عيلة

Mushroom_74773 🇪🇬

منذ 18 ساعة

شعور مستنزف

موضوع:

امتى حسيت بالخذلان العميق؟

لما امى قالتلي اروح ااقول لابويا ما يتدخلش في حياتي ومالوش دعوة بيا خالص والا مش هتعملي اكل ولا تغسلي هدوم ولو فضل برده يتدخل هتاخد اختى وتمشي وهو فعلا عمل كدا ومابقيتش لا اشوفه ولا بيدافع عنى لما تضربني او تمنعنى من الاكل او تدخلني تحن الدش الساقع عشان مش عارفة اسمع المذاكرة صح حسيت انه باعني

Mango_28732 🇪🇬

منذ 3 أيام

شعور مرهق

عبّر عن شعورك بشكل مجهول

انا  دلوقتي منهار جدا ومش عارف اعمل ايه. انا عايش مع عيلة نرجسية سامة بيذلوني بكل الطرق. انا في تالته ثانوي ازهر، وبسبب المشاكل وظروفي النفسية اللي بسببهم اجلت السنه. دلوقتي ابويا رجع من سفره وطردني، وانا قاعد عند اهل امي اللي كلهم نرجسيين ومنهم السادي وهما بيكرهو حتى نفسهم وكلهم بيكرهوني بدون اي سبب ابدا وبيستقصودوني وبيعلقو علي لو شربت مايه حتى ،ودلوقتي المشاكل  بين امي وابويا كبيرة وهتوصل للطلاق ، والغلط الاكبر من امي النرجسية، وابويا برضو مخطئ واشد نرجسية منها واسوء منها . اهل امي وامي كلهم اجتمعوا عليا، طردوني وشتموني وافتروا عليا بالكذب وشوهوا سمعتي.
انا دلوقتي مش عارف اعمل ايه ولا اروح فين، خصوصا اني في تالته ثانوي ومعنديش اصحاب ولا حد اروحلُه. عندي اضطرابات نفسية بسببهم: C– PTSDوصدمات نفسيه عنيفه من الضرب والاهانه والتحرش والتنمر كل دا من اهلي واصحابي والمدرسين وغيره وانا منعزل تماما دلوقتي ، وعندي رهاب اجتماعي حاد، اضطراب تواصل، وإدمان متعدد. وبرغم كده انا عايز اذاكر وأنجح عشان اخرج من كل دا، لكن الظروف كلها ضدي، ومش عارف اعمل حاجة ولا اذاكر، انا وحدي من غير أي دعم.
الكل اتخلى عني من وانا صغير. دلوقتي امي طردتني وعملت معايا حاجات تانية اكبر من كدا مش قادر أذكرها لأني مرهق جدًا ومكسور ومش قادر أكتب أكتر. انا بكتب هنا يمكن ألاقي حد يوجّهني ويقولي اعمل ايه أو أروح فين. انا حرفيًا تايه ومش عارف أبدأ منين او اروح فين اذاكر ازاي اطلع من الوضع دا ازاي مفيش اي حل دلوقتي قدامي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Marshmallow_61979 🇪🇬

منذ 5 أيام

شعور منزعج

نفسي اعرف هو ليه بجد التجمعات العائليه دى توكسيك اوى لازم يتحشروا ويسألو في حجات كدا ملهمش فيها ولو قعدت لوحدى في الاوضه ليه مبتخرجيش انتى خلاص دكتوره بقا وهتتكبري علينا وبتاع اخرج اقعد معاهم ها هتتخصصي ايه وليه بتقبضي كام هتتخطبي وتفرحينا امتى واسأله من دى كتير بقا بجد ليه الإنسان لازم يكون ح

Sugar_73649 🇪🇬

منذ 6 أيام

شعور مكسور القلب

انا بفكر ف الانتحار كل ثانيه ! اتخطبت ٤ سنين عن حب بس اهلي مكانوش مقتنعين بيه وبما انهم ناس ساديه كانو طول الوقت يطلبو اني انفصل عنه ومشاكلنا انا وهو كترت وانفصلنا فعلاً بس انا مش قادره اتخطي عدت سنه وانا لسه قلبي بيتقطع ورافضه فكره انه خلاص كدا ! انا حوالت ارجع بس هو رفض* ودخلت فاربع علاقات بعدها

Watermelon_63493 🇪🇬 كلنا اتكسرنا نفس الكسرة هى فترة وحشة هتعيشيها هتعيشيها وهتعدى هتعدى وفيه ايام حلوة هاتيجى وايام صعبة تانى دة الطبيعي اجمدى كدة التقيل جاى لسة

عرض الكل 7 نصيحة

Apple_18027 🇪🇬

منذ 6 أيام

شعور لا مبالٍ

كل ما اعمل ريفريش للاكونت عدد الناس عند افوكادو يزيد مش بنظر على حد و كل واحد حر يعمل اللي يعمله بس انتو بجد. مش مستوعبين انها عيلة؟؟؟؟ يعني هى كاتبه كلام هى نفسها مش فاهمه معناه حرفيًا ريتش بالهبل في ثواني اللهم لا تفجني في نصيبي و اولادي

Popcorn_52020 🇪🇬

منذ أسبوع واحد

شعور مكتئب

مشكلة الأخ الكبير اللي عمره ما خد دعم من صغره.. اللي كان بيسكت لأنه خايف، واللي كل ما يحاول يبان يتشال منه ثقته بنفسه بالسخرية والتقليل. وفجأة العمر جري، لقى نفسه كبير ومطلوب منه يبقى الحكيم، والسند، والضهر، والمثالي في كل حاجة. طب منين يا جماعة؟ منين؟ عارف الناس اللي هتقول: "خلاص كبرت، دي مسؤوليتك

عبّر عن شعورك بشكل مجهول

مشكلة الأخ الكبير اللي عمره ما خد دعم من صغره..
اللي كان بيسكت لأنه خايف، واللي كل ما يحاول يبان يتشال منه ثقته بنفسه بالسخرية والتقليل. وفجأة العمر جري، لقى نفسه كبير ومطلوب منه يبقى الحكيم، والسند، والضهر، والمثالي في كل حاجة. طب منين يا جماعة؟ منين؟

عارف الناس اللي هتقول: "خلاص كبرت، دي مسؤوليتك، متعش في دور الضحية.." أحب أقولهم يركنوا على جنب، لأنكم أتفه من إني أرد عليكم. أنا بكلم الناس اللي هتفهم وتحس.

أنا مش بصرف على البيت والحمد لله مستورة، بس طول الوقت حاسس إنهم مستنيني أكون شخص تاني مش أنا، عشان أقدر ألبّي اللي عايزينه. وأنا أصلاً محتاج حد يساعدني، مش بامثل ولا باوهم نفسي.. أنا فعلاً تايه.

والدي مات وأنا في أولى ابتدائي، محدش وجهني من يومها. اتمرمطت فـ فترة  معينه وكانت كافية تكسرني. والدتي اتجوزت تاني وعايش معاها انا واخويا وقتها كنا صغيرين وملناش غيرها وكان فيه مشكل كبيره مع اهل ابويا بعد مامات وطردونا م الشقه فا دا كان السبب اننا نعيش معاها ، لكن بدل ما المشاكل تقل، زادت. أي حاجة تحصل بتشتكيلي وتحط همها على كتافي. هي مش بتطلب فلوس، هي عايزة حنية.. بس منين أجيبها؟ أنا أصلاً ما شفتش منها ولا من غيرها حنية حقيقية غير قليل، ويمكن مصطنعة.

يمكن بتعاطف معاها، بس بطريقتي، مش بالطريقة اللي هي عايزاها. وده مش بإيدي. فوق ده كله، أنا مكتئب بقالي خمس سنين، وبصراحة جزء كبير من اكتئابي بسببها. أنا اتطفيت بدري.. عندي 23 سنة وبحس إني عجزت ووصلت لـ 80.

أيوة، أمي عملت اللي عليها وربتني زي ما اتربت، لكن ما عرفتنيش إزاي أبقى سوي. الكتمان والخوف من عقابها وأنا صغير خلوني معقد من جوه وكاره الناس والحياة.

أنا مش سوبر مان، ولا خارق. أنا بني آدم بلحم ودم. مش عايز حد يقولي: "دي مشكلتك، لازم تحلها، أنقذ نفسك." أنا عارف ده كويس. لكن بدل ما تقطع فيا، قول كلمة طيبة يا أخي 
أنا مش روبوت، أنا إنسان محتاج يتفهم.
لدرجة إني وصلت إني قررت مش هتجوز. متخيلين إن الموضوع معايا وصل للدرجة دي؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Ice Cream_71450 🇪🇬

منذ أسبوع واحد

شعور شاعر بالملل

اهلا محكتلكمش اخر يومين معاكم فهاحول احكيهم بسرعة اولا اول امبارح كان عندنا فرح زي الزفت كل اللي فيه مكانوش لابسين ولا اكننا برة ومش دي المشكلة بس هما كانو بيهتموا بكل المعازيم معادنا فاستفزيت يعني وفضلنا فيه من سبعة لواحدة بليل ولما رجعنا حصلت مشكلة بسيطة بيني وبين عيلتي صحيت الصبح المشكلة كبرت وكب

Donut_65058 🇪🇬

منذ أسبوع واحد

شعور وحيد

انا حاسة بالوحدة حاسة اني وحيدة مليش حد عندي اخواتي كلهم اولاد وبيكونوا في الشغل طول النهار حتى مش بشوفهم وقت النوم واصحابي بنسأل على بعض كل سنة مرة انا كان نفسي في اخت بنت تونسني بس الحمدلله دلوقتي بجد طول النهار قاعده ماسكة الفون من الزهق بجد ماشي ماما قاعدة معايا وصاحبتي وكل حاجه بس مستحيل امي تو

Sugar_49832 🇪🇬

منذ أسبوع واحد

شعور غاضب

Apple_71528 🇪🇬 اسلوب التربيه فى مصر خطاء عشت فى اوربا واتعلمت كيف يربون أولادهم هنا الطفل بيعتمد على أهله حتى بعد جوازه هنا كلنا مخطئين

عرض الكل 17 نصيحة

عبّر عن شعورك بشكل مجهول

حابة احكيلكم قد ايه انا فخورة بطريقة خالتو وهى بتفهمنى انا وامى ان اعتراضى على اسلوب تربيتهم لان امى مدلعانى وبطلت تضربنى لما كبرت 
وانى لو كنت بتضرب زيهم زمان كان هيبقى دة نمط حياتى وهتعامل مع الاهانة بضحكة عاادى جدا 
كمية فخر فى كلامها وهى بتقول انها بتسيب ولادها يعيطوا قدامهاا لحد ما بنتها اللى فى تالتة ابتدائى تقولها انتى بتسيبينى لوحدى حاسة انى وحيدة 
بتحكى وهى مبسوطة اووى ان ولادها مش مسموحلهم حتى يعيطوا فى اوضة لوحدهم ولازم يعيطوا قدامها وياريت هتطبطب هتسيبهم عادى 
فوق الزعل قهر وذل 
بتقولى اخواتك عشان بيتضربوا مش متأزمين والموضوع بالنسبالهم عادى وبيتضربوا وبيضحكوا انتى كدة من الدلع 
*لما اخدت ابنها وكان فى ابتدائى لدكتور نفسى عشان توحد وتاخر كلام ومشاكل جسدية عنده والدكتور قالها ابنك مش متعود يعتمد على نفسه متدلعيهوش 
فبعد ما كانت بتعصرله الفاكهة فى بقه بقت تضربه بسبب ومن غير واتلخص عندها الدلع فى انها مبتضربش فهنشيل الدلع هنضرب ونخلى الطفل يضحك وهو بيتضرب عاادى جدا*
لماا قعدت تقولى انتى من دلعك مش متعودة على الاهانة كان دة الطبيعى انى اتعود على ضرب وصوت عالى وخناق وسيطرة فارغة على الفاضى ويعتبروها تربية وهتطلع جيل كويس 
لما قعدت توصف قد ايه جدو كان بيضربهم من غير سبب فطلع دة العادى بالنسبالهم وسامحوا وبقوا كويسين 
المشكلة فعلا انها مقتنعة انهم كويسبن والمشكلة فيا انا عشان برفض الاهانة «كان الاهانة من الاهل عادى» وامى تصدق على كلامها عاادى 
انااا مش قااادرة افهم وتعبت مش قااادرة حتى افهمهم
اول ما تعطل معاهم يقولولى الدين بيقولك لو امك كافرة واجبك تسمعى كلامها.. معاهم حق بس دة اسلوب تعامل سواء معايا او مع اطفال اكبرهم 14 سنة عودوه يتضرب ويضحك 
فهمونى بس يمكن انا دماغى شغالة غلط ولا حاجة😓

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Cookies_68867 🇪🇬

منذ أسبوع واحد

شعور متعب

سلام عليكم .... انا هحاول اشرح على قد ما اقدر ... المشكلة دلوقتي ان بابا بخيل و بيدينا الفلوس بالعافية و احنا احتياجاتنا بتكتر انا و اخواتي و بقي بيذلنا بالفلوس اكتر و ماما كمان بقالنا 19 سنة ساكتين و مستحملين عشان ماما مش هينفع تتطلق عشان هى مش بتشتغل و الشغل المثبت له انه موظف بس ف النفقة مستحيل ت

Waffle_69876 🇪🇬 اشتغلو سوقو من البيت اكفوا حاجتكم بنفسكم اعملو مشروع بسيط زي مثلاً فطاير كيك وهكذا والمفروض ان امك تشتغل مفيش سبب يخليكوا تحت ايديه الزمن دا مفيش حد ضعيف في حد حاول وعافر عشان يغير حياته وفي حد ارتاح وعلق شماعه الظروف في وقوف حاله

عرض الكل 8 نصيحة

Chocolate_72070 🇪🇬

منذ أسبوع واحد

شعور محبط

موضوع:

إيه أكتر حاجة مفتقدها في حياتك ؟؟

الامان.....معنديش تفاصيل لان قصتي قصه طويله لاكن الامان ده ياجماعه اهم من كل حاجه في الدنيا متعرفش تاكل ولاتشرب ولاتتكلم ولاتنام فاهمين قصدي لما تكون وسط ولادك وتحس بالاستنذاف وعدم الامان

Pear_71903 🇪🇬

منذ أسبوع واحد

شعور متوتر

شباب نصحية بجد عن خبرة و عن حد عاقل هو الشخص فعلا لما بيتجوز واحدة بياخدها بالعيلة كلها و لا بيقدر يفصل و يعيش معاه في هدوء و لو الواحد اخد الخطوة دي و كمل هيبقي مرتاح بعد الجواز ولا هيبقي شايف انه ماخترش صح و انه كان صبر و اخد حاجة تشبه اجتماعيا برضو ويكون مرتاح للعيلة بشكل كامل و العائلتين را

Coffee_19911 🇪🇬

منذ أسبوع واحد

شعور آسف

عبّر عن شعورك بشكل مجهول

هاي
عملت pajama party مع بنات عيله ماما بعد ما ادركت اني مش عارفه اتعامل مع بنات عمتى وصح علشان الموضوع يكون أوضح انا عندي عمتين واحده ولادها شباب والتانيه ولادها بنات بس وبالمناسبة انا كنت فاكره ان بجد انا بعمل كل حاجه ومش بلاقي مقابل بسيط للحب والاهتمام ده بالعكس انا اللي كنت بتصل على بنات عمتى وكمان مكنتش بصاحب حد مش قريبي بالدم علشان العيله هي اللي هتبقى في الأخر بس اللي حصل اني مكنتش فاهمه ليه هما بيعرفوا يتكلموا مع ناس تانيه ويتعاملوا وعندهم صحاب وحياه واني مش الشخص المهم في حياتهم امممم عارفه اني دراما اوييي بس ده اللي كنت بفكر فيه دايما وانا معاهم لحد ما زهقت من التجاهل والاهتمام والحب زهقت وبقى الموضوع مرهق وكأن في دماغك الف سؤال وكلهم بيبدأوا "ليه" وعليهم جيتار لاغنيه يومين وليله بتاعت جدل وشويه ريلز حزينه فااا اللي عملته والحل اللي لقيته كان الهروب هربت لاقرب ناس تانيه وعلشان انا ميته على مقوله العيله هي اللي هتبقى في الاخر روحت لبنات خالتي وخالي رقم واحد وخالي رقم اتنين وخالي رقم ٣ وخالي رقم اربعه معندهوش بنات المهم نرجع لموضوعنا قررت اني أقرب من ناش تانيه واتعامل معاهم واهزر واضحك وقررت اني اعمل pajama party عند بيت تيتا علشان نحسن العلاقات شويه ونقربها بس اللي حصل اني ادركت للحظه اني بهرب من كل حاجه واني عندي مشكله واني مش بعرف اتعامل مع الناس وبكره قرب الناس مني علشان بحس انهن هيشوف الجانب المثير للشفقه فيا ده عارفين اللي هو الجانب الضعيف والاهبل ده علشان كده مكنتش بصاحب حد واستغليت فكره بنات خالتي بالعكس كمان بقيت بضغط عليهم بالاهتمام الزياده والدراما الاوفر اني ابقى الشخص المهم والاوحد فااا لجأوا الوحش حاجه وهي اللي زودت جوايا مشاعر العدوانيه اتجاه الناس وهو "التجاهل" فااا لقيت حل احسن وهو الهروب كالعاده من مشاعري واللي لحد دلوقتي انا تايه فيها وبحاول ادور عليها او لأ الصراحه انا بهرب منها ا بكره التفكير في ليه وازاي ومش معنى والهم ده بحس كله بيتحل بواحد آيس كريم وشويه هواء في البلكونه 
بس حقيقي الموضوع بقى مرهق وانا خايفه أواجه كل مشاعري او بمعنى اوضح وادق خايفه أواجه اكتر حد بكره في الدنيا وهو نفسي وبالنسبه للكتابه دي فاا دي اعتراف لنفسي اني حد جبان نسبيا واني فاشله اجتماعيا وبس كده 
باي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Nutella_72028 🇪🇬

منذ أسبوعين

شعور متعب

موضوع:

إيه أكتر حاجة بتحاول تبينها للناس بس مش حقيقية؟

اني تمام اوى وقويه وجامده ومفيش حاجه تعباني والحقيقه انه العكس تماما بس غصب عنى لاني اب وام ولازم ابقى كده عشان ولادى حتى اهلي بحسهم لو ضعفت بيستقوا عليا بس اوقات بضعف اوى وأفضل اعيط كتير لوحدي وادعى ربنا يقويني

Potato_71552 🇪🇬

منذ أسبوعين

شعور محبط

أسوء شئ ف الحياة هو الحب مجرد لعنة مفيش شئ اسمه حب كلها اوهام. ومفيش حاجه اسمها صحوبية او صحاب او اخوات كل ديه علاقات مبنيه ع مصالح مشتركه. ومفيش حاجه اسمها اهل او عيلة او قرايب او م دم واحد او اسرة كلها شكليات بداية التدمير او التشوه النفسي او الكبت او الكسرة بيبتدي م عند الاهل. نبذه صغيره حبيت اش

Strawberry_71462 🇪🇬 عندك حق

عرض الكل 1 نصيحة

Grape_57212 🇪🇬

عندي مشكلة العادة السرية وبتأنب ضميري

عندي مشكله لما بحط فكره اني اسمع حاجه وحشه او اعمل العاده السريه بعملها فعلا وبسمع وبتفرج وبعدها بحس بتانيب ضمير وحش اوي وبعدها ادي مبرر لنفسي اني باخد ادويه بتاثر علي الهرمونات والمشكله الادويه دي مينفعش اوقفها خالص. وبجد عاوزه حل انا مش عاوزه حاجه زي دي تبعدني عن ربنا مع ان الفكره لما بتجيلي بستغفر كتير علي اساس تروح وف الاخر بتفرج بردو. ...عرض المزيد

0 الدعم

4 نصيحة

Mango_70962 🇪🇬

لو بتحبها بجد.. خليك راجل جدع واخطبها

لو بتحبها بجد، خليك راجل جدع واخطبها. بلاش وعودك اللي ملهاش آخر، ظروفك وحشة، حياتك صعبة، مش قادر تتحرك خطوة لقدام.. يبقى سيبها وامشي من دلوقتي قبل ما تظلمها، اللي بيحب بجد مش بيستغل ضعفها ولا قلبها، اللي بيحب بجد يا يقدر يبني معاها بيت وأمان، يا يسيبها تعيش حياتها وتلاقي اللي يصونها، إنك تسيبها وإنت مش قادر مش خيانة، بالعكس.. دي رجولة وخوف عليها، ياريت تكون بكل أمانه واضح معاها. ماينفعش تديها أمل وتخليها تحلم ببكره معاك وإنت عارف إنك مش هتقدر ع مسؤوليات الزواج، ماينفعش تسرق من عمرها ومن مشاعرها وتسيبها ف الآخر مكسورة وندمانة إنها صدقتك. الرجولة والجدعنة مش إنك تفضل معاها بأي شكل، الجدعنة إنك تختار مصلحتها حتى لو فيها وجع ليك، ساعات الفراق بيكون حب أصدق من ألف علاقة ملهاش مستقبل. ولما ربنا يكرمها بحد تاني محترم ويعرف قيمتها، بلاش تقرب سيبها تبني حياة مستقرة بعيد عن دوامة وعودك الفاضية وكلامك المستهلك، ماترجعش تفتح باب مقفول وتلعب في حياتها تاني، ماتخليش قلبها يخون، ولا لسانها يكذب، ولا جوازها يتفركش، وف الاخر هتمشي بظروفك الصعبة ومشاكلك القديمة. عشان انت متستاهلش إنها تخسر نفسها مرتين. ...عرض المزيد

2 الدعم

0 نصيحة

Mango_70962 🇪🇬

راضية بنفسي وما تمنيتش أكون غيري

اتربيت من وأنا صغيرة على إن الغالي مش بالفلوس، الغالي هو القَيمة والرضا، عمري ما كنت مادية ولا بصيت لحد عشان اللي في إيده، قلبي دايمًا مليان وقنوع باللي عندي، وشبعت بحب وكرم بيت أهلي، ما عمريش تمنيت زوال نعمة من حد، ولا قلدت غيري، بالعكس أحب أكون مختلفة ومميزة لدرجة إن غيري يقلدني، بحمد ربنا على نعمة التعايش، إني أقدر أتكيف مع أي ظرف وأقوم واقفة على رجلي، ألف حمد وشكر إن ربنا خلقني زي ما أنا، راضية بنفسي وما تمنيتش في يوم أكون أي حد غيري♥️" ...عرض المزيد

1 الدعم

7 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع