فاشل

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Avocado_63640 🇪🇬

منذ يومين

شعور عاطفي

معلش يا جماعه هو بجد البنات المحترمه بقي الملاحظ انهم بيعنسوا او يتطلقوا ويقعوا ف جوازات فاشله؟يعني بجد انا ملاحظه لا حول ولا قوه الا بالله ان اللي مصاحبه ٧ و١٠ سنين او بتلبس المحزق وتحط ميكب هي اللي بتتجوز وبيس واللي عايشه بما يرضي الله يا عانس يا طالق يا واقعه ف حد مكفر سيئاتها كلها ،ايه سبب الظاه

Biscuit_73000 🇪🇬

منذ 5 أيام

شعور مرهق

حابب احكيلكم علي قصتي اول حاجه انا طالب هندسه اوتو ترونكس و اول طالب يكون مشارك في تطوير المعدات الحربيه في مصنع ٢٠٠ الحربي بتاع الانتاج الحربي و معايا كارنيه تصريح دخول و كنت الاول علي دفعتي شهادات حبيت بنت سوشيال لمده سنه و لما سألت عليها اكتشفت انها اصلا مخطوبه بقالها سنه و نص مرضتش اقولها اني

Watermelon_72169 🇪🇬 اتوجعتلك يصحبي والله + بس طالما طلبت النصيحه قوم وشد حيلك وغير اي حاجه ف اوضتك ديكور اي حاجه الوان الكلام دا وجرب ترجع لحياتك الطبيعيه وتفوق وأهم حاجه الالتزام وربنا ديما قدام عينك يصحبي ومتنساش اني كانت علاقه حرام وبتغضب ربنا ♥️♥️ اخوك كان حلمه بس هندسه اوتوترونكس ولكن مجموعي السنادي وجعني اوي ادعيلي ربنا يوفقني للأحسن واياك♥️

عرض الكل 9 نصيحة

Banana_65580 🇪🇬

منذ أسبوع واحد

شعور مرهق

كنت بحب واحده جميلة وبتحسني جدا وقت فرحي ووقت زعلي عيشتني سنة خطوبه أجمل سنة في عمرى وجينا بعد ما فرشنا الشقة مامتها ابتدت تسيطر وعاوزه كل حاجه ع مزاجها وكانت مستغربه أن بنتها بتسمع كلامي جداا اكتر منها كمان وفجأة لقيت حكايا عاوز يكتب قايمة وحط فيها كل حاجه اتنين وحط ربع كيلو ذهب جرامات فالقايمة رفض

Corn_71708 🇪🇬 مش معني ان ربنا مكتبلكش البت اللي حبتها يبقي كنت تتجوز بسرعة و تظلم حد تاني معاك و بعد سنين جواز شايفها حد مش كويس و يدوب واخدة ٤ كلمات من كلامك يا تركز مع الامانة اللي في ايدك يا تسيبها لحالها لكن متعملش كدا

عرض الكل 6 نصيحة

Watermelon_63268 🇪🇬

منذ أسبوع واحد

شعور عاطفي

موضوع:

عرفت تنساها او تنسيه

لا بس محتاجة اتخطى، مبقاش موجود كدا كدا، محاولش يرجع، مش فارقة معاه، فليه تعب القلب دا على الفاضي يعني! مضطرين نمشي ونعدي لأن يمكن نقابل ناس تانية تستحق الحب الصح، محدش يستاهل ياخد بقايا حد فرط فيه حد تاني.

Orange_71731 🇪🇬 متضيعيش وقتك علي واحد مش فارقه عندو اعرفي قيمتك كويس صدقيني هيتمني يرجعلك بس بعد فوات الاوان

عرض الكل 4 نصيحة

Chocolate_71634 🇪🇬

منذ أسبوع واحد

شعور مكسور القلب

مش قادره انسي خيانته ليا وبفتكر كل يوم اللي حصل بالتفصيل وبفضل اعيط، ومضطره اعيش معاه عشان بنتنا، مش عارفه انا بحبه ولا كنت بحبه، بس بحس اني مش طايقاه او محبتي ليه قلت او بتقل مش قادره احدد مشاعري، عندي كمية غضب جوايا بس ف نفس الوقت بتعامل معاه عادي وبعيط مع نفسي

Sugar_58312 🇪🇬 بلاش تدورى على خراب بيتك هو خلاص غلط وانت عرفتى يبقى تقعدى معاه وتبدأى الكلام تقوليله انا عايز اتكلم معاك كأننا اصحاب وبشتكيلك منك وتطلعى كل اللى جواكى بس بدون تجريح فى الكلام وبدون صوت عالى اتكلمى بحب وبعد ما تخلصى كلامك قوليله ليه عملت كده واعرفى هل انت قصرت فى حاجة معاه ولا لا وخلى مشاكل بيتك مقفوله عليكم وحاولوا انتوا الاتنين تخلقوا الحب بينكم من جديد وعرفيه ان هو سندك وضهرك ومعندكيش غير

عرض الكل 22 نصيحة

Ice Cream_69885 🇪🇬

منذ أسبوع واحد

شعور محبط

بسمع كتير عن ناس دخلوا يناموا ومصحيوش بسبب سكته قلبيه مثلا بسبب أنهم كانوا زعلانين واستغرب أن كل يوم بنام زعلانه و مقهوره واصحي عادي انا نفسي اموت جدا انا مخنوقه من اللي بيحصل ده انا ازاي لغايه دلوقتي عايشه طبيعي جدا والعلاج النفسي مش جايب اي نتيجة مضغوطه جدا بسبب اهلي وعايزه انتحر بسببهم ولما

Ice Cream_54138 🇪🇬

منذ أسبوع واحد

شعور مستنزف

Lemon_62961 🇪🇬 لو كل اللي قولته دة حقيقي و مفيش اطفال طلقها هي قررت انها تظلمك قدام والدتك لمعرفتها بخوفك على مشاعر والدتك .. يبقى هو دة هيبقى اسلوب الحياة ف الاحسن تتطلق دلوقتي و تخسر حتى لو كتير من انك تتطلق بعدين و هتكون خسرت نفسك و حياتك و بوضح تاني لو كلامك دة كله حقيقي بدون تمحور حول نفسك أو زيادات نتيجة شعورك ف كلامي هيكون زي ما هو لو فيه اطفال الطلاق مش الحل .. اعتقد الحل انكم تروحوا ل متخصص أسري

عرض الكل 14 نصيحة

عبّر عن شعورك بشكل مجهول

اعتبروها روايه
وآسف على الإطاله
لكن بكتب علشان هتجنن ومش عارف اتجاوز مشاعرى 
اتجوزت من ١٥ سنه
فى الخطوبه كانت شخصيه متفاهمه وكنا بنتكلم فى كل حاجه تخص مستقبلنا والاقى فيه توافق بينا وتفاهم ومافيش اى اختلاف بعد الجواز كل اللى كانت بتقوله اتعمل عكسه تماما من اول يوم 
اتفاجئت بوش مختلف تماما بس كنت عايش فى الاحلام الورديه بإنى ممكن اغير اللى قدامى
اديتها اهتمام وحب واستماع 
ومشاركه فوق خيال اى حد 
بشهادة صحبتها القريبين اللى كانو بيشفونا سوا كانو بيقولولها اللى جوزك بيعمله مافيش حد بيعمله

هى شخصيه شايفه انها محور الكون وان العالم كله بيشكر فيها وفى نفس الوقت العالم كله بيتآمر عليها

طول السنين بسمع لمشاكلها مع كل الناس وكنت بصدقها ان الناس كلها وحشه وان كله بيتآمر عليها فى الشغل ووسط اصحابها 
اوقات اتحمق علشانها واوقات اهديها نحيه حد فكانت تتجنن لو دافعت عن اى حد فقررت اسمع واطبطب بس
  اصبح يوميا فيه فقره للشكاوى بتمتد للساعات بدون مبالغه استماع فقط تحت اعتقاد منى انى بحتويها وبحتوى وجعها

وطبعا كانت مركزه مع ولدتى جدا وبتحول اى كلمه لمعنى تانى واى حاجه تجيبها ان ليها معنى تانى 
فضلت اشرحلها انها ست مالهاش فى الكلام بمعنين وانها عايزه تساعدها فعلا و كل تصرفتها بحب وانا ادرى بيها 
و بالرغم ان ولدتى عملت معاها مواقف كتير حلوه فى فلوس وجدعنه ومجاملات  ماتتنسيش لاى مخلوق عنده ضمير

لكن فضلت الخلافات بينى وبينها كتير على اى موقف او كلمه لامى لدرجه انى طلبت منها انها ماتجبش اى حاجه فى البيت عندى او تساعدنا فى اى حاجه من اى نوع وطبعا ده عمل فجوه كبيره 
لحد ما فيوم بردو كانت بتكلم عن امى وصوتنا على جامد ولقيتها فجاه بتشتم عليها شتيمه فى منتهى القذاره بدون ما اشعر ضربتها بالقلم 
وانا عمرى فى حياتى ما تخيلت امد ايدى على واحده ابدا بس لقيت نفسى ولدتى بتتهان باقذر الالفاظ وواحده واقفه بتردح حرفيا وانا شخص ماليش فى الاسلوب ده نهائى فكان رد فعلى تلاقئى وبعد ما ضربتها لقيتها بتعيط اتاسفتلها واخدتها فى حضنى وفضلت اعتذرلها واقولها ليه توصلينى للمرحله ده انتى مش هتهينى امى وكرامتى كراجل امه بتتشتمه وهقف اتفرج 
اعتذرت هى كمان واتفقنا ان ده مش هيتكرر

نفس الموقف اتكرر بعدها بكام يوم بالرغم من ان امى بعدت عنا تماما حتى بالسؤال 
وبردو ضربتها ومش عايزه تبطل شتيمه فلقيت نفسي هعمل مصيبه   كلمت والدتها قولتلها بنتك بتقولى كذا كذا لو مجتيش دلوقتى انا هقتلهالك  
امها كلمت امى قالتلها ابنك هيقتل بنتى وجم هما الاتنين وفضلت هى وولدتها يشتكو لولدتى ازاى اقول جمله زى ده وامى نازله تقطيم فيا وانا مش قادر احكى هى عملت ايه ولا قالت ايه علشان امى ماتخدش منها موقف طول العمر وبدل ما يلمو الدور فضلت تمثل  وتتمسكن وتقولها بصى يا طنط عمل فيا ايه مستغله انى مش عايز افضحها وامى تقولى انت اتجننت علشان تضربها  وانا اقولها معلش انا غلطان
وانا جوايا نار ومش قادر انطق

واحده واحده يمر الوقت والاحظ انها بتفضى دائره الناس حواليا يعنى اى حد قريب منى تكرهنى فيه اى هوايه امارسها تكرهنى فيها  ةمابتعملش كده بشكل مباشر لا خالص لانى مش شخص بيقول حاضر ونعم انا بحب النقاش والاقناع 
فبتفضل ترمى كلام سلبى طول الوقت عن الحاجه او الشخص اللى عايزه تبعدنى عنه 
وانا اصلا كنت شخص اجتماعى جدااااااااا وبحب التمثيل فضلت تحاول تبعدنى عن كل الناس وعن التمثيل وانا متشبث فيهم بس كل نشطاتى قلت جدا ما بين المسؤليات الطبيعيه وبين حربها البارده

كل فتره كنت بحاول افتح معاها صفحه جديده واهتم بيها اوى وابدا كإننا فى فتره خطوبه هدايا ومغازله واهتمام 
لما كنا نبقى رايحين مشوار اقف فجاه عند محل ورده وانزل من غير ولا كلمه اجبلها ورده 
تفرح اوى وتقولى الله حلوه المفاجاه ده 
اخر اليوم الاقى الورده مرميه 
فى الزباله او ارض العربيه 
وده نموذج مصغر لنهايه كل محاولاتى

قصتى طويله اوى وده لسه فى اول سنتين
 لسه فيها كوارث كتير وكم دمار نفسي رهيب
وصدمات مالهاش اول من اخر انا بكتب علشان افضفض لو حد اهتم يقرا هكمل كتابه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Watermelon_70741 🇪🇬

منذ أسبوعين

شعور محبط

موضوع:

إيه أكتر حاجة بتحاول تبينها للناس بس مش حقيقية؟

بحاول أبين اني مبسوطة وانا من جوايا مقهورة وبعيط مقدرش تحكي لأي حد خالص الي جوايا عشان الس جوايا كبير اوي بحاول أبين ان الامور معايا تمام وكل حاجهمضبوطة والدنيا زي الزفت عندي مشروع محدش يعرف عنه حاجه محدش بيطلب أورد وانا جايبة كمية كبيرة بحاول أبين للناس ان في ناس كتير بتطلب ده الامر وصل ل ان ان بق

Apple_68470 🇪🇬

منذ أسبوعين

شعور متعب

عبّر عن شعورك بشكل مجهول

حابة اخد رأيكم في حاجة لاني مدمرة ونفسيتي ميتة 
كنت مرتبطة بحد عرفته من صاحبتي كان زميلها  وهي كانت بتحب شخص تاني ف مافيش بينهم شيء يعني وكان ليا صاحبتي التانية مرتبطة بحد قبل ما ارتبطت  انا وكنت اعرف الشخص اللي كانت مرتبطة  بيه كنا صحاب(من سنتين مكنتش حاسة إني كدا بأذي مشاعرها والله وندمت  واعتذرتهلها مليون مرة) بس والله محاولتش اعمل شيء بقصد يخرب علاقتهم او اكلمه بلطف  زايد حتى ولكنه  كان شايفني بيست فريند ليه وكان بيقولي اني اخته ف عرفت انه سيء وبيكلم بنات وعاوز يسيبها  وقولتلها وانا بعدت عنه وبلكته  وهي انفصلت عنه  كمان بعد الحوار دا بسنة انا ارتبطت بالشخص اللي قولت عنه في اول كلامي كنت بحبه جدا لاننا كنا صحاب اوي قبل ما نحب بعض وهو كمان  كان بيحبني جدا بس كان عنده واحدة صاحبته حرباية كدا بتوقع بينا علطول واحدة مريضة مستفزة  ومكنتش بحبها  بسبب إنها بتعملي مشاكل لكني والله مكرهت حد لله كدا وقولتله كدا كذا مرة وهو شاف كدا لما عملتله هو  شخصيا مشاكل وقالي همسحها من حياتنا علشانك مع ذلك كانت بتعملنا كل شوية قرف وبضايق بسببها عشنا في نكد ، بلكني مرة في نفس الدقيقة  دخلت تقولي عاملة ايهه وانها جاية تطمن عليا !(طبعا مش جاية تشمت) حاولت اصلح دايما المشاكل ومنكرش انه كان بيعمل كدا كمان لكنه اخر فترة كان متغير معايا ف حسيت دا ف كنت بفضفض لصاحبتي المشتركة بينا ف حكتله من غير ما تنبهني اصلا انه عرف مع اني قلتلها اني هقوله تاني يوم ف طبعا اضايق وازاي تدخلي حد بينا ومعرفش ايه صالحته ومعاتبتهاش حتى وقولت انها صاحبتي  من زمان اكيد مش قاصدها يعني  ف المشاكل زادت بقا اخر فترة قام هو اللي بلكني  تالت ليه  بقا ؟ 
علشان اضايقت انه فك البلوك ل البنت المستفزة دي ومهتمش لمشاعري ولا وعده ليا ولما جيت اعاتب قالي  كلام كتير فيما معناه ان العلاقة بيا مبقيتش فارقاله واني بعدته عن اصحابه واني واني وبلكني من كل مكان بدون ماارد وسابني ميتة من العياط ليلة فاينال  عندي في الكلية وروحت الامتحان عيني منفوخة مع ذلك قولت لصاحبتي  تقوله اني عاوزة اكلمه فون افهم عمل كدا ليه قلب عليا الترابيزا  بشكل خلاني اشك في نفسي وانا اللي طلبت نرجع كمان ف قام قالي اننا مش هنعرف ننسي وانه معندوش استعداد يقطع مع فلانة (صاحبته دي) واني اكيد مش هحب دا وهان عليه دموعي وكل شيء عادي وقالي ممكن قدام نتقابل واحنا ناضجين واتأثرت فعلا وعيطت قدامه للمرة اللي معرفش كام  وقفلنا وطبعا بعد المكالمة دي نسيت هو عمل ايه وبدأت اشوه الذكريات الوحشة لا وكمان اغلط نفسي واحكي ل البنتين صحابي اني الوحشة وهو اكيد تعب من كوني بنكد(كل مشاكلنا كانت بسبب البنت دي ولا مرة عملت مشكلة إلا بسببها)  صح صاحبتي  اللي فشكلت ارتبطت بصاحب الولد اللي كنت بحبه دا  ف كنت بطمن عليه منها اكمنها مرتبطة بصاحبه ف لما قعدت لوحدي  حسيت بالذنب تجاه اكس صاحبتي قولت يمكن ان بعيش كل القرف دا علشان شتمته وسلخت مشاعره  في لحظة عبط مني فكيت البلوك  وبعتله اني اسفة بعدين افتكرت صاحبتي  وان  دا اذى ليها روحت حذفت رسالتي خالص ورجعت بلكته وقولتلها كل حاجة علشان مبقاش خبيت بعدها بعتلي على انستا (هو مش عندي على انستا ونسيت ابلكه هناك اصلا لكنه مش عندي) ف قولت بالغلط وبلكته برضو  وقولت للبنت صاحبتي  دي ف رن عليا من رقم غير بتاعه وقالي فكي البلوك  هقولك شيء ف فكيته ف قالي انه بيشكرني على معاملتي الوحشة  ليه وانه بقا شخص  احسن والمعاملة دي خلته ينسى بسرعة  ويعيش ف عملت سكرين وبعته لصاحبتي  برضو وبلكته وحذفت كل شيء من عندي  مش عاوزه  افتكر العك دا وقفلت سوشيال  في الفترة  دي والدتي عرفت اني مرتبطة  بالولد دا ف اضايقت مني وقالت انه مش بيحبني  وكلام كدا ف قولتلها لا وبتاع ف قالت انها هترن عليه وكلمته وفتحت سبيكر قالتله ابعد عن فلانة مهتمش لكلامها وقالها هي اللي بتبعتلي وقوليلها هي الكلام دا (كأنه بيقولها اللي عنده معزة يربطها) عيطت وحسيت كل حاجة  اتدمرت لدرجة صعبة على امي ف رجعت فتحت سوشيال  وقولت لصاحبتي  بقا الحوار اللي هي صاحبته برضو   وقولتلها متجبليش سيرته خالص ولا تقول لحد اللي انا قولتله قالت ولا حتى صاحبتنا التانية؟ وقالت انها عرفت اني بعت لاكس صاحبتنا وان فلان كمان عرف(اللي انا كنت مرتبطة بيه) وعلشان كدا كلم والدتي كدا مفهمتش هم عرفوا ازاي ف بعت لصاحبتي التانية  قعدت تقول انها حكت للولد اللي مرتبطة بيه وانه اللي حكي لصاحبه ومبعتتتش الاسكرينات  (لو بعتت ليهم  كان هيبقا باين جدا اني كنت مش مهتمة وانه مكنش عندي اصلا )  ف قلبوا عليا بقا 
انا مش عارفة صاحبتنا المشتركة دي مضايقة من ايه الموضوع  ملوش علاقة بيها اصلا ودي اما كان سايبني وعمل كل دا كانت بتقولي اني صح وانه وحش جت دلوقتي  شايفاه الملاك 
والتانية  دي مقدرتش تنسى الحوار  القديم مع اني وربي معملتش شيء اصلا ليها وفي ايدها تظهر للكل كل حاجة  بس هي حبت تطلعني الوحشة  ك انتقام على حاجة  انا معملتهاش 
ف جه الاخ بعتلي ماسدج  مع اكتر واحدة انا بكرهها (صاحبته ) انيمنافقة وانه عمل كل حاجة  علشاني واني خنته ومعرفش ايه وكلام مقرف كدا 
وفي اخر الماسدج  صاحبته ضافت كلام من عندها بتشتمني فيه اني محتاجة ثيرابيست وقرف كدا ف روحت عملتلها ريأكت ومردتش لا على كلامه ولا على كلامها 
انا مضايقة اني خسرت صاحبي او اللي كنت فاكرة انهم صحابي وانا دلوقتي  في نظر كل دول الشريرة الوحشة  اللي معرفش ايه  انا نفسيتي ميتة كل شوية بقول ما يمكن انا فعلا وحشة وهم اللي صح مع ان اقسم بالله بذلت مجهود في العلاقات دي كبير لاجل تستمر اعمل ايه دا حتى عتابي لصحابي شافوني كدا بتخانق واخر ماسدجات مني طنشوها وعايشين حياتهم ولا كأن  . حد يساعدني بحل والله تعبت ؟؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Ice Cream_69605 🇪🇬

منذ أسبوعين

شعور مزعوج

عبّر عن شعورك بشكل مجهول

السلام عليكم ورحمة الله وبركاته  جديده معاكم هنا ومحتاجه اتكلم عن تجربتى انا تزوجت من رجل مطلق وعنده ٣ اولاد ولد وبنتين  وانا كنت لم يسبق لى الزواج من قبل والحمد لله راعيت ربنا فيهم  ولكن للاسف اكتشفت حاجات كتير فى الزوج غير مناسبه لى بالمره واسباب طلاقه كانت صدمه كبيره ليا لانه من خلالها تاكدت من سلبيه الزوج فى كل الامور واللى منها ضيعت ولاده انا انجبت منه ولدين وبنت حاولت اغير واحافظ على البيت بس كان على حساب حاجات كتير مقدرتش اطلقت بعد 12 سنه واستقريت باولادى فى شقه تمليك اشترتها من شغلى منا كنت بشتغل من صغرى وكنت بتمنى اتجوز واقعد ف البيت لكن النصيب المهم مع الوقت ابنى الكبير تاثر بالطلاق وقرر يعيش مع ابوه ودى كانت بدايه الكوارث سجاير بقا مخدرات تعب نفسى وجسدى اهمال فى كل شئ والاصعب ان اخوه الكبير من ابوه شاب توفى من المخدرات وهو بعمر 29 سنه واجعلى قلبى لحد الان  وعانيت مع ابنى ولسه بعانى عافرت وخليته يكمل تعليم لان ابوه خلاه ساب المدرسه  ودخلنا مصحه غاليه ادينت واستلفت وحاولت اصلح لكن كان من وقت للتانى رايح جاى بينى وبين ابوه المهم من فتره حصل هنا كوارث عند ابوه وجه يتحمى فينا ويقعد معانا  وبالفعل قعد بس مشاكل بينا طول الوقت مش عايز يشتغل معتمد عليا كليا  تعبلى اعصابى خلانى بعد صبر 10سنوات بعد الطلاق من غير زواج افكر ادور على رجل يكون سند وظهر  ولكن يريد الله ان يرزقنى برجل حسبى الله ونعم الوكيل فيه تزوجت 10 ايام فقط وبعدها طلبت الطلاق لانه كذاب ومخادع ادعى انه ارمل وعنده 4 اولاد وبعد الزواج اعترف انه كان متزوج اكتر من مره وفى اتنين على ذمته صدمه كبيره ليا اوى خصوصا انى وافقت لانه متدين ومصلى الفروض كلها فى المسجد يعنى اختارت الدين ولكن هو ليس له علاقه بذلك وطبعا المده البسيطه دى كانت كلها قهر وبخل وتحكمات بدون داعى وكان لا يصلح للزواج والعفه لانه غير قادر طلبت الطلاق شرط رجوع الدبله والتنازل عن المؤخر بمنتهى الوقاحه تفتكروا العيب فى مين وانا صبرت وتحملت من اجل اولادى يكون دا نصيبى لا حول ولاقوة الابالله  اعتذر طولت عليكم بس ذى ما فى رجاله منهم لله فى رجاله كويسه بس مقبلتش غير الوحشين  
اه للمعرفه انا ابو اولادى مكنش بيصرف عليهم نفقه لا تذكر وانا اللى اشتغلت عليهم واتكفلت بكل طلباتهم 
محتاجه بقا رايكم لانى حقيقى نفسيا مش احسن حاجه وشكرا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Avocado_63640 🇪🇬

منذ أسبوعين

شعور مكسور القلب

موضوع:

إزاي العلاقات السامة بتسرق منك نفسك؟

Ice Cream_61082 🇪🇬 * اطلعي من العلاقة دي: خلاص، كفاية كده. ارمي ورا ظهرك كل اللي حصل، وخلصي من الورطة دي. الطلاق ده حقك، وما تخليش أي حد يوقفك. * ركزي على نفسك: اهتمي بصحتك النفسية، ارجعي لشغلك، واعملي أي حاجة بتحبيها. المهم إنك تلاقي نفسك من جديد. * متخافيش: اللي جاي أحسن بكتير، وربنا هيعوضك عن كل لحظة وجع. بس أنتِ قوي قلبك، ومتخليش التجربة دي تحطمك.

عرض الكل 10 نصيحة

عبّر عن شعورك بشكل مجهول

انا بردوا عندي هاجس كدة اني اكون انا التوكسيك
اتجوزت ولد صالونات، حبيته حب عظيم،كنت حساه طيب،لكن اكتشفت بعدين كوارث،بخيل جدا،بارد جدا عاطفيا،بينقل لاهله كل حاجة وياخد نصايحهم ف ازاي ينشف عليا اكتر،عايرني بالخلفه رغم اننا مكملناش ٣ شهور جواز،رفض تماما يديني ولو ١٠٠ جنيه ف الشهر مصروف،خناق وجعير طول الوقت او تجاهل قاتل بيقتل الروح بالبطيء،كان بيبات برة البيت اغلب الايام بحكم شغله ولما يرجع يقعد ع التابلت او يلوي بوزة او يطلب مني فلوس لاي استغلال كان ، ولما ارفض يمنع العلاقة وينام ف اوضه تانيه،شهر رمضان بطوله نايمه ف اوضه وهو ف اوضه تانيه،يوم العيد قضاه ف بلدهم وسابني وحدي زي الكلب ف البيت،عيطت جامد بانهيار من قسوته عليت قالي طظ فيكي دة كهن حريم اهلي قالولي كدة وانا ورايا شغل واولعي بنكدك،جالي نزيف مرة واحنا سكننا كان بعيد جدا عن اهلي،قالي سلامتك ونزل شغله كاني كلبه ملهاش لزمه،كان جايب حد من صحابه وخبط علي باب البيت،اتاخرت ف فتح الباب كسره،وبعدها امرني اعتذر وادفع فلةس تصليح الباب ووالدهةجه هاني وبهدلني ان انا اللي مفتحتش بسرعه وانا السبب ف كسر الباب،ووالده قالي اقعدي من الشغل وصحتك متهمنيش ولا تفرقلي وجوزي قاعد مفتحش بقه وابوه ضربه كمان ومشي،ف رمضان روحني جعانه بعد العشا ورفض حتي يجيبلي باتيه او ازازه مياه ،زكاه الفطر قالي ادفعيها لنفسك انتي هتستنطعي عليا،اي حاجة تبوظ ف البيت او تحتاج تتركب انا اللي ادفعها تجاهل علي طول الخط،مفيش مكالمه الا فين وفين ولا كلمه حلوة الا فين وفين ولا حتي العلاقه الخاصه كانت الا ثواب وعقاب ،لما ادفع او اجيب هديه او اقفل بقي عن ابسط حقوقي يبقي فيه علاقه غير كدة يبات ف اوضه تانيه،سبت البيت من التعب النفسي رفض ييجي ياخدني من بيت بابا،بابا دخل الرعايه وكان ليه فلةس عند جوزي،اتحايلت عليه يديهالنا عشان ندفعها ف الرعايه رفض،كمان بعد بابا ما خف جاله مسجد عند بيتنا وغلط فيه ووالد جوزي جالنا البيت وغلط فينا،قعدت ٣ شهور جواز و٥ ف بيت اهلي،كنا عاوزينه ييجي لبابا عشان نكلمه انه يوقف تدخلات عيلته علي الاقل،قال مش جاي وانا حالف طلاق،حاولت كتير مفيش الا استبياع وسفاله وغلط ف ابويا وقله ادب،طلبت الطلاق بالمعروف رفض وقالي اخلعي نفسك بالمحكمه،علاقه طفت روحي حرفيا
لكن انا بردوا كنت بعلق كتير علي تصرفاته،كنت عصبيه من بروده،كنت ببخل عليه ماديا زي ما بيبخل عليا،كنت بعيط كتير،اشتكيت مرة لاهله بخله المادي معايا علي اساس يعلموه الاصول طلعوا هما اللي ممليينه وحرضوه عليا اكتر
وف الاخر البيت خرب قبل ما الحق افرح بحاجتي او حتي اعرف اماكنها وروحي انطفت من العلاقه دي واتعقدت من فكره الجواز ومش عارفه حتي اتطلق
ادعولي

Avocado_68794 🇪🇬

منذ أسبوعين

شعور ضائع

Tofu_68808 🇪🇬 نعم انتي بتهزري ازي قبلتي علي نفسك كده انتي قليتي من نفسك جااااامد اوي فين كرامتك يابنتي انتي غلطتي في حق نفسك جامد ده راجل بخيل وكمان عايش في قفا مراته ولا كمان بتاع أمه و لا هو ضهر يعتمد عليه ولا عايز يكون عيلة معاكي انتي مستوعبه انتي في ايه في الف غيره يستهلوا بنت قمر زيك وحتي ضفرك بس اما ده ستين لاااااا

عرض الكل 21 نصيحة

عبّر عن شعورك بشكل مجهول

السلام عليكم ورحمه الله وبركاته كنت عاوزه احكى مشكلتى بس اللى عنده قوللى ايه رايكم  
انا اتجوزتش من فتره قليله اوى واتطلقت بعد  شهرين جواز 
جوزى كان بيتكلم فى القايمه من تانى اسبوع جواز على اسا ان المبلغ كبير عليه وهو كان ٤٠٠ الف وفضل كده لمده شهر ونصف وان هو اتنصب عليه مع العلم ان هو كان قاعد فى شقتى ملكى وما جابش حاجه غير العفش وبس وانا اللى جايبه الاجهزه والباقى كله 
وكان دايما يقولى انتى تحت الاختبار حشوف حتنفعى ولا لا  وخلى امه تيجى تعد معايا من تانى اسبوع جواز بحجه ان امه وحشته وهو واحشها وفعلا فضلت قاعده لحد ما خربت البيت وطول ما هى قاعده فى البيت كانت بتقوله طلقها طالما مش جايبه العزال اللى مفروض تجيبه طلقها  وبرده كان بيقولى   انه كان بيعمل واجباته الزوجيه مجرد واجب وبس مش اكتر وكان بيعمل سلوك علشان مايخلفش منى وانا لما لقيت البيت بيتخرب حاولت كتير مع اهلى انه اقلله قيمه القايمه وفعلا عملت كدل ونزلت سعرها النصف مع بابا وقطعنا القايمه القديمه وعملنا واحده جديده  واخيرا قولت ان الدنيا اتظبتت واتحلت ومفيش مشاكل تانى رجع من يوم القايمه بعد ماااتظبت لقيته بقولى ان ابويا حلف على امى بالطلاق انى مااااامشيش معاكى بره المحافظه اللى احنا فيها مع العلم ان كان عندى شغل فى محافظه تانيه قولتله طب وشغلى حعمل ايه فيه قالى شوفى حد تانى ابوكى ابن عمتك يوصلك قولتله طب لو حصلى مصيبه قالى مااتصليش بيا وان اهلى واخويا اهم حاجه ولو جبت منك عيل حدوس عليه سكت وعيطت وما ردتش عليه بس فى الاخر قولتله ان انت شايف ان دا جواز وانك كدا سند ليه وضهر وقولتله فكر فى طبيعه علاقتنا وقولى انت عاوز ايه بالضبط على طول فكر فى الطلاق 
بعد كدل امه قالتلى تعالى وانا حتصرف وبنات الناس مش لعبه فعلا روحت وبعد كدا حصل مشكله عبيطه اوى اديته التليفون فى ايده قالى انتى بتخبطيه فى ايدى وقعد يزعق جامد حاولت اصالحه لانى تعبت من كتر المشاكل راح نزل عند امه جرى وقعد يقولى انا مش حصبر عليكى وامه قالتلى اطلعى انتى وانا حبعتهولك 
طلع ودخل اوضه الاطفال والمشكله ما ااتحلتش برده 
انا عندى حساسيه صدر شدت علبا تانى يوم جامد فكان وشى احمر اكنى معيطه امه شافتنى قالتلى والله مااانتى قاعده على ذمته وفعلا طلقنى ورمانى منفصله فى الاول بدون طلاق ٥ شهور ويفضل ينزل فى شتايم وقله ادب ويبعتلى كلام صعب انى اقوله 
ايه رايكم فى الراجل دا كان شارى ولا بايع  
مع العلم ان قبل الانفصال باسبوع كان واخد شنطه هدومه وبيقولى ان اخوه بيلبس معاه ولازم الهدوم تكون فى بيت امه وكنا كويسين مع بعض ساعتها 
انا عاوزه رايكم 
انتوا شايفين ايه واسفه على الاطاله

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Pear_68704 🇪🇬

منذ أسبوعين

شعور محبط

عبّر عن شعورك بشكل مجهول

انا تعبان جدا نفسيا وحاسس ان خلاص حياتي باظت انا طول عمري شخص اجتماعي جدا بس مكنتش اجتماعي خالص مع البنات كان عندي رهاب او حياء مش عارف .. خلصت الجامعه ودخلت جيش وطول الفتره دي كنت لوحدي مفيش حد قريب مني ولا حد فاهمني ولا حاسس بيا بس ده مکنش بيظهر للناس لاني شخص مرح وبحب الهزار والضحك وليا صحاب ولاد كتير جدا وليا صحاب مقربين وشله في الجامعه وبنخرج ونسافر بس مكنش حد مالي المكان القريب اوي .. المهم شوفت بنت ظاهريا كويسه وتوكلت علي الله واتقدمت ومعرفش الموضوع مشي ازاي كان فيه عيوب واضحه بس انا مكنتش فاهم نفسي ساعتها كنت ٢٥ سنه ومكنش عندي الخبره الكفايه اللي تخليني افهم واقرر هل مناسبه ليا او لا هلي فيه كيميا بينا او لا ها هقدر استحمل عيوبها واتعايش معاها او لا وللأسف انا دلوقتي ٣٠ سنه متجوز من ٣ سنين وشويه ومعايا ابني سنتين ونص عايش مع انسانه صعبه جدا وصوتها عالي مفيش اي مشاعر بينا مش نضيفه ومفيش اهتمام مفيش انوثه او اي جاذبيه مفيش روح او اي كيميا بينا مفيش حوار خالص ولو حصل بيقلب بخناقه ومجادلات كتير وحرق بيمتص كل طاقتي ويبقي عايش كأني مسخ بلا مشاعر او عواطف او حب حتي العلاقه بالعافيه وبدون تجديد او اهتمام او مظاهر انوثه عايش حياه بشعه جدا وحاسس اني من اول ما اتقدمت لحد دلوقتي كأني دخلت دوامه ولسه فايق دلوقتي حاسس ان خلاص حياتي باظت وكل احلامي ضاعت وبقيت مضطر اكمل الحياة البشعه دي لحد ماموت ومفيش حل انا بعرف احل مشاكل ناس كتير وتفكيري كويس ونصحت كل اصحابي بس انا في مشكلتي حاسس اني غرقان ومش عارف افکر خالص

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Marshmallow_68186 🇪🇬

منذ 3 أسابيع

شعور وحيد

عبّر عن شعورك بشكل مجهول

متزوجه وعندي تلات اطفال واخده اجازه من الشغل وعايشه في بيت عيله بس منعزله عنهم وفي ارياف وطول الوقت محبوسه مع اولادي ف شقتي بقيت هصبيه وعندي هالات تحت عيني وتخنت وبقي عندي كرش ومبقتش عارفه اتعلم ولا ازاكر في تخصصي وقتي طول اليوم للعيال جوزي من اول الجواز بينزل اجازه بسيطه وطول الوقت مسافر وحاليا خلاص هيبقي موجود ع طول بطلب منه ناخد شقه ف المدينه عشان امزل عيالي حضانه وابدا ازاكر واتعلم بس احنا ف مشاكل طول الوقت هو حياته وشغله ودنيته استقرت تماما بقوله يقف جنبي بس ويساعدني اودي الولاد حضانه لكن هو بدا ينعزل لوحده ف اوضه ويقفل ع نفسه بالمفتاح ومش عاوز يكلمني لو كلمته يتعصب ويشتم وطول الوقت في اهانه
وعصبيه وخناقات وتزعيق وده ماثر ع عيالنا انا تعبت جامد جدا من الحياه ومش عايزه اسيب البيت عشان عيالي متعودين ع بيتهم هنا واحنا مرتاحين فيه بس حقيقي جوزي بيخوني ومش بيحبني وتعامله سئ جدا جدا انا بقيت اتجنبه اعتبره مش موجود انا طول الوقت لوحدي وحزينه وبدا يظهر عندي تعب في جسمي انا مخنوقه ان وقفت معاه لما كان ف الحيش وكان ف اول شغله مفيش اجازات انا ربيت اولادي لوحدي مساعدنيش انا تعبانه من تعامله بدل ما الظنيا تبدا ترتاح معاه يخليني انا كمان ارتاح لكن هو مصعب كل حاجه عليا وتاعبني جامد اوي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coconut_68392 🇪🇬

السعي مش علشان نوصل.. علشان منندمش بعدين

دايما بسمع جمله "السعي يضمن حتميه الوصول" بس لأ فـ الحقيقه أحنا مش هنوصل أصل بجد حتي لو وصلت لهدف معين بتسعي لي هيفضل لسه عندك أهداف تانية كتير جدا ، أو علي الاقل النقطه اللي وصلتلها دي هتفكر فـ أنك أزاي تطور نفسك أكتر عشان توصل لما بعدها أو تحقق سيل من الإنجازات الأخري .. كل الحكاية أننا مجازين علي سعينا دا عشان منندمش بعدين. وفـ النهاية الوصول الحقيقي هو عند وضع أول قدم فـ الجنة"💗 حبيت اشارك الخاطره دي عل وعسي تكون سبب فـ راحه بال اي شخص مضغوط او فاقد الامل.. ...عرض المزيد

2 الدعم

2 نصيحة

Biscuit_61281 🇸🇦

حد يسمعني؟ عاوز أفضفض

ال عاوز يحكي او يفضفض يتفضل - نناليسسسياتممنمنتاالللاالنمممنوةاتنااتناليسسسياتممنمننت االلالتمممنوةاتنااتنناليسسسياتممنمنتالللالتنمممنوةاتناا تناليسسسياتممنمنتاللاالتمممنوةاتنااتناليسسسياتممنمن نااللدااتممنوةاتنااتنناليسسسياتممنمنتااللاالتمممنوةات ﻨاتناليسسسياتممنمنتاالللاالتنمممنوةاتنااتناليسسسياتممن مناالللالنسممنوةاتنااتت ...عرض المزيد

0 الدعم

7 نصيحة

Marshmallow_49373 🇪🇬

محتاجه أتكلم مع ناس ناضجين وبتفكر بإيجابية

محتاجه اتكلم مع ناس •وصلت لمرحلة حلوة من النضج •و بيعرفوا يتعاملوا مع المواقف اياً كانت • و بيفكروا ب اجابية • عندهم حلول دايما •و بيعرفوا كويس يتحكموا ف رغباتهم لو مش موجودين فيك دول👆🏻 متدخلش علشان يساعدوني ف كام بوينت كدا ...عرض المزيد

1 الدعم

17 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع