قصة حب

Apple_66260 🇪🇬

منذ يومين

شعور مرهق

Biscuit_66257 🇪🇬 في حد تاني بس لسه مظهرش ع الساحة للناس او هي عقلت و حاسة ان ممكن الدنيا تفتح منها ف قفلت الباب ده في الحالتين فكك منها او روح أتقدم لو انت حتموت عليها و تبقي الكرة ف ملعبها يا توافق ياما كل واحد يروح لحاله بقي

عرض الكل 2 نصيحة

عبّر عن شعورك بشكل مجهول

زمان ونا في ثانوي كنت طايش وشقي وعايش سن مراهقة كان في بنات كتير في حياتي ف الوقت ده جي شخص دخل حياتي غير حجات كتير فياا م غير م احس ارتبطنا فترة وحصلت مشكلة واتفقنا انو احنا نبقا صحاب لان علاقنا كانت قايمة ع الاحترام والتقدير قبل اي حاجة وفعلا بقينا نتكلم اكتر م الاول وبقينا نعرف ع بعض كل صغيرة وكبيرة والعلاقة بقت اقوي بكتير سنة وروه سنة دخلنا جامعة وهيا كملت دراسة برة وبرضو كنا ع تواصل اي نعم كنا بناخد فترات منتكلمش بسبب الظروف الحياة لكن لما بنرجع كاننا كنا م بعض امبارح خلصت جامعة وهيا كان بقالها اخر سنة لأنها كانت ف اسنان وكانت ديما توقع ف مشاكل ونا بساعدها مكنتش مقصر معاها حرفيا لاني كنت حابب ابقا عون وسند ليها م عاوز ادخل ف تفاصيل كتير الحوار ده تقريبا ٧ سنيين كلمتني اخر مرة كنت ف جيش وطبعا عارفين حياتنا بتكون ازاي ف الجيش واتكلمنا وحكينا كانت محتاجة خدمة م المطار ظبطلها التذاكر وبعتلها حد يستقبلهاا ومقصرتش نزلت البلد واتكلمنا مرة وبعد كده اختفت وكلامها خف بقلها ف اي مالك قالتلي اختب تعبانة هفضي واكلمك الايام عدت واجازتها خلصت وراجعة جامعتها تاني كلمتني وهيا ف المطار قالتلي هوصل واكلمك ومن وقتها ابعتلها ف مسجات وارن مفيش لدرجة اني قلقت قلت حصلتلها حاجة بس لا هيا عملت سين للمسج ومردتش طب انت بتعمل كده لي متردش ونا اتلهيت ف جيشي وكامت ايام صعبة معايا وهيا صعبتها عليا اكترر خلصت جيش والوضع ده لسه مستمر تشوف المسجات ومتردش ونا ف شغلي واحد صحبي كلمني بيقلي الحق دي ** هنا اهي قلتلو ازاي دي المفروض لسه ف جامعتها قالي ولله اهي م بنت خالها نزلت م الغردقة للبلد تانب يوم عشان اشوفها معرفتش سالا ودورت عرفت انها بتاخد الامتياز بعتها ف القاهرة ونا ف البلد بدور عليها ردت عليا بكل برود تقولي معلش انا م هقدر اكلمك تاني مش هعرف ارد عليك طب لي ف اي حصل حاجة تقلي لا محصلش انا معنديش اجابة ليك ولا رد ازاي يعني كل ردودها كانت مستفزة قلت يمكن حد ف حياتها سالت ومفيش حد ف حياتها ونا حرفيا تايه م عارف اعمل اي ومش عارف هيا عملت كده لي وهل هيا م الاول كده ولا حصل حاجة اناومعرفهاش الموضوع تقريبا انا اختصرت في حجات كتير محكتش كل حاجة بس بجد مأثرة فيا مخلياني م عارف اتعامل م بنت تاني جاتلي قفلة منهم

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_65957 🇪🇬

منذ يومين

شعور آسف

موضوع:

عرفت ازاي انو الشخص مش مناسب ليك ؟

ياه اخيرا هحكى وحد يسمعنى هحكى اول قصه حب فى حياتى مع بنت الجيران عرضت عليها نرتبط فرفضت وبعد فتره قالت لى مش هلاقى احسن منك ساعتها سعادتى لم توصف وبعد فترة اكتشفت انها بتحب واحد جارى وبينهم مشكله وعاوزه تنتقم منه وتغيظه وفعلا عملت إللى عاوزاه وبعدين تصالحوا ورجعتله

Coffee_65897 🇪🇬

منذ 3 أيام

شعور ضائع

في يوم من الايام حبيت واحده .. كنت ليها كل حاجة بحاول أراضيها بكل حاجة حبيت اطلبها من أهلها .. كان الرد معندناش حاجة اسمها خطوبه . كتب كتاب ع طول كنت الاول رافض المبدأ .. بس علشان كنت جاد معاها وافقت .. النتيجة أنهم باعوها وانا اللي اشتريتها .. طردوها من البيت و قالوا ليها انتي خلاص اتجوزتي روحي ل

Orange_64157 🇪🇬

منذ 6 أيام

شعور مستنزف

انا خرجت من قصه دامت ٣ سنين فل و ٦ سنين مشاكل كتير اوي (حب وخطوبه) والله يجماعه انا رضيت بقضاء رينا ومقتنع جدا انه خير جدا جدا انا الموضوع خرج من دماغي من حوالي اسبوع او ١٠ ايام خرج تماما من قلبي ودماغي لحد ما جيت انهارده قولت افتح اللاب علشان انقل شوية صور للفون الجديد (اشتريت فون جديد) وكنت محتاج

Carrot_64825 🇪🇬

منذ أسبوع واحد

شعور مرهق

هاي انا اول مرة استعمل الابلكيشن ده انا لسا مفركش خطوبتي بعد قصة حب سنة اكتر انسانة حبيتها في حياتي وحبيتها اكتر من نفسي ومن اهلي. من اي حد خلقه ربنا عملت المستحيل علشانها وعلشان ابقا معاها هي غلطت في حاجات وانا غلطت في حاجات من ساعة ما سيبنا بعض وانا كل حاجه بتفكرني بيها ومش قادر اتخطاها

Chilli_64343 🇪🇬

منذ أسبوع واحد

شعور متوتر

الواحد نفسه يعيش قصه حب بجد خصوصا مع نفسه يحس بيها وقد اي يكون حاسس ان الشخص الي معاه بيحبه بجد من قلبه ويقدر كل حاجه بيعملها حتي لو بسيطه المشكله ان كل الي حواليا فاكرين أن انا مقطع السمكه وديلها وانا مش كده خالص حتي ف الشغل ف كل حته انا الحمد لله محترم وبصلي وعارف ربنا وبجاهد نفسي مع ربنا بس الواح

Potato_58422 🇪🇬

منذ أسبوع واحد

شعور مذنب

موضوع:

بعدت عن حد قبل كده وهو بيحبك?

اه حصلت واحدة اتعرفت عليها عن طريق شغلي و كانت عميلة عندي انا كنت مشدود ليها صراحتاً هي كانت مطلقه و عندها طفل ده كله اتعميت عنه و هي كانت برضه معجبه بيا و اعترفنا لبعض بحبنا كنت مرتاح معاها و حاسس إني علي طبيعتي اوي حرفيا كانت ملاك و نسمة بعدها بفترة جيت افكر طب ايه آخرة اللي بعمله؟ هتجوزها طب

Mango_63545 🇪🇬

منذ أسبوعين

شعور محبط

عبّر عن شعورك بشكل مجهول

انا. ولد اتعرفت علي بنت من  سنين المهم 
اول سنه كنا كويسين جدى وكنت بشوف منها اهتمام ميتوصفش وكانت علاقه محترمه جدى بعد كده بصراحه و بسببي العلاقه اتطورت و عارف انها عملت كده علشان بتحبني 
المهم انها وصلت انها جاتلي الشقه مره وحصل اللي حصل من سنتين الكلام ده فضلت مكمل بصراحه علشان مرضتش ابعد بعظ اللي حصل وانا بحبها جدا 
المهم انها بعد كده بدات تقول نفسيتي تعبانه من اللي حصل وانا كنت مقدر ده طبعا و فضلت اتهاون علشان مكنش انا والبيت عندها صعبين ونفسيتها من اللي حصل 
اتحملتت كتير و بدأت تتطاول بالكلام جدا لدرجه انها كلمت واحد غيري وانا باقي عليها بعد كل ده علشان مجرحهاش و رجعت وقلتلها خلاص خير مسامحك 
معلومه كنت بعمل ليها كل حاجه فلوس تعليم بدفع فلوس اكل بدفع بشتغل وبحرم نفسي وبدفع مذاكره بذاكر ليها و هي شاطره ربنا يبارك ليها بجد 
حاليا علاقتنا كويسه شويه بتوتر وشويه بتبقي كويسه الفكره اني حبيتها واعتبرها اختي ومرضتش اكسرها هتقولي اختك عملت فيها كده ليه 
انا كنت صغير ومكنتش مدرك والله بس حاليا ندمان و مكمل علشان مش يحصل ليها حاجه و مستني نخلص كليه وهتجوزها وناوي اخطبها وانا في الكليه بس الفكره معاملتها وطريقتها بقو زباله وانا مش عارف اي القرار الصح مع ان دخلت كذا صاحبه ليها غالين عليها اوي و كانت أول مره تحكي لحد وهم قالولي ابعد انت عملت اللي عليك 
واختها عارفه قالت ابعد 
انا مش هاين عليا اكسرها وهي مصره علي طريقتها مع اني بشوف ان البنت اللي بتحايل علي الواحد مش العكس

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Avocado_62954 🇪🇬

منذ أسبوعين

شعور ضائع

Peanut_56462 🇪🇬 بص دا تقلب هرمونات عند البنات ساعه عوزاك وبحبك وساعة مش عوزاك وانسانى ولكن انت لو عاوز اللى يريحك لو انت عاوزها اتقدم وغير كده كل حاجه هتكون غير كامله

عرض الكل 20 نصيحة

عبّر عن شعورك بشكل مجهول

مساء الخير عليكم اتا مشكلتي بختصار اني عملت مع واخده معرفهاش موقف جدع  جداا وانا مكنش نيتي غير اني اساعد وبس وامشي لانه صدفه واي حد هيعمل كده لو شاف اخته ف موقف زاي ده عدت شهور ولقيت حد جاب الاكونت بتاعي وبيفكرني بالموقف ف استغربت ان ممكن يحصل كده وعلشان انا فاكر موقف ف تكلمت معاها وهي من جدعنتي معاها واني وقفت معاها حبتني  وحشتني اكتر لما تكلمنا  وكنا زاي مبيقوله عصافير حرفيا مافيش غلطه الا طلبه موجود سواء لبس او احترام او حب خلتني احبها وحبتها وتعلقت بيها جداا وبعد فتره بذات ف فتره العيد كانت بتختفي بدون علمي ف لما سألت قالتلي اثلا مشغوله ف ترويق البيت وهكذا وعيد وتنظيف وكده ف انا كان موضوع بنسبالي جديد اصل كل يوم بنتكلم كل لحظه حرفيا ومره واحده مافيش قين وفين تكلمني اخى يوم خالص مثلا كلمه يعني وتقفل ف قولتلها هتسحملك الاسبوع ده وفعلا حصل مني مره واحده مسحت رقمي واتساب وبلوك من كل حته مهم جنيت حسيت ف شي عملته غلط خلاها تعمل كده ف لما وصلت ليها بتقولي اصلا انت كل شويه بتسألني انتي فين وانا مش بفتح ومش ببقا فاضيه قولتها يعني ده مبرر بتاعك قالتي ايون تغير مش طبيعي تغير فظيع انا عد شهر كل يوم اسأل نفسي كل ده علشان حبتها وله عشان اي اخى مره بسالها بتحبني لسه قالتي معرفش دي كسرتني بمعني الكلمة وبعدين بتقولي لو عايزيني انا موافقه تعالي واتقدم الا هوا زاي يعني انتي من اي اتجاه مش عارفه وعملتي فيا كده وعيزاني أتقدم ده تخلف وله اي ياجدعان بقالي شهر مش عارف احكي ومش مبسوط وتعبان 🙏🙏

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_45204 🇪🇬

منذ 3 أسابيع

شعور محبط

انا17 وبقالي حوالي سنة بحب بنت معايا في المدرسة القصة بأختصار اني البنت جت المدرسه السنة اللي فاتت ، هي فالاول كانت هادية اوي اوي كدة و كيوت ف حبتها ، انا بصراحة مكلمتهاش عشان ملقتش فرصة و كنت مكسوف جدا( للعلم احنا بنروح المدرسة قليل اوي) بس انا متأكد اني هي عارفة اني بحبها من نظاراتي ليها المهم

Orange_61792 🇪🇬 بص فكرة انك متأكد انها فاهمه قصدك و بعد كده تلمح و ميطلعش انت معناها حاجه من ٢ اما انها فعلا مجرد اوهام ف دماغك و مفيش حاجه اساسا او انه هي حابه تخليك كده معتقد انك مميز عندها. ف الحالتين ابعد

عرض الكل 8 نصيحة

Biscuit_30697 🇪🇬

منذ 3 أسابيع

شعور متعب

عبّر عن شعورك بشكل مجهول

المواضع طويل شويا 
الموضوع بدأ معايا لما كان عندي ٦ سنين كان في بنت انا اعرفها وي في بينا قربه بس من بعيد بس بحكم أن اهلي وي أهلها كانو صحاب وي عارفين بعد فا كانا بنروح عنهم وي هما يجو عندنا وي كنت سعات بروح عندهم وي هيا تيجي عندنا وي نلعب مع بعض وي كنا قريبين من بعض جدا  وي فضل لأمر كده لحد ام بقا عندي ١٢ سنه جت في يوم وي لمحت ليا أنها بتحبني وانا اعترفت ليها وي كال واحد فينا اعترف لي التاني بس مرتبطنش كنا صحاب بس وي جيت في يوم حبت ليها هاديه سلسلة وي موصفش ليكم فرحتها بيها كانت عامله ازاي هنرجع لي النقطه دي بعدين فا فصلنا كده لحد ام بقا عندي ١٤ سنه وي كبرت وي هيا كبرت فا مكنشي ينفع اروح عندهم غير وي اهلي ريحين فا مكنش بنتقابل كتير اوي يعني وي سعات كان اقبلها في الشارع وي نقف نتكلم شويا وي بعدها نمشي لحد ام بقا عندي ١٥ سنه سفرو بره مصر علشان شغل ولدها كان بره مصر فا مكنش بنتكلم خلاص ولا نتقابل وي حتي لما يجو في لاجازت مكنتش بشفها غير خفيف كده بس اخيا الصغير كان بيروح عندهم علي طول علشان اخوها اد اخويا وي صحاب فا كانت بتسالو عليا وي كده فا جهم السنه الي فاتت زياره عندنا في البيت سلمنا علي بعض عادي وي خت بالي انها لسه لبسه السلسله الي جيبها ليها وي حولت افتح معاها كلام او كده بس كانت بتصدني وي عملتها معايا بقت سطحيه اوي وي جت يومها فضلت زعلان جدا وي مش فاهم الي حصل علشان تبقا علاقتنا كده فا انا السنه دي قراؤت اني انسها مع اني مش عارف هيا بتحبني ولا لأ ولا اي الي حصل بس قرارت ده فا دخلت في كذا ريليشن بس ديمن كانت في بالي وي علي طول فكرها وي مش بنسها وي امي وي مامتها كانو شكين في الموضوع ده ليحكم أنهم كانو بيشوفو المعلمه بتاعتنا مع بعض لحد ام جيت فتحت امي في الموضوع اني عايز اخطبها بعد ما هيا تخلص ٣ ثانوي بس الكلام ده من فتره كبيره وانا دلوقتي عايز افهم هيا لسه بتحبني ولا لأ وي معنديش الجراءه اني اكلمها أو افهم منها بس انا بحبها من صغير وي هما جهم من الصفر بقلهم فتره وي قبلتها في الشارع بس هيا مخدتشي بلها مني لما شفتها افتكرت كال حاجه كانت بينا وي اد اي احنا كنا محتاجين بعض وي كانت فاكر اني نسيها بس لأ انا مش نسيها وي بكذب علي نفسي عايز اعرف أو افهم منها

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Pineapple_62201 🇪🇬

منذ 3 أسابيع

شعور منزعج

موضوع:

انفصلت عن حد ولسه بتحبه؟ ولا الوقت فعلاً بينسي؟

كنت حبيت واحده كانت شغاله معانا في الشغل كانت طويله وجميله وعليها ابتسامه كويسه اعترفت لها ان انا بحبها وهي كانت موافقه وفضلنا مع بعض على قصه حب لمده ست اشهر فقلت لها انا عايز ادخل البيت من بابه واتقدم لك قالت لي هفكر وبعدها باسبوع قالت لي انا بحبك بس انا صغيره على الجواز ولو هتجوز هيبقى بعد 10 سني

Watermelon_62228 🇪🇬 الوقت عمره مهينسي حد بس ممكن 😭

عرض الكل 3 نصيحة

Potato_59746 🇪🇬

منذ شهر واحد

شعور مكسور القلب

Cherry_59738 🇪🇬 بصي الرجاله بشكل عام مبيحبوش البنت اللازقه وانتي تقريبا كنتي كده معاه وممكن تكون سبب المشكله انك كنتي بتهتمي زياده عن اللزوم بس برضو في نقطه عايزه اعرفها اي اللي عملتوه سوا يسبب خناقه زي كده يخليه يسيبك بدون مواجها؟ بس نصيحتي ليكي تشوفي حياتك والله يبنتي الرجاله دول ملهمش امان

عرض الكل 32 نصيحة

عبّر عن شعورك بشكل مجهول

عندي ٢٥ سنه و اتعرفت ع شاب قدي كان معايا ف كورس وحبينا بعض وزي اي شخص كان فيه الحلو والوحش لكن انا حبيته بجد وكنا مبسوطين ومتفهمين جدا وديما بنتكلم ف المستقبل وديما هو الي عاوز يكلمني ومهتم وخايف اني اسيبه  وعمل كذا حاجه تدل انه حبني فعلا وبعد كدة قربنا من بعض وحصل بنا تجاوزات ولكن علاقتنا فضلت كويسه وبدانا نتخانق شويه ف شويه لدرجه انه مبقاش طايقني وحسيت بعدها ان فيه بنت دخلت حياته وبعد ما كنا بنتكلم هو بدا ميبقاش مهتم وكل ما اساله كان يقولي خلينا فترة بس نهدا ولما اقوله وحشتني كان يقولي مش عارف ارد عليك ومش عاوز ابقى فيك كنت اقوله انت بطلت تحبني يقولي لا بحبك بس احنا مش متفهمين وانا مش عارف نبقى صحاب بس مكنش فيه اي اهتمام غير بسيط جدا وكنت بعيط واقوله انا محتجاك خليك جمبي  وحتى في مرة غيط قدامه لاقيته دمع وقالي مش هينفع هنرجع نتخانق تاني قولتله احنا اتخنقنا بسبب الي عملناه وقعد اتحايل كتير لدرجه انه زهق وعملي بلوك من كل حته وعرفت انه ارتبط بعدها والبنت كل شويه تدخل ع بروفايلي، كلمته بعدها باسبوع من رقمي التاني رد عليا ببرود قولتله هو انا عملت اي علشان تكلمني كدا قالي معملتيش حاجه بس مش هينفع نتكلم قولتله شيل البلوك طيب وخلينا عادي صحاب قالي مش هينفع وراح قفل ، بعدها بكام يوم كلمته من نفس الرقم رد عليا ببرود برضو قولتله هو انت ليه كدا انا مبقاش فارق معايا تشيل البلوك ولا لا بس عاوزة اعرف ليه حاطط البلوك قالي مش مهم تعرفي 
وحسيت انه بيكرهني 
رنيت عليه من كام يوم تاني قولتله عامل اي جيت ع بالي وقولت اطمن عليك قالي فيكي الخير وكان عاوز يقفل وقفل
انا مستغربه هو اشمعنا معملش بلوك ع الرقم دا وليه بيكلمني بالطريقه دي كان ممكن يتكلم معايا بشكل طبيعي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_58870 🇪🇬

منذ شهر واحد

شعور ضائع

حبيت حد لكم شهر وهو حبني جدا بس واحنا متغربين فبلد غير بلدنا كانت علاقتنا فل الفل ومتوافقين بطريقه عجيبه بس فمره فجاه كدا قلب وقال انه تقفل وعايزي نبعد دا كله حصل خلال ليله بس علما انه لغايه يومها كنا عسل مع بعض المهم سبنا بعض وهو رجع لحبيبته التانيه حاليا انا راجعه بلدي الاصليه هو برضه منها بس مش ر

Mango_57366 🇪🇬

منذ شهر واحد

شعور مستنزف

عبّر عن شعورك بشكل مجهول

انا حبيت شخص وارتبطنا وعرفنا بعض من شهر واحد وكان الحياة فل ووردي لغاية مالبصدفه عمتي عرفت لاني كنت بستخدم تلفون بنتها عشان اكلمه وبدأ بقا كل الكلام اللي هو من ناحيه تزلني اعمل كذا واعمل كذا لاني ساعتها كنت قاعده عندها لان والدي كان تعبان ،بلغت الولد وهو قالي مش هسيبك ويمكن ماطل وقعد يفكر كتير والكلام ده بس في الاخر كلم والدتي وبعدها ب ٤ ايام كلم والدي ،صحيح والدتي مكنتش تعرف بس هي عرفتها بقا وكده وبتقولها بنتي تتأذي من بنتك ومش عارف اي وخلاص اتفق مع والدي اول اسبوع في رمضان حصلت ظروف شغل ليه خلته معرفش يجي وانا كنت عارفه السبب لكن محدش كان يعرف وده بداية الجدال والعراك كان الولد اشهدله انه كان بيحاول دور تعلى شغل ثابت واطحن فيه حاول يدور على شقة وربنا فتحها من كل حتة كانت سهلة لكن حتة مرنش على والدي هي دي بق اللي عصبتني واتعاركت معاه كذا مرة لغاية مبعتله ريك قولتله كرامتي من كرامة والدي ،وقفلت كلام واتفتح كلام بعدها نص يوم قالي هظبط واكلمك من ساعة الكلمة دي بقا وانا مشوفتوش تاني في حيات ووصلتهاله صريحه ان مش هسامح في حقي واللهِ وفي كل اللي حصلي ده ،وبعدت وبلكته من كل حتة مرضتش ازعل ماما يمكن الحاجه الحلوة اللي عملهالي انو قربت من ماما وعلاقتنا اتحسنت لكن انا في الايام المفترجة دي مش مسامحه عمتي ولا مسامحه امها هما كلهم اذوني وسببوا الاذية لماما هي واخوات بابا كلهم، ف دلوقتي يا جماعه انا بعدت ومعرفش عنه حاجه وبلكته من كل حتة ،منكرش يا جماعه انو كان بيحاول وبيقولي انا هعمل لحد اخر نفس فيا لاجلك عشان متزعليش واني عارف اني لو متقيتش ربنا فيكي هتتردلي في اختي ف لغاية دلوقتي من اخر شهر ٣ لحد دلوقتي متكلمناش ولا اعرف عنه حاجه وبلكته من كل حتة ،بس انا تعبت دعيت كتير لربنا وخايفه تكون نيته سليمه وانا اللي اجي مأمنلهوش انو ممكن يسبني ويمشي تاني ،صليت استخارة وحلمت ان والدتي عايزة تجبلي حلق دهب واحسن حاجه وفسرته لقيت تفسيره حلو واشارة جميلة بس انا حاليا دماغي هتتشل والله انا مش هفكر ارجع ولا اتكلم لكني في نقطة اني مش فاهمه دماغه اي وهل قلبي هيلين لو جيه اتقدم مع العلم اني لسه بحبه ومش عارفه ولا هعرف انساه 🥲
اسفة للاطالة بس انا حاولت اختصر الموضوع في تفاصيل اكتر بس كفاية ادوشكم🫶
 محتاجه نصيحتكم لاني بجد تايهة اوي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

التجربة أفضل عبر التطبيق

حمّل تطبيق توهيل على هاتفك لتجربة أسرع