امبارح حصل حاجه خلتني احزن جدا ، يعني يجد متمنهاش تحصل لاي حد انا شغال في ماكن المهم في واحد معايا في الشغل هو راجل كبير ف السن يعني في نص الخمسينات مثلا الراجل ده منضبط في الشغل كلامو قليل جدا في حالو بمعني اصح ، الراجل ده من فتره بدأ يتغير (بيكلم نفسو ، سرحان ، مش مركز في الكلام لما بيتوجهلو كلام ) اتكلمت معاه و عرفت ان عندو مشاكل ف البيت ، المهم الراجل ده كل يوم حالتو بتبقا اصعب من اليوم اللي قابلو و انا مركز معاه من غير ما يحس ... لغايه من ٣ ايام مثلا لقيتو بيكلم نفسو و بيضحك و بعد كده يعيط و نظراتو غريبه جدا ، كنت عايز اتكلم معاه بس حسيت ممكن يزعل ان حد خد بالو من حالتو فا يحزن ع نفسه .... امبارح لقيتو جي بيسلم عليا و عينو فيها نظره مخيفه جدا مبرق و مبتسم جامد و هو بيسلم فضل ماسك ايدي و ضاغط جامد بيسلم عليا بأسم تاني غير اسمي و بيقول كلام مش متشابه يعني (انت محطرم اوي بس انا معايا فلوس وانت لي موجود هنا و مين الناس اللي وقفين دول و لي اسمك كده) و حاجات تانيه مش عايز اتكلم فيها فضلت مبتسم وانا بكلمو و حاولت مبينش ان في حاجه غلط او ان ايدو ضاغطه جامد ، بس حزنت لدرجه البكاء ، و بالذات لما لقيتو بيعمل حركات قدام الشغل تدل انو مختل او بقا مختل الراجل ده مكنش بيخلف و تزوج انسانه مطلقه عندها طفله عشان يعوض حاجه زي دي ، الكلام ده من ١٣سنه بعد ١٠سنين من زواجه ربنا كرمه بطفل عندو دلوقتي ٣سنوات الطفل ده جالو مرض و اتشخص غلط المهم ان حالتو صعبه ، عم الراجل ده اكل عليه الورث ، زوجتو طلبت الطلاق عشان حالتو الماديه سيئه و بتعايرو انو مش عارف يصرف عليها و علي ابنأها و انو ضعيف في الشخصيه و مش عارف يواجه عمه الراجل ده اتقهر ، و اعوذ بالله من قهر الرجال ، انا شاب لسه يبدأ حياتي يعني لسه خريج و المفرود اني خلاص قريب المفروض افكر الزواج بس حرفيا لما شوفت الراجل الوقور ده متبهدل كده جوايا حاجه خوفتني و بعيدا عني ، مش عارف اساعدو ، بقي ف مرحله صعبه لان المديرين بدأو يلاحظو و تقريبا هيمشي و لو مشي الراجل ده هيتبهدل اكتر و احتمال يموت اصلا مش عارف اعمل اي

3

7