لغز البنت

Sugar_74427 🇪🇬

بحس إني لوحدي ومن جواكي فاضي

ايام كتير بتعدى عليا رمادى ، لا هى ابيض ولا هى اسود شعور انى بكمل اليوم عشان اليوم يعدي ويجي اللي وراه، شعور انى مش لاقيه نفسي، بهرب ف حاجات لا تفيد عشان مفكرش ، لدرجة انى بقيت بطبق الصمت والانعزال مع اهلي معظم الوقت، وهم لاحظوا دا ولامونى فيه.. من كتر تجاهل شعورى وهروبي بقيت بعيدة عنهم منكرش انى كدا مرتاحة تجنبا للمشاكل والمشاحنات اللى مش بتخلص، بس ف نفس الوقت بأنب نفسي علي تقصيري ف حق اهلي وهروبي من تواجدي معاهم حتى ف الاوقات الكويسة كأني معنديش طاقة ليهم . من زمان اوي وانا اسرتي مش اسرة سوية، كان في خلافات لا تعد ولا تحصي بين بابا وماما وكنت بشهدها بصفتي الكبيرة وسمعت وشوفت كتير، وكنت لانى مش عايزة افكر بتجاهل دا واكتم اي زعل جوايا وعادى ، وكبرت والمشاكل مش بتقف والازمات مش بتخلص وشعورى انى غريبة ف بيتي بيتفاقم، توفي بابا الله يرحمه وحزنت فترة بس بعد كدا بقيت بتجاهل شعور الحزن دا بقيت بتجنب افكر فيه او اشوف صوره او حتى اروح ازوره بتجنب اي حاجة توجعني لما افكر كبرت وانا حسة انى لوحدي ودلوقتي عندي اصحاب بس بردو حسة انى لوحدي، مكنتش متعودة احكى مشاعري لحد لانى عمري ما حسيت اني استاهل اتسمع كنت ومازلت الركن الامن لصحابي واسمع مشاكلهم واحلها من قلبي، بس اتكلم عن شعور ملازمنى وخانقني لا مبعرفش شعور متعب بأنك متستحقش تكون متشاف، اصل هتتشاف ع اي وانت من جواك فاضي انا مش عارفة انا بكتب دا ليه، بس حسيت انى عايزة اتكلم وخلاص ...عرض المزيد

0 الدعم

3 نصيحة

Coffee_74800 🇪🇬

كلية تربية مش عجباني وعايزة اشتغل في حاجة تانية

سلام عليكم انا كنت عرضت مشكلتي هنا اني في كلية تربية اساسي علوم وهي مش عجباني وعايزة اخد كورسات عشان لما اخلص كلية اشتغل في حاجة احسن من التدريس عشان مش عايزة ادرس بس اكتشفت اني ممكن بعد مخلص كلية تربية ال٤سنين ققدر اكمل في كلية علوم يااما من تانية او من اولي مش متأكدة انا عرفة اني مش لازم اركز علي ده من دلوقتي بس انا مش عايزة اعشم نفسي في حاجة فهل الأحسن اني اكمل في كلية علوم بعد مخلص واشتغل في حاجة علمية ولا ابتدي كورسات واشتغل منها ...عرض المزيد

1 الدعم

4 نصيحة

Chilli_64343 🇪🇬

مش كفاية؟ وليه بيبعد؟ وسؤال توقيت الرحيل

في حد دخل حياتي من غير ما أكون مستعد.. مفيش مقدمات ولا أسباب، بس حسيت كأني لقيت الجزء اللي ناقصني. الغريب إن كل حاجة كانت بتمشي بينا بسهولة، لحد ما بدأ يسيب علامات استفهام كتير. يا ترى الإشارات دي كانت صدفة؟ ولا أنا اللي مكنتش عايز أشوف الحقيقة؟ 🤔" بس مع الوقت اكتشفت إن أكتر حاجة بتوجع إنك تحس إنك مش كفاية. اللي بيقولك "إنت كل حاجة" هو نفسه اللي بيبعد خطوة خطوة. هو فعلاً بيتغيّر؟ ولا أنا اللي اديته أكبر من قيمته في حياتي؟ "في لحظة معينة.. بطّلت أسأل ليه بيبعد. بطّلت ألوم نفسي، أو أفتش في التفاصيل. يمكن عشان فهمت إن في ناس دورهم إنهم يعدّوا.. مش يعيشوا معانا. السؤال اللي لسه مش لاقي له إجابة: هو إحنا بنختار الناس.. ولا الناس هي اللي بتختار توقيت الرحيل؟" ...عرض المزيد

0 الدعم

8 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع