مش قادرة اتخطي حب ممنوع وبعد عن حياتي

Question

لما ارتبط ب حد و حبيته و حبني و ل اول مره ف حياتي احب حد بالطريقة دي  و اضطريت ابعد عنده عشان ابوه مش موافق انه يختار بنفسه الي هيتجوزها وطرده من البيت لما فتح مع الموضوع ساعتها اتصدمت من الي حصل و اني مجبره ابعد عنه عشان مزودش المشاكل بينه وبين اهله لاني قولتله لو ف يوم اهلك موافقوش انا هبعد مهما كنت بحبك و عشان بحبك مش عايزة اعملك مشاكل ساعتها حتي اقرب صاحبه ليا شايفة انه خذلني وانا شايفة انه مش ذنبه و مش عارفة اشتكي و لا احكي انا حاسه ب ايه غير ليه هو لما كنت بحكي لصحابي يقولولي ميستاهلش و فضلت فتره من الصدمه مش عارفة اعيط حتي ولما رجعت كلمته تاني انهارت و بقولة انا مش عارفة حتي احكي لمين انا حاسه ب ايه و مفيش حد بيفهمني و بيهون عليا غيرك و بقولة انت شايف الجنان الي وصلتله انا بشتكي منك ليك من كتر منا حياتي فاضيه من غيرك مش عارفة اتخطي علاقتي بيه لحد دلوقتي و بشوفة ف كل حاجه حوليا و خايفة اوي علي حياتي من غيره.

Watermelon_68270 🇪🇬 · Accepted Answer

طيب لو كان ابوه قاله دى متنفعكش و هو سمع كلام ابوه و سابك ... هل هتفضل تحبيه برضو ولا لا و هل هو ممكن يسيبك بس هو بيحبك

Lemon_66502 🇪🇬 · Answer

بصي احنا لو عاوزين حاجه بنعافر عليها فكرتي قبل كده ان اي موقف فيها انك تختاري بين نفسك وبين حاجه تانيه انك تختاري نفسك؟

Strawberry_68251 🇪🇬 · Answer

انا دايما بختار نفسي و دايما بفكر بعقلي اكتر انا مشكلتي ف العلاقة دي بس اني حبيت اوي لو كان مجرد اعجاب او مش حب قوي كان هيبقي سهل عليا ابعد لاني عارفة ان ده الصح بس عشان حبيته اوي ف مش عارفة و بحاول علي قد م اقدر ابعد بس برجع اتكلم كل شوية

Strawberry_68251 🇪🇬 · Answer

هو ابوه مش رافضني انا بذات هو مش عايز ابنه يختار اصلا لانه مش واثق ف اختياره بسبب مشاكل و حاجات كتير حصلت زمان وهو عن نفسه كان عايز يجيلي يتحايل علي ابويا لوحده انه يوافق يجوزني ليه بس ابويا عمره م هيوافق ب ده و قولتله اني عمري م هخليه يزل نفسه ل اي حد و اننا لازم نرضي بقضاء ربنا وهو ليه حكمه ف ده اكيد

Strawberry_68251 🇪🇬 · Answer

هو عايش حياته حرفيا عشاني بس و كل الي كان بيعمله كان عشان نبقي سوا وهو نفسه بيقولي اي حاجه انتي عايزها هعملها عايزاني متكلمش عشان تعرفي تنسي هعمل كده عايزاني افضل موجود و اسمعك هعمل كده الي انتي عايزة و هيريحك هعمله و متشغليش بالك بيا انا هبقي كويس و انتي معايا بس وبطمن عليكي او حتي و انا شايفك بعيده و مرتاحه

Apple_65309 🇪🇬 · Answer

انا في نفس موقفك ولحد دلوقتي مش عارفه اتخطى ذلك الشخص لانه فعلا كان أول حب بحياتي ولأول مره اعرف الحب بعد معرفتي به ولكنه خذلني جدا فهو لمجرد ماديات عاديه تركني ولم يتمسك بالحب الذي بيننا ولكن انا شايفه ان من تحبين حاول ولم يترككي.... فالله المستعان

Sugar_68848 🇪🇬 · Answer

قصة ان أبوه طرده من البيت عشان هيخطبك دا شىء موش مريحنى ، وأعتقد انه انسان موش مخلص ولا سالك وفهم شخصيتك ولقاك فترة وسابك دا انسان انانى وعديم المسوولية لانه فرضا لو عارف رضة فعل أبوه وعدم موافقته طيب ليه قرب ولو أبوه مصر على كدا ليه لسه فاتح شباكه لحضرتك ، انت ضحية حد موش ساهل وشخصيتك سهلة وساذجة وهو دا اللى مطمنه انك فى حياته ببلاش ، خليك قوية وخد قرار قطع العلاقة بيه والشخص دا فورا

Coffee_67699 🇪🇬 · Answer

كلمة بشتكي منه ليه دي وجعتني قوووي فكرتني بواحده قالتهالي زمان كانت أطيب و اجمل مخلوقه علي وجه الارض 
المهم بصي يا بنت الناس مع الأيام هتتخطي و هتقابلي إن شاء الله اللي يستاهلك و يحس بيكي من قبل ما تشتكي منه إليه ربنا يوفقك و يرزقك بالأحق بيكي .

Lemon_66502 🇪🇬 · Answer

يبقا تعالي ع نفسك واقفلي اي باب يوصلك ليه

Strawberry_68251 🇪🇬 · Answer

ابوه مطردههوش بسبب انه عايز يخطبني بس بسبب مشاكل كتير قديمه و اهله دايما بيعاملو وحش ف مواقف كتير و انا كنت شاهده عليها و معاه فيها لكن وقت م قالو قاله مش رايح معاك و روح لوحدك لو اهلها تفو ف وشك حتي يبقي كويس

Strawberry_68251 🇪🇬 · Answer

انا عارفة انه غلط و اني لازم ابعد بس انا خايفة معرفش اعيش حياتي و اتأقلم وهو مش فيها