أبوها رفضني وقطعت عشان مينفعش نط من الشباك

Question

كنت ف علاقة لمدة طويلة كذا سنه مع بنت وفعلا بنحب بعض لحد ما خلصنا كليه وروحت اتقدمتلهة
ولاكن ابوها رفض بس ورفض بطريقة زى ما بنقول وحشة أو داس عليا وعلى ظروفي 
مشفش اني لسه متخرج أو شب رفض حتي لما قولتله لينا قعدة تاني مع بعض قالى الموضوع اتقفل بالنسبالي 
بس البنت متمسكة بيا وبتحبني وانا متمسك بيها 
بس مينفعش نفضل نتكلم ف قطعنا انا وهي خالص كلام بقالنا 3 اسابيع 
علشان مينفعش نتكلم خلاص عيب وكفاية كلام من ورا اهلها انا مش عاوز ده انا دخلت بيت من بابه وأبوها رفض مينفعش دلوقتي انط من الشباك واكلمها
ف قررت نقطغ خالص
لحد ما لو ربنا أراد نكون مع بعض هيكون بس انا هتعب واشتغل واحاول اعمل اللى عليا ع قد ما اقدر واما اجهز هجيلها بس مش عارف فعلا ده صح غلط اللى عملتو وهي كل اسبوع مره بتبعت تقول عامل اي وارد ع القد وخلاص  انا مش عارف فعلا ده صح وافضل متمسك بقرارى أن هعمل اللى عليا و لما احس اني جاهز ب المواصفات اللى ابوها عاوزها اجي ولا اي انا مش عارف

Coconut_68392 🇪🇬 · Answer

هي اختارت راجل حقيقي 
ربنا يثبتك علي قرارك ويرزقك كل اللي تتمناه سواء فلوس او وظيفة وهي كمان لو خير ليك ربنا يقربكم عاجلا غير اجل ويفرحكم سوا + قرارك صح جدا عشان حتي لو لاقدر الله ومعرفتوش تكونو سوا تكونو اتأقلمتو شوية علي البعد..

Pistachio_29590 🇪🇬 · Answer

حتي لو حصل نصيب بينكو هتتعب نفسيا جدا من ابوها هيفضل متحكم ف كل حاجه و اعملي كذي و قولي كذي وانت مش هتقدر تستحمل ف خليك ع وضعك احسن كده كده لو حد ليه نصيب ف حاجه هياخدها ونصيبك هيجي لحد عندك واللي عملته مش غلط كل إنسان ليه طاقه و الكرامه فوق اي حاجه

Orange_77801 🇪🇬 · Answer

كان ليا واحدة صاحبتى كانت مرتبطة  بواحد وعايزة اقولك اتقدملها حوالى 3 مرات لغاية ما ابوها وافق ودلوقتى متجوزين الحمد لله

Pistachio_29590 🇪🇬 · Answer

مش مراعين حالته الماديه و ابوها قاله الموضوع اتقفل بالنسبالي ف يروح تاني ازاي ده يعني

Mango_74700 🇪🇬 · Answer

صحبي انت راجل جدع
انوي النية لله انك عاوزها في الحلال و اتوكل على الله و ربنا هيكرمك بإذن الله
وصدقني هتلاقي معجزات بتحصلك علشان تتجوزها علشان النبي عليه الصلاة والسلام قال ثلاثة حق على الله عونهم ، منهم الناكح الذي يريد العفاف دا الي هو انت
ف تخيل بقى انه حق على ربنا انه يعينك
متشيلش هم يا صحبي انت بس توكل على الله و ابقى ادعيني في فرحك 😘

Orange_77801 🇪🇬 · Answer

انا بقول اللى انا شوفتة ودى قصة اقرب واحدة من صحابى وكان والدها رافضة جدا  وقالة برضو كلام ميتقالش بس هو بجد حاول عشانها.. ..اية المشكلة يستنى شوية ويحاول طالما بيحبها واكيد مع الوقت نظرة ابوها هتتغير لما يشوفة انه فعلا عاوزها وبيعمل اللى بيقدر علية

Cherry_71804 🇪🇬 · Answer

بص حاول واجتهد بس مش علشان حاجه او حد عشان نفسك وطول م البنت كويسه وانت بتحبها اتمسك بهدفك وبيها وعلشان كمان الدنيا دي محتاجه اللي يقدر يعمل مش اللي يحط ايدو علي خدو ويقول منا خلاص حاولت مره  وافتكر ان برضو باباها عاوزلها الاحسن اينعم طريقتو غلط بس معلش خوف الاب برضو اثبتلو انك راجل وان لولا البنت مكنتش دخلت البيت دا تاني بس هيا ملهاش ذنب وبتحبك اتمسك بيها وبحبك وحارب حتي لو اضطريت تحارب الدنيا