عندى مشكله بجد مع الغيره.. انا عمرى ما غيرت من بنت عشان احلى او اشطر زى الكلام بتاع البنات ده.. بالعكس بجد انا بحس انى مبعرفش اكره حد.. و بفرح للبنت الجميله انها جميله و بفرح للمتفوقه انها متفوقه والموضوع مش بيعمللى حقد نهائى.. لاكن بغير جدا جدا جدا على الراجل الى بعجب بيه من اى خيال بنت معدى جنبه.. حتى او لسه مفيش بيننا حاجه.. بمجرد ما مشاعرى تتحرك شويه بس ناحيته الغيره بتشتغل.. اى لايك بريء على حاجه تخصه بتاكلنى.. اى ريبلاى او رد منه على كلام بنت حتى او بيشرحاها سؤال عادى عالجروب بتقتلنى من جوا.. لو شوفت بس بنت قاعده جنبو فالمدرج بموت.. لو وريت لحد صورته وقالت حلو ببقى هخنقها.. لو عرفت ان كان بيبص لواحده معينه زمان ببقى مش طيقاها.. لو حسيت ان فى واحده حلوه معانا و هو احتمال يعجب بيها ١ فالميه ببقى كرهاها.. لو اتقال اسمه مع اسم بنت فجمله بالجمع كده بتخنق.. لو واحده صحبتى هزرت معايا عليه وانا عارفه انه هزار برضو بغير.. بالذات بجد لو حسيت بيهزر مع واحده عالجروب مثلا او بيضحك مع اى انثى حتى لو مجرد هزار الموضوع معايا بيجى بعياط و اكتئاب و فقدان شغف لكل حاجه.. مش عارفه اتعالج ازاى بجد

4

0