قصة حب

Apple_64598 🇪🇬

منذ يوم واحد

شعور مكسور القلب

عبّر عن شعورك بشكل مجهول

دي قصتي ومشكلتي ودي الجزء الاول الي مهتم يبعت وفي جزئين كمان بشرح فيهم المشكله ياريت الي عارف يساعد يبعت.
ل الي أدت أننا نسيب بعض.
سين (اسم مستعار) انا طالب 
شهر ٩الجاي هكمل١٧ سنه داخل تانيه ثانوي اهو عايش في بلد مش مدينه ومش قريه نص نص كده انا في مدرسه لغات فنبقي داخلين المدرسه متأخر سنه عشان الي هيستغرب من السن بس، شبه محبوب من المدرسين دماغي اكبر من سني قارئ ويكتب شعر وشكلي اكبر من سني بشويه حلوين محل ثقه لكل المدرسين والناس الكبار ده راجع ليا انا ولتاريخ عليه ماما في البلد الي عايشين فيها ناس كانوا سياسيين وكده ودلوقتي انا رئيس الكتاب الشباب في مدينتي علي مستوي المدارس، المهم في دخولي لأولي ثانوي ودي مرحله جديده بالنسبه لي أنا ولأي حد في مرحله انتقاليه من اعدادي لثانوي في المدرسه اول تلات ايام عدوا بكل سلاسه دخلت واحده كده قالت اهلا انا مس رؤي (اسم مستعار) مدرستكم السنه دي ممكن اوصف البنت دي الي هتبقي حبيبتي اقول بأختصار اجمل ما رأت عيني من قلب وجسد ومنظر وضمير اعجبني وشدني لها كسوفها واحمرار خديها وجمال صوتها وإصرارها أن تقدم ماده علميه وتشرح رغم كل المعوقات التي تضعها إداره المدرسه من عادات روتينيه غبيه هذا ما شدني لها بالتأكيد يوجد اكتر لكن هذه الصفات ابرزهما مر يوم اثنين ثلاث اربع وانا اكدب نفسي اقول انت اهبل هتحب مدرستك انت اهبل وهي برضه هتحبك ازاي اه هي شكلها صغير لكن انت اهبل اكتويت بنار الحب واشفقت عليها من سخافات ومعاكسات العيال شعرت أنها حبيبتي وبنتي من قبل أن تكون شعرت بالمسؤولين تجاهها وبالحب وبكل شئ، اصدقائي وخصوصا باسل هذا الملعون لاحظ وقال انت اشمعنا في حصه مس رؤي بتطلع قدام قولا بكل بساطه عشان هي الي بتشرح لكن الحقيقه عكس ذلك، المهم من الوقت عملت جروب للفصل وكده واحد الطلاب جعلني الادمن اكتر مهنه بها شقاء في الدنيا والله المهم العيال لعلمهم أن رؤي طيبه ومش هتعمل حاجه كانوا بيقولوا ادبهم وبيستعبطوا فكنت بقفل الجروب ولقيت مع الوقت بتقولي عرفني التحضير ويساعدها وبوريها أعمالي والشعر والمقالات الي بكتبهم وبقينا في اخر كل يوم نتكلم شويه كنير احيانا من ٩بليل ل٣الفجر وتحكي المهم العلاقات اتطورت وحصل مشكله رؤي هتتنقل الفصل التاني لم البث حتي وجدت هذه الفرصه لا أنكر أن رؤي كانت تبكي بالدموع أمام صديقتها لأنها كانت ستترك هذا الفصل، عندنا رفض المعلم الاول الاول إرجاعها لفصلي راسلتني في الساعه السادسه ونصف صباحا وجائت باكيه حزينه مهمده ولم تلبث حتي وجدت هذه الفرصه لتثبت لها اني بجانبها بجانب هذه الساحره كلمت امي فكلمن وكيله المدرسه وبعد اسبوعين خناقات مع الاداره الحمدلله نقلت لفصلها والعيال حقدوا عليا ازاي تعرف تنقل ملحوظه (النقل كان ممنوع مؤقتا ساعتها) المهم من هنا اتوضطت علاقتنا وبقت اقوي وجبت لها هديه ورق معتق وهي كمان جابت برطمان فيه رسائل وانا بفتكر الأحداث دي عمري ما كنت اتوقع أن انا وهي هتبقي كده بجد وحشتني نفسي ارجع لاول لحظه شوفتها فيها يلا خير المهم في حاجتين نسيت اقولكم انا بيتي قريب من المدرسه في وانا مروح بلص لقيت طريقها نفس طريقي بالظبط زببص لقيته شارع شبه قدامي ويبدو انها شافت بس محبتش تبين وبعدها وكده عرفت أن عندها ٢٣سنه وساكته جنبي وبقينا ايام كتيره بنروح مع بعض بجد اجمل لحظات حياتي معها وهي مكانتش بنت اكبر مني دائما كانت صغيره وبريئه وبنتي ومعايا وبتحبني وشيفاني سيد الرجاله ، اسف علي الاسترسال اسف بجد خلينا نكمل كل الهدايا دي واحنا مجرد أصحاب المهم بتحصل صدف غريبه نصحي بليل في نفس الوقت نبعت في نفس اللحظه كده لحد يوم ١٦/١ في شهر يناير الي فات شبه بقينا صحاب من نص ١١لحد١٦يناير صحينا لقينا نفسنا الفجر في نفس اللحظه قالت بحبك وانا قولت وانا كمان زاتعاتبنا ليه مثولناش عدي شبه شهرين كده البدايات وجمالها اجمل حاجه ممكن يعدي فيها الإنسان الفتره الي ممكن يعدي فيها الي عمره ما عداه ويتناول عن كل حاجه عشان حبيبه صبره بيكون طويل
وحُبه اطول واكبر المهم، بعد الفتره دي بدأت تبان الحياه الطبيعيه الانبهار راح بس لسه الحب مكانس في ملل كتير بصراحه والملل بحبنا كنا بنتغلب عليه وكنا كان حبنا اكبر حتي بي عز المشاكل لكن المشاكل بدأت تظهر (انا هتبع نظام أننا مثلا هقول المشكله وادي كذا مثال عليها) اول المشاكل دي الا وهي اللبس وفكر أهلها اولا لبسها ديق وهي اجمل بنت ممكن تشوفها ومحجبه مينفعش اللبس ده والبناكيل الاسكبني دي اقول يمكن أهلها يوعوها الاقي امها بتقول لها البسي لبس بينك حلوه وصغيره انتي عروسه لازم تبقي حلوه وتكون رايحه تشتري هدوم هي واختها الكبيره وأخوها الصغير وهو عنده١٩سنه فلفوا البلد علي بنطلون واسع تلاقيه بيقول لها ما تلبسي شارلستون ديق وخلاص ابه المشكله طبعا ده صدمني اكتر الاقي مامتها الي متحكمه فيهم وملحوظه حالتهم الماديه ضنك باباها مش متعلم كان شغال ميكانيكي وكلمتها خريجه فنون جميله مبتستغلش وأخوها شغال في جيم قبضه يدوب ورؤي لسه اول سنه ليها مدرسه بالحصه هنرجع للملحوظه دي مهمه، المهم وموضوع اللبس والميكب وده بيتكرر كتير وهي عايزه كل حاجه تنزلها انستا وانا بصراحه ممكن اكون غلطان في الحته دي اني مكنتش يخليها تنزل انستا خالص خالص كنت بغير عليها جامد بس اكيد عندي حق وموضوع اللبس ده بقي بيتكرر بكثره ومره كنت بتنازل وهي عشره لحد ما قالت لي زهقت رميت كل دولابي واتخانقنا عشان الموضوع ده بس كان بيتلم ولما عازت تروح اجيب بنطلون عايزه اجيب ديق برضه المهم ما علينا، المشكله في أهلها وخصوصا انها هي الناس اولا أهلها ناس طيبه جدا ومحترمين جدا وولاد حلال بس انها هاممها الناس اقول لها يا رؤي متلبسيش كده تقولي ما كل البنات لابسه اقول لها يا رؤي متتأخريش لكذا تقولي ما صحباتي وكده بيتأخروا واهلي عادي وامها عايزه تسفرها برا السعوديه تشتغل مدرسه وبتعايرها ببنت خالتها الي شغاله خدامه في الإمارات انها بتطلع أهلها ونبهت لهم فلوس من برا الفكره أن البنت دي حبت السفر رؤي لا محبتوش ورؤية مضحيه ةنضيفه جدا وبتحب أهلها جدا وده ينقلنا المشكله الي بعدها التعلق بالاعل هي فاكره أن أهلها لما ربوها وصرفوا عليها هما كده عملوا جميل ولازم ترد الجميل ده ولازم تموت نفسها عشان امها ترضي عليها وامها يا مش فاهمه يعني ايه شغل ولا حياه عمليه ولا ده قد ايه صعب علي بنت في رقه رؤي وجمالها مش مقدره الاميره الي معاها في البيت المهم موضوع الأهل ده وتعلقهم وان اختها بتيجي من بلد تانيه مثلا تقعد تلات ايان او يومين بالاسبوع شبه كل اسبوع وساعات بين الايام دي مبيكلمش التلات ايام وتيجي تاني والخنقه دي واه اوضه رؤي عباره عن صالون عام اي حد بيدخل يقعد الباب مبيتقفلش مفيش اي خصوصيه لاي شخص فيهن عن التاني كله كده ملهاش خصوصيه تقفل الباب حتي مش إجبار من أهلها لا طبعا بل عشان هي اتعودت علي كده وده غلط اوضه البنت دي حرمه لازم يكون ليها احترامها فاهمين يعني ايه اي ضيوف تيجي ولو حتي ولا عمها أو خالها الرجاله يقعدوا في اوضتها ويشوفوعا وهي قاعده فيها واه قدام جوز اختها وقرايبها مبتلبيش طرحه وبتقعد بنص كم عادي وده طبعا كل ده انا منعته ده نبذه عن المشاكل ده غير مشكله العرسان رؤي من كتر جمالها بيجيلها عرسان كتير ف كل فتره عريس وهي بصراحه بترفص عشاني وده طبعا عامل ضغط عليها وضغط من امها ده غير ضغط الشغل زي ما قولت لكم عيزاها تسافر وبتقطمها حتي بالغسول الي بتجيبه لها ، المهم مثال لمشاكل تانيه وهي الالتزام عيله رؤي ورؤية يمكن عشان معرفوش الحياه العمليه معرفوش قيمه الوقت يا جماعه الالتزام بالمواعيد عندي والوعود دي حاجه مقدسه بالنسبه لي أنا هي عندها ولا شئ يكون مثلا اسبوع خدته كله افراح وبتاع ونزول لهدوم ومرواح زيارات ف الاسبوع الي بعده بقول لها هنقعد فتره مننزلش الا للضروره ولو نزلنا هنرجع مثلا ٩وهي تقول اوكي دلوقتي ده عهد مهما حصل بالنسبه لها العهد ده ممكن يتكسر لو اختها قالت لها مثلا تعالي نجيب هدوم او مثلا فجاه بنت اختها جت من المنصوره هي وامها طبعا وعايزين يروحوا ميدو اريا الساعه ١٢بليل حصلت مره ورجعزا اتنين بليل واحنا بلد بتقفل بدري ومره كنا متفقين مننزلش وجالها حاجه تبع الشغل طبعا الشغل ده شئ طارئ بس اتفقنا أن المشوار ده وهتجيب طلبات للبيت وخلاص واتفقنا المهم جت خدت معاها صاحبتها وصحبتعا جابت امها وامها جابت اخو صحبتها المهم راحت مع صاحبتها مشوار وده اوكي واخت صحبتها جه وطبعا انا اتدايقت لكن اوكي برضه راحت جابت الطلبات وكده زاتأخرت لكن خلاص مش حوار الاقيها راحت مع صاحبتها لسوبر ماركت كبير وقعدوا علي الكاشير يجي ساعه ليه بقي هل في شئ يستدعي ده واحنا في اتفاق وكده السبب أن صحبتها عايزه تلف في الماركت شويه اه والله وجابت لبن مزارع دينا ده السبب ورؤي بتقوله لي بعد ما اتعصبت طبعا أنه عادي وان هي متاخىتش ولا خلفت المعاد ولا الوعد أن انا بحط الوعد في مكانه اكبر منها دلوقتي هي شافت أن انا مبقدرش ظروفها ويضغط عليها وانا شايف انها مش حطاني اولويه صحيح يا جماعه اسف نسيت للمره الالف علاقتي انا ورؤية سريه ولا حد من اهلنا ولا صحابنا عارف عشان لو عرفوا هتحصل مصيبه فرق السن ده صعب حد يوافق بيه ده غير أن هي مدرستي يعني ولا حتي حد من صحباتها احنا بس فمكانتس بتعرف تطمني عليها وهي معاهم كانت بتبعت لايف لوكيشن وانا لا أنكر أن انا عندي ساعات نوبات الهلع بتاعت القلق بقلق بسرعه ومخي بيجيب افكار سوداويه لو الي قدامي مردش بسرعه بصراحه ده ممكن تكون تروما من اول علاقه مكانتش علاقه اوي يعني محبتهاش قد رؤي بس ربنا يسامحها عملت لي تروما يمكن موضوع القلق واني بقعظ ابعت وارن كتير ده ضغطها وهنقعا وكده الموضوع وصل معانا لمراحل وحشه وان دائما بتقولي انت نش مقدر اهلي ولا مقدرني ودائما بتستخف بتقاليدهم واه بستخف بس مش جامد ولا حتي ظاهر وتقاليدهم تستحق أن تستخف بيها لما بكون مفيش في شنطتك فلوس تجيبي اكل لعيالك وتروحي تطلعي ٥٠٠جنيه نقطه لحد يبقي انتي واحده هبله وده الي أم رؤي عملته وبرضه عشان الناس كل حاجه الناس وهكذا ده الجزء الاول ده كله تمهيد عقولكم في الجزء التاني ايه المشاكل الي أدت أننا نسيب بعض.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Grape_76276 🇪🇬

منذ يومين

شعور محبط

عندي واحده كنت بحبها اوي من ثانوي عدت الايام و الجامعه و الفتره دي و عمرنا ما اتقابلنا و صاحبت حد وبطلت كلام بعد اما صاحبت عدت الايام. والسنين و سابو بعض و في اخر سنه جامعه ليها ابتدينا نخرج و نبقا صحاب حتا دخلتها وسط اهلي عدت علينا فتره مكناش لنخرج لوحدينا كان في شله معانا المهم في يوم كنا خارجين

Chilli_76275 🇪🇬 اوعي ترد عليها ولا تكلمها تاني اول ما ترجعلك اعرف أن الاصلي مشي وانت الاستبن هيا بتروح وترجع عشان عارفة أن انت كدا كدا مضمون وقت ما ترجعلك هترد ولما الاصلي يرجع هتكرفك تاني

عرض الكل 2 نصيحة

Apple_67876 🇪🇬

منذ 5 أيام

شعور محبط

عبّر عن شعورك بشكل مجهول

من فترة كنت حكيت عن علاقتي بالبنت ال حيدة اللي حبيتها يعتبر 
هي علاقة كانت كويسة و باظت مع الوقت من كتر المشاكل و الضغوطات و غيرها
معرفش ليه عملت كدة مع اني مقتنع ان الحاجة البايظة لو منفعتش تتصلح يا بنسيبها يا بنرميها
بس انا قوبت احاول محاولة اخيرة
و بالفعل حاولت اكلم والدها اكتر من مرة
في خلال الاسبوع دة انا كنت بين محاولات اني اتواصل مع والدها و اجيب رقمه باافعل و حصل فعلاً و بعتله و اتكلمت معاه
هم من محافظة تانية تبعد بيننا تقريباً ٤٠٠ كيلو ،
المكالمة سارت كالتالي
السلام عليكم استاذ - 
انا زميل بنت حضرتك و حبيت اني ادخل البيت و اتقدم و اطلب ايد بنت حضرتك
اول سؤال سألهولي مش انت مين،معاك ايه،تعرفها منين،الحاجة الوحيدة اللي سألها هي انت منين
يكاد يكون السؤال غريب
بس دي كانت اول حاجة
لما قولتله اني من المحافظة الفلانية رفض رفض قاطع
عاوز ولاده جنبه،قولتله انا مستعد انقل فنفس المنطفة اللي انتو فيها
قالي تاني حاجة وهي ان لسة بدري
انا الحمد لله عندي براند لبس خاص بيا و قدامي فرصة اني اشتغل مهندس ذكاء اصطناعي 
قالي انا مبرفضكش لشخصك
انا رافض فكرة المكان و البعد مش اكتر،وقد كان
و قفلنا على الكلام اللي اتقال
انا حالياً بحكي كل دة عشان اقول ان كرم ربنا كبري وانا واثق من كدة و عارف ان ربتا مبيجيبش حاجة وحشة
رب الخير لا يأتي الا بالخير
انا حابب احكي قصتي هنا توثيقاً للحكاية مش اكتر
انا حاسس اني الحمد لله كويس
مسحت كل الشاتات،الكلام،الصور،الاغاني
انا بخير الحمد لله،
و حالياً بحاول اعمل صداقات جديدة مع اي حد 
شكراً لهذا البرنامج وشكراً لصديقي العسل اللي قرأ كل الكلام لحد ما وصل للحتة دي 
مع العلم ان سني حاليااً ٢١ سنة 
ادام الله عليكم خيره و رزقكم يما تتمنون 🤍

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_75492 🇪🇬

منذ أسبوع واحد

شعور مكسور القلب

هتكلم عن قصه حب بدات في تلات اعدادي وفضلت ست سنين البنت كانت الطرف للي حبت اكتر بكتير كانت بتحبو اوى وهو مفروض كان بيحبها زي ماهي فهمت كده بعد مرور تلات سنين اهل حبيبها قرار يسافر مكان تاني بعيد عنها خالص كانت دايما معاه ع قد ماتقدر تكلم تسمع كانت تجي ع نفسها عشانو مرا تلات سنين وهو هناك لحد ماحصل

Carrot_71203 🇪🇬 طلع شخص قليل الاصل ، ثانيا المفروض انها لا تهتم به اصلا لانه انكشف على حقيقته وأنه قد ايه انسان خاين وغير أهل ثقه ، المفروض تبقى مبسوطه أنه ربنا نجاها منه وكشفه على حقيقته

عرض الكل 3 نصيحة

Cherry_74548 🇪🇬

منذ أسبوع واحد

شعور مكسور القلب

عبّر عن شعورك بشكل مجهول

السلام عليكم 
انا اول مره اكتب علي الابلكيشن ده بس فعلاً محتاجه اتكلم مع حد ميعرفنيش هحكي قصتي ب اختصار واتمني حد يساعدني ب نصيحة او كلمة حلوة
مش عارفة ابدأ منين بس انا اهلي منفصلين من حوالي سنه قبل الانفصال ده كنا دايماً ف مشاكل كتير وخناقات ليل ونهار والدي شخص شديد اوي وصعب ف التعامل وبنخاف منه جداً هو عودنا انه بالنسبالنا فلوس وبس ودائماً لازم ناخد بالنا من كلامنا معاه ونركز ف كل كلمه بنقولها كانت حياتنا صعبه شويه معاه..
انا كنت بحب شخص وكان اهله واهلي صحاب جداً لفتره 
لاكن مامته وامي لسه صحاب زي م هم 
وانا والشخص ده كنا مع بعض ف المدرسه وكبرنا سوا وحبينا بعض من واحنا ف ابتدائي طبعاً كله هيقول انه كلام عيال وحب مراهقه والكلام ده بس بجد احنا حبينا بعض وكنا بنتكلم  من واحنا ف ابتدائي ولكن الدنيا كانت حالفه تفرق بينا من زمان اوي كان دايماً يحصل حاجه تفرقنا فتره ونرجع تاني لغايه م جينا ف الكليه والحمدلله بعد تعب ودعوات كتير بقينا سوا ف نفس الجامعه ودي كانت اصلاً زي معجزه كده لان كانت الدنيا كلها مقفله ف اننا نبقا مع بعض وكان شبه مستحيل ولكن انا دايماً مؤمنه بربنا وانه رب المستحيلات ورب كل شئ عمري م بطلت ادعي ب اننا نكون سوا عارفه انها كانت علاقه حرام علشان مكنش في خطوبه ولا اي حاجه رسميه بس ربنا شاهد عليا انا كنت براعي ربنا فيه قد ايه وقد ايه كنت خايفه من ربنا كنت خايفه لدرجه اني كنت عامله حدود بينا ودي كانت حاجه مضيقاه بس انا كنت بخاف ان ربنا يبعدنا عن بعض علشان بدايه العلاقه مش صح ودايماً بدعي ان ربنا يجمعنا بالحلال ويسامحنا ويغفرلنا طريقه تعارفنا ف البدايه دي 
المهم دخلنا الجامعه كل واحد فينا كليه بيحبها بس هو كان داخل علشاني بجد كان بيعمل كل حاجه علشاني عدت سنه ونص وبعدها فجاه بدون اي سابق انذار قرر انه يسيبني (مع العلم احنا كنا متفقين علي كل حاجه واننا سوا لاخر العمر وانه هيتقدملي ف الكليه وراسمين حياتنا كلها سوا وكان دايماً يقولي ان مفيش حاجه ف الدنيا تقدر تفرق بينا وانه مستحيل يحب ولا يشوف واحده غيري وكان واعدني ومامته عارفه وماما عارفه واحنا خلاص سوا كده كده وحرفياً كان بيعمل كل حاجه كويسه معايا عوضني مكان ابويا وكان بالنسبالي حياتي كلها وبانيه حياتي ومستقبلي واحلامي كلها عليه وكان دايماً بيشجعني هو كان كل حاجه حرفياً بالنسبالي وانا كمان كنت كده بالنسباله وبجد منغيره اموت )
وفجاه قرر انه نسيب بعض دي حاجه اصلا كانت مستحيله بالنسبالنا لانه كان مجرد التخيل بس بنقعد نعيط إحنا الاتنين كان قرار صدمه بالنسبالي مستحيل كنت اتوقع منه كده حرفياً كان اخر حد ف العالم ممكن يعمل كده حتي صحابي اتصدمو من اللي حصل محدش كان متوقع ولا مصدق انه يعمل كده  
 وعرفت بعدها انه ارتبط بواحده غيري
بعدها ب فتره حصل انفصال اهلي ده 
كسرتين ورا بعض كانت صعبه اوي عليا بس الاصعب الشخص اللي حبيته لان كنت دايماً بحكيله علي كل حاجه ف حياتي وكان هو اللي بيصبرني علي كل حاجه وحشه بتحصلي 
ومن وقت كل اللي حصل ده وانا مش كويسه ورحت ل دكتور علشان اتعالج نفسياً اخدت علاج اكتئاب لاني مكنتش ببطل عياط يومياً ولا عارفه ابقي كويسه ولا اعمل اي حاجه ف حياتي غير اني بعيط وانام وبس بس بعد سنه من كل ده (مع العلم لسه بتعالج) قررت اني اقف علي رجلي تاني واقاوم كل ده لان كانت حالتي صعبه اوي وانا اصلا من النوع اللي لما بتعب او بزعل بيبان علي وشي وبخس جامد وانا كمان شخصيه عندها امل وثقه كبيره ف ربنا اوي مفيش معايا مستحيل لان طول م ربنا موجود مفيش حاجه اسمها مستحيل ولما بعوز حاجه بوصلها طول عمري ف كده وفعلاً بوصل وكل حاجه بحس بيها بتحصل 
وانا الكبيره عند امي ف انا اللي شايلاها وشايله البيت معاها ف مكنش ينفع اني افضل واقعه كتير والحمدلله قربت من ربنا اكتر وبقيت جمب امي وناجحه ف دراستي واشتغلت بس كل م ادخل شغلانه اطلع منها بس الحمدلله راضيه بكل اللي ربنا كتبهولي بس لسه بدعي انه يكون ليا ف الحلال ولسه جوايا احساس انه هيكون ليا اه صح نسيت اقولكم ان انا كل حاجه بحس بيها بتحصل 
حتي من يوم م عرفت الشخص ده وانا بحس بيه لو حصله اي حاجه بحس لما كنا سوا كنت لما احس ب حاجه مش مظبوطه اكلمه الاقيه ف مشكله او تعبان 
لسه بحس بيه ودي حاجه غريبه اوي مش عارفه ازاي اللي خلاني اعرف اني لسه بحس بيه ان في حد بيوصلي اخباره ف بعرف علطول 
بس انا نفسي افهم ازاي بعد كل ده لسه بحبه ولسه عوزاه ولسه بدعي بنفس الدعوه اللي بدعيها من يوم م عرفته
بجد انا تعبت تعبت اوي والله وربنا عالم عمري م شوفت يوم حلو ف حياتي بس والله والله راضيه باللي ربنا كاتبهولي وربنت عالم بجد بس سعات بفضل اعيط من كتر التعب والوجع ولازم ابان قويه علشان امي واخواتي 
انا اسفه اني طولت ف الكلام بس كنت محتاجه اطلع اللي جوايا شويه 
ده اختصار بسيط اوي لجزء صغير اوي من حياتي…

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Pineapple_60236 🇪🇬

منذ أسبوعين

شعور وحيد

اتعرفت على بنت اكبر مني ب 5 سنين وكانت محترمة جدا وانا كنت لسه خارج من قصة حب وتعرضت لخيانة جامدة ارتبطت بصديقي وانا موجود ودلوقتي متجوزين.. المهم البنت دي كنت عايزها تحبني بأي شكل عشان أحس إني مقبول وهي كانت قافلة على قلبها خالص فضلنا نتقابل ونتكلم كتير كتير لحد ما اعترفت لي بحبها وكنت انا أول حب

Carrot_74050 🇪🇬

منذ أسبوعين

شعور Bad 😞

عبّر عن شعورك بشكل مجهول

صتي طويله شويه.. هو انسان مغامر وانا تقليديه جداً..
انا عرفته من ١٤ سنه ، من اديان مختلفه..كنا في بدايه مشوارنا المهني..اول ما شوفته اتخطفت وهو كذلك..ابوه كان متوفي من وهو صغير ومامته كانت مريضه.. مره ف مره حبينا بعض واتعلقت بيه جداً.. كان اول مره احب ف حياتي.. هو كان طبعاً غيري.. بيصاحب من ابتدائي تقريباً وانا شخصيه مجربتش اي حاجه ف حياتي خارجه عن المألوف،كنت منبهره بيه وبشخصيته ومغامراته، وهو كان منبهر بالبراءه والتخلف اللي عندي.كان بيمر بظروف انسانيه و ماليه كتير زي ان  كان عليه ديون ومصاريف البيت وهكذا،قررت اقف جنبه واساعده معنوياً و مادياً.. وقالي بحبك. قضيت معاه احلي سنتين..بس كنا عارفين ان انا مش لبعض ..وكان طبعاً بيعرف بنات عليا عادي ويسيبني ويرجع عادي..فضلنا كده فتره كبيره يسيب ويرجع يلاقيني زي ما انا منبهره، كل مره كنت بنهار واكتئب،قعدنا مع بعض قالي لازم حل.. خوفت وقتها امشي واسيب اهلي قلتله شوف حياتك.. لحد ما استقر ف وظيفه كويسه راح خطب وقالي بس ٦ شهور وفسخ الخطوبه وساب شغله قعد ف البيت فتره وانا اللي شايله وبعدين راح شغل تاني استقر فيه الي حداً ما.. كنا بنتكلم عادي يعني كل فتره كأصحاب. قالي انه هيخطب مره تانيه.. قعد سنه ونص معاها  و قالي افضل بلاش نتكلم بطلب منه بس المشكله ان اهلها رفضوه لما اتقدملها، وبعدها فضل مكمل مع البنت بدون علم ابوها . بس للأسف عمل حاجه غلط واترفد.. ومن هنا ابتدي يضيع ويدخل ف ازمات وخطيبته سابته وسافرت ورجع يكلمني وانا اللي جيت ادعم واسند..تقريباً من ٢٠١٧ العلاقه اخدت منحني مختلف خالص، مكانش حد معاه غيري.. ولا حتي اخته ولا اصحابه مفييش.. ابتدينا نقرب جداً من بعض بعدها جت كورونا وهو اتعدي وانا كنت برعاه..وانا اتعديت كان هيتجنن. ٧ سنين تقريباً كنا اقرب اتنين لبعض، حبيبي وصديقي.. كنت مبخليهوش عايز حاجه.. بهتم بيه جداً و اشيله ف عنيا..يحب يعمل مشاريع اساهم فيها.. يحب يسافر اساعد باللي اقدر عليه.. قالي كتير انا مش ممكن هسيبك واحنا مع بعض.. طلب مني  اسيب اهلي هنا ف مصر بس كان صعب عليا اعمل كده وانا هنا و عشان كمان وضعنا المادي، كذا مره محاولاته في الشغل تفشل .. طبعاً كان فيه خناقات كتير ف الاخر لاني ابتديت انضغط من الوضع ككل (معنوياً ومادياً) وكتير نتخانق ونسيب ونرجع.. خصوصاً اخر سنتين…وهو كان عصبي وبيغلط.. لما يغير عليا يغلط فيا وابتدي حتي ميحبش يخرج وممكن يقعد شهرين منشوفش بعض..لحد من فتره بسيطه جداً سافر بره بس حسيته انه اتغير هناك..كلامه ابتدي  يقل شويه بشويه .. ابتدي يبقي بعيد…اتخانقنا كالعاده.. قالي عايز اركز واعمل مستقبل.. ولما اكون جاهز للجواز هكلمك.. بس انا مقدرتش استني خوفت ينساني فرفضت…وطبعاً ف الوقت ده اخته كانت ابتدت تظهر، قالي يبقي لازم اهلك يعرفوا عشان مينفعش اخدك منهم ولو حصل حاجه بينا هوديكي فين؟! لازم يوافقوا…ولازم يشوفوني راجل…اتفقنا انه يكلمهم وبالفعل حصل بعد مكالمه مدتها ٣٠ ثانيه بس، طبعاً اترفض بس يعني بأدب من غير اي تجريح منهم..بعدها قالي انا شايف ان كده كفايه ولازم نمشي كل واحد من سكه..فضلنا نتكلم بعدها كام يوم بس كنت حاسه انه مش مرتاح او بيتكلم غصب وكل شويه يقولي زهقت من الوضع ده وهو "حقه يعني مأنكرتش" انا يعني معرفتش اعمل ايه وقتها..قولتله خلاص امشي وركز علي حياتك ومستقبلك بس كان نفسي يحاول شويه عشاني يعني مش مجرد مكالمه تليفون.. حتي لما سبنا بعض كان علي الشات. بعدها بيومين بس وبعد ما  الدنيا عندي هديت لان اهلي كانوا متدايقين مني جداً مع ذلك قالولي اعملي اللي انتي عايزاه بس موافقتنا مش هتاخديها.  بعتله كتير  وحاولت ارجعه واقوله اني هسيب اهلي هنا واروحله ونتجوز مدني، مرضيش قالي مينفعش دي مسئوليه انا مش قدها… انا مش عايز التضحيات دي.. قولتله انا كبيره وهتحمل تبعات قراري قالي لا انا عايز واحده طبيعيه معندهاش كل المشاكل والتعقيدات دي.. قالي انه خايف عليا يجراله حاجه واني ابقي لوحدي خالص..مع ان انا كده كده بسافر وبروح واجي واشتغل وبعتمد علي نفسي حقيقي كنت هلاقي سكه لو حصل حاجه يعني..قالي عايز عياله يبقوا ليهم اهل ويتربوا علي الصلاه رغم ان انا اللي كنت بتخانق معاه لما يفطر ف رمضان او يفوّت فرض. قال ان هو مكانش عايز يكمل بقاله ٣ سنين.. بس كان خايف علي زعلي وقتها..،وان هو ما صدق يحكم عقله..طبعاً طريقه كلامه معايا مكانش احسن حاجه ولا كانت طيبه زي ما متعوده منه..اكيد هو كمان كان مكسور زيي بظبط وانا مقدره، بس انا يعني معرفتش غيره عمري كله و محبتش غيره.. وحاسه اني ملامحي كبرت من بعده وكل حاجه بقيت حزينه..محدش مقدر ولا عارف ازاي انا مكسوره.. روحت لدكتور من كتر الزعل قالي لازم تنسيه وانا مش عارفه.. حقيقي الموضوع صعب..وانا متلخبطه يعني مش عارفه هو ليه موافقش هل هو فعلاً خايف من المسئوليه ولا هو مش جاهز يتجوز ولا هو مش عايزني انا؟!!. مجرد التفكير ف الموضوع مهلك وبينا زكريااااات كتير صعب تتنسي وف نفس الوقت انا مش صغيره والتوقيت مش افضل حاجه،،وحاسه اني هعيش كده خلاص. بقالنا سنه سايبين بعض لكن بيطمن عليا كل فتره.
الفكره دلوقتي صاحبه راحله زياره ( ابن خاله خطيبته التانيه اللي سافرت وسابته) رجع يعرفني انه خلاص هيتجوزها وانا مش قادره استوعب الصدمه.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Cookies_59145 🇪🇬

منذ أسبوعين

شعور غبي

"كان في ولد عادي زي أي حد في ثانوي، لا بيدور على حاجة ولا كان فاكر إن موضوع الحب ده ممكن يلمسه. بس فجأة لقى بنت دخلت حياته، حس إنها مختلفة، وحس لأول مرة إن في حد فعلاً فاهمه. هو كان في وقت كله ضغط ومذاكرة وتفكير في المستقبل، فوجودها خلى الدنيا أبسط وأسهل بالنسبة له. ابتدى يحلم معاها، يرسم في خياله

Watermelon_73751 🇪🇬

منذ 3 أسابيع

شعور محبط

عبّر عن شعورك بشكل مجهول

عارفة ان غلط وندمانه بس اتظلمت كتير 
سافرت الإمارات عشان اشتغل طبعا مرحبا عليا ظروف زي اي بنت لسة جايا ومش لاقية شغل المهم من سكن لسكن روحت سكن كلام ده طبعا بعدها بشهرين قبل اقامتي متخلص صاحب السكن كان مصري أعجب بيا وكل يوم خروج بس غيره مش طبيعية لدرجه غريبة وقلي هعملك اقامه حره وتشتغلي معايا مسؤلة سكن وفقت واتصل ب اهلي و قال عايز يتقدملي وقفت جمبو لدرجه محدش يتوقعها ربنا يشهد كنت مخلصة اذاي وحبيتة مع ان كان مبتحبش بسبب تصرفاته بس وقفت جمبو مر علية ظروف وحشة وبردو جمبو عمري مطلبت حتي ب رتبي منه عشان عارفة ظروف لحد م قلي نتجوز عرفي لحد مانزل نكتب الكتاب وفضل يلح عليا كان فاضل 3 شهور و يعملي توكيل ل اخوه وانزل اتجوز وفقت بعدها طلعت حامل قولت انزلة يقولي لا فرحان اوي طبعا عرفت ان متجوز وعنده بنتين  كان مخبي عليا بس سامحته و برغم ظروف وبقالي سنه ونص بعيد عن اهلي نزلة من غير اي فلوس بس نزله اتجوز وفرحانه حضرت كل حاجه واهلي قالو ل عيلة و كل حاجه تمام كنت فرحانه جدا نزله حامل ف شهر 2 بس قبل مسافر ب إسبوع قلي انا هتنازل كل حاجه لصحبي وننقل ل جورجيا عشان نبدأ من جديد نزلت مصر بابا قالو انزل طيب يوم عشان كتب كتاب وأهلها عايزين كده ساعاتها اصلا انا بسبب حكم ان مسؤلة سكن عنده كان في مشكله مبين بنات وعملت شكوى ووصلت ل محكه والبنت بعدها بشهر عملت شكوه لي هو وبسببك مكنش عارف يطلع من الامرات قبل مانزل مصر اتانزلت عن حقي عشان يتشال من بلاك ليست وانزل وتتجوز ونخلص وافرح اهلي المهم لما بابا قالو للزم تنزل قالة انا ف جورجيا بعمل بششوف بيت وشغل عشان لمل تيجي بنتك كل حاجه تبق بخير قالة بما انك كنت متجوز قبل كده لازم اضمن بنتي جيب لينا شقة هنا ف اسكندريه رفض مع ان كان موافق قالة طيب شقتك ف جنوب سينا اكتبها بأسمها طلع اصلا معندوش شقق هناك صحبه واخته قلتلي المهم بعد نقاشات كتير قولتلو انا اعمل ايييه ف البطني دلوقتي قلي هبعتلك ع جورجيا ونعيش هناك رفض قولتلو ان انتا كذاب وجبان وعمري موثق فيك انا اتبهدلت بسببك كنت سبني ف الامرات اشوف حياتي واشتغل شتمني و بهدلني وعمل بلوك كلمت اخته وحكتلها ووريتها مقدرتش تتكلم وتقولي الله يعينك ف مصيبه دي ودخل هددني وقلي ان مش حامل وكدبي قدام اخته مع ان كلن بيجي معايا دكتور ويشوف نبض بيبي واول منزلت كنت ف 3 وكلن ولد وقولتلو المهم طبعا انا مكسوره نزلت البيبي وقعده بقالي شهرين عياط مش عارفه حتي ارجع الامرات تاني اتكسرت واتظلممت انا بحكي بكل اختصار بس بجد مكسوره ومقهوره اوي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_71236 🇪🇬

منذ 3 أسابيع

شعور لا مبالٍ

الحمدلله عمرى م حبيت ولا ليا فى الارتباط و الولاد و الجو دا انا لسه مخلصه تالته ثانوى المهم فى واحد زميلى المفروض انه معايا من ابتدائى اول مره اعرف انه عايش فى اولى ثانوى كنا فى نفس الفصل من أولى ثانوى كان لافت انتباهي بصراحه و كان مؤدب و محترم و من عيله محترمه و كان دمه خفيف مفيش حرفيا ولا بنت واخد

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

عبّر عن شعورك بشكل مجهول

طيب
انا كنت معجب بزميلتي في الشغل ولمحتلها وكل صحباتها كانوا عارفين اني فيه اعجاب من ناحيتي ليها وانا حرفيا فعلا قررت افاتحها في حاجة زي دي واني اتقدملها لانها شخصية لطيفة وجدعة جدا لكن هي رفضتني وقالتلي ان في حد في دماغها وانا حقيقي زعلت بس حاولت اتمالك نفسي ومابينش لان عادي مفيش حاجة حرفيا بينا فقلت تمام اشطا مفيش اي مشكلة وانا مش اجتماعي اوي غير مع الناس القريبين مني لكن بعدت فترة وكلامي كان قليل مع كل الناس وخصوصا هي لان حرفيا هي بدأت تكلمني عنه ولا اكني راجل معجب بيها لا خنزير معندوش مشاعر ولا راجل عايزاه وانا مبحبش جو الصداقة خالص فبطلت اتكلم بعدها هي كلمتني وحكتلي مشاكل عن حياتها واسرتها وعن شعورها من الرجالة وهي قالتلي اني بختلف عنهم وده اربكني لاني حرفيا شيلتها من دماغي وفكرت في حد تاني فمبقتش عارف اعمل ايه وحاستها اتسرعت وبدأت تجيب سيرتي في مكان الشغل مع صحابي وصحابها ع انها تديني فرصة او لا بعدها انت قررت تاني يوم اكلمها واقولها انها محتاجة تتأنى شوية لقيتها ما بتكلمنيش ما بتردش بتتجاهلني فبسألها واتس بتصل بيها ما بتردش عليا فكلمت صديقتها قالتلي قال ايه اني ضغطتها!!!!
وهي ساعتها ردت عليا وقالتلي انا لما قولتلك اني حسيت معاك بحاجة حلوة مكنش قصدي حاجة م اللي فهمته وانا قلتلها انا مفهمتش حاجة انا كنت هقولك ما تتسرعيش وكده وحرفيا طلعتني انا اللي بطاردها!
بعدها وصلي برضه تاني انها بتتكلم عني في الشغل وخصوصا انها رجعت تكلمني تاني وانا كنت برد بحكم الزمالة فقط
فقررت ان اقولها اني بحب بنت زميليتها يمكن هي تفهم اني مبقتش افكر فيها ولا مهتم بيها وهي تهتم لنفسها وتخرجني من دماغها. 
لكن اللي حصل انها انتقدتني في شخصيتي ومستوايا وقالت فيا اسوأ صفات ممكن حد يقولها لحد واسباب انها رفضتني اللي هو صباح الفل انا حرفيا ما تقدمتش عشان اترفض ولكن هي رفضت شعوري مشاعري شخصيتي كل حاجة تخصني. 
واني محتاج اشتغل ع نفسي اكتر من كده. 
انا بصراحة فقدت الثقة ف نفسي الفترة دي مكنتش متوقع ان في بنت بحبها وانا مقولتش غير اني معجب او فيه انجذاب بالمناسبة 
  انه يطلع منها الكلام ده فكرهت كل حاجة وجالي تروما ومبقاش عندي طاقة ادخل في اي علاقات مع بنات وتاني يوم في الشغل انا مكلمتهاش ولا قولت اي حاجة وهي سألتني اني ليه مسلمتش عليها فقلتلها هسلم عليكي حاضر قالتلي لا سلامك هيقدم ولا هيأخر فاتعصبت وقلتلها متتكلميش معايا تاني ولو مش عاجبك حاجة اشتكيني لمديري او حاجة زي كده. 
فانا حرفيا الموضوع ده مدايقني ومأثر في نفسيتي ومعصبني جدا جدا جدا وبالعافية استعدت ثقتي في نفسي. 
وانا حاليا هسيب الشغل لوجود بديل مش لحاجة ورغم كل ده هي وحشتني جدا. 
اسف ع الإطالة بس انا مش عاوز نصايح ولا عايز حاجة انا مدايق جدا ع اللي حصل وكان نفسي يكون فيه حاجة بينا لكن ببساطة هي محبتش كده وكل شئ قسمة ونصيب وانا متقبل ده.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Jackfruit_71403 🇪🇬

منذ 4 أسابيع

شعور ضائع

جماعه انا من زمان اوى كنت نفسى يبقى في قصه حب اعيشها وتكمل للاخر وكدا ويبقى جوازنا عن حب بس مأخرنا بقيت بحس ان كله ذى بعضه بس من جوايا لما اشوف حد مثلا اتنين متجوزين عن حب او كانوا يعرفوا بعض ببقى نفسى نصيبى يبقى كدا وكمان فى حاجة سوال هو النفروض الشخص الى تكملى معاه حياتك تحسى معاه بالامان؟ وانك تق

Strawberry_71981 🇪🇬

منذ 4 أسابيع

شعور لا مبالٍ

عبّر عن شعورك بشكل مجهول

لما كنت في تالته اعدادي في ولد ظهر في حياتي فجاه ما كنتش اعرفه ما كانش من نفسي قريتي هو اكبر مني بسنه وكان بيروح لبعض الدروس اللي انا بروحها اعجبت بيه قوي ما كنتش اعرف اسمه ولا هو منين حتى وكان بينا نظرات والكلام ده كان في شهر 11 اللي فات بعدها بشهر بعتلي طلب صداقه على فيسبوك وشالوا على طول تقريبا كان الهدف اني اشوف الاكونت بس يعني عرفت اسمه وطبعا شفت الانستجرام بتاعه وبعدين لقيت اكونت  التيك توك بتاعه ودخلت على الاكونت وكنت فاتحه زيارات الملف الشخصي علشان يبانله الاكونت بتاعي ووقتها كنت بعمل ريبوست لاغاني رومانسيه هو ما كانش بيلمح بس من وقت للتاني كان بيدخل يعمل ريبوست على حاجه انا عامله لها بوست من الحاجات الرومانسيه وكان بيكتب حاجات في البايو بالانجليزي مش فكراهم كلهم بس منهم مثلا I wanted to tell you something but I can't

وبايو تاني بردو انا فكراه just sending me a message. I don't tell anyone
طبعا انا ضايقت جدا من البايو ده بالذات وحسيت ان هو بيلعب بيا وكده فطبعا ما ردتش عليه وما اديتش اهتمام بالبايو ده عدد الشهور وجه شهر 4 في الاخر يعتبر اول خمسه بدا ان هو يلمح صريحا كنت بحسب ان هو يقصد حد ثاني بس لا كان بيلمح لي انا وتابعني وكنت انا البنت الوحيده اللي هو متابعها على التيك توك غير مثلا اثنين قرايبه تانيين اكبر منه تعرفي ساعتها ان هو بيلمحلي فابتدي اعمل انا كمان ريبوستات وفي مره دخلت على الانستقرام لقيته متابعه بنات كتير اجانب ولبسهم وحش فانا عملت ريبوست بلمح فيه ان انا شفت اللي هو بيتابعهم وان انا متضايقه وبعدها دخل مسح كل البنات اللي هو بيتابعهم ساعتها اتبسطت تعدي الشهور واحنا مكملين وخدنا الاجازه وما بقيناش نشوف بعض خالص بعد ما كنا بنشوف بعض يومين في الاسبوع بس وكنت عارفه اني هشوفه تاني في شهر 8 مع بدايه الدروس ف من شهر من بدايه شهر 7 قلت انا هتقل ومش هعمل ريبوستات ليه تاني لمده شهر وهشوف هل هو فعلا بيحبني وهيستحمل ده ولا هيسيبني وخلاص فطول الشهر كان عمال يعمل ريبوستات ويحاول وانا كنت قطعت اني اعمل كدة ريبوستات لفترة فقلت انا مش هعمل ريبوست خالص لحد ما اشوفه على الحقيقه في اول شهر 8 مع بدايه الدروس لكن اتفاجئت في اخر شهر 7 انه نقل وما بقاش عايش في القريه اللي جنبي وعاش في مكان ثاني بعيد واني كده مش هشوفه تاني خلاص زعلت جدا 
دخلت اشوف اللي بيتابعهم لقيته متابع بنات بس المره دي بنات من نفس المدينه اللي هو راحها وفي سننا واكيد كده هو بيقابلهم وبيكلمهم وان دول كده صحابه حتى لو مش مرتبطين بس هما اكيد صحابه والمجتمع في المدينه اللي هو عايش فيها دي مش كويس ومن اول شهر تابع بنات وهم متابعينه مع اني لما كنت قاطعه من فتره اني اعمل له ريبوست كنت مقررة اني هعمل ايه بوست ليه تاني ونرجع زي الاول وكنت مبسوطه انه ما سابنيش وزهق لمده شهر فعملت ريبوستات فيها عتاب وكدة وهو برده عمل ريبوست بيقول والله لو قدامي عيون الدنيا كلها مش هبص غير لعيونك بس طبعا انا مش مصدقه اي حاجه من اللي هو بيقولها وعمل ريبوستات  تانيه غير ده وانا قفلت جدا منه وما بقتش ارد عليه بأي ريبوست وكتب في البايو امبارح you don't understand and I can't explain 🙄 بنفس الايموشن ده 
انا عامله نفسي مش واخده بالي من اي حاجه بيعملها ولا حتى ناويه اعاتبه لان حتى لو لو هو عملهم ان فولو ممكن يعمل اكونت تاني ويضيفهم عليه وممكن برده يقابلهم في الحقيقه عادي وانا مش عايزه اضيع وقتي ولا مشاعري مع حد غلط وللمعلومه انا مش بكلمه علشان حرام ولو الدنيا اتقلبت عمري ما هكلمه علشان حرام 
وعرفت كدة ان عينه مش مليانة ومش بيحبني بجد 
سبحان الله ربنا جعلني ما اعملش اي ريبوست الفتره اللي فاتت وده خلا تعلقي بيه يقل بكتير عن الاول

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_64974 🇪🇬

منذ شهر واحد

شعور ضائع

عبّر عن شعورك بشكل مجهول

في بنت بيتها جمب شغلي وكنت فين وفين لما بشوفها اتعرفت علي عليتها كلهم بحكم أن هما فاتحين سوبر ماركت وكد وجمب مني في الشغل وكنت علي طول بتكلم كتير مع بابهاومع مامتها برضو لما اروح اجيب حاجه من هناك بعد فتره اعجبت بالبنت من نظرات من رغم اني مش بيني وبينها حاجه بس حسيت بحاجه من ناحيتها ولما جه الوقت انقل من الشغل روحت اعترفتلها اني معجب بيها وعاوز اجي اتقدم بس كانت هي لسه ٣ ثانوي فا قالت إن اهلي من هيوفقو دلوقتي لما اخلص وفعلا استنيت منكرش أن كنت عاوز رقمها عشان اتواصل معاه بعد اما انقل من الشغل هي خافت عشان أهلها قولتها خلاص مش مهم لما تخلصي امتحانات هجي عدت فتره ورحت رايح هناك علي امل اني اشوفها تاني فعلا شوفتها بس مش عارف مالها مش مدياني احساس لهفه زيي يمكن عشان برضو أهلها محدش يشوفها سلمت عليها ومشيت علي طول عدت سنه كامله من غير معرف عنها حاجه بس لسه فاكرها قولت خلاص بقا هتروح مني لازم اروح اتقدم طبعا هما كانو فبلد جمب بلدنا المهم كان معايا رقم ابوها بحكم كان في بنا كلام وتعارف كتير ودي اكتر حاجه بسطاني انو كان فتره اني جمبهم كنت اتعرفت عليهم وعرفهم وهما عرفني روحت اتهورت وكلمت ابوها الساعه ١٢ الضهر لسه فاكر والله الوقت ده قولتله عاوز اتقدم لبنتك كذا كذا وقالي تمام هشوف صاحبه الشأن وهرد عليك تاني يوم رن عليا وقالي هي لسه داخله اوله كليه ومش عارفه راسها من رجليها وقالي انت خلصت جيش ولا لا قولتله لسه خلاص لما تخلص ابقا تعلا وقفلت علي كد التفكير كان هيموتني لي رفضت دلوقت يمكن فعلا عشان ده السبب ولا عشان لسه مش جاهزيين بحكم انهم علي قد حالهم ونا عارف ان الحاله الماديه عندهم مش احسن حاجه فا مردييتش تتعب أهلها في المصاريف ولا عشان في حد تاني غيري اتعلقت بيه ولا عشان أنا مش انا اللي عاوزا ولا عشان أي انا تعبت ساعات بدي اعزار وساعات بقول هي اتغيرت مش عارف عدت سنه كمان مش غير معرف حاجه عنها تاني مش عارف اروح تاني يمكن فعلا عشان الحاله الماديه أو عشان دراستها دلوقتي في فرقه تانيه مش عارف خايف اروح تاني اترفص ساعتها  اقتنع اني اترفضت لذاتي 
في ناس كتير شجعنتي اورح تاني اعمل اي ؟! اسف اني طولت بس كان في اكتر كد من كلام 🥺

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mushroom_70654 🇪🇬

منذ شهر واحد

شعور ضائع

عبّر عن شعورك بشكل مجهول

انا ليا بنت عمتي عايشين في مكان بعيد عننا عمري ما فكرت فيها لكن جم زيارة من اسبوعين و حصل شويه مواقف كده منها اننا لما كنا في الملاهي قعدت في لعبة جمب بنت اكدب لو مقلتش جميلة و المهم دارت اطراف حديث و بنت عمتي دي قدامنا و بانت عليها الغيرة المهم من بعدها طلعت انا و اخوها من الملاهي اربع او خمس مرات مجرد ما نختفي تسيب اخوها و ترن على رقمي انا و لاول مرة رنت اكتر من ٢٠ مرة في الكام مرة دول كلهم كالاتي انتو فين بتعملو ايه و جايين امتى و بعدها عمتى و جوزها اجرو عجلة ببدالين و ركبو خدو لفة و هبطو فقالولي اركب انا و اخوها مجرد ما ركبت نطت هي جنبي و بدات تحرك العجلة و انا وقفتها و نزلت و من بعد كده بقى نظرات رايحة جاية و كده فاتشجعت و بدأت افتح كلام على انستا يوم في التاني كنا بنتكلم يوم ف بعت رسايل فيها تلميح بعيد اني معجب هي مشافتهاش لمده نص ساعه كده و بعدين قالتلي هنام تصبح على خير و بعدين راحت قالت لابن عمي الكبير اكبر مني باربع سنين و قالتله ان امها بتمسك التليفون الكتير و انها خايفة من المشاكلالمهم هو كلمني و انا قلتله معدتش مكلمها لقيتها لسا النظرات شغالة و لسا بتشوف الستوري قعدنا كده خمس او ست ايام فالمهم نزلت ستوري فيه تلميح و مستنيها تخش تفتح كلام مدخلتش قلت يمكن مكسوفه افتح انا قلت ازيك ان شاء الله تكوني بخير ردت عليا بكل برود و انا مش فاهم و بعدين شالت الفولو و رجعت حطته و رجعت شالته قلت خلاص اجي امبارح من برة و كانت هي في الاوضة مجرد ما رميت السلام و سمعت صوتي طلعت من الوضة و قعدت معنا و بردو فيه نظرات و كلام رايح جاي و النهارده نفس الكلام ف انا مش فاهم هي كده معجبة ولا لا و مش عارف اعمل ايهبص بردو علشان انا باحب اكتب كل حاجة على بعضها هي دلوقتي بعتت ستريك من يومين و بعدين ستريك تاني النهارده الفجر انا بافتح سناب بالصدفة لاقيتهم ففتحتهم فجيت قلتلك و قمت باعت الستريك الاولاني هي فتحتة في اقل من عشر دقائق و بعديها بتلت ساعات انا بعت ستريك تاني و دلوقتي بقالها ساعتين  مفتحتهوش يا ريت حد يفهمني هي معجبة ولا لا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Avocado_63863 🇪🇬

حبيته وسبني ومش فاتح بالي وهو عايش عادي

حاسه اني ضيعه خصوصا بعد ما حبيته وسبني وبعد كل اللي كنت بعمله اللي يطلبه سبني وكمان غلط فيا طيب هو هيتردله الاذي ده المشكله اللي وجع قلبي أنه عايش حياته عادي ماشي ورامي كل الغلط عليا طلعني انا اللي وحشه بعد مكان ههيموت عليا قلبي متكسر ميت حته اعمل اي تايه بمعني الكلام وهو عايش حياته هو اصلا مش فكرني 💔💔 ...عرض المزيد

2 الدعم

27 نصيحة

Apple_60650 🇪🇬

أمي خاينة أبويا ومش عارفة أقول له

ازيكم انا عندي 26سنه متجوزه وبحب جوزي ومعانا ولدين دي القمر ربنا يخلهملي يارب بصلي الحمد لله المشكله الا في حياتي هيا امي امي على علاقه ب راجل تاني غير بابا وبابا راجل كبير ف السن 77سنه واني أصغر منو ب كتير المهم انها على طول مسوده عيشه ابويا ومبهداله وشتيمه وقله قيمه ومعايره انو مبقاش يقدر يعمل معاها علاقه معرفا الناس كلها كل الرجاله آلاف العيله او الا بره العيله عارفين انو مقصر ف الحكايه دي انا دلوقتي وقعت تحت ايدي ركورادت ليها معا الشخص الا هيا ماشيا معاه ده ومش عارفه اعمل ايه ابويا صعبان عليا جدا ومن شهر ابويا عمل معاها مشكله كبيره وساب البيت ومشي ودخل اخوها وعشان هيا مقتدره ماديا اخوه كدب ابويا وقالو هنرفع عليك قضيه سب وانك بتخوض ف عرض اختي وجه ف صف اخته عشان بتصرف عليه انا دلوقتي معايا دليل ان بابا عنده حق ومش عارفه اقول ل بابا ولا اعمل اي انا بحب بابا جدا وصعبان عليا الا بيحصل فيه ده انصحوني ...عرض المزيد

3 الدعم

20 نصيحة

Strawberry_70616 🇪🇬

محتارة أوي أعمل ايه في حياتي بعد التخرج

انا محتاره اوي أعمل ايه في حياتي لسه متخرجه من كام شهر و من بعد ما اتخرجت وأنا تيهه لدرجه إني مستلمتش لسه الشهادة من كتر ما انا بهرب من الحقيقه معتش عرفه اعمل ايه اشتغل ولا اتجوز و ساعات بميل لأني اتجوز و استقر و اعمل بيت و ساعات إميل إني اشتغل بس مش عرفه اعمل ايه صحابي إلي قدي في منهم مخطوب و متجوز و استقر و في منهم بداء يشتغل بس لما باجي أشوف حياتهم برضو مش هو دا إلي ببقي عيزاه بيبقي شغلهم أصلا بره التخصص أو شغل مش حباه و إلي متجوز ببقي شايفه طبعا أن وضع جوزهم دا مش مناسبني بس علي الأقل بيبقو عملو حاجه عيزنها أو مختارنها انا مش بابص ولا يقارن حياتي با حياه حد نهائي بالعكس إلي هما فيه مش عجباني بس خايفه أوافق مثلا علي حد أو جوازه مش عجباني لمجرد أن مفيش رجاله كويسه في الزمن دا و كدا فا أرضي با أقل الخساير أو شغلانه مش حباها عشان أهو اسما بشتغل اعمل ايه بجد تعبت ...عرض المزيد

0 الدعم

20 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع