فرق المعاملة

Strawberry_20568 🇪🇬

منذ 5 أشهر

.

شعور مرتبك

في حوارات في دماغي اليومين دول هحكيها بس عايزة منكم كلام يهديني متبقوش عون للشيطان عليا ومحدش يغلط انا الكبيرة و اختي اصغر مني ب 3 سنين بينا فرق في التعامل و الصفات وكده هي مرحة شويتين وانا هادية جدا حتى في التعامل مع اي حد حتى اهلي ولما مثلا بنطلبوا حاجة هي تفضل تزن لحد ماتاخدها وانا اول رد يقبله م

7

8

عبّر عن شعورك بشكل مجهول

في حوارات في دماغي اليومين دول هحكيها بس عايزة منكم كلام يهديني متبقوش عون للشيطان عليا ومحدش يغلط
انا الكبيرة و اختي اصغر مني ب 3 سنين بينا فرق في التعامل و الصفات وكده هي مرحة شويتين وانا هادية جدا حتى في التعامل مع اي حد حتى اهلي ولما مثلا بنطلبوا حاجة هي تفضل تزن لحد ماتاخدها وانا اول رد يقبله مش بزن ولا بتحايل والكلام ده و كمان بحكم انها في عز سن المراهقة حرفيا ف ممكن تكون بتتعامل مع اهلي بطريقة شوية مش كويسة و بتقاوح و الكلام ده ف ده خلاني انا اقرب لاهلي أو افضل عندهم وهي دايما بتذكر ده من باب الهزار اللي هو أيوة ما دي بنتكم حبيبتكم وهكذا ، تعمدت اذكر ده لان هيترتب عليه كلام تاني 
المهم في تعبي مثلا بحس بالنسبة لاهلي عادي بس بيهتموا بيا بردو فاهمين يعني خدي طيب علاج طب تعالي نروحوا لدكتور وكده الطبيعي يعني بس مش انا اللي بطلب، ده في المرض لكن مثلا جيت في فترة ثانوية عامة ضغط وبتاع ف بشرتي و شعري حرفيا باظوا و اترتب عليه أن نفسيتي تعبت قولت في الإجازة هعالجهم طلبت قالولي أن ده طبيعي وان بشرتي دهنية ف بيطلع حبوب كتير وبتاع و كمان هتعالجي يبقى هتصرفي كتير ف صرفت نظر و كمان هما شايفين ان حوار البشرة و الشعر ده مش حياة وموت مثلا عشان تروحي لدكتور مخصوص وكده  وانا شعري بيقع بطريقة مش طبيعية بس ماما بتقولي طبيعي وبتاع ف بكرف بصراحة لحد من فترة لقيتها بتقول لبابا دي فلانة( اختي) شعرها بيقع كتير انا خايفة عليها راح بابا قالها روحي اكشفي عليها و عالجي الموضوع بدري ف استغربت لأن ده مكنش ردهم على موضوعي و بقالهم فترة بيروحوا فعلا للدكتور و في كل مرة بتصرف علاج يدخل في الألف جنيه و كل مرة بسمع منهم مش مهم الفلوس بس تخفي و من اسبوعين كان عندي برد وانا اصلا عندي انسداد مولودة بيه ف لما بيجيلي برد بتعب بزيادة لاني مش بقدر اتنفس وبتعالج م الحوار ده بس لما جالي البرد بقول لماما البرد دخل فيا قالتلي خدي برشام طيب و اشربي حاجات سخنة وكده وخلاص الموضوع اتقفل ف تاني يوم اختي اتعدت مني و رجعت م المدرسة نامت بابا بيقولوا مالها قالتله ياعيني البرد دخل فيها مدوخها راح بص عليها و ملّس على شعرها و شد الغطا عليها و بردو لما اكون محتاجة كوتشي مثلا اقول لماما تقولي حاضر لما نبقوا نخرجوا ومش بنخرجوا في حين أنها لما تطلب بتزن ف بتديها الفلوس و تجيب بقيت بحس بفرق المعاملة مع أن في حتة تانية هما بيدعولي و دايما بيشكروا فيا قدام الناس اني يرضيهم و بسمع كلامهم وكده ف بقول يمكن ربنا ميزني في الحتة دي انه رزقني رضاهم عليا مش مهتمة بجد بحوار الفرق والمصاريف والكلام ده لأنهم بيصرفوا عليا في تعليمي كتير اوي بيودوني كورسات و دورات وكده ومهتمين بحتة تعليمي دي و بابا قالها في مرة أنه نفسه انا بالذات أتعلم واكون حاجة كويسة لما اكبر ف انا شايفة دي حاجة كويسة و بحمد ربنا عليها بس مش كل حاجة تعليم ف انا مش فاهمة لي فكرت في الموضوع ده انا مش بتكلم عشان اغلطهم أو كده هما يعملوا اللي عايزينه وانا استحمل وانا ساكتة بس عايزة حد يسكت دماغي م الأفكار الزفت دي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Croissant_29231 🇱🇾

منذ 7 أشهر

.

شعور محبط

بنات انا من لما كنت سنة اولى ثانوي كنت اطلب من أهلي يسجلوني في أكاديمية للغة الإنجليزية وكانو يقولو ان شاءاللّٰه وحاضر وبس ينزل الراتب وكلام زي كذا وفقدت الأمل طلبت منهم اني اسجل في مركز تحفيظ القرآن وكنت شغوفه جدا بيه وطامعه ان هذا الشي رح يزيد يقربني من الله يوفقني في حياتي العمليه و وافقو ورحت اس

6

6

Donut_33839 🇾🇪 كذه يعاملو الكبير دايمن و انت احفظ قرآن و انت ب البيت احفظ أكثر منها و خليهم يسو يلي يبو و انت اهتم بنفسك و اي شي يخطر ع بالك كون اتكلم حتى لو رفضو اجلس حاول أكثر و أكثر

عرض الكل 6 نصيحة

French Fries_25659 🇪🇬

منذ 8 أشهر

.

شعور مرهق

موضوع:

ازاي ضغوطات الأهل وتوقعاتهم بتأثر عليك نفسياً

من وانا صغيرة ومحدش عارف عني حاجة ولا ف دراسة ولا ف اي حاحة تانيه وكنت برجع من المدرسة عالبيت وهو مفهوش ولا مامتيولا بابايا عشان هم الاتنين ف الشغل.. لما اختي دخلت المدرسة مامتي بقت بترجع بدري عشانها وعشان تعرف تذاكرلها مع ان وانا قدها مكنش حد معبرني بس الحمد لله انا كنت دايما بطلع من الاوائل.. لما

9

4

Biscuit_25666 🇪🇬 بصي مبدأيا أنا مش هقولك دى امك ولا دي تختك و مش عارفة ايه لاني غير مؤهلة نضجيا إني أتكلم عن العلاقة بينك وبين أهلك، بس بدل ما كنتي بتذاكري علشان والدتك و سعادتها وما لقيتيش تقدير ما ينفعش تقفي، غيري هدفك بإنك تذاكري علشان ربنا علشان لما تُسألي يوم القيامة عن مذاكرتك و عمرك أفنيتيه فـ إيه يبقى عندك إجابة، و جسدك يشهدلك بدا، وربنا هيجازيكِ خير إن شاء الله علي صبرك و تعبك وربنا يوفقك يارب.✧𐙚

عرض الكل 4 نصيحة

عبّر عن شعورك بشكل مجهول

من وانا صغيرة ومحدش عارف عني حاجة ولا ف دراسة ولا ف اي حاحة تانيه وكنت برجع من المدرسة عالبيت وهو مفهوش ولا مامتيولا بابايا عشان هم الاتنين ف الشغل.. لما اختي دخلت المدرسة مامتي بقت بترجع بدري عشانها وعشان تعرف تذاكرلها مع ان وانا قدها مكنش حد معبرني بس الحمد لله انا كنت دايما بطلع من الاوائل.. لما بقيت ف تانيه اعدادي واختي ف رابعة ف اخر سنة نقصت خمس درجات ف مامتي اضايقت وقعدت تسألني عن صحابي عشان تعرف ترتيبي هيبقى ايه وسطهم وبعدين شافت نتيجة اختي لقيتها ناقصة عشرين درجة(الرقم ده مش مبالغة دي كانت النتيجة بالظبط) ومامتيمقالتش ولا كلمة عادي جدا وكانت مبسوطة.. لما دخلت تالتة اعدادي مامتي بقت مستنيه مني اني اطلع الاولى عالجمهورية بتقولي انا عارفه انك قد الثقة وف نفس الوقت هي سايبه اختي متعرفش حاجة عن اللي هي بتدرسه اصلا ف طبعا انا بقيت مضغوطه ومش طايقه اكلم حد وهم كانوا بيقعدوا يقولوا يلا نخرج وانا بقولهم لا عندي مذاكرة ف مامتي بقت بتزعقلي وتقولي اني بأوڤر وانا اصلا كنت بذاكر ومضغوطة عشانها وف الاخر طلعت التانيه عالمحافظة واختي نقصت اتنين وعشرين درجة ف المجموع ومامتي مقدرتش مجهودي ومقالتليش ولا كلمة عادي جدا وقعدت فرحانه بأختي مع انها اصلا مجابتش درجة حلوة حتى عشان تفرح بيها ف طبعا النتيجة هي اني زهقت ومبقتش عايزه اذاكر ولا اعمل حاجة ومش فاهمه ليه محدش بيقدر مجهودي ولو هو مش فارق معاهم ليه بيضغطوني من الاول!

Mushroom_20021 🇪🇬

منذ 10 أشهر

.

شعور محبط

انهاردة عيد ميلادي ومحدش افتكر غير تلاته بس ومحدش من اهلي افتكر عموماً مش بركز في الحاجات بس المشكلة ان هما دايماً بيقعدوا يقولوا قد ايه هما مهتمين والكلام ده بس في الواقع مع أبسط حاجة محدش اهتم في حين أن في عيد ميلاد اخويا الكل بيهتم بحسهم بيبقوا مستنين اليوم اكتر منه عموماً دي مش غيرة

3

7

Cherry_15526 🇪🇬

منذ سنة واحدة

.

شعور Bad 😞

انا اختى دكتورة وحاسة ان اهلى بيفرقو فى المعاملة بينى وبينها مش عارفة ليه بس حاسة من طريقة التعامل والموضوع ده مضايقنى جدا ومخلينى اكرههم واكره اختى كمان للاسف

4

6

Apple_15536 🇪🇬 للاسف فعلا ساعات الأهل بتفرق بين الأبناء بس هي هتفضل اختك و هم هيفضلوا اهلك لو ركزتي على النعم اللي عندك و طورتي منها ده هيكفيكي

عرض الكل 6 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع