقلة التقدير والحب والدعم العاطفي منهم المشكلة بتبتدي من هنا احنا ممكن تبقي زيهم في المستقبل؟ ممكن نبقا ناس مؤذية لدرجة

Biscuit_17258 🇺🇸 بجد اه واكتر حاجة شيفاه برضو سبب هو عدم وجود لغه حوار بيبنا اننا نتكلم ونتناقش عادي ف اللي بيحصل واللي حصل واللي هيحصل من غير خوف والجانب العاطفي برضو مفيش دعم بجد دا اهم مليون مره من الفلوس بكتير والكلمه بتفرق والحضن بيهون حاجات كتير كان نفسي يتفاهمون اغلطنا ع اننا بشر عادي مش ولادهم بس بس منقدرش نقول غير الحمدالله يارب ع كل شئ

عرض الكل 3 نصيحة

Watermelon_30765 🇪🇬

منذ 6 أشهر

شعور مرتبك

انا بنت و عندي ٢٣ سنة عندي ضغوطات نفسية سببها الأهل ازاى اقدر استقل و اقنعهم اني اعيش لوحدي حتى لو في مكان قريب منهم و الحمدلله بشتغل و هقدر اصرف على نفسي و هل هينفع اصلا ؟ يعني بخاف بردو من كلام الناس و المجتمع ياريت تقدمولي نصيحة في الموضوع ده

Jackfruit_51332 🇺🇸 السكن لوحك هيكون بهدله شويه هتكون غربه خليكي فاكره انك ممكن تتعرضي لاي موقف هتكوني فيه لوحدك لو المشاكل دي ملهاش حل في البيت ومش هتتحل ممكن يكون دا حل بس تكوني واثقه انك هتعرفي تعتمدي علي نفسك بشكل كامل لو دا فعليا هتعرفي تنفزيه حاولي ورائي انك تحاولي تتجنبيهم وتعيشي عادي حياتك ووقت النوم بس تخشي بيتك دا لو المشاكل كتير لدرجه انتي مش مستحملاها

عرض الكل 11 نصيحة

Coffee_33520 🇪🇬

منذ 7 أشهر

شعور مكتئب

ياريت تفدوني اعمل ايه انا عندي ٢٢ سنه والدي ووالدتي طول الوقت ف خناق من زمان من وانا طفله وانا ف الوضع ده خناق وزعيق والناس تسمع صوتنا كبرت وعرفت ان ده مينفعش يحصل حاولت بكل الطرق اكون بنت سويه نفسيا برغم اللي حصلي بسبب اهلي والدي دمرلي مستقبلي ووالدتي عندها لامبلاه وميهماش انا اصلا برغم كدا عمري م

Mango_34527 🇪🇬

منذ 7 أشهر

شعور محبط

انا بحب شخص وهو بيحبني جدا وعلاقتنا بقالها حوالي اربع شهور وهاديه جدا وجميله ومتفهمين بعض بطريقه حلوه الحمدلله بس حصل مشكله ان مامتو عرفت واتضايقت جدا بسبب المسافه لانو من محافظه وانا من محافظه وكمان انا في تانيه كليه وهو م معاه غير ثانوي ومدخلش كليه بسبب ظروف معينه ومامتو قالتلوا م هجوزك حد من علي

Sugar_28822 🇪🇬

منذ 8 أشهر

شعور متوتر

عبّر عن شعورك بشكل مجهول

موضوع للنقاش 
انا عايزة افهم ايه ناتج التربية فى البيت المصرى الشعبى اللى كلنا عارفينه
هل التربية دى ممكن تخرج جيل سوى ولا شباب متشتت فعلا وعايشين الضياع بكل معانيه 
انا اتولدت فى بيت وبيئة بسيطة بين اهل بيحاولوا يعملوا اقصى جهدهم عشان يوفروا اللى يقدروا عليه لولادهم 
بس للاسف بدون نتيجة لان لا بلد ولا حياة بقت تسمح بدة 
احنا اسرة ممكن تحت خط المتوسط عايشين على قد اكل وشرب وكهربا وما شابه باختصار بدون وسائل ترفيه بالمرة على الاقل بالنسبة للجيل الحالى 
ومع ذلك سهل نتعود لان دى حياتنا وراضيين الحمد لله 
احنا زى اللى اتحشر فى النص فى كل حاجه جزء كبير من تصرفات اهلى حافظ مش فاهم 
يعنى بيحاولوا انهم يربوا تربية دينية صحيحة زى ما بيشوفوا فى السوشيال ميديا بس للاسف  الفشل ذريع دة ظهر فياا من جوا اكتر من ان حد يلاحظه على عكس اخواتى اللى حقيقى انا بقيت باشفق عليهم 
اهلى بيحاولوا يلحقوهم من سن اعدادى وخطورته بس تصرفهم غلط تماما يا بيشدوا اووى ويضربوا او بيرخوا تماما 
بالزبط ممكن فى مرة يسمحولهم انهم يهزروا ويتمادوا وييجوا فى مرة من نفس الهزار يتدايقوا ويضربوهم 
والضرب مش بيكون عادى فعلا بيكون بخرطوم بجد 
واخواتى من النوع العنيد وبجد بدا يحصل فجوة كبيرة بينا وكل واحد حاسس انه مظلوم 
احنا فى بيت بيصحى و ينام على الصوت العالى 
معذورين بالله محدش مضغوط قد اهلى 
بس دة بدا ينعكس علينا والمشكلة ان اهلى مش متفهمين دة وانا مقدرش اتكلم نهائى 
مش لانهم هيمنعونى بس هبقى بزود ضغوطهم اكتر 
انا بقيت بنام النهار كله واصحى بالليل كمحاولة للهروب من الصوت العالى والصغط دة 
اناا عارفة انى طولت جدا بس حقيقى انا بقيت تايهة بشكل مرعب 
بتراجع نفسيا ودينيا ودراسيا بشكل غريب 
مكنتش كدة ثقتى بنفسى شبه معدومة 
دينيا بقيت بضيع 
منكرش انى جزء كبير من تفهمى للوضع دة ناتج عن السوشيال ميديا زى ما جزء كبير من محاولات فاشلة  انى اصلح نفسى  من النت 
حاسة انى محتاجه هدنة من كل حاجه 
وفى نفس الوقت انا اعرف ناس كتير جدا مقدرش اغيب عنهم مش بشكر فى نفسى بس اقدر اقول انى دخلت حياتهم فى فترات صعبة وعشمهم فيا كبير 
مش عاايزة اكسر حد من ناحيتى باى شكل 
حاسة انى عايشة حياة مش حياتى وللاسف الشخص اللى بيظهر بقا مزيج من شخصين حلو ووحش والاتنين مش انا 
نفسى ارجع اناا 
جزء كبير من طريقة تفكيرى واحلامى فى المستقبل مبنى على هروب لبيت هادى 
مش عارفة ازااى اناا بقول كدة بس انا كل هدفى دلوقتى فى زوج حد يمسك ايدى للجنة لانى خايفة اموت كدة نفسى حد يلحقنى من اللى انا فيه 
انا صغيرة احساس انى فعلا نفسى اهرب  يمكن كل حلم ليااا هو زوج حنين نفسى احس براحة 
اناا عارفة ان خنقتى بعد كبير عن ربنا بس مبقتش قاادرة امشي فى اى طريق
ديما بفكر انى نفسى فى ولااااد كتييير اربيهم بحنية واديهم اهتمااام كبيييبر اوووى مش عند حد انا اهلى بيحاولوا يهتموا بس للاسف بيفشلوا يمكن لانهم مقدروش يفهمونا صح 
نفسى اولادى يحبونى اووى 
مش عايزة اقول كدة بس ساعات بحس انى مش بحب اهلى بيوجعنى احساس انى عارفة انى هدفهم الوحيد فى الحياة وفى نفس الوقت مش قادرة اقدملهم ابسط شعور فى الدنيا من بنتهم وهو الحب  
عارفة انى اتكلمت فى حاجات كتير وكله كلام ملخبط بس انا حاولت افضفض على قد. ما اقدر  
شكرا لاى حد وصل لهنا واهتم انه يسمعنى
مشكلتى حلهاا صعب وانا عارفة شبه مستحيل وربنا قادر على كل شئ 
بس اتمنى دعوة ليا بالهداية لعل حد فيكم اقرب لربنا منى 😔

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_31604 🇪🇬

منذ 8 أشهر

شعور مكتئب

يريت يشباب تردو عليا انا بنزل البوستات ومحدش بيهتم انا عيد ميلادى يوم 25 الشهر ده ونفسيتى مش احسن حاجه وانا فى جامعه ودراسه ومشاكل مع الاهل وخزلان فى ناس كتير ومعنديش صحاب وعايش وحيد فا محتاج افصل وانسى كل اللى فات علشان عاوز أبدا السنه الجديده دى بدون اي قلق فى حياتى او مشاكل تنصحوني اسافر ولا اخر

Watermelon_30346 🇪🇬 لا مش لواحدك تعالا ياعم نخرج سواا

عرض الكل 7 نصيحة

Guava_35885 🇪🇬

منذ 8 أشهر

شعور مستنزف

عبّر عن شعورك بشكل مجهول

ازيكم اسفه للاطاله احاول اختصر .. الشخص اللي بحبه وبيحبني حصلت للاسف ظروف صعبه جدا تخلينا نتجمع عندي ف البيت رافضين لسبب معين لما اتقدملي وعنده ف البيت بعد كدا رفضوا لسبب معين والدنيا باظت تماما من ناحيه الأهل هنا وهنا ولكن أنا وهو لسه بنحب بعض هو اتسرع وسمع كلام زي الزفت من أهله المهم يعني خطب بعدها بمفيش وعدي ٤ شهور وانا لسه بحبه وهو لسه بيحبني هو تعبان جدا في حياته مش عارف ينساني وبيحبني وتعبان عشان مش عارف يعمل ايه انا عارفه أنه مختار يكمل مع خطيبته عشان مختار الجوازات دي بالعقل كدا وخلاص لما فقد الامل في علاقتنا تكمل وفي نفس الوقت هي قريبته وعارف أنه من جواه لو عاوز يسببها مش عارف يقول ايه سبب مقنع لأهلهم خصوصا أن علاقتهم يعني عادي كويسه تمشي يعني بس هو مش بيحيها وانا صعبان عليا البنت وهو كمان صعبان عليه صعبانه عليا أنها مع حد مش بيحبها وصعبان عليا هو الضغط النفسي اللي هو فيه وانه حاسس بتسرع يعني علي الاقل كان ادي لنفسه وقت يموڤ اون عشان يقدر يكمل معاها حتي وانا صعبان عليا نفسي اني عايشه مستنيه امل يكاد يكون مستحيل مش بعمل حاجه غير اني بدعي ربنا يجمعني بيه انا وهو تعبنا واتمرمطنا في حياتنا وللاسف الدنيا مجتش في صفنا هو دلوقتي مسافر متغرب وحاله صعب يعني كفايه فكرة الغربه نفسها يعني لما بيتعب بيحتاجني يدخل يبعتلي أنه تعبان وأنه لو ضحك علي الدنيا كلها أنه كويس ومفيش فيه حاجه انا الوحيدة اللي بيبينلها ده انا غصب عني مش بعرف اقفل ف وشه الباب مش بعرف اقفل الباب في وش حد محتاجني فما بالكم بحبيبي بس في نفس الوقت صعبان عليا كل مرة نقول طب والحل ؟ الحل الوحيد أننا نبعد ونسيبها الباقي علي ربنا لو لينا نصيب بعد كدا هيجمعنا بس المشكله أنه حتي أنا بفكر في البنت يعني بقوله طب ذنبها ايه مشاعرها تكون تحت تجربه يعني نفترض انت معرفتش تحبها بعدين ايه الحل وقتها ولما بييجي سؤال انتي لو مكاني تعملي ايه اقول لو مكانك مكنتش اتسرعت في خطوة زي دي ومستحيل ادخل حد قلبي الا وانا ناسيه القديم ولا حتي حياتي حتي لو هتجوز صالونات ولو حتي غلطت واتهورت زيك وعملتها بسرعه عشان حسابات العقل فحتي لو لقيتني مش مرتاحة اسيبه عشان مش هحط مشاعر الناس تجربه وعشان مكنش انانيه اني اختار بالعقل علي حساب حد تاني دلوقتي بقا ايييه الحل انا وهو تعبانين ميتين حاول ينتحر وانا حاولت انتحر وتعبت كتير بدون دخول في تفاصيل بس انا مش قادرة اتخطي أنه مع حد تاني ولا قادرة اتخطي سرعه الخطوة اللي اخدها بسبب كلام أهله وللاسف مش بلاقي مبرر اقول محدش بيعمل حاجه غصب عنه بس بقى خلاص اللي حصل حصل انا مش عارفه اعمل ايه ولا هو المفروض يعمل ايه انا لو عليا فمش بأيدي الا الدعاء أن ربنا يكتبلي فيه الخير والأمور تتحل ويجعله من نصيبي لكن هو ؟ المفروض يعمل ايه يرضي ويكمل معاها وخلاص طب نفترض معرفش يحبها طب ايه الحل كدا اذي نفسه أنه كمل مع حد مش بيحبه وفي نفس الوقت اذاها أنها ملهاش ذنب تكون موضع تجربه للموڤ أون من الم تاني والمصيبه بقا أن انا هو احسن علاقه في العالم مفيش بينا اي خلافات بس مشكله الأهل دي اللي وقفت ف وشنا اسفه للاطاله ومش عارفه اعمل ايه فيدوني ومستحرمة وهو بردو مستحرم لانه عمره ما كان خاين حتي معايا ولا انا كنت الشخص اللي يعرف حد وفيه حد ف حياته بس غصب عني مش بقدر اقفل ف وشه الباب لو احتاجني قولولي اعمل ايه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_39959 🇪🇬

منذ 8 أشهر

شعور غير مكتمل

Blueberry_39955 🇪🇬 رائي تعرفها وضعك وهي ليها حرية الاختيار يا توافق وتقف جمبك يا تسيبك وانت وهي تشوفو حياتكم طلما قرار هيتعلق بيكم انتم الاتنين مينفعش تاخده لواحدك

عرض الكل 13 نصيحة

عبّر عن شعورك بشكل مجهول

اول مرة اشارك في حاجة او اتكلم بس حاسس اني محتاج ابقي صريح واخد رأي اي حد عشان حاسس اني تايه عندي عقد نفسية كتيرة من حياتي بسبب مشاكل اهلي مع بعض الي اتولدت لقيتها موجودة وانفصال ابويا وامي ده عاملي مشكلة جيت في يوم فكرت اصلح ده واختارت اني اعيش مع ابويا عشان ارجعه لأمي تاني بس للأسف ده كان مستحيل وده اتسببلي بتعب نفسي وضغوطات من بابايا الي مكنش بيحبني اساسا وكان راميني عن اخواته في كل بيت شوية وبعد ما شاء القدر اني اقعد خمس سنين معاه قال انه مش عايزني وانه هيوديني دار ايتام بس والدتي خدتني تاني وعايش معاها بقالي 6سنين حاليا بس بقي عندي عقدة من الموضوع ده وبسببه بقيت معقد وكئيب في حياتي وي شاء القدر اني احب بنت واتعلق بيها بس حصلت ما بينا مشاكل قدام الكل صغيرة بس قدامي بتعيد نفس المسيرة الي كانت بين اهلي واختارت ادوس علي قلبي ومكملش بسبب خوفي من بكرة الي مش شايفله ملامح ده غير اني بقيت بحب الوحدة والعزلة مع حالي بس صعبانة عليا انها اتعلقت بيا وانا كمان اتعلقت بيها بس خايف تكرهني أو بمعني اصح خايف اطلع النسخة بتاعت ابويا الي اتسببت في دمار نفسي ليا انا واخواتي والفكرة انها بتحاول توصلي بس انا بصدها وقولتلها ان كل شئ قسمة ونصيب وعارف اني غلط بس خايف ومبقاش عندي طاقة اني اواجه اي حاجة وبقيت بقضي يومي كله في صمت ومش بتعامل مع حد غير في نطاق شغلي حتي لما بروح البيت مبتكلمش مع حد ولا بعمل اي حاجة ومش عارف اعمل اي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Guava_35885 🇪🇬

منذ 8 أشهر

شعور مرهق

عبّر عن شعورك بشكل مجهول

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

التجربة أفضل عبر التطبيق

حمّل تطبيق توهيل على هاتفك لتجربة أسرع