مشاعر ميتة

Apple_65634 🇪🇬

منذ أسبوعين

شعور مكسور القلب

عبّر عن شعورك بشكل مجهول

مش عارف ابتدي منين
في ثانيه جامعه كنت معجب ببنت و البنت دي كنت بحبها فعلا بس كنت خايف اصارحها علشان مش ضامن اهلي و مش عارف الوضع هيكون عامل ازاي و مكنتش حابب اكون بلعب بمشاعرها برده.
في ثانيه جامعه هي اعترفتلي بمشاعرها و قالتلي انها بتحبني و انا برده بحبها فخوفت اصدها اخسرها منا برده بحبها و عايز اكمل معاها حياتي.
المهم ارتبطنا طول فتره ثانيه جامعه و كانت زي اي علاقه اثنين مرتبطين فيها الحلو و الوحش بس كان همي اني مخسرهاش و اني اخليها دايما مبسوطه لدرجه اني انكرت نفسي فعليا و اديتها كل حاجه عندي من حب و مشاعر و اهتمام 
مش هقول اني ملاك و مغلطتش اكيد غلطت بس دايما كنت بحاول اعتذر و اصلح غلطي و اشتغل علي نفسي و علي شخصيتي علشان اكون بني ادم كويس و ابقي الشخص اللي هي بتحلم بيه طول عمرها.
جينا في اجازه الصيف اللي بين ثانيه و ثالثه جامعه اسلوبها اتغير معايا، بتسيبني باليومين و الثلاثه مبتسألش فيا و بالاسبوع كمان، ابعتلها تقعد اسبوع متردش، و فضلنا علي المنوال ده كثيييير اوي
لحد ما حسيت ان في فحياتها حد ثاني و كنت بكدب نفسي
لحد ما دخلت ثالثه و اسلوبها معايا بقي صعب
اصعب بكتير من اللي متخيله مش دي الشخص اللي انا فعلا حبيته و مهما اعاتب و مهما اوضح انا تعبان من معاملتها دي ازاي كانت دايما تقلب عليا الترابيزه و تقولي كلام جارح فيما معناه اني مش مالي عينها و اي حاجه انا عملتهالها هي مطلبتهاش رغم انها فعلا طلبتها و لو ضمنيا حتي.

و فضلت في الصراع ده لحد ما عرفت انها دخلت في talking stage مع حد ثاني و الحد الثاني ده مصمم عليها و متمسك بيها و هي تقريبا حبت الاهتمام ز التمسك بتاعه و عرفت ان كان في صديقين مشتركين كانت بتحكيلهم كل حاجه و انا معرفش و هما اللي شجعوها تسيبني و تروح للشخص ده و تديله فرصه طالما في ايده يخطبها فعلا دلوقتي و كانت بتحارب اهلها علشانه.

مرت الفتره دي و انا ربنا العالم عدت عليا ازاي و لما كنت ببعد عنها و ارضي ان الموضوع باظ ترجع و تديني امل و اكنها فعلا بتحبني و هترجع ولما اقرب تاني تبعد و تهرب و فضلنا في كده كتير يمكن سنه و شويه
انا عارف ان اي حد مكاني هيبعد بس انا مش وحش انا بامانه كنت بحبها من قلبي و كنت بسيبلها الباب موارب ترجع بس تصلح اللي هي عكته، تبذل شويه مجهود يبينلي انها بتحبني فعلا و عارفه قيمتي، مهما قولت مش عارف اوصف الفتره دي علي كم الاذي النفسي اللي مريت بيه.

بعدين دخلت رابعه و هي برده معايا بعد ما بعدت عن الشخص الثاني حسب ما فهمت و رجعت تتعامل كويس تاني و حسيت ان الدنيا هتتصلح
لقيتها بتتعامل وحش و المرادي بتتلكك باهلها و ان هما مانعينها و هي حكتلهم كل حاجه و مهددينها لو اتكلمت معايا و كلام من ده
بس رغم كده من كتر ما كدبت عليا معنتش عارف ده فعلا اللي حصل ولا هي بتتحجج باهلها علشان تهرب
لحد ما في يوم كان المفروض الدنيا هترجع شويه كويسه بينا علي الاقل لحد ما يبقي في حاجه رسمي.
كانت مبتكلمنيش غير لما تعوز حاجه و لما ابعتلها متردش
مع انه موقف عادي و حصل كتير
بس مع تراكمات ١٣ شهر تقريبا في الدوامه دي كان خلاص مرحله الانهيار الاخير و اليوم ده نمت زعلان و الزعل قلب عليا بالم جسماني أنا عندي شبه يقين اني موت يوميها و رجعت تاني من الموت او ربنا عمل معجزه و رجعني.
و صحيت متأخر للمحاضره بسبب ده و فوت محاضرتين و نص سكشن رغم ان ده مش عادتي لدرجه ان صحابي و ناس مش قريبه اوي ليا فضلوا يرنوا عليا افتكروني جرالي حاجه 
اقرب صاحب ليا افتكرني موت يوميها و هي مكانش فارقله و كانت عارفه و مسألتش فيا

رجعت اليوم ده و انا فعليا بقيت قاعد بعيط و بقول انا عليا من ده كله بايه
ليه انا اتعب بالشكل ده علشان شخص انا مش فارقله بجنيه انا مش وحش
انا واحظ مكاني كان قفل الباب في وشها ولا عبرها ولا اداها كميه الفرص دي
كنت بقول في نفسي متتسرعش و متخليش غضبك يعميك و التمس العذر بس لاء عذر ايه في خيانه و كدب و تلاكيك و جفا
و ده اليوم اللي مشاعري ماتت فيها اتجاهها

و لما رجعت بعدها بشهور انا معبرتهاش و صديتها و رفضتها
بس بعدين عرفت انها اتخطبت و حرفيا عايشه قصه حب مع خطيبها ده و مبسوطه اوي بيه ولا اكنها اذتني
زعلي مش في انها فارقالي هي مش فارقالي
انا زعلي ان حاسس عوض ربنا بعيد عني او انها هي اللي حياتها كويسه و انا تعبان منها
انا كان نفسي ربنا يجبر بخاطري و يطبطب عليا بعد كل ده 
انا كل اللي عارفين القصه بتفاصيلها كلها بيقولولي متزعلش ربنا شايلك الاحسن و هيعوضك علي حبك ده 
بس ليه بشوف دايما اللي بيإذيني عايش حياته كويس و مبسوط و الدنيا ماشيه معاه وليا بدل للبديل الف و انا مكنتش بعمل حاجه قد اني اساعد و ابسط اللي حواليا و ربنا عارف انا كنت بعملها ايه علشان ترضي و تبقي مبسوطه بس

ليه بعد ده كله اللي بتإذيني عايشه حياتها و مبسوطه و انا اللي تعبان
ليه
ليه ربنا معوضنيش و مجبرش بخاطري و فرح قلبي او حتي قالي الدنيا دواره و حقك هيرجعلك تعبك مش هيروح هدر

انا مش قادر اسامحها حتي بيني و بين نفسي
مش قادر اسامحها

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_72835 🇪🇬

منذ 3 أسابيع

شعور وحيد

سؤال بجد اذاي تتخطي انك مببقتش تشيل مشاعر ل اهلك بباك و ممتك و اخواتك بعدت عنهم 5 سنين حتي لو كانو بيسالؤ ف انت مش عارف تصدقهم و ده اثر عليا ب اني ولا بحب ولا بفرح ولا بزعل ولا اي حاجه اصبح اشتغل بليل نايم و بس بجد الاشئ صعب ملاحظه بسيطه امي استغنت عني مره و ابويا مره و انا مستنتش حد تاني ف

Marshmallow_69067 🇪🇬

منذ شهر واحد

شعور مزعوج

موضوع:

وقت حسيت فيه ان قيمتك قليله

مش حسيت ان قيمتى قليلة بس حسيت ان دا مش مكاني كنت مخطوبة لحد محترم وكان قليل جدا لما بنتخانق بس اكتشفت انه العلاقة مكانش فيها روح انا ببذل كتير اوي وهو واقف مكانة اقعد افكر في هداية حلوة ومختلفة هو كان ممكن يجبليى هدية كان حد جايبهاله ويقولي كدا عادي .. مكانش بيغير كان بيقولي انتى محترمة مش بتعملى ح

French Fries_62143 🇪🇬 خير إن شاء الله مدام ده إلى مريحك تمام بس هو برده يمكن يكون طيب بزياده محتاج حد يفهمه

عرض الكل 40 نصيحة

Toast_63462 🇪🇬

منذ شهر واحد

شعور متعب

فيوم من الايام اتغيرت حياتى بسبب ان حصل بلوت تويست فحياتى غصب عنى ومن ساعتها حاسس انى خسرت ادمييتى حاسس انى مبقتش حاسس ب اى حاجة لا عارف احب ولا عارف اختار طريق ولا عارف أسعى ولا عارف اصلى حاسس انى ميت بس لسا فيه نفس جسم منغير روح كل دا ولسا عندى ٢١ سنة بقيت مش فارق معايا اى حد وتقريبا برده مبقتش ف

Coffee_64566 🇪🇬

منذ شهر واحد

شعور غاضب

الحياه دى غريبه اوى اوى انا حاسس انى مش قادر اتعاطف خالص حاسس ان الرحمة انتزعت منى مش قادر اشعر باى مشاعر اذا كانت حب او امل او سعاده او اى حاجه فراغ انسان ميت من جواه بقيت مش قادر اسوف ان اللى قدامى دول ناس مجرد لحمه او مش بنى ادمين بقيت بحتقر كل الناس جدا ومش قادر افهم تصرفاتهم او همه ازاى كده حاس

Hazelnut_64540 🇪🇬

منذ شهر واحد

شعور شاعر بالملل

موضوع:

عندك مشكلة في التعبير عن مشاعرك؟

اه فعلا بس الجديد إن كان كل المشاعر ماتت عندي بجد مش كلام حاسس بي دا علي نفسي وا علي الناس كلها مش شرط قريبين حتي في أماكن تنيا بعيد دا طبيعي ولا انا اروح اتعالج ولا اي الشعور الموجود الضغط وا الغضب #اناـغير

Watermelon_30346 🇪🇬

منذ شهرين

شعور ضائع

انا حاليا من كتر الفترا ال عدت عليا وحشه مشاعري جفت تماما 0 مشاعر 0 احساس 0 طاقه 0 حب 0 اهتمام 0 شغف مافيش خالص ف ناس بقت بتحاول وتقرب وناس بترجع من ناحيه العلاقات وكدا وانا بجد مقفول مش طايق حد انا الاول كنت بحب اكلم دي اصاحب دي دلوقتي بجد مليش نفس حتي الناس منعت كلام معاهم انا دماغي هي ال متحكمه

Jackfruit_55547 🇪🇬

منذ 3 أشهر

شعور خجول

عندي حاجه لاحظتها من فتره… مشكله، بس أنا مبقتش حتى أشوفها مشكله. حصل مشاكل كتير وأنا صغير، حاجات ملهاش اسم، حاجات تقلب بني آدم وتدمره. أنا اتكوّنت من الفوضى… ومع الوقت، بدأت أحس إني فقدت جزء مني… أو يمكن كله. مشاعري؟ مكنتش موجودة من الأساس، أو ماتت بدري. بحب؟ لا. بتعاطف؟ مستحيل. أنا مرتبط؟ آه. بح

French Fries_56483 🇪🇬

منذ 3 أشهر

شعور شاعر بالملل

انا واحد مرتبط بس المشكلة ان مرتبط عشان املي فراغ مش اكتر + مش بعرف اكلم واحدة بس ومفيش واحدة بتملي عيني مش عارف لي مش عارف احب حاسس ان قلبي مات مبقاش بيحس بقيت عديم المشاعر وغصب عني لازم اتصنع ان بحب و بتضايق وكدا بس انا مببقاش حاسس ب حاجة

Ice Cream_56279 🇪🇬 انت اختارت غلط و لو سمحت راجع نفسك و فكر و شوف الصح فين و اعمله و بطل عك الله يباركلك عشان كل حاجه غلط هتعملها هتدفع تمنها

عرض الكل 3 نصيحة

Apple_53945 🇲🇦

منذ 3 أشهر

شعور عاطفي

ماعرفتش علاش كنحس براسي مات شي حاجة سميتها الاحساس و المشاعر ف مرة لدرجة شي مرات كنبغي نبكي ولكن دموع والو و قلبي ولا قصاح و ماعرفتش السبب لي خلاني نكون هكا بالضبط واش حيت تراكمو عليا كاع المشاكيل و تخربقت ف مرة ولا شنو 😭 مابقيت فاهم والو

Hazelnut_52786 🇪🇬 مشاعرك مش ضعف، دي إشارة. اللي بتحسي بيه ده طبيعي لما الضغط بيزيد. عقلك بيحاول يحميكي، لكن ده مش معناه إنك مبتحسيش. * اقبلي اللي بتحسيه: دي مش مشكلتك، ده رد فعل جسمك. * ابدأي بالصغيرة: اكتبي، اسمعي موسيقى، اخرجي شوية لوحدك. أي حاجة تريحك. * فضفضي لحد تثقي فيه: كلمة واحدة بس بتفرق * متلوميش نفسك: انتِ قوية كفاية إنك مكملة الصبر و المحاوله . مفتاحك . انتي قوية . وهاتوصلي

عرض الكل 6 نصيحة

Coffee_53867 🇪🇬

منذ 3 أشهر

شعور ضائع

بتلاقو هدف للحياة ازاي أنا في الجيش وفاضلي شهرين وأخلص بس بقالي اكتر من سنة عايش بدون مشاعر او هدف حاسس نفسي ميت من جوا ولا بفرح ولا بزعل علي حاجة ولا حتي عايز او عارف اعمل حاجة كنت بلوم ده علي الجيش لما دخلت بس الموضوع ده من قبله

Banana_28618 🇪🇬

منذ 10 أشهر

شعور مكسور القلب

بقیت انسان بلا اهتمام بلا مشاعر بلا حياة مبقيتش بكلم ولا بعبر ومفيش صحه ولا اي حاجه بجد فكرت كتير بجد ابعد عن حياتي كلها مش عارف ولا قادر مفیش علاقات مفيش اصحاب كل حاجه بقت تقيله الكلية الاهل الصحاب....... حياتي بتقف كل شويه عايز اتكلم ومش قادر عايز اللي يحكيلي واحكيله يسمع صوتي واسمع صوته

Guava_20930 🇪🇬

منذ سنة واحدة

شعور لا مبالٍ

لاحظت هنا ان ناس كتير بتشتكي من فقدان المشاعر والاحساس ومهما كان في مشاكل فميش شعور بالحزن ولا بأهمية الموقف كنت بفتكر انا لوخدي كده ومش عارفه ازاي وصلت لللحاله دي ولا ازاي اطلع منها حاسه بممية تبلد مشاعر مش طبيعيه +نفسي اعيط ومش عارفه .. حد عنده حل او حد مر بالتجربع دي وخرج منها؟ ..حد جرب لستشارات

Potato_11420 🇪🇬

منذ سنة واحدة

شعور ضاق ذرعًا

مبقتش بحس ولا بفرح ولا بزعل ولا حتي بعرف اعيط واي حاجه بالنسبالي عادي مش عادي زعل لا عادي الي هو حرفيا مش فارق..

Banana_18805 🇪🇬

منذ سنة واحدة

شعور شاعر بالملل

عارفين انا بقت كل مشاعري باردة اوي ومش بتأثر بالي كنت بتأثر بيه ومش حاسس بطعم الدنيا وحلاوتها حد عارف ايه السبب طيب واقدر ابقي احسن ازاي

Avocado_63863 🇪🇬

حبيته وسبني ومش فاتح بالي وهو عايش عادي

حاسه اني ضيعه خصوصا بعد ما حبيته وسبني وبعد كل اللي كنت بعمله اللي يطلبه سبني وكمان غلط فيا طيب هو هيتردله الاذي ده المشكله اللي وجع قلبي أنه عايش حياته عادي ماشي ورامي كل الغلط عليا طلعني انا اللي وحشه بعد مكان ههيموت عليا قلبي متكسر ميت حته اعمل اي تايه بمعني الكلام وهو عايش حياته هو اصلا مش فكرني 💔💔 ...عرض المزيد

2 الدعم

27 نصيحة

Apple_60650 🇪🇬

أمي خاينة أبويا ومش عارفة أقول له

ازيكم انا عندي 26سنه متجوزه وبحب جوزي ومعانا ولدين دي القمر ربنا يخلهملي يارب بصلي الحمد لله المشكله الا في حياتي هيا امي امي على علاقه ب راجل تاني غير بابا وبابا راجل كبير ف السن 77سنه واني أصغر منو ب كتير المهم انها على طول مسوده عيشه ابويا ومبهداله وشتيمه وقله قيمه ومعايره انو مبقاش يقدر يعمل معاها علاقه معرفا الناس كلها كل الرجاله آلاف العيله او الا بره العيله عارفين انو مقصر ف الحكايه دي انا دلوقتي وقعت تحت ايدي ركورادت ليها معا الشخص الا هيا ماشيا معاه ده ومش عارفه اعمل ايه ابويا صعبان عليا جدا ومن شهر ابويا عمل معاها مشكله كبيره وساب البيت ومشي ودخل اخوها وعشان هيا مقتدره ماديا اخوه كدب ابويا وقالو هنرفع عليك قضيه سب وانك بتخوض ف عرض اختي وجه ف صف اخته عشان بتصرف عليه انا دلوقتي معايا دليل ان بابا عنده حق ومش عارفه اقول ل بابا ولا اعمل اي انا بحب بابا جدا وصعبان عليا الا بيحصل فيه ده انصحوني ...عرض المزيد

3 الدعم

20 نصيحة

Strawberry_70616 🇪🇬

محتارة أوي أعمل ايه في حياتي بعد التخرج

انا محتاره اوي أعمل ايه في حياتي لسه متخرجه من كام شهر و من بعد ما اتخرجت وأنا تيهه لدرجه إني مستلمتش لسه الشهادة من كتر ما انا بهرب من الحقيقه معتش عرفه اعمل ايه اشتغل ولا اتجوز و ساعات بميل لأني اتجوز و استقر و اعمل بيت و ساعات إميل إني اشتغل بس مش عرفه اعمل ايه صحابي إلي قدي في منهم مخطوب و متجوز و استقر و في منهم بداء يشتغل بس لما باجي أشوف حياتهم برضو مش هو دا إلي ببقي عيزاه بيبقي شغلهم أصلا بره التخصص أو شغل مش حباه و إلي متجوز ببقي شايفه طبعا أن وضع جوزهم دا مش مناسبني بس علي الأقل بيبقو عملو حاجه عيزنها أو مختارنها انا مش بابص ولا يقارن حياتي با حياه حد نهائي بالعكس إلي هما فيه مش عجباني بس خايفه أوافق مثلا علي حد أو جوازه مش عجباني لمجرد أن مفيش رجاله كويسه في الزمن دا و كدا فا أرضي با أقل الخساير أو شغلانه مش حباها عشان أهو اسما بشتغل اعمل ايه بجد تعبت ...عرض المزيد

0 الدعم

20 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع