مشاعر مضايقة

Grape_57212 🇪🇬

منذ شهر واحد

شعور محبط

موضوع:

ماذا لو

السلام عليكم. انا وهو نعرف بعض من خمس سنين ونعرف اهله بس لسا محصلش حاجه رسميه. ف انا اعرف اخته ورقمها عندي ف كانت منزله استوري عصير ف دخلت سالتها بيتعمل ازاي ف قالتلي يخربيت ابوكي هتموتي مننا. وهي كانت بتهزر وانا هزرت وعادي بس انا من جوايا مش بتقبل الهزار دا او حد يغلط فيا ويعدي حدوده معايا. ف قولت

Blueberry_63218 🇪🇬 وعليكم السلام ورحمة الله وبركاته ابعدي عنهم لغاية ما يبقي في شئ رسمي ومتخليش حد يقلل منك بنتعلم عادي من المواقف واثقة أنك مش هتخليها أو غيرها يتعدي حدودها تاني 🫂💜

عرض الكل 8 نصيحة

Cherry_35286 🇪🇬

منذ 6 أشهر

شعور مرهق

عبّر عن شعورك بشكل مجهول

انا عندى صاحبه من زمان قربنا من بعض في فتره إعدادى لاننا جيران ف كنا بنروح و نيجى مع بعض بس مش اكتر و كان عندنا ناس صحابنا كانت هى طول الوقت بترتاح في الكلام معاهم لأنهم بيحبوا الضحك و الهزار وكدة و اى حاجة بيقلبوها ل ضحك و هزار حتى لو احكام في الدين إنما أنا أقل الاشياء بحب افكر فيهم بعقلى و وقت الجد جد و الهزار هزار ف هي اختلفت مع صحابنا دول لسبب ما أنا كنت حذرتها انها تعمله كذا مرة و هي عملته و اكتشفت بعدها إن هي غلط و اختلفت معاهم أنهم ليه يشجعوها على حاجة غلط و لانه ظهر كذا موقف باعوها فيه ف قربنا أنا وهي من بعض و بقينا صحاب قوى بس انا لسه حاطة حدودي بيني و بين اى حد المهم إن هي اغلب الوقت مش فاهمة وجهة نظرى و دايما خلافاتنا على كدة دخلنا الكلية و انا كونت صحاب من القسم بتاعى و هی کونت صحاب من القسم بتاعها و بحكم أن احنا ساكنين مع بعض في السكن الجامعي ف جت ليا مرة المدرج و اعترفت على صحبتی و خدت رقمها و بتتكلم معاها وبتقولها سيبك منها خليكى صحبتى أنا قدامى و إن أنا بزهق و مش بخرج کتیر و بتتريق عليا قدمها على حاجات تافههة و لما بتكلم معاها بتقولى أنها بتهزر و لما يقولها إن ده مش هزار بتقولى علشان أنا اللى مبهزرش و ده العادي حاولت كتير ابعد عنها من غير ما تبين لها و اسحب نفسی بشويش يلاقيها بتلزق لي و بنقولى متغيرة ليه وكدة وبتقولى أنها بتهزر و بعدين يحصل ليها مشكلة ف بتصعب عليا وبقول يمكن نيتها مش وحشة لحد ما قالت ليا أن القسم بتاعى وحش مع العلم اني كنت جايبة مجموع أعلى منها بكتير و هي كانت بتقولى أنها نفسها كانت تجيب مجموع أعلى علشان تدخل معايا القسم وكل كلامها أنها احلى و إن كذا شخص عاكسها و كذا شخص كلمها و كذا شخص اتقدم لها و بصراحة انا زهقت لأنها بتكبر المواضيع لدرجة أنها بتحسسنى انها محور الكون و انا وحشة مع انى جمالى متوسط عادی یعنی و هی كذالك و كنا ماشيين فى مرة ف كان هيحصل لنا حادثة و العربية كانت هتخبطنا وجرينا و انا كنت ناحية العربية ف بعد ما بعدنا شوية بقولها الحمد لله بجد الواحد اتخض و كان خايف يحصل حادثة و كدا راحت قابلة ليا انت عادى مش مشكلة كنتى موتى و خلصتينا لكن أنا فيه ناس عايزاني كأنى مثلا من الشارع أو مليش أهل أو حاجة وبتقول كدة بكل برود و بضحكة و لما اتضايقت قالت لى بكل برود كنت بهزر قلت لها أن ده مش هزار اصلا و لو هى بتحبنى مكنتش فكرت فى الجملة دى مش قالتها بس راحت قايلة أن انا مكبرة الموضوع و يقف ليها على الواحدة و كمان كان فيه واحدة صاحبتنا فى السكن لسه عارفينها بتقولها يلا
علشان نعمل اللى اتفقنا عليه راحت قابلة ليها انت بتقولى قدامها ليه ( اللى هى أنا ( ف بقولها فيه ايه يعني انا مش مش عايزة اعرف انتوا عايزين تعملوا ايه اصلاف راحت قابلة ليا أنا اصلا مكنتش هقولك و قالت لصاحبتنا اياكى تقولى ليها هنعمل ايه قولت لها متقوليش أنا اصلا مش مهتمة انى اعرف و متکلمتش و کل مبرراته انها بتهزر و انا مش بفهم في الهزار و مش بعرف اهزر مع أنه أنا بهزر عادي بس كل حاجة ليها حدود و لو ههزر هركز انى مضايقش اللى قدامى ولا أخرجه قدام حد ف ياريت حد يقول اتصرف معاها ازاى من غير ما اضايقها أو انسحب ازاى من صداقتنا من غير ما نجرح في بعض

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Cherry_35286 🇪🇬

منذ 8 أشهر

شعور عاطفي

موضوع:

اتغيرت ازاى... وايه سبب التغيير دة. 🩶

حط نصيحة كنت عايز تنصح بيها نفسك او لو رجع الزمن بيك كنت عملت بيها أو نصيحة حابب اقولها ل نفسك دلوقتى أو حاجة حابب توصلها للكل ونفسك الجديدة تقول ايه للقديمة و ايه النقط اللى ممكن تضايقك فى الشخص اللى قدامك

Strawberry_40472 🇪🇬 حلو اوي الفكره هقول لنفسي حبي نفسك كويس ومش مهم الي حواليك مديني اهتمام ووخدني اقرب حد وابعدي عن كل ما هو حرام بجد اقفل الباب خالص

عرض الكل 10 نصيحة

Kiwi_34417 🇪🇬

منذ 9 أشهر

شعور غاضب جدًا

في مشكله وان هي الاحساس انك تتضايق من فعل شخص مثلا كنت ماشي انا واتنين صحابي ف واحد قال انا رايح مشوار ف الاتاني قال روح ويخدني معاه يعني وان هو هيروح ف اللي رايح مشوار دا قال لا دا انا عايزك انت ف حسيت اني مش مهم ف نظرهم زي م هما مهمين عندي ولما قولتلهم اني همشي اللي صاحب المشوار قالي عايز تمشي امش

Biscuit_17258 🇪🇬

منذ سنة واحدة

شعور Okay 😐

‏الواحد دايماً ف صراع بين ان الدنيا مش مستاهله وان في حاجات كتير مضايقاه واللي هو ايوا انا عارفه ان الدنيا فعلا متستاهلش بس بردو مش قادره اتجاوز اللي مضايقني ومضايقه غصب عني

Plum_62202 🇪🇬

خايف اكلم أبوها عشان معنديش شقة وجيش ورايا

ازيكو محتاج احكي حاجة واسمع ارائكو فيها دلوقتي انا في بنت بحبها من وانا ف الكليه 4 سنين لحد ما لسه متخرج السنادي وطبيعي عاوزاني اتقدم حقها ولاكن في كذا مشكلة الاولى انا لسه متخرج مش معايا الماديات المتاحة زي انا مش عندى شقة حاليا لسه مقدم علی اسكان اجتماعي ودى حيلك ع ما تستلمها بقي الثاني انا لسه متعين ف شغل مرتبه قليل جدا جدا جدا بس عملت كده علشان اعرف يكون عندى حاجة اتكلم بيها عندى شغل ولسة مقدم ع شقة بس النقطة ف اهلى رافضين انت معندكش شقة رسمي هتعمل اي ازاى معندكش شقة مينفعش تروح وانا لسه ورايا جيش ف شهر 4 كمان ف لا متروحش تكلم ابوها ولا تعمل حاجة ف دى مشكلة وان ابوها راجل يعني هي اول بنت ليه ف بيحبها جدا جدا جدا بيخاف عليها من الهوا اعتمدا يدلعها وحقه بس هو بردو لما عرفته كانت ساكته في منطقة متوسط الحال زي لاكن السنه اللي فات مستواهم اللهم بارك على جدا جدا ونقلو ف مكان ف کمبواند ده عملى مشكلة نفسية بس عادي ولاكن ابوها دايما بيقولهم هاتوا حد ميتعبكوش يكون جاهز والحاجات دى وان هو ممكن لما يعرف أني معنديش شقة ميقعدش معايا اصلا ولا يكلمني انا مخنوق جدا وخايف اوى اوى وهي عملت علشاني كتير اوى واستنيتنيتي تمنعت عرسان كتير وفي حد صاحب ابوها متقدملها واهلها بيحبو جدا جد جدا بيلمح كثير لابوها يتقدم وأبوها موافق عليه وحابه وعائلتها كلها حابه انا جنبه مش جاهز بای حاجه لسه هو صاحب ابوها ف الشغل وعنده شقة وعربية وكبير مش صغير 30 سنه وانا وهي 22 ف هو جاهز انا جنبه ولا ايه حاجه بس ف أقل حاجه قابل باباها اکلمو خايف من رده فعلو كلامة وخايفه اتكسر الفكره انا اهلى بيقولو انت معکش ای حاجه دلوقتي ف كلمو وروح عرفو أنك بتحبها بس مش هقدر تعمل اي خطوة رسميه دلوقتي اي خطوة هتكون بعد الجيش بس روح واتكلم معا انا مش عارف طب اروح اتكلم معا ف اي ولا اقول اي واحاول ازای اتكلم معاف حتة اني دلوقتي جايلك علشان مش عاوز اعمل حاجة غلط و الدراسه خلصت و ملیش تواصل معاها بس انا قولتلها اني بحبها وهي قالتلى تعالى كلم بابا ف عاوز اكون قد كلمتي وجيت لحضرتك انا ممكن اكون مش جاهز حالياً ولاكن فعلا بحبها وعاوزها مش عارف كلامه هيكون اي او انا اقول اي او ارد ازاى او اى حاجه او اتكلم ف اي او هو ممكن يقولى اي انا مقدر انو اب وعاوز كل حاجه لبنته واحسن حاجه بس انا خايف من حاجات ومنها وكلمهاش تاني وحاجات تانيه كتير اكيد بس انا مش عارف حتي اعمل اي واتكلم ف اي حتي وهو ممكن يقولى اي وهي تعمل اي علشان تقف معايا وتتكلم أهلها تقول اي محتاج حلول او اراء ...عرض المزيد

0 الدعم

0 نصيحة

Blueberry_73521 🇪🇬

هفضل اهرب بالادوية لحد امتى؟ تعبت من القلق

مفيش حاجة بتهديني غير الادوية هو انا هفضل اعيش حياتي بيها ؟ انا بطلتها فترة كبيرة بس اول ما حصلي انتكاسة مقدرتش اتعايش عادي و خدتها تاني هفضل اهرب بالادوية لحد امتى ؟ نفسي ابقى انسانة طبيعية القلق مبيآثرش فيا و يوقفلي حياتي للدرجادي انا تعبت و كل الاحداث بترهقني بزيادة ...عرض المزيد

0 الدعم

2 نصيحة

Nutella_73953 🇪🇬

مش عارفه أكره الشخص ده مع أنه سببلي كسرة

لسه بالرغم كل حاجه حصلت مش عارفه حتي اكره الشخص ده مع ان سببلي كسرة كبيرة اوي بجد مبقتش عارفه اكون كويسه خالص مش عارفه اثق في حد حاسه حياتي وقفت عند الشخص ده عارفه انه الحياة مش بتقف علي حد بس غصب عني انا حاولت كتير انسي كل شويه برجع تاني برجع اسوء من الأول 💔💔. ...عرض المزيد

0 الدعم

0 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع