علاقة

Grape_21235 🇪🇬

منذ 55 دقيقة

شعور شاعر بالملل

نفتكرو العلاقه بين الراجل والست تبقى ازاى يعنى مين يبادر الاول بالكلام والاهتمام والخطوات 1- تبقى منه هو الأول والبنت تكون رد فعل 2- تكون بالنص بين الاتنين 3- الست هى الل تبادر وتبدا بكل حاجه والل هيختار اجابه يقول ليه

Pistachio_56798 🇪🇬 1 علشان تبقى غالية و الراجل يقدرها بالمجهود اللي عمله و لو بدأت يبقى مجرد تلميح ب وسيط بينهم

عرض الكل 12 نصيحة

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Strawberry_59493 🇪🇬

منذ 4 ساعات

شعور ضائع

موضوع:

اضطراب القلق والتوتر

عبّر عن شعورك بشكل مجهول

فى فتره جت عليا كانوا اهلى فيها بينهم مشروع انفصال رسمى يعنى (طلاق) ف الفتره دى اتعرفت على شاب معايا ف الشغل حد كويس مجتهد قادر يفهمنى لما بنتكلم و قربنا و هو محترم و انا الحمد لله متربيه ان مافيش صحوبيه و الكلام ده ف احنا اول ماحسينا ان فى كلام و كده بينا اخدت قرار انه لأ ماينفعش كده و بتاع و هو اخد قرار انه انا عايز اجى اتكلم مع اهلك الفكره انه ارتبط قبلى ٣ مرات و سقط سنتين ف الكليه و ساب كذا شغل و كده يعنى عشان كان بيشتغل و مركز ف الشغل اكتر و كده و كمان بعد التخرج ماكنش مستقر ف شغله كده ف اهلى لما عرفوا التفاصيل دى رفضوه و قالوا انه شخص مش اد المسؤليه و مش مستقر انا مش ضدهم بصراحه بس كنت دايما بفكر انه ادام مش فاشل او اللى هو بيسيب الشغله و يريح ف تمان يعنى عادى بس ده ماكنش عادى بالنسبه لاهلى و فضلت اسبوع مقلله كلام معاه خالص و بحاول انا اقنع اهلى لحد ما فقدت الامل و هم اكدولى ان رفضهم قطعى ف اما اتصل رديت و قولتله ان مافيش نصيب و طبعا الجمله الشهيره بتاعه اصل انتى ماحاولتيش و بتاع و انا كنت معديه باسبوع ممكن اقول عليه اسوء و اصعب و اطول اسبوع ف حياتى و بعدها بخمس شهور كان نزل استورى استفزتنى اوى عن النسيان و ان انت لازم تنسى ناس مالهاش لازمه و بتاع ف رديت و حصل كلام  وعتاب و غلطنى و غلطته و شبه اتصافينا و بعدها كان بارد اوى معايا بعدها ع طول بتلات ايام بالظبط قولتله عايزه افهم فيه ايه قال كلام كتير اوى انه اتجرح ف علاقات قبل كده و بتاع المهم ف اخر الكلام اننا ممكن نبقى صحاب و انا طبعا رفضت ده و انتهت القصه على كده . انا حاليا لا عارفه اشتغل ولا عارفه اتقبل اراء اهلى ف اى حاجه حتى لو تافهه مش عارفه افتح قلبى لحد برفض ناس لفكره انى خايفه بس اعمل ايه حاسه انى لا هعرف اتخطى ولا هعرف احب تانى و الاهم انى مش هعرف اثق تانى ف حد نهائى كل حياتى متشقلبه لدرجه انى بفكر اذاكر و اشوف فرصه شغل بره انا تعبانه نفسيا جدا و بيجيلى بانك اتاك و حالات تشنج كده مش مفهومه و انا طول عمرى احب اخرج و اضحك بقيت شخص عصبى مقريف و حقيقى بقيت صعبه اوى يعنى ، حد عنده حل ، او حد كان كده و تخطى

Chocolate_56196 🇪🇬

منذ 5 ساعات

شعور مكسور القلب

انا تعبانة بقالي فترة حبيت واحد لمدة اربع سنين وكان مديني اهتمام وحب عمرى مالقيته قبله وكان دائما بغير عليا من اي حد لو اتكلمت مع حد ف الشارع أو رحت محل او اي شخص اتكلم معايا دايما يعمل معايا مشكلة واستخملت معاه حاجات كتير علشان حبيته وحسيته هو كمان حبني بس ف الفترة الأخيرة زادت المشاكل وقالي انا نف

Strawberry_58650 🇪🇬

منذ 6 ساعات

شعور منزعج

Apple_59292 🇪🇬 توكسيك .. سبيه

عرض الكل 7 نصيحة

عبّر عن شعورك بشكل مجهول

السلام عليكم 
عاوزة اخد رأيهم ف الكلام دا انا مخطوبة لشخص هو محترم وكل حاجة بس عصبى جدا وكمان مبيفهمنيش بسهولة وديما لازم ابرر ليه كل حاجه وفى الاخر بردو ميقتنعش غير باللى هو عاوزه وبس حتى بقوله نتقاش فى اى موضوع بينا يقول تمام ووقت النقاش يطلع باعذار بايخة علشان يثبت رأيه ،بحسه طول الوقت تحكمى بس برجع بقول هو بيحبنى فعلشان كدا بيعمل كدا بس مش للدرجة ،وكمان فى نقطة أنى احس انه هو معايا تمام وفجأه يتغير ف حاجات وكأنه بيسمع لناس تانية فى حياته بس انا مش قادرة احدد هو كدا فعلا بآراء كتير ولا دا احساسي انا  وممكن يفضل ينتقدنى فى حاجات كتير بعملها مع أنى بجد واخدة بالى ف كل حاجة سواء لبس أو دراسه اة شغل ولا عمره شجعنى على اى حاجه بعملها كويسة ف حياتى ويرجع يقول انتى مبتتهتميش بيا مع أنه هو اللى مبيعملش حاجة ليا علشان انا اعمل وبستحمل ومش بحب اذيه بكلام ولا اى شئ بس هو لو جت فرصة مثلا لو مضايق منى ف حاجة ممكن يهينى بالكلام وانا بصراحة مبستحملش كدا وبأخد موقف بس بيرجع يعتذر ويفضل يقولى علشان حبى ليكى بعمل كدا بس انا مبقتش بقتنع بالكلام دا وطول الوقت بفكر ف البعد بس نفسي بتفضل تقولى اعذار علشان مسيبوهش وافضل اقول هيتغير بس لا مبيتغيرش خالص وانا بصراحة بقيت محتارة ف كل حاجة بسببه ولسه بردو مستمرة ف علاقة مش عارفه نهايتها ايه بالظبط هل انا فعلا مقصرة فى حاجة  ؟!!!

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_57321 🇪🇬

منذ 8 ساعات

شعور مكسور القلب

انا كنت مرتبط ببنت اول مدخلت الكليه حبينا بعض جدا جدا وبعدين سبنا بعض ف تانيه اخر السنه كده علطول عشان كان اهلها وافقوا ع واحد قربهم يخطبها وكده ومن ساعتها فضلت ترن كل فتره عليه ياما بترن تتطمن ياما تتخانق وتقول انا مش عايزاك وكده لحد مقطعت وانا بدات احاول اوصل ليها بس كانت كل مره ياتتخانق بردوا يا

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Watermelon_58109 🇪🇬

منذ 16 ساعة

شعور مرهق

الواحد من 2022 كدا وهو حاسس ان مفيش اي فرح مفيش حاجه فرحته لى ام ممكن تعامل بنتها بقسوه كدا بدون سبب بالعلم أن بنت على 3صبيان وبابا كويس واخواتى كويسين معايا لى ماما كدا بالعلم انى بحبها والله لى تاذينى بكلامها أما عرفت أن عندى تكيس مبايص قالتلى كلام اذانى اوى بتدعى عليا دائما بتقولى انت اصلا مش هتل

Sugar_57606 🇪🇬 هوا اولا الف سلامه عليكي ويارب يبعد عنك اي شر ثانيا دي معقده نفسيا لما تدعي علي بنتها كده او تشتمها وتهينها كده بصي متتعامليش معاهم خالص وخليكي في شغلك ولو مش متجوزه اشتغلي في محافظه تانيه واستقلي عنهم خالص لحد ما ربنا يرزقك بأبن الحلال اللي يصونك ويريحك من الهم دا 🥺❤️

عرض الكل 23 نصيحة

Carrot_26909 🇪🇬

منذ 17 ساعة

شعور محبط

عبّر عن شعورك بشكل مجهول

السلام عليكم ورحمه الله وبركاته 
انا من أربع سنين عرفت بنت وارتباطنا لحد بعد سنه ونص سبنا بعض ورجعنا بعد سنتين ومع بعض لحد من عشرين يوم تقريباً حصل مشكله عندها لما أخوها الأصغر منها شاف الشات والصور اللي بينا و المشكله كبرت بقيت عند والدتها وتاني يوم كلمتني كانت بتبكي عشان اللي حصل مع اني منبه عليها تمسح كل حاجه وهي ممسحتش حاجه المهم كانت بتكلمني وبتقولي أن اخوها هيعرف والدها وهتحصل مشاكل ليها وتطلع من الكليه وهتتحبس ف البيت وهياخدو منها الفون وكل حاجه وممكن يموتوا وكلام كتير وطلبت مني اكلم والدها واخد معاد وأروح اتقدم رسمي عشان نخلص من المشكله دي ومتتاذيش ووالدتها كلمتني وعشان كنت معرفها علي امي ف كلمتها هي ووالدتها وامي كلمت ابويا وحصل حوارات ولحد ما قررنا نخلص المشكله دي وابويا كلم ابوها واخدنا معاد وروحنا قبل العيد بكام يوم وخلصنا الحوار ده واحد قبل المشكله دي كانت علاقتنا تمام وبنتكلم يوميا ونتقابل وكل حاجه ماشيه تمام ومكانش حد يعرف حاجه ف بعد ما حصلت المشكله دي ورحنا اتقدمنا ودخلنا البيت من بابه وقرينا فاتحه وعدي يوم والتاني ولحد دلوقتي مفيش كلام ولا اي حاجه حتي يوم العيد كلمتها مردتش بعت واتس شافت ومردتش ومن ساعتها مبعتش تاني ولا حاولت أعرف حاجه تاني عشان انا قدرت ومتقدرتش وكلمت أبوها وكلمني وعيدت عليه وابويا كلمو برضو وتمام وكنت كل ما كا بنزل استوري تشوفو ومتردش ع رسالتي سواء المعايده او الي قبلها ووقت ما كنا عندهم ابوها قال هيسال عليا وعلي عليتي ولحد دلوقتى مردش غير يوم العيد من نفسو قال انا سألت نص السؤال وقال تمام سمع عننا كل خير وقال هيسال تاني ف شغلي واصحابي مش عارف ليه يعني هو فاكر نفسه رئيس مباحث 😂 بس قولنا ماشي أسأل براحتك وحقك تطمن ولحد دلوقتي ولا في رد ولا في تواصل والعلاقه بقيت شبه ميته 
وبخصوص اني اخد خطوه اني اتقدم واكلم أهلها وادخل البيت من بابه كانت هتحصل كده كده بس كانت هتحصل بعد خمس او أربع سنين من دلوقتي عشان وعدها ومديها كلمه وكنت قدها ووفيت الوعد ع الرغم المشكله بس انا كنت عاوز الموضوع ده يجي ف الوقت المناسب ومن غير مشكله زي ما حصل كده وبس
 آسف على الإطالة

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Waffle_59213 🇪🇬

منذ يوم واحد

شعور مكتئب

Avocado_58918 🇪🇬 متدخلش في علاقة مهما حصل و اصلا قبل كل ده دي علاقات محرمة بتغضب ربنا و كمان اتخذت فيها ممكن بعد كده من الأذى ده تكره الستات نتيجة لوحده معندهاش خبرة او كانت بتتكلم او عشان ربنا و اسباب كتير اوى اوى و علفكرة هترجع عادي جدا و هتتبرر و انا بحبك و انا بموت فيك و هتقول كل حاجة و انا عندي ظروف هنا دي النقطة الفيصلية يا ترجع لوجع القلب يا تختار ربنا و راحة نفسك الاختبارين بيوجعوا بس واحد بفائدة و الثاني

عرض الكل 14 نصيحة

عبّر عن شعورك بشكل مجهول

كان فيه بنت انا وهي كنا بنرطبت ونفركش ونرتبط ونفركش وهكذا وقولت خلاص انا هبعد عنها وبطلنا نتكلم لحد اما حصلت ظروفاً ما سألت عليا وانا قولت ارد السؤال وخلاص الموضوع ينتهي لا قالتلي انا نفسي ارتبط قولتلها عادي نرطبت وانا هنا بقول لنفسي اني غلطان المليون المية بس محبتش اجرحها ونقطة اني كنت لوحدي جدا الفترة دي ومحتاج حد بجد المهم فضلنا نتكلم ونتكلم لحد الصبح ودي كانت احلى ليله في حياتي بجد وفي الاول انا كنت متردد بحبها ولا لا و المشكله انا مدتهاش اجابه بس كنت مبسوط وانا معاها اوي لحد تاني يوم متكلمتش كتيير تلات يوم عملت بلوك من كل حتى وهنا الصدمة الاكبر انا اتعلقت بيها جدا وفي نوبة اكتأب لانها زعرت فيها الاهتمام والإنسانية وحاجات انا مفتقدها او عمرها ما حصلتلي تقريبا وفجأه مشيت عارف مينفعش اقول كده لاكن لحد النهارده وانا عامل اعيط مش عارف اعمل ايه والمضحك اكتر في الموضوع اني كنت بتريق على اي حد بعد ما حد غالي عليه سابه ويفضل يعيط وانا فركشت كتير ومعيطش غير وانا في اعدادي لأنه كان الحب الاول والمصيبة انا مش عارف انا مكتأب ليييهه وبعيط ينهار ازرق مش عااارف هل حبتها هل اتعلقت بيها عشان اهتمت بيا ولا ايه ولا ايه ولا ايه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_59145 🇪🇬

منذ يوم واحد

شعور وحيد

عبّر عن شعورك بشكل مجهول

حبيت واحده في الثانوية العامه و كنت شايفها كل حاجه مع كل وقت كان بيعدي بنا كنت بتعلق بيها اكتر و هي قالتلي انها كانت مرتبطه بشخص قبلي و انها مكنتش بتحبه و هو اللي كان ديما بيحاول يكلمها و انا قولتلها امي كنت مرتبط قبل كده بردوا عشان مكنتش عايز ابينلها اني معنديش تجارب و هي كانت عندها و كملنا و كانت بتبدلني كل حاجه في الاول و مع الوقت بيقت احس أن طريقتها اتغيرت و حبها قل و انا كان حبي و شغفي كان بيزيدوا كنت مستعد اعمل المستحيل عشان بس تبقا ليا كنت راجل و ناوي بجد اعمل اي حاجه عشان مبقاش بكلمها من ورا اهلها أو كده و اكمل معاها طول حياتي و رتبت الدنيا عليها بس كل مره اكلم معاها احس أن حبها عمال يقل و جيت في مره قولتلها اني ليه بقيتي كده و زعقت معاها و قفلت في وشها السكه وقتها قولت انا ايه إللي انا عملته ده و تعلقي بيها مقدرتش و اتصلت بيها في وقتها و زعقتلي و قالتلي ممكن تسبني شويه و انا أعدت اقولها انا اسف و بعد كده اتفقنا نتكلم بعد الثانوية العامه عشان انا كان مستويات عمال ينزل جماد و معنتيش شايف حاجه غيرها بس مقدرتيش و دخلت كلمتها معرفتش ابعد عنها و كلمتها و أعدت اعيط زي العيل الصغير اللي عايز أمه و أقولها مش تبعدي عني راحت زعقتلي و قالتلي انا قرفت مع العلم انها كانت في اول علاقتنا كانت بتفضل تتصل بيا و تعد تعيطي و انا كنت اعد اطمن فيها و أقولها انا معاكي و والله مشوفتش مني حاجه وحشه كنا ايام الدروس اخد فلوس اللي انا محوشها و اروح اجبلها حاجات و احنا ماشين بعد الدروس و كنت نفسي اجبلها اي حاجه هي تتضمها كنت هخسر صاحب عمري عشانها بعد م قولنا نبعد و انا مقدرتيش رجعنا يومين و بقولها انا مش هقدر ابعد عنك قالتلي حاول و كانت دي اكتر حاجه وجعتني و اعد يحصل بنا مشاكل كانت بتحاول تعمل اي مشاكل و تستني اي غلطه و انا اعد أقولها متبعديش عني و  في مره امها عرفت و قالتلي ابعدوا يا ابني انتوا ليه صغيرتين و بعدت فعلاً زي م قالتلي و في أيام المراجعات رجعت كلمتني تاني و قالتلي عامل ايه و كده و قولتلها تعالي ترجع و رجعنا بس طريقتها كانت برده معايا اوي و يعتبر كانت بترد عليا بس و بعد يومين بقولها انتي ليه بتعنليىكده قالتلي هو احنا رجعنا قولتلها انتي قولتي ماشي تعال نرجع قالتلي انا مقولتش كده و حالتي النفسية تضمر يوم بعد يوم و اتعب و اعلق محليل و اخد ادويه و مذاكره صفر بعد م كنت بقفل كل الامتحانات الامتحانات دخلت و انا لسه مش عارف الم حاجه بعدنا و انا نفسي اضمرت و في امتحانات و حاولت اعمل اللي عليا و الحمد الله عديت و جبت مجموع حلو بستر ربنا بس لسه جوايا وجع ووكل شويه اسمع و اعرف حاجه كان الحب عميني عنها عرفت انها كانت بتكلم ولاد كتير قبلي و انها مكنتش كويسه و حالتي لسه بعد كل ده بتضمر و رغم كل ده بس انا شايف أن دي مش الانسانه اللي حبتها و كل اللي كنت عايزه الاسنانه اللي عرفتها في الاول اللي كانت بتحبني و انا بحبها رجعت احاول اكلمها بس كل اللي كنت عايزه اكلم الانسانه اللي عرفتها في الاول رجعت اكلمها و قالتلي لازم نبعد قولتلها بس انا بحبك و قولتلها طب استنيني و هي قالتلي بإذن الله و قالتلي انا والله مبفكرش في الارتباط و الحب ده تاني و عايزه اهتم بدراستي سعتها كان وقت اختيار الكليات و انا و هي كنا جايبين نفس المجموع و بالصدفة حالي نفس كليتها و كنت ناوي ادخل معاها و بعدنا زي م هي قالت و هي قالتي انا مش هرتبط دلوقتي ولا اي حاجه و بعد مرور شهر بعد م بعدنا حد بعتلي صورتها هي و خطيبها و هي مبسوطه اوي في الصوره فاكر اليوم ده كان بليل أعدت اعيط طول الليل لغاية أصبح و نفسي مش اضمرت دي ماتت حرفياً و بعدت خالص و حاولت انسي و هي كانت عملالي بلوكات و دخلت كليه تانيه غير كليتها عشان انسي و بعد شهر عرفت انها انفصلت و فكت البلوكات اللي كانت عملهالي بس المرادي مدخلتيش و مش هنكر اني تخطيت بس انا لسه جوايا كسر كبير اوي رغم أن الموضوع داخل عليه سنه بس لسه في حاجه غلط أكن في جرح في قلبي عميق اوي بعيط بس من غير دموع لسه يراقبها من بعيد لبعيد مش عارف انسي ولا عايز ارجع دخلت ناس حياتي بعدها بس معرفتش احب بعدها و ظلمت واحده معايا بس انا والله م بأيدي انا حاسس اني في طريقه مقفول محبوس في النص مستني اي إنجاز في حياتي يجي عشان هي تعرف افضل أرقب فيها طول الوقت لو ماشي في الطريق ممشيش من الطريق السهل و امشي من الشارع بتاعها و أكن حياتي وقفت عليها و الفكره اني مش عارف انسي ولا عايز ارجع كل ذكره لسه في بالي سواء حلوه او وحشه لسه انا بحاول احسن من نفسي عشان اليوم اللي تشوفني فيه محبوس في سجن

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_59063 🇪🇬

منذ يوم واحد

شعور مكسور القلب

عايزه احسن علاقتى مه اختى الصغيره انا عندى ١٦ وهى ١٤ بيتخانق علطول عشان اللبس عشان ترويق البيت واسلوبها مش حلو وزعيق وبطلعنى انا اللى غلطانه علطول وبحس انى بالى عل. نفسى من تعاملها معايا ولا كانى اختها الكبيره وماما ما بتحكم ما بينا ولا بابا بيزعل لنا احنا الاتنين واخويا بيطلعوا انا بردو اللى غلطانه

Chocolate_58050 🇪🇬 صدقني انت في نعمه الاخ او الاخت دي حاجه جميله جدا حافظ عليها نجيب لها هدايا فرحها تتخانقش معاها وكبر دماغك لما تاخد هدوم او حاجه صدقني دي نعمه كبيره جدا مش هتحس بيها دلوقتي بس غيرك اكيد هيكون حاسس مفيش مشكله ان هي تاخد من هدومك او تنزل عليك وانت برده اكيد بترخم عليها وبترزل عليها يعني العبوا مع بعض جيب لها هديه حتى لو كيس شيبسي وانت مروح البيت صدقني هتحبك في اكتر

عرض الكل 4 نصيحة

Almond_55898 🇪🇬

منذ يوم واحد

شعور متوتر

Blueberry_58350 🇪🇬 زي ما عمل مع مراتو و خانها هيخونك دا غير انك كدا لو اتجوزتيه بعيدا عن اهلك انتي بتاخديه من مراته و عياله بتقهري واحده انتي عارفه هتدعي قد اي و كمان الجواز مش هكون صح لو الشروط الدينيه فهي مش موجوده غير كل دا انتي تستحقي واحد زيو زيك قدك او اكبر بحاجه بسيطه عمرو ما عاش حب غير معاكي و ليكي لي تدفني نفسك مع دا

عرض الكل 8 نصيحة

عبّر عن شعورك بشكل مجهول

لو انا مثلا كنت بكلم حد من وانا كان عندي ١٧ سنه لحد ما بقا عندي ٢١ سنه بعد كل المده دي اكتشفت انه متجوز 
ما عرفتش ازاي لأن ببساطه كان مسافر وكنا بنتكلم ٢٤ ساعه ما كانش بيكون مشغول ابدا او حد واخد له وقته غير الشغل وكمان كان بيكلمني ف الشغل بتاعه او وهو رايح الشغل كمان ولما عرفت اتخانقنا وبعدت عنه وبالذات انه اخد وقت كبير اوي من مراهقتي وفرق السن بينا كبير ف كان قادر يحتويني وفعلا حاليا في شويه مشاعر وحب ليه انا حاليا ماشيه ف ال٢٣ ف خلال السنتين دول بعد ما عرفت بعدت عنه كتير اوي بالشهور وهو من فتره للتانيه بيرجع يكلمني وف خلال الفتره دي عرض عليا الجواز مرتين او ٣ مرات آخرها من كام يوم انا طبعا اهلي مستحيل يوافقو ع حاجه زي دي لأن فرق سن بينا كبير ومتجوز ومخلف وانا اساسا بدرس لسه (ف كليه طبيه)ولسه قدامي ٣ سنين ده بالنسبه لأهلي وبالنسبه لي انا خايفه انا عايزه لو هتجوز حد تكون حياه استقرار مش اتجوز وارجع اتطلق تاني خايفه فعلا اتجوزه ويرجع بعد كل العشم ده وبعد ما رسملي البحر طحينه يتخلي عني ويسيبني انا مش عارفه انا بحبه حب امتلاك او مش عارفه اسمه اي بالظبط بس حد مريحني وفاهم دماغي بالملي وقادر انه يكون راجل ليا ف ده اللي انا عايزاه بالظبط بس ف نفس الوقت في طرف تالت في زوجه وابن اللي هو اساسا كان قالي انه علاقته بمراته مش كويسه وانه جواز صالونات بس علشان الاهل وأنهم مش بيحبو بعض ولما قالي من كام يوم ع الجواز وقولت له ف لنفترض اني وافقت طب والبيت عندك وأهلك اوازاي قالي ماحدش ليه دعوه ولا حد يقدر يتدخل ف قراري 
بس انتو فاهمين انا مش عايزه اتجوزه برضو انا ضد الزوجه التانيه اساسا وضد ان حد يشاركني فيه وضد انه يطلق مراته بس ده حد فعلا كان ف حياتي ف سن المراهقه واكتر فتره صعبه بتعدي ف حياه اي حد وقت ماكنش فاهمه نفسي هو كان فاهمني وبقالي ٧ سنين حرفيا شاف عني وعرف عني وسمع مني وحل لي مشاكل اللي اهلي ما يعرفوهاش اصلا ف بقيت فعلا مش عايزاه يبعد بس كل الظروف بتقول ما ينفعش يقرب

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Cherry_58987 🇪🇬

منذ يوم واحد

شعور مكسور القلب

موضوع:

لو رجع بيك الزمن هتحب نفس الشخص تاني؟

عبّر عن شعورك بشكل مجهول

معتقدش ابدا عمري ما هتمني ارجع احبو تاني كان بيروح لبنات غيري و لما يفركش كان يجيلي او لما كان يعملي بلوك كان يفكو و يتكلم طبيعي كنت بعمل نفسي مش واخده بالي و كنت بحاول احافظ علي علاقتنا عشان كنت عارفه قد ايه المره اللي فاتت كان سهل استبداله فيه انا كرهتو و كرهت كل حاجه تخص ذكرياتنا مع بعض انا بكرهو قد ايه سهل  عندة يبيعني بس انا كان نفسي نكمل و يحبني زي ما حبيتو بيقولي بحبك بكلمه بحبك عمرو ما جرب يفهمني ياريتني ما حبيتو ضيعت سنتين ونص في حب مش حقيقي ده بيأذيني نفسيا ده مدمني نفسيا 
انا عشت اول سبع شهور معاه في فراشات و حب بس جه هوا موتني ب كلامو يوم ما سابني عشان خاطر واحده تانيه وهو معاه اكونتي بقا يخش شاتات صحابي و يشتمني فيها ب أقذر الشتايم انا بكرهو يارتني ما عرفتو ياريت كانت حياتي هتبقا احسن محدش كان هيشمت فيا اني حبيت واحد و قولت عليه راجل و في الاخر يعمل معايا كده ده كان بيكلمها عليا و انا معاه كان يعرفها و بيتكلم اجي أسألو دي مين اللي ضايفاك عندها و انت ضايفها يقولي معرفهاش و اجي اقولو انا حاسه انك بتكلم حد عليا يقولي روحي نامي و يقلب الموضوع هزار ربنا ما يكرمو ف حياتو يارب بتمني يارب ان قلبو يتكسر زي ما كسرني و راح فضلها عليا انا ، انا الي كنت مستعده اموت عشانو بس طلع اقذر من الي كنت متوقعاه كان يكتب كومنتس للبنات و يعاكس فيهم كان يقول عادي مقصدش ده عشان في ناس كتير بتكرهها ربنا ما يسامحك علي كسره قلبي يارب

Apple_57874 🇪🇬

منذ يوم واحد

شعور متوتر

مش عارف انا غلطان ولا لا انا كنت اعرف بنت وكنا صحاب قريبين من بعض جدا جدا الموضوع قعد سنين حوالي 7 او 8 سنين صحاب وبعدين ارتبطنا بس بعد ما ارتبطنا و قربنا اكتر لاقيت اني مش مرتاح معاها و هو كانت بتغير زياده عن اللزوم بما اننا كنا صحاب ف بالتالي عارفه انا ارتبط ب كام وواحده وسيبنا بعض ليه و اتعرف

التجربة أفضل عبر التطبيق

حمّل تطبيق توهيل على هاتفك لتجربة أسرع