غيرت

Strawberry_58144 🇺🇸

منذ أسبوع واحد

شعور مكسور القلب

عندى مشكله بجد مع الغيره.. انا عمرى ما غيرت من بنت عشان احلى او اشطر زى الكلام بتاع البنات ده.. بالعكس بجد انا بحس انى مبعرفش اكره حد.. و بفرح للبنت الجميله انها جميله و بفرح للمتفوقه انها متفوقه والموضوع مش بيعمللى حقد نهائى.. لاكن بغير جدا جدا جدا على الراجل الى بعجب بيه من اى خيال بنت معدى جنبه..

Coffee_56037 🇪🇬

منذ أسبوعين

شعور مكتئب

موضوع:

اتعرضتي للتحرش قبل كدا؟ وعملتي ايه وقتها؟

كان وانا صغير في حوالي 3 او 4 ابتدائي مش قادر افتكر اوي ويمكن دا بوظ حياتي خالص لانه اتسبب في حجات كتير اوي اوي اتغيرت للأوحش ويمكن الحادث ده لو مكانش حصل مكنتش هبقى في اللي انا فيه دلوقتي كمان. مقدرتش اعمل حاجة ولا عرفت اقاوم كنت طفل يعتبر مش فاهم حاجة ولا عارف اتعامل اصلا وحصلت احداث صعبة من ناس أ

Coconut_54849 🇪🇬

منذ 3 أسابيع

شعور مكسور القلب

عبّر عن شعورك بشكل مجهول

‏أنا عندي مشكلة كبيرة ‏ححاول اختصر ها.            
أنا كنت مرتبطة بجوزي من ‏ثانوي تقريبا بس كانت مشاكلنا كتير جدا هو دائما عايز يغير ‏لبسي طريقتي أسلوبي وكل حاجة فيا ‏كمان عايز يبعدني عن كل قرايبي اللي أنا متربية معاهم  وأنا دائما كنت برفض وشايفه إنه مش مناسب لي أبدا
‏فكانت مشاكلنا كتير ودائما بحاول إني أنا أسيبه  مابيديش فرصة ودائما بنرجع تاني من كثر المشاكل أنا سمحت لنفسي إني أنا اتعرف على حد غير بس كان كل اللي في دماغي إني هعمل كده وهو أكيد من كثر غيرته عليا مش هيقبل حاجة زي كده و ‏ ‏هيسيبنى ‏كنت بقول له أبعد عني أنا في في حياتي حد غيرك وبرضه مكانش بصدقني والحد ده ‏هسميه S فS ده كان ‏ ‏بيظهر ويختفي على مدار سنين واكيد كان متواجد في حياتي فترات وكان في كلام بيني وبين صحابي ‏عليه ‏ ‏لانه كان أخذ حيز في حياتنا ‏أنا كنت مرتاحه ليه جدا لأني ما كنتش في بيننا ‏مشاكل أصلا وكلنا متفاهمين بقدر كبير بس كان في مشكلة واقفة قدامنا إن احنا في مشاكل بين عائلتنا فسبنا بعض
 وجوزي حاول يصالحني وجالي عند شغلى وجاب لي ورد و اتخطبنا بعد ما قطعت مع S على طول ما خدتش وقت بعد الخطوبة  كنا أنا وجوزي كويسين ومفيش مشاكل لحد ما تتجوزنا وبعد الجواز بثلاث أسابيع جوزي مسك موبايلي وأنا نايمة وشايف كلامي أنا وصحابي على WhatsApp عنS وبقى لي شهور في مشاكل أنا وهو لأن احنا بنحب بعض ومش عارفين نبعد عن بعض في نفس الوقت هو مش متقبل الموضوع ومش عارف احنا مكنش مع بعض الفترة دي وبرضه مشاكل طول الوقت وطول الوقت متجنبنى طول الوقت مش عايز يتكلم معي وفي نفس الوقت مش عايزة يطلقني ومش عارفة أعمل ايه
أنا متجوزة من ثمان شهور
بفكر أن انفصل فعلا لأني تعبت رغم إني أنا كان نفسي أبقى أم بس خايفة اخذ الخطوة وأرجع أطلق وأشيل مسؤولية أكبر مني مش عارفة أعمل ايه بجد أنا في حيرة كبيرة وأنا عارفة أن أنا غلطت مش مستنية حد يقول لي أنت علظتى أنا مستنية حد ينصح أعمل ايه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Avocado_39534 🇪🇬

منذ 7 أشهر

شعور مستنزف

عبّر عن شعورك بشكل مجهول

انا مخطوبة لواحد بحبه اوى وبحس معاه بالأمان بصراحة وبيحترمنى و كويس والله بس مشكلته أنه بيغير اوى وأنه يغير دى اكيد مش حاجة وحشة هو كان آخره مثلا أنه يزعق ويتعصب اوى بس بعد كدة بيعتزرلى على عصبيته دى اخر مرة بقا مد أيده عليا ضربنى بالقلم وده ليه بسبب أن انا وهو واحنا راجعين من خروجة هو ركن العربية ونزل يجيب بس حاجة وكدة ف الوقت ده فى واحد زميلى فى الجامعة اتصل بيا لأن فى بروچكت بنعمله وفى كام حاجة هم مش عارفين يعملوها وانا بعرف اعملها ف البروچكت ده يعنى فأنا كنت قافلة نت وهم محتاجين يفنشوا البروچكت ف اتصل بيا عشان اعمل الحاجات اللى ناقصة ونخلصه فخطيبى رجع وفضل باصصلى كدة لحد ما اخلص مكالمة قام سألنى ده مين روحت قولتله عادى انا مش بعمل حاجة من وراه يعنى راح اتعصب وقعد يهبد ع الدركسيون وكان مصمم أنه ياخد رقمه وانا كنت رافضة وقعدت ازعق ومرضتش اديله الرقم وقعد يقولى كان ممكن اى حد من صحابك البنات معاكوا ف نفس البروجكت تتصل بيكى وقالى اتصليلى بيه وافتحى السبيكر عايز اعرف بيكلمك ازاى وطبعا بردو مرضتش وحاسة أن الموضوع هو مأڤوره وشدينا مع بعض اكتر بسبب انى مش راضية راح ضاربنى بالقلم ... انا مش عارفة اعمل ايه انا فجأة حسة انى خوفت لبعد كدة ممكن يضربنى تانى ومش عارفة صح إن ف الحالة دى ادخل الى ولا انا وهو نحل الموضوع ما بينا ؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.