ليه محدش بيقدر مجهودي وبيضغطوني؟

Question

من وانا صغيرة ومحدش عارف عني حاجة ولا ف دراسة ولا ف اي حاحة تانيه وكنت برجع من المدرسة عالبيت وهو مفهوش ولا مامتيولا بابايا عشان هم الاتنين ف الشغل.. لما اختي دخلت المدرسة مامتي بقت بترجع بدري عشانها وعشان تعرف تذاكرلها مع ان وانا قدها مكنش حد معبرني بس الحمد لله انا كنت دايما بطلع من الاوائل.. لما بقيت ف تانيه اعدادي واختي ف رابعة ف اخر سنة نقصت خمس درجات ف مامتي اضايقت وقعدت تسألني عن صحابي عشان تعرف ترتيبي هيبقى ايه وسطهم وبعدين شافت نتيجة اختي لقيتها ناقصة عشرين درجة(الرقم ده مش مبالغة دي كانت النتيجة بالظبط) ومامتيمقالتش ولا كلمة عادي جدا وكانت مبسوطة.. لما دخلت تالتة اعدادي مامتي بقت مستنيه مني اني اطلع الاولى عالجمهورية بتقولي انا عارفه انك قد الثقة وف نفس الوقت هي سايبه اختي متعرفش حاجة عن اللي هي بتدرسه اصلا ف طبعا انا بقيت مضغوطه ومش طايقه اكلم حد وهم كانوا بيقعدوا يقولوا يلا نخرج وانا بقولهم لا عندي مذاكرة ف مامتي بقت بتزعقلي وتقولي اني بأوڤر وانا اصلا كنت بذاكر ومضغوطة عشانها وف الاخر طلعت التانيه عالمحافظة واختي نقصت اتنين وعشرين درجة ف المجموع ومامتي مقدرتش مجهودي ومقالتليش ولا كلمة عادي جدا وقعدت فرحانه بأختي مع انها اصلا مجابتش درجة حلوة حتى عشان تفرح بيها ف طبعا النتيجة هي اني زهقت ومبقتش عايزه اذاكر ولا اعمل حاجة ومش فاهمه ليه محدش بيقدر مجهودي ولو هو مش فارق معاهم ليه بيضغطوني من الاول!

Biscuit_25666 🇪🇬 · Accepted Answer

بصي مبدأيا أنا مش هقولك دى امك ولا دي تختك و مش عارفة ايه لاني غير مؤهلة نضجيا إني أتكلم عن العلاقة بينك وبين أهلك، بس بدل ما كنتي بتذاكري علشان والدتك و سعادتها وما لقيتيش تقدير ما ينفعش تقفي، غيري هدفك بإنك تذاكري علشان ربنا علشان لما تُسألي يوم القيامة عن مذاكرتك و عمرك أفنيتيه فـ إيه يبقى عندك إجابة، و جسدك يشهدلك بدا، وربنا هيجازيكِ خير إن شاء الله علي صبرك و تعبك وربنا يوفقك يارب.✧𐙚

Coffee_25671 🇪🇬 · Answer

انا نصيحتي انو فيه حاجات ف الدنيا لازم تتقبلها لأننا مش هقدر نغيرها مش هقدر نروح لماما واقولها  الي بتعمليه ده غلط ف نصيحتي انك متستنيش تقدير من حد انتي قدري نفسك واستني الجزاء من ربنا والمذاكره هي بس الي هتنفعك قدام مش ماما مع احترامي بس برضو احترمها لأنها امي وكده 
وصدقيني ربنا عوضه كبيير عارفه انو برضو هتخسي بالنقص وانو عايزه حد يقدرني بس حاولي تشبعي الرغبه دي من نفسك وتقديري انتي نفسك وتشجعيها

Coffee_25418 🇪🇬 · Answer

متجيش على نفسك اعملي الي عليكي واتبسطي بنتيجتك عشان نفسك انت ومش مهم رد فعلهم عارفة ان صعب جدا تتجهلي طريقتهم ليكي بس انت مفيش في ايدك حاجة تغيريها وهما في الاول وفي الاخر اهلك انا فاهمة احساس التجاهل ده قد ايه وحش بس حاولي ان اي حاجة هتعمليها هتكون ليكي انت مش ليهم هم اعملي الي عليكي للاخر وادعي ربنا انت مش عليكي غير السعي كله عشان نفسك صدقيني قبل ما يكون عشانهم وصلي وادعي ر

Coffee_25418 🇪🇬 · Answer

ر وصلي قيام ليل وادعي ربنا كتير ان هم يتعاملو معاكي كويس وهما ممكن يكون مش قصدهم بس ايا كان مفيش في ايدك حاجة تعمليها غير الدعاء وان شاء الله ربنا يستجبلك متزعليش نفسك ابدا وربنا معاكي ♥♥