علاقة الأخوات

Sugar_48440 🇪🇬

منذ 13 ساعة

شعور متعب

مش من فتره كبيره اختي الكبيره نزلت تشتغل لظروف خاصه انا وهيا علاقتنا كانت حلو اه كنا بنتخانق بس مكنتش بنكمل خمس دقائق ونتصالح تاني دلوقتي هي حرفيا مش بتكلمني اصلا وعملالي بلوك من كل حته وبجد نفسيتي تعبانه اوي بسبب الحوار ده ومش عارفه اعمل اي ملحوظه هي اكبر مني ب سنه بس انا 16وهي 17

Nutella_60275 🇪🇬

منذ 4 أسابيع

شعور مرتبك

Mango_56683 🇪🇬 قربي منها و وصللها حبك ليها . ربنا يقربكم من بعد و يبعد عنكم شر الفتن

عرض الكل 6 نصيحة

عبّر عن شعورك بشكل مجهول

ليا اختى اصغر منى ب ٦ سنين بحسها بتغير منى اوى ووالله والله ربنا يعلم انى مش بستخسر فيها حاجة و بشيلها ف حاجات كتير و اشيل عنها كتير حسيت ده اكتر لما اتخطبت هى كانت خطوبة منيلة بنيلة و اصلا فركشت بس انا عارفة و بشهادة كل اللى يعرف اننا اخوات انى احلى منها بس و حيات ربنا انا الدنيا ماسحة بيا الأرض و اهتمامى بشكلى و مظهرى ده اللى بحط فيه طاقتى غير انى مش محجبة و بلبس براحتى و اصلا اهتمامى بمظهرى ده جزء من شغلى فا لما بلبس حاجة قصيرة او ضيقة بحسها بتبصلى من فوق لتحت كده و تقولى انتى هتمشى كده!!
مع انها ساعات بتقلع الحجاب و تخرج و انا مبشغلش بالى
اكتر موقف حصل حسيت فيه بغيرتها دى انه كان فى ظرف ما حصلنا و عرفتنى على واحد المفروض ان هما اصحاب بس و هو مش ذوقى اصلا و لا ف دماغى فضل طول الوقت يتكلم و يحاول يدخلنى معاهم ف الكلام و يهزر معايا و بعدها طلب منها اننا نخرج كلنا سوا و عرضت عليا و انا كنت متحمسة للخروجة والله مش ليه هو خالص لأننا هنخرج ف مكان من نوعية الاماكن اللى بحبها المهم هى رفضت و فضلت تتحجج عشان منخرجش و لما سألتها ليه رفضتى قالتلى مليش مزاج لو عايزة تنزلى معاه انتى انزلى الجملة دى اكتر حاجة اكدتلى انها مدايقه انه معجب بيا او انه بيحاول يجر معايا كلام بس اللى انا متأكدة منه انهم فعلا اصحاب مش اكتر قولولى اتعامل مع غيرتها دى ازاى

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Orange_52947 🇪🇬

منذ شهرين

شعور متعب

Hazelnut_52786 🇪🇬 عارفة يا حبيبتي، أوقات أقرب الناس لينا بيكونوا أكتر حد بيوجعونا، مش لأنهم أشرار، بس عشان مش بيعرفوا يحبوا صح. بس انتي مش مطالبة تفضلي ساكتة أو تكتمي وجعك، حطي حدودك حتى لو بأبسط الكلام. ابني نفسك واحدة واحدة، وافتكري دايمًا إن اللي يحسسك بالذنب بدل ما يطبطب عليك، محتاج يراجع نفسه مش انتي

عرض الكل 9 نصيحة

عبّر عن شعورك بشكل مجهول

انا بجد زعلانه اني هتكلم في البوست دا ع حاجه مزعلاني بس بحبها بس انا انا مش ب اوفر والي عنده اخوات هيفهم انا عندي اخت توام بس صعب عليا احكيليها مشاعري بقي صعب عليا كل حاجه اتكلم بكل صراحه معاها لاني كنت ديما أما اروح اقولها متهتمش اوي ماسكه الفون بترد الرد العديد أما اقولها مشكله تقولي الغلط من عندي طب ازاي اصلحه لا معرفش ونا عارفه أنه كل واحد عنده عيوب  ونا ديما بيبقي عندي تردد اروح اسال اختي في حاجات زي هو انا لي مش بحس بحبك ليا اي الحاجات الي بدايقك مني ك شخص انا ترتيبي الكام في حياتك بتحبيني قد اي بس بخاف بخاف اكون انا وحشه وبتبلي عليها انها تكون بتحبني بس مش بتقول انا تلقائيا بحس اني بحبها جدا يعني لما نبقي متخانين بروح اعتذر انا أو لو تعبانه أجبلها دوا اتنازل عن حاجات من كتر حبي ليها ديما تصورها بالفون بتاعي واعمل ذكريات ليها بس انا بقي مهما زعلت منها مش بعرف محبهاش بجد ساعات بزعل جدا اقوم عامله حاجه بتستفزها أو تدايقها لاني تعبت نفسيا منها هي علاقه الاخوات ديما فيها حب وضرب وزعل وخناق ديما بس لما بنتخانق غير مثلا الشتيمه أو ضربه كدا ديما بتقولي كلام يوجع زي محدش هيستحملك كفايه احنا مستحملينك واحنا اصلا مش مستحملينك عشان أنا صوتي بيبقي عالي غصب عني بحاول اعالج الحته دي بس وتقولي شوفي مين حواليكي صفر ولا حد محدش بيحبك محدش طايقك  وانتي سودا وكلام من دا  كمان بتبصلي نظره من فوق لتحت وامي تسكت بحس أن ماما مش بتعقبها خالص وبتعقبني انا والا دا كوم والي هحكيه كوم تاني هو طبعا احنا متربيين ع حاجات غلط وممنوعه ولازم يبقي في حدود بينييك وبين الولد بس انا غصب عني وربنا يعلم أنه كان غصب عني اني ارتبط بولد بس مكنتش قائله لا اصحابي ولا لأختي بس لما عرفت بدأت تقولي انتي بتعملي كدا لي متعمليش كدا وقولت ماشي بس انا مكنتش ببعد عنه بعد كدا امي عرفت وحصل مشاكل بس بعد فتره رجعنا اتكلمنا تاني كان غصب عني مش قادره مكلموش ف اختي تقوم تضربني في كل مره ارجعله ضرب مبرح وتشتمني وتقولي كلام وحش اوي وهو كل دا عارفه ولما بعدنا عن بعض تماما اكتشفت أنه هو الي غلط واختي لتحاول ترجعني للطريق الصح عشان خايفه عليا وبتحبني وترجعني لتربيتي انا عرفت أنه غلط بس مش هنسي ضربها ليا كان نفسي تخليني مصدر امان ونا مش هدور عليه برا كانت تحتويني نا ديما شايلهه هم اني اروح اتكلم معاها بذات فيمشاعري دلوقتي رجعنا اخوات عادي والتعامل عادي بس كل دا جوايا ومش عارفه أقوله لها بس لما كنا نتخانق تلمح للموضوع دا وتعايرني بيه بزعل جدا تقعد تقولي لي هوا انا انتي بس عشان كدا قولت انا مش باوفور بس لو حد شايف الموضوع من برا يقولي وينصحني

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Marshmallow_42306 🇪🇬

منذ 8 أشهر

شعور مذنب

French Fries_32710 🇪🇬 بصي انتي ممكن تيجي في مرة كده لو لقيتيها متضايقة او زعلانة و تحضنيها بس من غير ولا كلمة و تقوليلها انا اسفة على معاملتي الوحشة ليكي و صدقيني مش قصدي بعدين فهميها انك بتحبيها بس احيانا بتكوني متعصبة و مش بتقدر تستحملي ف بتتعصبي و تزعقي لأي حد قدامك و لو قعدت تزعق او تعيط او تصوت او أيا كان ده طبيعي لأنها لسه صغيرة و بعدين ابقي كل يوم اتطمني عليها ( في بارت تو عشان الحروف مكفتش )

عرض الكل 6 نصيحة

عبّر عن شعورك بشكل مجهول

احنا 3 أخوات بنات، أنا الوسط، الفرق بيني وبين أختي الصغيرة 8 سنين
أختي من ساعة م اتولدت وأنا كنت قريبة منها أوي وكنت دائماً أنا اللي معاها ودائماً لما بتعيط أنا اللي بعرف أسكتها وكنت بحبها أوي أوي وحبي ليها كان واصل ليها وكان مخليها بتحبني أوي ومتعلقة بيا أوي، كنت أنا اللي بعلمها كل حاجة عن نفسها وبحفظها قرآن ويعتبر أنا اللي مربياها، كانت بتعرفني أكتر م بتعرف ماما
بعد  ثلاث أو أربع سنين من ولادتها بدأت علاقتي بيها تبوظ تماماً، أنا اتحولت، بقيت عصبية أوي، بقيت دائماً بزعق ودائماً متضايقة رغم إني كنت لسه صغيرة، كنت في اعدادي ساعتها، المهم كنت معاها هي بالذات معاملتي وحشة أوي، وحشة لدرجة إنها بتخاف مني ومكنتش بتحب تتعامل معايا ودائماً بتبعد عني، بعد كده حصل مشاكل ف بقيت أنا وأختي الكبيرة اللي مسئولين عنها وقعدنا بيها لوحدنا في البيت مع بابا لمدة حوالي سنتين أو ثلاثة، بس بابا مكنش بيبقى موجود يعني، ساعتها علاقتي بيها بقت بايظة خالص ودائماً أنا بعاملها وحش وأختي الكبيرة كمان بتعاملها وحش وكنا دائماً بنتخانق مع بعض وفي مشاكل مع بعض، ساعتها ولاد خالتي كانوا شايفين علاقتنا دي واللي احنا بنعمله وبدأوا يتعاملوا معاها وحش أوي برضه، المهم بعد م ماما رجعت البيت وبقت هي المسؤولة عنها فضلت علاقتي بيها بايظة وكل مدى م بتبقى أسوأ، ودلوقتي هي عندها 10 سنين، ولسه معاملتي معاها وحشة أوي، المشكلة مبقتش في معاملتي أنا بس، المشكلة إن حتى معاملة أختي الكبيرة وولاد خالتي وجدتي وكل الناس اللي في حياتها بقت مش حلوة ومش لايقه تكون علاقة طبيعية لطفلة لسه صغيرة وأخر العنقود والمفروض تتدلع، حتى بابا بيعاملها وحش، كل الناس اللي  المفروض أنهم يبقوا قريبن ليها ويحبوها وهي بتحبهم من كل قلبها بيعاملوها وحش أوي
المهم أنا من حوالي سنتين أو أكتر عايزة بحاول أتغير معاها وبحاول أتعامل معاها كويس، بحاول أرجع علاقتنا زي زمان، عايزاها تحس إن على الأقل في حد واحد بيحبها ومهتم بيها وبيعاملها كويس، هي من كتر المعاملات دي بقت شايفة إن محدش بيحبها ومحدش مهتم بيها وإن هي شخص وحش وعشان خي كده كده وحشة ف خلاص هتبقى وحشة بجد ومبتسمعش الكلام وكده، بتتصاحب على بنات وحشة جداً وبيعلموها حاجات وحشة وهم كمان بيعاملوها أسوأ معاملة بس هي مش راضية تصدق ده وبقت دائماً بتذل نفسها ليهم وبتحبهم أوي ومش راضية تصدق إن هم مش بيحبوها، وكل اللي أنا قولته ده أقل بكتير من اللي بيحصل
المهم إن أنا كل م بحاول أتعامل معاها كويس مبعرفش، مبقتش عارفة أتعامل كويس خالص، مش عارفة أوصل ليها حبي، مش عارفة أوصل ليها اهتمامي، كأني بقيت متسستمة على التعامل الوحش معاها، عصبيتي قلت أوي عن زمان بس معاها بالذات ببقى عصبية أوي برضه، مش زي زمان بس برضه عصبية، كل م بزعق ليها أو أعمل ليها أي حاجة أو يحصل حاجة بتضايق أوي أول م الموقف يخلص، وبقول المفروض مكنتش أعمل كده، الفكرة إن أنا بغير عليها أوي وبخاف عليها وبتضايق جداً من أي حد بيعاملها وحش زي حتى لو أختي الكبيرة، ومببقاش عارفة أتكلم أقول متعملوش كده عشان معاملتي مش أحسن منها بس بتضايق، بقول على الأقل يبقى في شخص واحد بس بيعاملها كويس، ولو اتكلمت وقولت اتعاملوا كويس يقولوا أنتِ بتتعاملي أسوأ من كده واحنا بنعاملها أحسن منك والمفروض تتعاملي أحسن من كده، أنا مش عارفة أعمل ايه، مش عارفة أتعامل حلو أو حتى أبطل أتعامل وحش، مش عارفة أبطل أغير عليها، مش عارفة أبطل أحس بيها وأحس ب احساسها كأني هي، مش عارفة أرجع علاقتنا، وبتضايق لما بلاقيها بتعاملني حلو ساعات أو بتحبني أو بتحب اللي حواليها عامة، أنا حاسه وشايفة الحلو اللي جواها وهو كل مدى م بيقل بسبب معاملتنا
تفتكروا ايه الحل، وأعمل ايه، وايه سبب إني مش عارفة أتعامل كويس

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Watermelon_16423 🇪🇬

منذ 10 أشهر

شعور مهتم

المهم اختي ساعات بحسها بتتنمر عليا مع العلم انها بتكره التنمر و المتنمرين و العنص'ريين وكده .. و مكنتش بحس اوي لانو يعني كنت شايفة انها اختي ليه هتكون عايزة تضايقني ؟ و فعليا احنا بنحب بعض يعني و كنت بشوف اني الي مأفورة بس فمرة اتنمرت قدام اختنا و اختنا دي وقفتها عند حدها وقالتلها ليه بتقولي كده وبت

عبّر عن شعورك بشكل مجهول

هو عمتا مثلا بتقولي ايه الفلح ده او انتي فلاحة ولا ايه .. و في كلمات بكون بقرأها بالانجلش فلما بقولها بتقعد تعدلي النطق لدرجة فمرة قالتلي "هو انتي ليه قاعدة تنطقيهم كده لا و بتقولي انك شاطرة فالانجلش " و المشكلة اني مش برد عشان مكبرش الموضوع يعني هي بتجيبه بهزار او فنص نقاش فمبكونش عايزة اغير القعدة وكده و ساعات بحس انها فعلا بتهزر ولو انا خدتها جد هتضايق فبسكت ...

و كمان انه في فترة جت علينا كان بابا بيفضلني عنها انا بلذات وساعات مثلا مثلا ماما تسألنا اذا ذاكرنا فانا اقول اه وهي لا فماما تقولي شطورة وتضايق منها ،، فبحس اني مش هكون انا وهما عليها وبحاول استحملها عشان متشلش مني ،، بس برضو بقيت اتضايق لما بتقولي كده و برضو بحس اني الي مأفورة ويمكن هي بتهزر بس و يمكن لو رديت اجرح مشاعرها ،،

واحنا برضو علاقتنا مش بقرب انها تهزر معايا كده مشعارفة اعمل ايه بجد ومظنش في حل اصلا بس حبيت احكي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.